1	பென்யமின் நாட்டு அனத்தோத்தில் இருந்த குருக்களுள் ஒருவரான இலிக்கியாவின் மகன் எரேமியாவின் சொற்கள்:	2நாளா 36:21 ஏசா 1:1 ஏசா 2:1 ஆமோ 1:1 ஆமோ 7:10
2	ஆமோன் மகனும் யூதா அரசருமான யோசியாவின் காலத்தில், அவரது ஆட்சியின் பதின்மூன்றாம் ஆண்டில் ஆண்டவரின் வாக்கு எரேமியாவுக்கு அருளப்பட்டது.	எரே 1:4 எரே 1:11 1இரா 13:20 ஓசி 1:1 யோனா 1:1 மீகா 1:1
3	யோசியா மகனும் யூதா அரசனுமாகிய யோயாக்கீம் காலத்திலும், யோசியா மகனும் யூதா அரசனுமாகிய செதேக்கியா ஆட்சியேற்ற பதினோராம் ஆண்டின் இறுதி வரையிலும், அதாவது எருசலேம் மக்கள் நாடுகடத்தப்பட்ட அதே ஆண்டின் ஐந்தாம் மாதம்வரை ஆண்டவரின் வாக்கு அவருக்கு அருளப்பட்டது.	எரே 25:1-3 எரே 26:1-24 எரே 35:1-36 2இரா 24:1-9 2நாளா 36:5-8
4	எனக்கு அருளப்பட்ட ஆண்டவரின் வாக்கு:	எரே 1:2 எசே 1:3 எசே 3:16
5	“தாய் வயிற்றில் உன்னை நான் உருவாக்கு முன்பே அறிந்திருந்தேன்: நீ பிறக்குமுன்பே உன்னைத் திருநிலைப்படுத்தினேன்: மக்களினங்களுக்கு இறைவாக்கினனாக உன்னை ஏற்படுத்தினேன்.”	சங் 71:5 சங் 71:6 ஏசா 49:1 ஏசா 49:5 லூக் 1:76 கலா 1:15 கலா 1:16
6	நான், “என் தலைவராகிய ஆண்டவரே, எனக்குப் பேசத் தெரியாதே, சிறுபிள்ளைதானே” என்றேன்.	எரே 4:10 எரே 14:13 எரே 32:17
7	ஆண்டவர் என்னிடம் கூறியது: “'சிறுபிள்ளை நான்' என்று சொல்லாதே: யாரிடமெல்லாம் உன்னை அனுப்புகின்றேனோ அவர்களிடம் செல்: எவற்றை எல்லாம் சொல்லக் கட்டளை இடுகின்றேனோ அவற்றைச் சொல்.	எரே 1:17 எரே 1:18 யாத் 7:1 யாத் 7:2 எண் 22:20 எண் 22:38 1இரா 22:14 2நாளா 18:13 எசே 2:3-5 எசே 3:17-21 எசே 3:27-21 மத் 28:20 மாற் 16:15 மாற் 16:16 அப் 20:27
8	அவர்கள்முன் அஞ்சாதே. ஏனெனில், உன்னை விடுவிக்க நான் உன்னோடு இருக்கின்றேன், என்கிறார் ஆண்டவர்.”	எரே 1:17 ஏசா 51:7 ஏசா 51:12 எசே 2:6 எசே 2:7 எசே 3:8 எசே 3:9 மத் 10:26 லூக் 12:4 லூக் 12:5 அப் 4:13 அப் 4:29 எபே 6:20
9	ஆண்டவர் தம் கையை நீட்டி என் வாயைத் தொட்டு என்னிடம் கூறியது: “இதோ பார்! என் சொற்களை உன் வாயில் வைத்துள்ளேன்.	யாத் 4:11 யாத் 4:12 ஏசா 6:6 ஏசா 6:7 ஏசா 49:2 ஏசா 50:4 லூக் 21:15
10	பிடுங்கவும் தகர்க்கவும், அழிக்கவும் கவிழ்க்கவும், கட்டவும் நடவும், இன்று நான் உன்னை மக்களினங்கள் மேலும் அரசுகள் மேலும் பொறுப்பாளனாக ஏற்படுத்தியுள்ளேன்”.	எரே 25:15-27 எரே 27:2-7 எரே 46:1-51 1இரா 17:1 வெளிப் 11:3-6
11	ஆண்டவரின் வாக்கு எனக்கு அருளப்பட்டது: 'எரேமியா, நீ காண்பது என்ன?' என்னும் கேள்வி எழ, “வாதுமை மரக்கிளையைக் காண்கிறேன்” என்றேன்.	ஆமோ 7:8 ஆமோ 8:2 சகரி 4:2 சகரி 5:2
12	அதற்கு ஆண்டவர் என்னிடம், “நீ கண்டது சரியே. என் வாக்கைச் செயலாக்க நானும் விழிப்பாயிருப்பேன்” என்றார்.	உபா 5:28 உபா 18:17 லூக் 10:28 லூக் 20:39
13	ஆண்டவரின் வாக்கு இரண்டாம் முறை எனக்கு அருளப்பட்டது: “நீ காண்பது என்ன?” என்னும் கேள்வி எழ, “கொதிக்கும் பானையைக் காண்கிறேன். அதன் வாய் வடக்கிலிருந்து சாய்ந்திருக்கின்றது” என்றேன்.	ஆதி 41:32 2கொரி 13:1 2கொரி 13:2
14	ஆண்டவர் என்னிடம் கூறியது: “நாட்டில் குடியிருப்போர் அனைவர் மீதும் வடக்கிலிருந்தே தீமை பாய்ந்து வரும்.”	எரே 4:6 எரே 6:1 எரே 6:22 எரே 10:22 எரே 31:8 எரே 46:20 எரே 50:9 எரே 50:41 ஏசா 41:25 எசே 1:4
15	இதோ வடக்கிலுள்ள அரச குடும்பத்தார் அனைவரையும் நான் அழைக்கிறேன், என்கிறார் ஆண்டவர். அவர்கள் வந்து ஒவ்வொருவரும் எருசலேமின் வாயில்களிலும், அதன் சுற்றுச் சுவர்களுக்கு எதிரிலும், யூதா நகர்களுக்கு எதிரிலும் தம் அரியணையை அமைப்பர்.	எரே 5:15 எரே 6:22 எரே 10:22 எரே 10:25 எரே 25:9 எரே 25:28 எரே 25:31 எரே 25:32
16	என் மக்களின் தீய செயல்களுக்காக அவர்களுக்கெதிராகத் தீர்ப்புக் கூறப் போகிறேன். அவர்கள் என்னைப் புறக்கணித்தார்கள். வேற்றுத் தெய்வங்களுக்குத் தூபம் காட்டினார்கள். தங்கள் கைவேலைப்பாடுகளை வழிபட்டார்கள்.	எரே 4:12 எரே 4:28 எரே 5:9 எரே 5:29 எசே 24:14 யோவே 2:11 மத் 23:35 மத் 23:36
17	நீயோ உன் இடையை வரிந்து கட்டிக்கொள். புறப்படு, நான் கட்டளையிடும் அனைத்தையும் அவர்களிடம் சொல். அவர்கள் முன் கலக்கமுறாதே. இல்லையேல், அவர்கள் முன் உன்னைக் கலக்கமுறச் செய்வேன்.	1இரா 18:46 2இரா 4:29 2இரா 9:1 யோபு 38:3 லூக் 12:35 1பேது 1:13
18	இதோ, இன்று நான் உன்னை நாடு முழுவதற்கும், அதாவது, யூதாவின் அரசர்களுக்கும் அதன் தலைவர்களுக்கும் அதன் குருக்களுக்கும் நாட்டின் மக்களுக்கும் எதிராக அரண்சூழ் நகராகவும் இரும்புத் தூணாகவும் வெண்கலச் சுவராகவும் ஆக்கியுள்ளேன்.	எரே 6:27 எரே 15:20 ஏசா 50:7 எசே 3:8 எசே 3:9 மீகா 3:8 மீகா 3:9 யோவா 1:42
19	அவர்கள் உனக்கு எதிராகப் போராடுவார்கள். எனினும் உன்மேல் வெற்றி கொள்ள அவர்களால் இயலாது. ஏனெனில் உன்னை விடுவிக்க நான் உன்னோடு இருக்கிறேன்” என்கிறார் ஆண்டவர்.	எரே 11:19 எரே 15:10-21 எரே 20:1-6 எரே 26:11-24 எரே 29:25-32 எரே 37:11-21 எரே 38:6-13 சங் 129:2