1	கலகக்காரரான புதல்வருக்கு ஐயோ கேடு! என்கிறார் ஆண்டவர். என்னிடமிருந்து பெறாத திட்டத்தைச் செயல்படுத்துகின்றனர்: என் தூண்டுதல் இன்றி உடன்படிக்கை செய்கின்றனர்: இவ்வாறு பாவத்தின் மேல் பாவத்தைக் குவிக்கின்றனர்.	ஏசா 30:9 ஏசா 1:2 ஏசா 63:10 ஏசா 65:2 உபா 9:7 உபா 9:24 உபா 29:19 எரே 4:17 எரே 5:23 எசே 2:3 எசே 3:9 எசே 3:26 எசே 3:27 எசே 12:2 எசே 12:3 ஓசி 7:13 அப் 7:51 அப் 7:52
2	என்னைக் கேளாமலேயே எகிப்திற்குப் புறப்பட்டுச் செல்கின்றனர்: பார்வோன் ஆற்றலில் அடைக்கலம் பெறவும் எகிப்தின் நிழலில் புகலிடம் தேடவும் போகின்றனர்.	ஏசா 20:5 ஏசா 20:6 ஏசா 31:1-3 ஏசா 36:6 உபா 28:68 2இரா 17:4 எரே 37:5 எரே 43:7 எசே 29:6 எசே 29:7
3	பார்வோனின் அடைக்கலம் உங்களுக்கு மானக்கேட்டைக் கொணரும்: எகிப்தின் நிழலில் புகலிடம் தேடுவது உங்களுக்கு இகழ்ச்சி ஆகும்.	ஏசா 30:5-7 ஏசா 20:5 எரே 37:5-10
4	யூதாவின் தலைவர் சோவானுக்கு வந்தனர்: அதன் தூதர் ஆனேசுக்குச் சென்றனர்.	ஏசா 57:9 2இரா 17:4 ஓசி 7:11 ஓசி 7:12 ஓசி 7:16
5	பயனற்ற மக்களினத்தை முன்னிட்டு அனைவரும் மானக்கேடடைவர்: அவர்களால் யாதொரு உதவியோ பயனோ இராது: ஆனால் மானக்கேடும் அவமதிப்புமே மிஞ்சும்.	ஏசா 30:16 ஏசா 20:5 ஏசா 20:6 ஏசா 31:1-3 எரே 2:36
6	நெகேபிலுள்ள விலங்கினங்களைப் பற்றிய இறைவாக்கு: கடுந்துயரும் வேதனையும் நிறைந்த நாடு அது: பெண்சிங்கமும் ஆண்சிங்கமும், விரியன் பாம்பும் பறக்கும் நாகமும் உள்ள நாடு அது! இத்தகைய நாட்டின் வழியாய், கழுதைகளின் முதுகின்மேல் அவர்கள் தங்கள் செல்வங்களையும் ஒட்டகங்களின் திமில்கள்மேல் தங்கள் அரும்பொருட்களையும் சுமத்தி, முற்றிலும் பயனற்ற மக்களினங்களுக்குக் கொண்டு செல்கிறார்கள்.	ஏசா 46:1 ஏசா 46:2 ஏசா 57:9 ஓசி 8:9 ஓசி 8:10 ஓசி 12:1
7	எகிப்தியர் செய்யும் உதவி பயனற்றது: ஆதலால் நான் அவர்களைச் “செயலற்ற இராகாபு” என அழைத்தேன்.	ஏசா 31:1-5 எரே 37:7
8	இப்பொழுது நீ சென்று அவர்கள் முன் பலகையில் பதித்து வை: ஏட்டுச்சுருள் ஒன்றில் எழுதிவை: வருங்காலத்திற்கென என்றுமுள சான்றாக அது விளங்கும்.	ஏசா 8:1 உபா 31:19 உபா 31:22 யோபு 19:23 யோபு 19:24 எரே 36:2 எரே 36:28-32 எரே 51:60 ஆபகூ 2:2
9	ஏனெனில், அவர்கள் கலகம் செய்யும் மக்களாயும் பொய்யுரைக்கும் பிள்ளைகளாயும், ஆண்டவரின் திருச்சட்டத்திற்குச் செவிசாய்ப்பதை விரும்பாத பிள்ளைகளாயும் உள்ளனர்.	ஏசா 30:1 ஏசா 1:4 உபா 31:27-29 உபா 32:20 எரே 44:2-17 செப் 3:2 மத் 23:31-33 அப் 7:51
10	திருப்பார்வையாளரிடம் அவர்கள் “திருப்பார்வை காண வேண்டாம்” என்றும், திருக்காட்சியாளரிடம், “எங்களுக்கென உண்மையானவற்றைக் காட்சி காணவேண்டாம்: இனிமையானவற்றை எங்களுக்குக் கூறுங்கள்: மாயமானவற்றையே கண்டு சொல்லுங்கள்:	1இரா 21:20 2நாளா 16:10 2நாளா 18:7-27 2நாளா 24:19-21 2நாளா 25:16 எரே 5:31 எரே 11:21 எரே 26:11 எரே 26:20-23 எரே 29:27 எரே 38:4 ஆமோ 2:12 ஆமோ 7:13 மீகா 2:6 அப் 4:17 அப் 5:28 1தெச 2:15 1தெச 2:16 வெளிப் 11:7
11	தடம் மாறிச் செல்லுங்கள்: நெறியை விட்டு விலகுங்கள்: இஸ்ரயேலின் தூயவரை எங்கள் பார்வையிலிருந்து அகற்றுங்கள்” என்கிறார்கள்.	ஏசா 29:21 ஆமோ 7:13
12	ஆதலால் இஸ்ரயேலின் தூயவர் கூறுவது இதுவே: என் எச்சரிக்கையை நீங்கள் அவமதித்தீர்கள்: அடக்கி ஆள்வதிலும் ஒடுக்குவதிலும் நம்பிக்கை வைத்தீர்கள்: அவற்றையே பற்றிக் கொண்டிருந்தீர்கள்.	ஏசா 30:1 ஏசா 30:7 ஏசா 30:15-17 ஏசா 5:24 ஏசா 31:1-3 2சாமு 12:9 2சாமு 12:10 ஆமோ 2:4 லூக் 10:16 1தெச 4:8
13	ஆதலால், உயர்ந்த மதிற்சுவரில் இடிந்துவிழும் தறுவாயிலுள்ள பிளவு திடீரென்று நொடிப்பொழுதில் சரிந்து விழுவதுபோல் இந்தத் தீச்செயல் உங்கள்மேல் விழும்.	1இரா 20:30 சங் 62:3 எசே 13:10-15 மத் 7:27 லூக் 6:49
14	அது இடிந்து வீழ்வது, குயவனின் மட்கலம் சுக்குநூறாய் உடைந்து போவதுபோல் இருக்கும்: அடுப்பிலிருந்து நெருப்பு எடுப்பதற்கோ பள்ளத்திலிருந்து நீர் மொள்வதற்கோ உடைந்த துண்டுகளில் எதுவுமே உதவாது.	சங் 2:9 எரே 19:10 எரே 19:11 வெளிப் 2:27
15	என் தலைவரும் இஸ்ரயேலின் தூயவருமான ஆண்டவர் கூறுவது இதுவே: நீங்கள் என்னிடம் திரும்பி வந்து அமைதியுற்றால் விடுதலை பெறுவீர்கள்: அமைதியிலும் நம்பிக்கையிலுமே நீங்கள் வலிமை பெறுவீர்கள்: நீங்களோ ஏற்க மறத்தீர்கள்.	ஏசா 30:11 எரே 23:36
16	16”முடியாது, நாங்கள் குதிரை ஏறி விரைந்தோடத்தான் செய்வோம்” என்கிறீர்கள்: ஆம், தப்பியோடத்தான் போகிறீர்கள்: “விரைந்தோடும் தேரில் ஏறிச்செல்வோம்” என்கிறீர்கள்: ஆம், உங்களைத் துரத்தி வருபவர் விரைந்து வருவார்.	ஏசா 5:26-30 ஏசா 10:28-32 ஏசா 31:1 உபா 28:25 2இரா 25:5 சங் 33:17 சங் 147:10 எரே 52:7 ஆமோ 2:14-16 ஆமோ 9:1 மீகா 1:13
17	ஒருவன் மிரட்ட, நீங்கள் ஆயிரம் பேர் ஓடுவீர்கள்: ஐவர் அச்சுறுத்த நீங்கள் உயிர் தப்பி ஓடுவீர்கள்: மலை உச்சிக் கொடிமரம் போல், குன்றின்மேல் சின்னம்போல் எஞ்சி நிற்பீர்கள்.	லேவி 26:8 லேவி 26:36 உபா 28:25 உபா 32:30 யோசு 23:10 நீதி 28:1 எரே 37:10
18	ஆதலால் உங்களுக்குக் கருணை காட்ட ஆண்டவர் காத்திருப்பார்: உங்களுக்கு இரங்குமாறு எழுந்தருள்வார்: ஏனெனில் ஆண்டவர் நீதியின் கடவுள்: அவருக்காகக் காத்திருப்போர் நற்பேறு பெற்றோர்.	ஏசா 55:8 யாத் 34:6 ஓசி 2:14 ரோம 5:20 ரோம 9:15-18
19	சீயோன் வாழ் மக்களே, எருசலேமில் குடியிருப்போரே, நீங்கள் இனி ஒருபோதும் அழமாட்டீர்கள்: அவர் உங்கள்மேல் திண்ணமாய் அருள்கூர்வார். நீங்கள் கூப்பிடும் குரலுக்குச் செவி சாய்த்து உங்களுக்கு மறுமொழி அளிப்பார்.	ஏசா 10:24 ஏசா 12:6 ஏசா 46:13 ஏசா 65:9 எரே 31:6 எரே 31:12 எரே 50:4 எரே 50:5 எரே 50:28 எரே 51:10 எசே 20:40 எசே 37:25-28 செப் 3:14-20 சகரி 1:16 சகரி 1:17 சகரி 2:4-7 சகரி 8:3-8 ரோம 11:26
20	என் தலைவராகிய உங்கள் போதகர் உங்களுக்கு துன்பமெனும் அப்பத்தையும் ஒடுக்குதலெனும் நீரையும் கொடுத்திருந்தாலும், இனித் தம்மை மறைத்துக்கொள்ள மாட்டார்: உங்கள் போதகரை நீங்கள் கண்ணால் காண்பீர்கள்.	உபா 16:3 1இரா 22:27 2நாளா 18:26 சங் 30:5 சங் 80:5 சங் 102:9 சங் 127:2 எசே 4:13-17 எசே 24:22 எசே 24:23 அப் 14:22
21	நீங்கள் வலப்புறமோ, இடப்புறமோ எப்பக்கம் சென்றாலும் “இதுதான் வழி, இதில் நடந்து செல்லுங்கள்” என்னும் வார்த்தை பின்னிருந்து உங்கள் செவிகளில் ஒலிக்கும்.	ஏசா 35:8 ஏசா 35:9 ஏசா 42:16 ஏசா 48:17 ஏசா 58:11 சங் 25:8 சங் 25:9 சங் 143:8-10 நீதி 3:5 நீதி 3:6 எரே 6:16 1யோவா 2:20 1யோவா 2:27
22	அப்போது வெள்ளி பொதிந்த உங்கள் சிலைகளையும் பொன் வேய்ந்த உங்கள் வார்ப்புப் படிமங்களையும் தீட்டாகக் கருதுவீர்கள்: தீட்டானவையாக அவற்றைக் கருதி வெளியே வீசித் “தொலைந்து போ” என்பீர்கள்.	ஏசா 2:20 ஏசா 2:21 ஏசா 17:7 ஏசா 17:8 ஏசா 27:9 ஏசா 31:7 2இரா 23:4-20 2நாளா 31:1 2நாளா 34:3-7 எசே 36:31 மீகா 5:10-14 சகரி 13:2 வெளிப் 19:20
23	நீங்கள் நிலத்தில் விதைத்துள்ள விதைமீது ஆண்டவர் மழை பொழிவார்: நிலத்தின் விளைவான உணவு செழுமையாகவும் மிகுதியாகவும் இருக்கும்: அந்நாளில் உன் மந்தை பரந்த மேய்ச்சல் வெளியில் மேயும்.	ஏசா 5:6 ஏசா 32:20 ஏசா 44:2-4 ஏசா 55:10 ஏசா 55:11 ஏசா 58:11 சங் 65:9-13 சங் 104:13 சங் 104:14 சங் 107:35-38 எரே 14:22 எசே 36:25 எசே 36:26 ஓசி 2:21-23 யோவே 2:21-26 ஆமோ 4:7 ஆமோ 4:8 சகரி 8:11 சகரி 8:12 சகரி 10:1 மல்கி 3:10 மத் 6:33 1தீமோ 4:8
24	முறத்தாலும் சுளகாலும் தூற்றப்பட்டுச் சுவையூட்டப்பட்ட தீனியை நிலத்தை உழும் காளைகளும் கழுதைகளும் தின்னும்.	உபா 25:4 1கொரி 9:9 1கொரி 9:10
25	கோட்டைகள் இடிந்து விழுகின்ற மிகப்பெரும் அழிவுநாளில் வானளாவிய மலைகள் அனைத்தின் மேலும் உயர்ந்த குன்றுகள் அனைத்தின் மேலும் கால்வாய்களும் நீரோடைகளும் தோன்றும்.	ஏசா 2:14 ஏசா 2:15 ஏசா 35:6 ஏசா 35:7 ஏசா 41:18 ஏசா 41:19 ஏசா 43:19 ஏசா 43:20 ஏசா 44:3 ஏசா 44:4 எசே 17:22 எசே 34:13 எசே 34:26 யோவா 7:38 வெளிப் 22:1
26	ஆண்டவர் தம் மக்களின் முறிவுகளைக் கட்டி, தாம் அடித்து ஏற்படுத்திய காயங்களைக் குணமாக்கும் நாளில், நிலவின் ஒளி கதிரவன் ஒளிபோலாகும்: கதிரவன் ஒளி ஏழு பகல்களின் ஒளி ஒன்று திரண்டாற்போல ஏழு மடங்காகும்.	ஏசா 11:9 ஏசா 24:23 ஏசா 60:19 ஏசா 60:20 சகரி 12:8 சகரி 14:7 வெளிப் 21:23 வெளிப் 22:5
27	இதோ, ஆண்டவரின் திருப்பெயர் தொலையிலிருந்து வருகின்றது: அவர் கனல்கக்கும் சினத்தோடும் பொறுக்க ஒண்ணாச் சீற்றத்தோடும் வருகின்றார்: அவர் உதடுகள் கடும் சினத்தால் துடிக்கின்றன: அவர் நாக்கு பொசுக்கும் நெருப்பைப் போன்றது.	ஏசா 9:5 ஏசா 10:16 ஏசா 10:17 ஏசா 33:12 ஏசா 34:9 உபா 32:22 உபா 33:2 சங் 18:7-9 சங் 79:5 புலம் 1:12 புலம் 1:13 தானி 7:9 நாகூ 1:5 நாகூ 1:6 2தெச 2:8 எபிரெ 12:29
28	அவர் மூச்சு, கழுத்தளவு பாயும்வெள்ளம்போல வருகின்றது: அழிவு என்னும் சல்லடையில் மக்களினங்களைச் சலித்து வழிதவறச் செய்யும் கடிவாளத்தை மக்களின் வாயில் மாட்ட வருகின்றார்.	ஏசா 11:4 சங் 18:15 லூக் 22:31 2தெச 2:8 எபிரெ 4:12 வெளிப் 1:16 வெளிப் 2:16
29	புனித விழாக் கொண்டாடும் இரவில் பாடுவதுபோல் நீங்கள் மகிழ்ச்சிப் பாடல் பாடுவீர்கள்: இஸ்ரயேலின் பாறையான ஆண்டவர் மலைக்குச் செல்லும்போது குழலிசைத்துச் செல்வோரைப்போல் உங்கள் உள்ளம் அக்களிக்கும்.	ஏசா 12:1 ஏசா 26:1 யாத் 15:1-21 2நாளா 20:27 2நாளா 20:28 சங் 32:7 எரே 33:11 வெளிப் 15:3 எரே 19:1-7
30	ஆண்டவர் தம் மாட்சி மிகு குரலை எங்கும் ஒலிக்கச் செய்வார்: அவர், பொங்கியெழும் சீற்றம் கொண்டு, விழுங்கும் நெருப்பு, பெருமழை, சூறாவளிக்காற்று, கல்மழை இவற்றால் தம் தண்டிக்கும் ஆற்றலை வெளிப்படுத்துவார்.	ஏசா 29:6 சங் 2:5 சங் 18:13 சங் 18:14 சங் 46:6
31	ஆண்டவரின் குரலொளி கேட்டு அசீரியர் நடுநடுங்குவர்: ஆண்டவர் தம் கோலால் அவர்களை அடிப்பார்.	ஏசா 30:30 ஏசா 37:32-38
32	உங்களின் யாழிசைக்கும், தம்புருவின் ஓசைக்கும் ஏற்ப, ஆண்டவர் தம் கோலால் அடிமேல் அடி அடித்து அவர்களை நொறுக்குவார்: அவர்களோடு கைகளைச் சுழற்றி வன்மையாகப் போரிடுவார்.	ஏசா 30:29 ஏசா 24:8 ஆதி 31:27 1சாமு 10:5 யோபு 21:11 யோபு 21:12 சங் 81:1 சங் 81:2
33	ஏனெனில், முன்னரே அவர்களுக்காக நெருப்புக்குழி ஒன்று ஏற்பாடாகியுள்ளது. அது அரசனுக்கென்று தயார் செய்யப்பட்டது. ஆழமும், அகலமுமான நெருப்புக்குழியால் உருவாக்கப்பட்ட அதில் நெருப்பும், விறகுக்கட்டையும் ஏராளமாக நிறைந்துள்ளன. ஆண்டவரின் மூச்சு கந்தக மழைபோல் அவற்றின் மேல் நெருப்பு மூட்டும்.	2இரா 23:10 எரே 7:31 எரே 7:32 எரே 19:6 எரே 19:11-14 மத் 4:22 மத் 18:8 மத் 18:9