1	ஆண்டவரின் வாக்கு எனக்கு அருளப்பட்டது:	எரே 1:11 எரே 7:1 எரே 23:28 எசே 7:1 எபிரெ 1:1 2பேது 1:21
2	“நீ சென்று எருசலேம் நகரினர் அனைவரும் கேட்கும் முறையில் இவ்வாறு பறைசாற்று. ஆண்டவர் கூறுவது இதுவே: உன் இளமையின் அன்பையும் மணமகளுக்குரிய காதலையும் விதைக்கப்படாத பாலைநிலத்தில் நீ என்னை எவ்வாறு பின்பற்றினாய் என்பதையும் நான் நினைவுகூர்கிறேன்.	எரே 7:2 எரே 11:6 எரே 19:2 நீதி 1:20 நீதி 8:1-4 ஏசா 58:1 ஓசி 8:1 யோனா 1:2 மத் 11:15 லூக் 12:13
3	இஸ்ரயேல் ஆண்டவருக்கு அர்ப்பணிக்கப்பட்டது: அவரது அறுவடையின் முதற்கனியாய் இருந்தது: அதனை உண்டவர் அனைவரும் குற்றவாளிகள் ஆயினர்: அவர்கள்மேல் தீமையே வந்து சேர்ந்தது, என்கிறார் ஆண்டவர்.	யாத் 19:5 யாத் 19:6 உபா 7:6 உபா 14:2 உபா 26:19 சகரி 14:20 சகரி 14:21 எபே 1:4 1பேது 2:9
4	யாக்கோபின் வீட்டாரே, இஸ்ரயேல் வீட்டின் அனைத்துக் குடும்பத்தாரே, ஆண்டவரின் வாக்கைக் கேளுங்கள்.	எரே 5:21 எரே 7:2 எரே 13:15 எரே 19:3 எரே 34:4 எரே 44:24-26 ஏசா 51:1-4 ஓசி 4:1 மீகா 6:1
5	ஆண்டவர் கூறுவது இதுவே: என்னை விட்டகன்று வீணானவற்றைப் பின்பற்றி வீணாகும் அளவுக்கு உங்கள் தந்தையர் என்னிடம் என்ன தவறு கண்டனர்?	எரே 2:31 ஏசா 5:3 ஏசா 5:4 ஏசா 43:22 ஏசா 43:23 மீகா 6:2 மீகா 6:3
6	எகிப்து நாட்டிலிருந்து நம்மை அழைத்து வந்தவரும் பாழ்நிலமும் படுகுழிகள் நிறைந்த நிலமும் வறட்சி, காரிருள் மிகுந்த நிலமும் யாருமே கடந்து செல்லாததும், யாருமே வாழாததுமாகிய பாலைநிலத்தில் நம்மை நடத்தி வந்தவருமான ஆண்டவர் எங்கே? என்று அவர்கள் கேட்கவில்லையே!	எரே 2:8 எரே 5:2 நியா 6:13 2இரா 2:14 யோபு 35:10 சங் 77:5 ஏசா 64:7
7	செழிப்பான நாட்டுக்கு அதன் கனிகளையும் நலன்களையும் நுகருமாறு நான் உங்களை அழைத்து வந்தேன். நீங்களோ, அந்நாட்டிற்குள் வந்து அதனைத் தீட்டுப்படுத்தினீர்கள்: எனது உரிமைச் சொத்தை நீங்கள் அருவருப்புக்குள்ளாக்கினீர்கள்.	எண் 13:27 எண் 14:7 எண் 14:8 உபா 6:10 உபா 6:11 உபா 6:18 உபா 8:7-9 உபா 11:11 உபா 11:12 நெகே 9:25 எசே 20:6
8	குருக்கள், “ஆண்டவர் எங்கே?” என்று கேட்கவில்லை: திருச்சட்டத்தைப் போதிப்போர் என்னை அறியவில்லை: ஆட்சியாளர் எனக்கு எதிராகக் கலகம் செய்தனர்: இறைவாக்கினர் பாகால் பெயரால் பேசிப் பயனற்றவற்றைப் பின்பற்றினர்.	எரே 2:6 எரே 5:31 எரே 8:10 எரே 8:11 எரே 23:9-15 1சாமு 2:12 ஏசா 28:7 ஏசா 29:10 ஏசா 56:9-12 ஓசி 4:6
9	ஆதலால் இன்னும் உங்களோடு வழக்காடுவேன்” என்கிறார் ஆண்டவர். உங்கள் மக்களின் மக்களோடும் வழக்காடுவேன்.	எரே 2:29 எரே 2:35 ஏசா 3:13 ஏசா 43:26 எசே 20:35 எசே 20:36 ஓசி 2:2 மீகா 6:2
10	சைப்ரசு நாட்டின் கடற்கரைப் பகுதிகளுக்குக் கடந்து சென்றுபாருங்கள்: கேதாருக்கு ஆளனுப்பி முழுத் தெளிவு பெறுங்கள்: இது போன்ற செயல் உண்டோ என்று பாருங்கள்.	ஆதி 10:4 ஆதி 10:5 எண் 24:24 1நாளா 1:7 1நாளா 23:1 1நாளா 23:12 சங் 120:5 எசே 27:6 தானி 11:30
11	தங்கள் தெய்வங்கள் தெங்வங்களே அல்ல எனினும், அவற்றினை மாற்றிக்கொண்ட மக்களினம் உண்டா? என் மக்களோ, என் மாட்சியைப் பயனற்ற ஒன்றிற்காக மாற்றிக் கொண்டனர்.	எரே 2:5 மீகா 4:5 1பேது 1:18
12	வானங்களே இதைக் கண்டு திடுக்கிடுங்கள்: அஞ்சி நடுங்கித் திகைத்து நில்லுங்கள், என்கிறார் ஆண்டவர்.	எரே 6:19 எரே 22:29 உபா 32:1 ஏசா 1:2 மீகா 6:2 மத் 27:45 மத் 27:50-53
13	ஏனெனில், என் மக்கள் இரண்டு தீச்செயல்கள் செய்தார்கள்: பொங்கிவழிந்தோடும் நீரூற்றாகிய என்னைப் புறக்கணித்தார்கள்: தண்ணீர் தேங்காத, உடைந்த குட்டைகளைக் தங்களுக்கென்று குடைந்து கொண்டார்கள்.	எரே 2:31 எரே 2:32 எரே 4:22 எரே 5:26 எரே 5:31 சங் 81:11-13 ஏசா 1:3 ஏசா 5:13 ஏசா 63:8 மீகா 2:8 மீகா 6:3
14	இஸ்ரயேல் ஓர் அடிமையா? வீட்டில் அடிமையாகப் பிறந்தவனா? அவன் ஏன் சூறையாடப்பட வேண்டும்?	யாத் 4:22 ஏசா 50:1
15	அவனுக்கு எதிராக இளஞ் சிங்கங்கள் கர்ச்சித்து, பெருமுழக்கம் செய்து அவனது நாட்டைப் பாழடையச் செய்தன: அவன் நகர்கள் தீக்கிரையாக்கப்பட்டன: அவற்றில் குடியிருப்போர் எவருமிலர்.	எரே 5:6 எரே 25:30 எரே 50:17 நியா 14:5 யோபு 4:10 சங் 57:4 ஏசா 5:29 ஓசி 5:14 ஓசி 11:10 ஓசி 13:7 ஓசி 13:8 ஆமோ 3:4 ஆமோ 3:8 ஆமோ 3:12 நாகூ 2:11
16	மெம்பிசு, தகபனேசு நகரினர் உன் தலையை மழித்தனர்.	2இரா 18:21 2இரா 23:33 ஏசா 30:1-6 ஏசா 31:1-3
17	உன் கடவுளாகிய ஆண்டவர் உன்னை வழிநடத்திச் செல்லும்போதே அவரை நீ புறக்கணித்ததால் அன்றோ இதை உனக்கு வருவித்துக் கொண்டாய்?	எரே 2:19 எரே 4:18 லேவி 26:15-46 எண் 32:23 உபா 28:15-68 யோபு 4:8 ஏசா 1:4 ஓசி 13:9
18	நைல் நதி நீரைக் குடிக்க இப்போது நீ எகிப்துக்குப் போவதால் உனக்கு வரும் பயன் என்ன? யூப்பிரத்தீசு நதியின் நீரைக் குடிக்க அசீரியாவுக்குப் போவதால் உனக்கு வரும் பயன் என்ன?	எரே 2:36 எரே 37:5-10 ஏசா 30:1-7 ஏசா 31:1 புலம் 4:17 எசே 17:15 ஓசி 7:11
19	உன் தீச்செயலே உன்னைத் தண்டிக்கும்: உன் பற்றுறுதியின்மையே உன்னைக் கண்டிக்கும்: உன் கடவுளாகிய ஆண்டவராம் என்னைப் புறக்கணித்தது தீயது எனவும் கசப்பானது எனவும் கண்டுணர்ந்து கொள். என்னைப் பற்றிய அச்சமே உன்னிடம் இல்லை, என்கிறார் என் தலைவராகிய படைகளின் ஆண்டவர்.	எரே 2:17 நீதி 1:31 நீதி 5:22 ஏசா 3:9 ஏசா 5:5 ஏசா 50:1 ஓசி 5:5
20	நெடுங்காலத்துக்கு முன்பே உன் நுகத்தடியை முறித்துவிட்டாய்: உன் தளைகளை அறுத்துவிட்டாய்: “நான் ஊழியம் செய்வேன்” என்று சொன்னாய். உயர்ந்த குன்றுகள் அனைத்தின் மீதும், பசுமையான மரங்கள் அனைத்தின் கீழும் விலைமாதாகக் கிடந்தாயே!	எரே 30:8 யாத் 3:8 லேவி 26:13 உபா 4:20 உபா 4:34 உபா 15:15 ஏசா 9:4 ஏசா 10:27 ஏசா 14:25 நாகூ 1:13
21	முற்றிலும் நல்ல கிளையினின்று உயர் இனத் திராட்சைச் செடியாய் உன்னை நட்டு வைத்தேன்: நீ கெட்டுப்போய்த் தரங்கெட்ட காட்டுத் திராட்சைச் செடியாய் மாறியது எப்படி?	யாத் 15:17 சங் 44:2 சங் 80:8 ஏசா 5:1 ஏசா 5:2 ஏசா 60:21 ஏசா 61:3 மத் 21:33 மாற் 12:1 லூக் 20:9 யோவா 15:1
22	நீ உன்னை உவர் மண்ணினால் கழுவினாலும், எவ்வளவு சவர்க்காரத்தைப் பயன்படுத்தினாலும், உன் குற்றத்தின் கறை என் கண்முன்னே இருக்கிறது, என்கிறார் என் தலைவராகிய ஆண்டவர்.	யோபு 9:30 யோபு 9:31
23	“நான் தீட்டுப்படவில்லை: பாகால்களுக்குப்பின் திரியவில்லை” என எப்படி நீ கூற முடியும்? பள்ளத்தாக்கில் நீ சென்ற பாதையைப் பார்: நீ செய்தது என்ன என்று அறிந்துகொள்: இங்கும் அங்கும் விரைந்தோடும் பெண் ஒட்டகம் நீ.	எரே 2:34 எரே 2:35 ஆதி 3:12 ஆதி 3:13 1சாமு 15:13 1சாமு 15:14 சங் 36:2 நீதி 28:13 நீதி 30:12 நீதி 30:20 லூக் 10:29 ரோம 3:19 1யோவா 1:8-10 வெளிப் 3:17 வெளிப் 3:18
24	பாலைநிலத்தில் பழகியதும், காம வேட்கையில் மோப்பம் பிடிப்பதுமான காட்டுக் கழுதை நீ! அதன் காம வெறியை யாரால் கட்டுப்படுத்த முடியும்? அதனை வருந்தித் தேடத் தேவையில்லை: புணர்ச்சிக் காலத்தில் அதனை எளிதில் காணலாம்.	எரே 14:6 யோபு 11:12 யோபு 39:5-8
25	“கால் தேய ஓடாதே: தொண்டை வறண்டுபோக விடாதே” என்றால், நீயோ, “பயனில்லை. நான் வேற்றுத் தெய்வங்கள்மேல் மோகம் கொண்டேன்: அவர்கள் பின்னே திரிவேன்” என்றாய்.	எரே 13:22 உபா 28:48 ஏசா 20:2-4 புலம் 4:4 ஓசி 2:3 லூக் 15:22 லூக் 16:24
26	திருடன் பிடிபடும்போது மானக்கேடு அடைவது போல, இஸ்ரயேல் வீட்டாரும் அவர்களின் அரசர்களும் தலைவர்களும் குருக்களும் இறைவாக்கினர்களும் மானக்கேடு அடைவார்கள்.	எரே 2:36 எரே 3:24 எரே 3:25 நீதி 6:30 நீதி 6:31 ஏசா 1:29 ரோம 6:21
27	ஒரு மரத்தை நோக்கி, “நீயே என் தந்தை” என்பர்: ஒரு கல்லை நோக்கி, “நீயே என்னைப் பெற்றெடுத்தவள்” என்பர். எனக்கு முகத்தையல்ல, முதுகையே காட்டுகின்றனர்: ஆனால் தீங்கு வந்துற்ற நேரத்தில், “எழுந்தருளி எங்களை விடுவியும்” என்பர்.	எரே 10:8 சங் 115:4-8 ஏசா 44:9-20 ஏசா 46:6-8 ஆபகூ 2:18 ஆபகூ 2:19
28	உனக்கென நீ செய்துகொண்ட தெய்வங்கள் எங்கே? உனக்குத் தீங்கு வந்துற்ற நேரத்தில், முடிந்தால் அவை எழுந்து உன்னை விடுவிக்கட்டுமே! யூதாவே, உன் நகர்கள் எத்தனையோ, அத்தனை தெய்வங்கள் உன்னிடம் இருக்கின்றனவே!	உபா 32:37 நியா 10:14 2இரா 3:13 ஏசா 45:20 ஏசா 46:2 ஏசா 46:7
29	என்னிடம் ஏன் முறையிடுகிறீர்கள்? நீங்கள் எல்லாரும் எனக்கு எதிராய்க் கலகம் செய்தவர்களே, என்கிறார் ஆண்டவர்.	எரே 2:23 எரே 2:35 எரே 3:2
30	நான் உங்கள் மக்களை அடித்து நொறுக்கியது வீண்: அவர்கள் திருந்தவில்லை: சிங்கம் அழித்தொழிப்பதுபோல உங்கள் வாளே உங்கள் இறைவாக்கினரை வீழ்த்தியது.	எரே 5:3 எரே 6:29 எரே 6:30 எரே 7:28 எரே 31:18 2நாளா 28:22 ஏசா 1:5 ஏசா 9:13 எசே 24:13 செப் 3:2 வெளிப் 9:20 வெளிப் 9:21 வெளிப் 16:9
31	இத்தலைமுறையினரே! ஆண்டவர் வாக்கைக் கவனியுங்கள். நான் இஸ்ரயேலுக்குப் பாலைநிலமாய் இருந்தேனா? அல்லது இருள்சூழ் நிலமாய் இருந்தேனா? “நாங்கள் விருப்பம் போல் சுற்றித் திரிவோம்: இனி உம்மிடம் வரமாட்டோம்” என்று என் மக்கள் ஏன் கூறினார்கள்?	ஆமோ 1:1 மீகா 6:9
32	ஒரு கன்னிப் பெண் தன் நகைகளை மறப்பாளோ? மணப்பெண் தன் திருமண உடையை மறப்பதுண்டோ? என் மக்களோ என்னை எண்ணிறந்த நாள்களாய் மறந்து விட்டார்கள்.	எரே 2:11 ஆதி 24:22 ஆதி 24:30 ஆதி 24:53 2சாமு 1:24 சங் 45:13 சங் 45:14 ஏசா 61:10 எசே 16:10-13 1பேது 3:3-5 வெளிப் 21:2
33	காதலரை அடையும் வழிகளைச் சிறப்பாய் வகுத்துள்ளாய்: ஒழுக்கமற்ற பெண்களுக்குக்கூட உன் வழிகளைக் கற்றுக்கொடுத்தாய்.	எரே 2:23 எரே 2:36 எரே 3:1 எரே 3:2 ஏசா 57:7-10 ஓசி 2:5-7 ஓசி 2:13-7
34	மாசற்ற வறியவரின் இரத்தக்கறை உன் மேலாடை விளிம்புகளில் காணப்படுகின்றது: அவர்கள் கன்னமிட்டுக் திருடியதை நீ கண்டாயா?	எரே 7:31 எரே 19:4 2இரா 21:16 2இரா 24:4 சங் 106:37 சங் 106:38 ஏசா 57:5 ஏசா 59:7 எசே 16:20 எசே 16:21 எசே 20:31
35	இவை அனைத்தையும் நீ செய்திருந்தும் நீயோ, “நான் மாசற்றவள்: அவர் சினம் என்னைவிட்டு அகன்று விட்டது உறுதி” என்கிறாய். “பாவம் செய்யவில்லை” என்று நீ கூறியதால், நான் உனக்குத் தீர்ப்பு வழங்குவேன்.	எரே 2:23 எரே 2:29 யோபு 33:9 நீதி 28:13 ஏசா 58:3 ரோம 7:9
36	ஏன் இவ்வளவு எளிதாக உன் வழிகளை மாற்றிக் கொள்கின்றாய்? அசீரியாவால் நீ மானக்கேட்டிற்கு உள்ளானதுபோல் எகிப்தினாலும் மானக்கேட்டிற்கு உள்ளாவாய்!	எரே 2:18 எரே 2:23 எரே 2:33 எரே 31:22 ஓசி 5:13 ஓசி 7:11 ஓசி 12:1
37	உன் தலைமேல் கைகளை வைத்துக் கொண்டுதான் அங்கிருந்து திரும்பி வருவாய்: ஏனெனில், நீ நம்பியிருந்தவர்களை ஆண்டவர் உதறித் தள்ளிவிட்டார்: அவர்களால் உனக்குப் பயன் ஏதும் இல்லை.”	2சாமு 13:19