1	தாவீது பாசறை அமைத்த நகராகிய அரியேல்! அரியேல்! உனக்கு ஐயோ கேடு! ஆண்டிற்குப்பின் ஆண்டு கடந்து வரட்டும்: விழாக்கள் முறைமுறையாய் வந்து போகட்டும்.	ஏசா 31:9 எசே 43:15 எசே 43:16
2	அரியேலுக்கு நான் இடுக்கண் விளைவிப்பேன்: அங்கு அழுகையும் புலம்பலும் நிறைந்திருக்கும்: அரியேல் போலவே அது எனக்கிருக்கும்.	ஏசா 5:25-30 ஏசா 10:5 ஏசா 10:6 ஏசா 10:32 ஏசா 17:14 ஏசா 24:1-12 ஏசா 33:7-9 ஏசா 36:22 ஏசா 37:3 எரே 32:28-32 எரே 39:4 எரே 39:5
3	உன்னைச் சுற்றிலும் பாசறை அமைப்பேன்: உன்னைப் போர்க் கோபுரங்களால் சூழ்ந்து வளைப்பேன்: உனக்கெதிராய் முற்றுகைத் தளங்களை எழுப்புவேன்.	2இரா 18:17 2இரா 19:32 2இரா 24:11 2இரா 24:12 2இரா 25:1-4 எசே 21:22 மத் 22:7 லூக் 19:43 லூக் 19:44
4	தாழ்த்தப்பட்ட நீ தரையிலிருந்து பேசுவாய்: நலிந்த உன் குரல் புழுதியிலிருந்து எழும்பும்: உன் குரல், இறந்தவன் ஆவியின் ஒலிபோல, மண்ணிலிருந்து வெளிவரும்:, உன் பேச்சு புழுதிக்குள்ளிலிருந்து முணுமுணுக்கும்.	ஏசா 2:11-21 ஏசா 3:8 ஏசா 51:23 சங் 44:25 புலம் 1:9
5	உன் பகைவனின் திரள் நுண்ணிய தூசிபோல் இருக்கும்: கொடியவர் கூட்டம்”பறக்கும் பதர் போலிருக்கும்: இவை திடீரென்று ஒரு நொடியில் நிகழும்.	ஏசா 10:16-19 ஏசா 25:5 ஏசா 31:3 ஏசா 31:8 ஏசா 37:36
6	இடிமுழக்கம், நில நடுக்கம், பேரிரைச்சல், சூறாவளி, புயல்காற்று விழுங்கும் நெருப்புப் பிழம்பு ஆகியவற்றால் படைகளின் ஆண்டவர் உன்னைத் தண்டிப்பார்.	ஏசா 5:26-30 ஏசா 28:2 ஏசா 30:30 ஏசா 33:11-14 1சாமு 2:10 1சாமு 12:17 1சாமு 12:18 2சாமு 22:14 மத் 24:7 மாற் 13:8 லூக் 21:11 வெளிப் 11:13 வெளிப் 11:19 வெளிப் 16:18
7	அரியேலுக்கு எதிராகப் போர்தொடுக்கும் திரளான வேற்றினத்தார் அனைவரும் அதற்கும் அதன் அரணுக்கும் எதிராகப் போரிட்டு அதைத் துன்புறுத்திய அனைவரும் கனவு போலும், கனவில் காணும் காட்சிபோலும் மறைவர்.	ஏசா 37:36 ஏசா 41:11 ஏசா 41:12 எரே 25:31-33 எரே 51:42-44 நாகூ 1:3-12 சகரி 12:3-5 சகரி 14:1-3 சகரி 14:12-15 வெளிப் 20:8 வெளிப் 20:9
8	பசியாய் இருப்பவர் உண்பதாய்க் கனவு கண்டு விழித்தெழுந்து வெறும் வயிற்றினராய் வாடுவது போலும், தாகமாய் இருப்பவர் நீர் அருந்துவதாய்க் கனாக்கண்டு விழித்தெழுந்து தீராத்தாகத்தால் தவிப்பது போலும், சீயோன் மலைமேல் போர் தொடுக்கும் திரளான வேற்றினத்தார் அனைவரும் ஆவர்.	ஏசா 10:7-16 2நாளா 32:21
9	திகிலடையுங்கள்: திகைத்து நில்லுங்கள்: குருடரைப்போல் இருங்கள்: பார்வையற்றவராகுங்கள். ஆனால் திராட்சை இரசத்ததால் அல்ல: தடுமாறுங்கள்: ஆனால் மதுவால் அல்ல.	ஏசா 1:2 ஏசா 33:13 ஏசா 33:14 எரே 2:12 ஆபகூ 1:5 அப் 13:40 அப் 13:41 வெளிப் 17:6
10	ஏனெனில் ஆழ்ந்த தூக்கம் தரும் ஆவியை ஆண்டவர் உங்கள் மீது அனுப்பியுள்ளார்: இறைவாக்கினராகிய உங்கள் கண்களை மூடியுள்ளார்: திருக்காட்சியாளராகிய உங்கள் பார்வையை மறைத்துள்ளார்.	ஏசா 29:14 ஏசா 6:9 ஏசா 6:10 1சாமு 26:12 சங் 69:23 மீகா 3:6 அப் 28:26 அப் 28:27 ரோம 11:8
11	ஆதலால் ஒவ்வொரு காட்சியும் உங்களுக்கு மூடி முத்திரையிடப்பட்ட ஏட்டுச்சுருளின் வார்த்தைகள் போலாகும். எழுத்தறிந்த ஒருவரிடம் “இதைப்படியும்” என்றால், அவர் “என்னால் இயலாது: இது மூடி முத்திரையிடப்பட்டுள்ளதே” என்பார்.	ஏசா 8:16
12	எழுத்தறியா ஒருவரிடம் ஏட்டுச் சுருளைக் கொடுத்து “இதைப்படியும்” என்றால் அவர் “எனக்குப் படிக்கத் தெரியாதே” என்பார்.	ஏசா 29:18 ஏசா 28:12 ஏசா 28:13 எரே 5:4 ஓசி 4:6 யோவா 7:15 யோவா 7:16
13	என் தலைவர் கூறுவது இதுவே: வாய்ச் சொல்லால் இம்மக்கள் என்னை அணுகுகின்றனர்: உதட்டினால் என்னைப் போற்றுகின்றனர்: அவர்கள் உள்ளமோ என்னை விட்டுத் தொலையில் இருக்கிறது: அவர்களது இறையச்சம் மனனம் செய்த வெறும் மனித கட்டளையைச் சார்ந்ததே!	ஏசா 10:6 ஏசா 48:1 ஏசா 48:2 ஏசா 58:2 ஏசா 58:3 சங் 17:1 எரே 3:10 எரே 5:2 எரே 12:2 எரே 42:2-4 எரே 42:20-4 எசே 33:31-33 மத் 15:7-9
14	ஆதலால், இதோ நான் இந்த மக்களுக்காக மீண்டும் வியத்தகு செயல் புரிவேன். அது விந்தைக்கு மேல் விந்தையாக இருக்கும். அவர்களுடைய ஞானிகளின் ஞானம் அழிந்துபோம்: அவர்களுடைய அறிஞர்களின் அறிவு மறைந்துபோம்.	ஏசா 29:9 ஏசா 28:21 ஆபகூ 1:5 யோவா 9:29-34
15	ஆண்டவரிடமிருந்து தங்கள் திட்டங்களை மனத்தின் ஆழங்களில் மறைத்துக்கொண்டு, தங்கள் செயல்களை இருளில் செய்து, “நம்மை எவர் காணப்போகின்றார்? நம்மை எவர் அறியப் போகின்றார்?” எனச் சொல்வோருக்கு ஐயோ கேடு!	ஏசா 5:18 ஏசா 5:19 ஏசா 28:15 ஏசா 28:17 ஏசா 30:1 யோபு 22:13 யோபு 22:14 சங் 10:11-13 சங் 64:5 சங் 64:6 சங் 139:1-8 எரே 23:24 எசே 8:12 எசே 9:9 செப் 1:12 வெளிப் 2:23
16	நீங்கள் செய்யும் முறைகேடுதான் என்ன? குயவனுக்குக் களிமண் ஈடாகுமோ? கைவேலை தன் கைவினைஞனை நோக்கி, “நீர் என்னை உருவாக்கவில்லை” என்று கூறலாமோ? வனையப்பட்டது தன்னை வனைந்தவனை நோக்கி “உமக்கு அறிவில்லை” என்று சொல்லலாமோ?	ஏசா 24:1 அப் 17:6
17	இன்னும் சிறிது காலத்தில் லெபனோன் வளம்மிகு தோட்டமாக மாறுமன்றோ? வளம் மிகு நிலம் காடாக ஆகிவிடுமன்றோ?	ஏசா 63:18 ஆபகூ 2:3 ஆகா 2:6 எபிரெ 10:37
18	அந்நாளில் காது கேளாதோர் ஏட்டுச் சுருளின் வார்த்தைகளைக் கேட்பர்: பார்வையற்றோரின் கண்கள் காரிருளிலிருந்தும் மையிருளிலிருந்தும் விடுதலையாகிப் பார்வை பெறும்.	ஏசா 29:10-12 ஏசா 29:24-12 ஏசா 35:5 ஏசா 42:16-18 உபா 29:4 சங் 119:18 நீதி 20:12 எரே 31:33 எரே 31:34 மத் 11:5 மத் 13:14-16 மத் 16:17 மாற் 7:37 லூக் 4:18 லூக் 7:22 யோவா 6:45 அப் 26:18 2கொரி 3:14-18 2கொரி 4:2-6 எபே 1:17-19 எபே 5:14 1பேது 2:9 வெளிப் 3:18
19	ஒடுக்கப்பட்டோர் மீண்டும் ஆண்டவரில் மகிழ்ச்சி பெறுவர்: மானிடரில் வறியவர் இஸ்ரயேலின் தூயவரில் அகமகிழ்வர்.	ஏசா 61:1 சங் 25:9 சங் 37:11 சங் 149:4 செப் 2:3 மத் 5:5 மத் 11:29 கலா 5:22 கலா 5:23 எபே 4:2 பிலிப் 2:1-3 யாக் 1:21 யாக் 2:5 யாக் 3:13-18 1பேது 2:1-3
20	கொடியோர் இல்லாதொழிவர்: இகழ்வோர் இல்லாமற் போவர்: தீமையில் நாட்டம் கொள்வோர் அழிந்து போவர்.	ஏசா 29:5 ஏசா 13:3 ஏசா 25:4 ஏசா 25:5 ஏசா 49:25 ஏசா 51:13 தானி 7:7 தானி 7:19-25 ஆபகூ 1:6 ஆபகூ 1:7
21	அவர்கள் ஒருவர்மேல் பொய்க் குற்றம் சாட்டி, நீதிமன்றத்தில் தீர்ப்பு வழங்குவோரை இடறச் செய்கின்றனர்: பொய் புனைந்து நேர்மையாளரின் வழக்கைப் புரட்டுகின்றனர்.	நியா 12:6 மத் 22:15 லூக் 11:53 லூக் 11:54
22	ஆதலால் ஆபிரகாமை மீட்ட ஆண்டவர் யாக்கோபு வீட்டாரைப் பற்றிக் கூறுவது: இனி யாக்கோபு மானக்கேடு அடைவதில்லை: அவன் முகம் இனி வெளிறிப் போவதுமில்லை.	ஏசா 41:8 ஏசா 41:9 ஏசா 41:14 ஏசா 44:21-23 ஏசா 51:2 ஏசா 51:11 ஏசா 54:4 ஆதி 48:16 யோசு 24:2-5 நெகே 9:7 நெகே 9:8 லூக் 1:68 1பேது 1:18 1பேது 1:19 வெளிப் 5:9
23	அவன் பிள்ளைகள் என் பெயரைத் தூயதெனப் போற்றுவர்: நான் செய்யவிருக்கும் என் கைவேலைப்பாடுகளைக் காணும்போது யாக்கோபின் தூயவரைத் தூயவராகப் போற்றுவர்: இஸ்ரயேலின் கடவுள்முன் அஞ்சி நிற்பர்.	ஏசா 19:25 ஏசா 43:21 ஏசா 45:11 ஏசா 60:21 எபே 2:10
24	தவறிழைக்கும் சிந்தை கொண்டோர் உணர்வடைவர்: முறுமுறுப்போர் அறிவுரையை ஏற்றுக் கொள்வர்.	ஏசா 29:10 ஏசா 29:11 ஏசா 28:7 சகரி 12:10 மத் 21:28-32 லூக் 7:47 லூக் 15:17-19 அப் 2:37 அப் 6:7 அப் 9:19 அப் 9:20 1கொரி 6:11 1தீமோ 1:13-15 வெளிப் 20:2 வெளிப் 20:3