1	துணை வேண்டி எகிப்துக்குச் செல்வோருக்கு ஐயோ கேடு! அவர்கள் குதிரைகளுக்காகக் காத்துக் கிடக்கின்றர்: பெரும் தேர்ப்படைகளையும் வலிமைமிகு குதிரை வீரர்களையும் நம்பியிருக்கிறார்கள்: இஸ்ரயேலின் தூயவருக்காக ஆவலுடன் காத்திருக்கவில்லை: ஆண்டவரைத் தேடுவதுமில்லை:	ஏசா 30:1-7 ஏசா 36:6 ஏசா 57:9 எசே 17:15 ஓசி 11:5
2	ஆனால் அவரோ ஞானமுடையவர்: தீங்கை வருவிப்பவர்: தம் வார்த்தைகளின் இலக்கை மாற்றாதவர்: தீயோர் வீட்டார்க்கும் கொடியவருக்கு உதவுவோருக்கும் எதிராகக் கிளர்ந்தெழுபவர்.	1சாமு 2:3 யோபு 5:13 எரே 10:7 எரே 10:12 1கொரி 1:21-29 யூதா 1:25
3	எகிப்தியர் வெறும் மனிதரே, இறைவன் அல்ல: அவர்கள் குதிரைகள் வெறும் தசைப்பிண்டங்களே, ஆவிகள் அல்ல: ஆண்டவர் தம் கையை ஓங்கும் போது உதவி செய்பவன் இடறுவான்: உதவி பெறுபவன் வீழ்வான்: அவர்கள் அனைவரும் ஒருங்கே அழிந்தொழிவர்.	ஏசா 36:6 உபா 32:30 உபா 32:31 சங் 9:20 சங் 146:3-5 எசே 28:9 அப் 12:22 அப் 12:23 2தெச 2:4-8
4	ஆண்டவர் என்னிடம் கூறியது இதுவே: சிங்கமோ இளஞ்சிங்கமோ தன் இரைமேல் பாய்ந்து கர்ச்சிக்கும் போது மேய்ப்பர் கூட்டம் தனக்கெதிராய் எழுப்பும் கூக்குரலால் திகிலடைவதில்லை: அவர்கள் ஆரவாரத்தைப் பொருட்படுத்துவதில்லை. அதுபோல் படைகளின் ஆண்டவர் சீயோன் மலைமேலும் அதன் குன்றின்மேலும் போர்புரிய இறங்கி வருவார்.	எண் 24:8 எண் 24:9 எரே 50:44 ஓசி 11:10 ஆமோ 3:8 வெளிப் 5:5
5	பறக்கும் பறவைகள் போல் படைகளின் ஆண்டவர் எருசலேமுக்குப் பாதுகாப்பாய் இருப்பார்: அதைப் பாதுகாத்து விடுவிப்பார்: தண்டிக்காமல் தப்புவிப்பார்.	ஏசா 10:14 யாத் 19:4 உபா 32:11 சங் 46:5 சங் 91:4
6	இஸ்ரயேல் மக்களே! எனக்கெதிராகக் கலகம் செய்வதில் ஆழ்ந்துவிட்டீர்கள்: என்னிடம் திரும்பி வாருங்கள்.	ஏசா 55:7 எரே 3:10 எரே 3:14 எரே 3:22 எரே 31:18-20 ஓசி 14:1-3 யோவே 2:12 யோவே 2:13 அப் 3:19 அப் 26:20
7	அந்நாளில் உங்களுள் ஒவ்வொருவரும் தமக்குப் பாவத்தை விளைவித்துக் கொள்ளுமாறு செய்த பொன், வெள்ளிச் சிலைகளைத் தூக்கி எறிந்து விடுவார்.	ஏசா 2:20 ஏசா 30:22 உபா 7:25 எசே 36:25 ஓசி 14:8
8	“அசீரியன் வாளால் வீழ்வான்: ஆனால் மனிதரின் வாளாலன்று: அவனை வாள் விழுங்கிவிடும்: ஆனால் அது மனிதரின் வாளன்று: அவன் வாள் கண்டு, தப்பி ஓடுவான்: அவனுடைய இளங்காளையர் அடிமையாக்கப்படுவர்.	ஏசா 10:16-19 ஏசா 10:33-19 ஏசா 10:34-19 ஏசா 14:25 ஏசா 29:5 ஏசா 30:27-33 ஏசா 37:35 2இரா 19:34-37 2நாளா 32:21 ஓசி 1:7
9	அவன் பாறை திகிலுற்று ஓடிப்போகும்: அவன் தலைவர் கலக்கமுற்று ஓடுவர்” என்கிறார், சீயோனில் தீப்பிழம்பையும் எருசலேமில் தீச்சூளையையும் கொண்ட ஆண்டவர்.	ஏசா 11:10 ஏசா 18:3