1	“கணவன் தன் மனைவியைத் தள்ளிவிட, அவள் அவனை விட்டகன்று வேறு ஒருவனோடு வாழ்கையில், அக்கணவன் அவளிடம் மீண்டும் திரும்பிச் செல்வானா? அந்நாட்டு தீட்டுப்படுவது உறுதியல்லவா? நீ பல காதலர்களோடு விபசாரம் செய்தாய்: உன்னால் என்னிடம் திரும்பிவர முடியுமா?” என்கிறார் ஆண்டவர்.	உபா 24:1-4
2	உன் கண்களை உயர்த்தி மொட்டை மேடுகளைப்பார்: நீ படுத்துக்கிடக்காத இடம் உண்டோ? பாலை நிலத்தில் அராபியனைப்போல, பாதையோரங்களில் நீயும் காதலர்களுக்காகக் காத்திருந்தாய்: உன் விபசாரங்களாலும் தீச்செயல்களாலும் நாட்டைத் தீட்டுப்படுத்தினாய்.	எரே 2:23 எசே 8:4-6 லூக் 16:23
3	ஆகையால், நாட்டில் மழை பெய்யாது நின்று விட்டது: இளவேனிற் கால மழையும் வரவில்லை: உனது நெற்றி ஒரு விலைமாதின் நெற்றி: நீ மானங்கெட்டவள்.	எரே 9:12 எரே 14:4 எரே 14:22 லேவி 26:19 உபா 28:23 ஏசா 5:6 யோவே 1:16-20 ஆமோ 4:7 ஆகா 1:11
4	இப்போது கூட 'என் தந்தையே! என் இளமையின் நண்பரே!' என என்னை நீ அழைக்கவில்லையா?	எரே 3:19 எரே 31:9 எரே 31:18-20 ஓசி 14:1-3
5	'என்றென்றும் அவர் சினம் அடைவாரோ? இறுதிவரை அவர் சினம் கொண்டிருப்பாரோ?' என்கிறாய். இவ்வாறு சொல்லிவிட்டு உன்னால் இயன்றவரை தீச்செயல்களையே செய்கிறாய்.	எரே 3:12 சங் 77:7-9 சங் 85:5 சங் 103:8 சங் 103:9 ஏசா 57:16 ஏசா 64:9
6	யோசியா அரசன் காலத்தில் ஆண்டவர் என்னிடம் கூறியது: “நம்பிக்கையற்ற இஸ்ரயேல் செய்ததைக் கண்டாயா? அவள் சென்று உயர்ந்த குன்றுகள் அனைத்தின் மீதும், பசுமையான மரங்கள் அனைத்தின் கீழும் விபசாரம் செய்தாள்.	எரே 3:8 எரே 3:11-14 எரே 2:19 எரே 7:24 2இரா 17:7-17 எசே 23:11
7	இவை அனைத்தையும் செய்தபின் என்னிடம் திரும்பி வருவாள் என எண்ணினேன். அவளோ திரும்பி வரவில்லை. நம்பிக்கைத் துரோகம் செய்த சகோதரி யூதா இதைக் கண்டாள்.	2இரா 17:13 2இரா 17:14 2நாளா 30:6-12 ஓசி 6:1-4 ஓசி 14:1
8	நம்பிக்கையற்ற இஸ்ரயேலுடைய விபசாரத்தின் காரணமாக, நான் அவளைத் தள்ளிவிட்டு அவளுக்கு மணமுறிவுச் சீட்டு கொடுத்ததை நம்பிக்கைத் துரோகம் செய்த அவளுடைய சகோதரி யூதா கண்டாள். எனினும், அவளும் அஞ்சாது சென்று விபசாரம் செய்தாள்.	எரே 3:1 2இரா 17:6-18 2இரா 18:9-11 எசே 23:9 ஓசி 2:2 ஓசி 2:3 ஓசி 3:4 ஓசி 4:15-17 ஓசி 9:15-17
9	விபசாரம் செய்வது அவளுக்கு வெகு எளிதாக இருந்ததால், கல்லோடும் மரத்தோடும் வேசித்தனம் செய்து நாட்டைத் தீடுப்படுத்தினாள்.	எசே 23:10
10	இவை அனைத்திற்கும் பிறகு கூட நம்பிக்கைத் துரோகம் செய்த அவளுடைய சகோதரி யூதா முழு உள்ளத்தோடு என்னிடம் திரும்பி வரவில்லை: பொய் வேடம் போடுகிறாள்” என்கிறார் ஆண்டவர்.	2நாளா 34:33 2நாளா 35:1-18 சங் 78:36 சங் 78:37 ஏசா 10:6 ஓசி 7:14
11	ஆண்டவர் என்னிடம் கூறியது: நம்பிக்கையற்ற இஸ்ரயேல் நம்பிக்கைத் துரோகம் செய்த யூதாவைவிட நேர்மையானவள்.	எரே 3:8 எரே 3:22 ஓசி 4:16 ஓசி 11:7
12	நீ சென்று வடக்கே திரும்பி இச்சொற்களை உரக்கக் கூறு: நம்பிக்கையற்ற இஸ்ரயேலே, என்னிடம் திரும்பிவா, என்கிறார் ஆண்டவர். நான் உன்மீது சினம் கொள்ளமாட்டேன்: ஏனெனில், நான் பேரன்பு கொண்டவன், என்கிறார் ஆண்டவர். நான் என்றென்றும் சினம் கொள்ளேன்.	எரே 3:18 எரே 23:8 எரே 31:8 2இரா 15:29 2இரா 17:6 2இரா 17:23 2இரா 18:1
13	உன் குற்றத்தை நீ ஏற்றுக்கொண்டால் போதும்: உன் கடவுளாகிய ஆண்டவருக்கு எதிராகக் கலகம் செய்தாய்: பசுமையான மரங்கள் அனைத்தின் கீழும் அன்னியரை நாடி அங்குமிங்கும் ஓடினாய்: என் குரலுக்கோ நீ செவிசாய்க்கவில்லை, என்கிறார் ஆண்டவர்.	எரே 3:25 எரே 31:18-20 லேவி 26:40-42 உபா 30:1-3 யோபு 33:27 யோபு 33:28 நீதி 28:13 லூக் 15:18-21 1யோவா 1:8-10
14	மக்களே! என்னிடம் திரும்பி வாருங்கள்: ஏனெனில், நானே உங்கள் தலைவன்: நகருக்கு ஒருவனையும் குடும்பத்திற்கு இருவரையுமாகத் தெரிந்தெடுத்து உங்களைச் சீயோனுக்குக் கூட்டி வருவேன்.	எரே 2:19
15	என் இதயத்திற்கேற்ற மேய்ப்பர்களை உங்களுக்குக் கொடுப்பேன். அவர்கள் உங்களை அறிவுடனும், முன்மதியுடனும் வழிநடத்துவார்கள்.	எரே 23:4 1சாமு 13:14 ஏசா 30:20 ஏசா 30:21 எசே 34:23 எசே 37:24 மீகா 5:4 மீகா 5:5 யோவா 10:1-5 யோவா 21:15-17 எபே 4:11 எபே 4:12 1பேது 5:1-4
16	நீங்கள் நாட்டில் பல்கிப் பெருகும் அக்காலத்தில் யாரும் ஆண்டவரின் உடன்படிக்கைப் பேழைபற்றியே பேசமாட்டார்கள். அது அவர்கள் எண்ணத்திலோ நினைவிலோ இராது. அது இல்லை என்று வருந்தி இனி ஒன்றும் செய்யமாட்டார்கள், என்கிறார் ஆண்டவர்.	எரே 30:19 எரே 31:8 எரே 31:27 ஏசா 60:22 ஏசா 61:4 எசே 36:8-12 எசே 37:26 ஓசி 1:10 ஓசி 1:11 ஆமோ 9:9 ஆமோ 9:14 ஆமோ 9:15 சகரி 8:4 சகரி 8:5 சகரி 10:7-9
17	அக்காலத்தில் எருசலேமை “ஆண்டவரின் அரியணை” என அழைப்பார்கள். ஆண்டவரின் பெயரை முன்னிட்டு எல்லா மக்களினத்தாரும் எருசலேமில் வந்து கூடுவர். தங்கள் தீய இதயப் பிடிவாதத்தின்படி இனி நடக்க மாட்டார்கள்.	எரே 14:21 எரே 17:12 எரே 31:23 சங் 87:3 ஏசா 6:1 ஏசா 66:1 எசே 1:26 எசே 43:7 கலா 4:26
18	அந்நாள்களில் யூதா வீட்டார் இஸ்ரயேல் வீட்டாரோடு சேர்ந்து கொள்வர்: நான் அவர்கள் மூதாதையருக்கு உரிமைச் சொத்தாகக் கொடுத்த நாட்டுக்கு வட நாட்டிலிருந்து ஒன்றாக வந்து சேர்வர்.	எரே 30:3 எரே 50:4 எரே 50:20 ஏசா 11:11-13 எசே 37:16-22 எசே 39:25-28 ஓசி 1:11 ஓசி 11:12 சகரி 10:6
19	உன்னை என் மக்களின் வரிசையிலே எவ்விதம் சேர்த்துக்கொள்வேன் என்றும் திராளன மக்களினங்களுக்கிடையே அழகான உரிமைச்சொத்தாகிய இனிய நாட்டை உனக்கு எவ்விதம் தருவேன் என்றும் எண்ணிக்கொண்டிருந்தேன். “என் தந்தை” என என்னை அழைப்பாய் என்றும், என்னிடமிருந்து விலகிச் செல்லமாட்டாய் என்றும் எண்ணியிருந்தேன்.	எரே 5:7 ஓசி 11:8
20	நம்பிக்கைத் துரோகம் செய்த ஒரு பெண் தன் காதலனைக் கைவிடுவது போல, இஸ்ரயேல் வீடே! நீயும் எனக்கு நம்பிக்கைத் துரோகம் செய்கிறாய், என்கிறார் ஆண்டவர்.	ஓசி 3:1
21	மொட்டை மேடுகளில் கூக்குரல் கேட்கிறது: அது இஸ்ரயேல் மக்களின் அழுகையும் வேண்டலுமாம்: ஏனெனில், அவர்கள் நெறிதவறித் தங்கள் கடவுளாகிய ஆண்டவரை மறந்தார்கள்.	எரே 30:15-17 எரே 31:9 எரே 31:18-20 எரே 50:4 எரே 50:5 ஏசா 15:2 எசே 7:16 சகரி 12:10-14 2கொரி 7:10
22	என்னைவிட்டு விலகிய மக்களே! திரும்பி வாருங்கள்: உங்கள் நம்பிக்கையின்மையிலிருந்து உங்களைக் குணமாக்குவேன்: “இதோ நாங்கள் உம்மிடம் வருகிறோம். நீரே எங்கள் கடவுளாகிய ஆண்டவர்.	ஓசி 6:1 ஓசி 14:1 ஓசி 14:4
23	குன்றுகளிலிருந்தும் மலைகளில் செய்யப்படும் அமளிகளிலிருந்தும் கிடைப்பது ஏமாற்றமே: இஸ்ரயேலின் விடுதலை எங்கள் கடவுளாகிய ஆண்டவரிடம் மட்டுமே உள்ளது.	எரே 3:6 எரே 10:14-16 சங் 121:1 சங் 121:2 ஏசா 44:9 ஏசா 45:20 ஏசா 46:7 ஏசா 46:8 எசே 20:28 யோனா 2:8 யோனா 2:9
24	எங்கள் இளமை முதல், எங்கள் மூதாதையர் உழைப்பின் பயனாகப் பெற்ற ஆடுமாடுகளையும், புதல்வர் புதல்வியரையும் வெட்கங்கெட்ட பாகால் விழுங்கிவிட்டது.	எரே 11:13 எசே 16:61 எசே 16:63 ஓசி 2:8 ஓசி 9:10 ஓசி 10:6
25	மானக்கேடே எங்கள் படுக்கை: அவமானமே எங்கள் போர்வை. ஏனெனில் எங்கள் இளமை முதல் இன்றுவரை நாங்களும் எங்கள் மூதாதையரும் எங்கள் கடவுளாகிய ஆண்டவருக்கு எதிராகப் பாவம் செய்தோம்: அவரது குரலுக்கு நாங்கள் செவிசாய்க்கவில்லை.'	எரே 2:26 எரே 6:26 எஸ்றா 9:6-15 சங் 109:29 ஏசா 50:11 புலம் 5:16 எசே 7:18 தானி 12:2 ரோம 6:21