1	என் நண்பரைக்குறித்துக் கவி பாடுவேன்: என் அன்பரின் திராட்சைத் தோட்டத்தைப்பற்றிக் காதல் பாட்டொன்று பாடுவேன்: செழுமை மிக்கதொரு குன்றின்மேல் என் நண்பருக்குத் திராட்சைத் தோட்டம் ஒன்றிருந்தது.	உபா 31:19-22 நியா 5:1-31 சங் 45:1 சங் 101:1
2	அவர் அதை நன்றாகக், கொத்திக்கிளறிக் கற்களைக் களைத்தெடுத்தார்: நல்ல இனத் திராட்சைச் செடிகளை அதில் நட்டுவைத்தார்: அவற்றைக் காக்கும் பொருட்டுக் கோபுரம் ஒன்றைக் கட்டி வைத்தார்: திராட்சைப் பழம் பிழிய ஆலை ஒன்றை அமைத்தார்: நல்ல திராட்சைக் குலைகள் கிட்டுமென எதிர்பார்த்து காத்திருந்தார்: மாறாக, காட்டு பழங்களையே அது தந்தது.	யாத் 33:16 எண் 23:9 உபா 32:8 உபா 32:9 சங் 44:1-3 ரோம 9:4
3	இப்பொழுது என் நண்பர் சொல்கிறார்: எருசலேமில் குடியிருப்போரே, யூதாவில் வாழும் மனிதரே, எனக்கும் என் திராட்சைத் தோட்டத்திற்கும் இடையே நீதி வழங்குங்கள்.	சங் 50:4-6 சங் 51:4 எரே 2:4 எரே 2:5 மீகா 6:2 மீகா 6:3 மத் 21:40 மத் 21:41 மாற் 12:9-12 லூக் 20:15 லூக் 20:16 ரோம 2:5 ரோம 3:4
4	என் திராட்சைத் தோட்டத்திற்குச் செய்யாது நான் விட்டு விட்டதும் இனிச் செய்யக் கூடியதும் ஏதும் உண்டோ? நற்கனிகளைத் தரும் என்று நான் காத்திருக்க, காட்டுப் பழங்களை அது தந்ததென்ன?	ஏசா 1:5 2நாளா 36:14-16 எரே 2:30 எரே 2:31 எரே 6:29 எரே 6:30 எசே 24:13 மத் 23:37 அப் 7:51-60
5	என் திராட்சைத் தோட்டத்திற்குச் செய்யப் போவதை உங்களுக்கு நான் அறிவிக்கிறேன், கேளுங்கள்: “நானே அதன் வேலியைப் பிடுங்கி எறிவேன்: அது தீக்கிரையாகும்: அதன் சுற்றுச் சுவரைத் தகர்த்தெறிவேன்: அது மிதியுண்டு போகும்.	ஆதி 11:4 ஆதி 11:7
6	நான் அதைப் பாழாக்கி விடுவேன்: அதன் கிளைகள் நறுக்கப்படுவதில்லை: களையை அகற்ற மண் கொத்தப்படுவதுமில்லை: நெருஞ்சியும், முட்புதர்களுமே அதில் முளைக்கும்: அதன்மீது மழை பொழியாதிருக்க மேகங்களுக்குக் கட்டளையிடுவேன்.”	ஏசா 5:9 ஏசா 5:10 ஏசா 6:11 ஏசா 6:12 ஏசா 24:1-3 ஏசா 24:12-3 ஏசா 32:13 ஏசா 32:14 லேவி 26:33-35 உபா 29:23 2நாளா 36:19-21 எரே 25:11 எரே 45:4 லூக் 21:24
7	படைகளின் ஆண்டவரது திராட்சைத் தோட்டம் இஸ்ரயேல் குடும்பத்தாரே: அவர் ஆர்வத்துடன் நட்ட கன்று யூதா மக்களே: நீதிக்கனி விளையுமென்று எதிர்நோக்கியிருந்தார்: ஆனால் விளைந்தோ இரத்தப்பழி: நேர்மை தழைக்கும் என்று காத்திருந்தார்: ஆனால் தழைத்ததோ முறைப்பாடு.	சங் 80:8-11 சங் 80:15-11 எரே 12:10
8	வீட்டோடு வீடு சேர்ப்பவர்களே, வயலோடு வயல் இணைத்துக் கொள்பவர்களே, உங்களுக்கு ஐயோ கேடு! பிறருக்கு இடமில்லாது நீங்கள்மட்டும் தனித்து”நாட்டில் வாழ்வீர்களோ?	எரே 22:13-17 மீகா 2:2 ஆபகூ 2:9-12 மத் 23:14 லூக் 12:16-24
9	என் காது கேட்கப் படைகளின் ஆண்டவர் ஆணையிட்டுக் கூறியது இதுவே: “மெய்யாகவே பல இல்லங்கள் பாழடைந்து போகும்: அழகுவாய்ந்த பெரிய மாளிகைகள் தங்குவதற்கு ஆள் இல்லாமற் போகும்.	ஏசா 22:14 ஆமோ 3:7
10	ஏனெனில் பத்து ஏக்கர் திராட்சைத் தோட்டம் ஒரு குடம் இரசம்தான் கொடுக்கும்: பத்துக் கலம் விதை விதைத்தால், ஒரு கலமே விளையும்.	லேவி 27:16 எசே 45:10 எசே 45:11 யோவே 1:17 ஆகா 1:9-11
11	விடியற் காலையிலேயே விழித்தெழுந்து, போதை தரும் மதுவை நாடி அலைந்து, இரவுவரை குடித்துப் பொழுதைப் போக்குகிறவர்களுக்கோ ஐயோ, கேடு!	ஏசா 5:22 ஏசா 28:1 நீதி 23:29 நீதி 23:30 பிரச 10:16 பிரச 10:17 ஓசி 7:5 ஓசி 7:6 ஆபகூ 2:15 லூக் 21:34 ரோம 13:13 1கொரி 6:10 கலா 5:21 1தெச 5:6 1தெச 5:7
12	அவர்கள் கேளிக்கை விருந்துகளில் கின்னரம், வீணை, தம்புரு, மதுபானம் இவையெல்லாம் உண்டு: ஆனால் ஆண்டவரின் செயல்களை அவர்கள் நினைவுகூர்வதில்லை: அவருடைய கைவினைகளை நோக்கிப் பார்ப்பதுமில்லை.	ஏசா 22:13 ஆதி 31:27 யோபு 21:11-14 தானி 5:1-4 தானி 5:23-4 ஆமோ 6:4-6 லூக் 16:19 யூதா 1:12
13	ஆதலால் அறியாமையால் என் மக்கள் நாடு கடத்தப்படுகின்றார்கள்: அவர்களில் பெருமதிப்பிற்குரியோர் பசியால் மடிகின்றார்கள்: பொதுமக்கள் தாகத்தால் நாவறண்டு போகின்றார்கள்:	ஏசா 1:7 ஏசா 42:22-25 2இரா 17:6 2நாளா 28:5-8
14	ஆதலால் பாதாளம் தன் வாயை அளவுகடந்து பிளந்துள்ளது: தன் பசியைப் பெருக்கியிருக்கிறது. எருசலேமின் உயர்குடிமக்கள், பொதுமக்கள், திரள் கூட்டத்தார், அதில் களியாட்டம் புரிவோர் ஆகியோர் ஒருங்கே அதனுள் இறங்குவார்கள்.	ஏசா 14:9 ஏசா 30:33 சங் 49:14 நீதி 27:20 எசே 32:18-30 ஆபகூ 2:5 மத் 7:13 வெளிப் 20:13-15
15	மனிதர் தலைகுனிவர், மானிடமைந்தர் தாழ்வுறுவர், இறுமாப்புக் கொண்டோரின் பார்வை தாழ்ச்சியடையும்.	ஏசா 2:9 ஏசா 2:11 ஏசா 2:17 ஏசா 9:14-17 ஏசா 24:2-4 சங் 62:9 எரே 5:4 எரே 5:5 எரே 5:9 யாக் 1:9-11 வெளிப் 6:15 வெளிப் 6:16
16	ஆனால் படைகளின் ஆண்டவர் தம் நீதியால் உயர்ந்திருப்பார்: தூயவராம் இறைவன் தம் நேர்மையால் தம்மைத் தூயவராக வெளிப்படுத்துவார்.	ஏசா 12:4 1நாளா 29:11 சங் 9:16 சங் 21:13 சங் 46:10 எசே 28:22 எசே 38:23 ரோம 2:5 வெளிப் 19:1-5
17	அப்பொழுது ஆட்டுக்குட்டிகள் தங்கள் மேய்ச்சல் நிலத்தில் மேய்வதுபோல மேயும், வெள்ளாட்டுக் குட்டிகளும் இளங்கன்றுகளும் பாழடைந்த இடங்களில் மேயும்.	ஏசா 7:21 ஏசா 7:22 ஏசா 7:25 ஏசா 17:2 ஏசா 32:14 ஏசா 40:11 ஏசா 65:10 செப் 2:6 செப் 2:14
18	பொய்ம்மை என்னும் கயிறுகளால் தீச்செயலைக் கட்டி இழுத்து, வண்டியைக் கயிற்றால் இழுப்பது போலப் பாவத்தையும் கட்டி இழுப்பவர்களுக்கு ஐயோ கேடு!	ஏசா 28:15 நியா 17:5 நியா 17:13 2சாமு 16:20-23 சங் 10:11 சங் 14:1 சங் 36:2 சங் 94:5-11 எரே 5:31 எரே 8:5-9 எரே 23:10 எரே 23:14 எரே 23:24 எரே 28:15 எரே 28:16 எரே 44:15-19 எசே 13:10 எசே 13:11 எசே 13:22 செப் 1:12 யோவா 16:2 அப் 26:9
19	“நாங்கள் பார்க்கும்படி அவர் விரைவாய் வந்து, தம் வேலையைத் துரிதமாய்ச் செய்யட்டும்: நாங்கள் அறியும்படி, இஸ்ரயேலின் தூயவர் தம் நோக்கத்தை வெளிப்படுத்தி அதை நிறைவேற்றட்டும்” என்று சொல்கிறவர்களுக்கு ஐயோ, கேடு!	ஏசா 66:5 எரே 5:12 எரே 5:13 எரே 17:15 எசே 12:22 எசே 12:27 ஆமோ 5:18 ஆமோ 5:19 2பேது 3:3 2பேது 3:4
20	தீமையை நன்மை என்றும், நன்மையைத் தீமை என்றும் சொல்லி, இருளை ஒளியாக்கி, ஒளியை இருளாக்கி, கசப்பை இனிப்பாக்கி, இனிப்பைக் கசப்பாக்குகிறவர்களுக்கு ஐயோ கேடு!	நீதி 17:15 மல்கி 2:17 மல்கி 3:15 மத் 6:23 மத் 15:3-6 மத் 23:16-23 லூக் 11:35 லூக் 16:15 2தீமோ 3:1-5 2பேது 2:1 2பேது 2:18 2பேது 2:19
21	தங்கள் பார்வையில் ஞானிகள் என்னும், தங்கள் கணிப்பில் கூர்மதி வாய்ந்தவர்கள் என்றும் தங்களையே கருதுபவர்களுக்கு ஐயோ கேடு!	யோபு 11:12 நீதி 3:7 நீதி 26:12 நீதி 26:16 யோவா 9:41 ரோம 1:22 ரோம 11:25 ரோம 12:16 1கொரி 3:18-20
22	திராட்சை இரசம் குடிப்பதில் தீரர்களாகவும், மதுபானம் கலப்பதில் திறமைசாலிகளாகவும் இருப்பவர்களுக்கு ஐயோ கேடு!	ஏசா 5:11 ஏசா 28:1-3 ஏசா 28:7-3 நீதி 23:19 நீதி 23:20 ஆபகூ 2:15
23	அவர்கள் கையூட்டு வாங்கிக்கொண்டு, குற்றவாளியை நேர்மையாளர் எனத் தீர்ப்பிடுகின்றார்கள்: குற்றமற்றவருக்கு நீதி கிடைப்பதைத் தடை செய்கின்றார்கள்:	யாத் 23:6-9 நீதி 17:15 நீதி 24:24 நீதி 31:4 நீதி 31:5
24	ஆதலால், நெருப்புத் தணல் வைக்கோலை எரித்துச் சாம்பலாக்குவது போல, காய்ந்த புல் தீக்கிரையாக்கித் தீய்ந்து போவது போல, அவர்கள் ஆணிவேர் அழுகிப்போகும்: அவர்கள் வழிமரபு துரும்புபோல் பறந்து போகும்: ஏனெனில் அவர்கள், படைகளின் ஆண்டவரது திருச்சட்டத்தைப் புறக்கணித்தார்கள்: இஸ்ரயேலின் தூயவரது வாக்கை வெறுத்துத் தள்ளினார்கள்.	ஏசா 47:14 யாத் 15:7 யோவே 2:5 நாகூ 1:10 மல்கி 4:1 1கொரி 3:12 1கொரி 3:13
25	ஆதலால், ஆண்டவரின் சினத் தீ அவருடைய மக்களுக்கு எதிராகக் கிளர்ந்தெழுந்தது, அவர்களுக்கு எதிராக அவர் தம் கையை நீட்டி அவர்களை நொறுக்கினார். மலைகள் நடுநடுங்கின: அவர்களுடைய சடலங்கள் நடுத்தெருவில் நாதியற்றுக் குப்பை போல் கிடந்தன: இவையெல்லாம் நடந்தும் அவரது சீற்றம் தணியவில்லை. நீட்டிய சினக்கை இன்னும் மடங்கவில்லை.	உபா 31:17 உபா 32:19-22 2இரா 13:3 2இரா 22:13-17 2நாளா 36:16 சங் 106:40 புலம் 2:1-3 புலம் 5:22 1தெச 2:16
26	அவர் தொலையிலுள்ள பிற இனத்துக்கு ஓர் அடையாளக் கொடியைக் காட்டியுள்ளார்: மண்ணுலகின் எல்லைகளிலிருந்து சீழ்க்கை ஒலியால் அதனை அழைத்துள்ளார், அந்த இனம் வெகுவிரைவாய் வந்து கொண்டிருக்கின்றது.	ஏசா 11:12 ஏசா 18:3 எரே 51:27
27	அவர்களுள் ஒருவனும் களைப்பபடையவில்லை: இடறி விழவில்லை: தூங்கவில்லை: உறங்கவுமில்லை: அவர்களில் யாருக்கேனும் இடுப்புக்கச்சை அவிழ்ந்து விழவில்லை: மிதியடிகளின் வாரேதும் அறுந்து போகவுமில்லை.	யோவே 2:7 யோவே 2:8
28	அவர்களுடைய அம்புகள் கூர்மையானவை: அவர்களுடைய விற்கள் நாணேற்றப்பட்டுள்ளன: அவர்களுடைய குதிரைகளின் குளம்புகள் கருங்கற்களைப்N பால் காட்சியளிக்கின்றன: அவர்களுடைய தேர்ச் சக்கரங்கள் சூறாவளிக் காற்றைப்போல் சுழல்கின்றன.	சங் 45:5 சங் 120:4 எரே 5:16 எசே 21:9-11
29	அவர்களின் கர்ச்சனை பெண் சிங்கத்தினுடையதை ஒத்தது: இளஞ் சிங்கங்களைப்போல் அவர்கள் கர்ச்சிக்கிறார்கள்: உறுமிக்கொண்டு தங்கள் இரையைக் கவ்விப் பிடிப்பார்கள்: யாரும் விடுவிக்க இயலாதவாறு இரையை எடுத்துக்கொண்டு போய் விடுவார்கள்.	ஏசா 31:4 ஆதி 49:9 எண் 24:9 எரே 4:7 எரே 49:19 எரே 50:17 ஓசி 11:10 ஆமோ 3:8 சகரி 11:3
30	அந்நாளில் கடலின் பேரிரைச்சல்போல் இஸ்ரயேலுக்கு எதிராக இரைந்து உறுமுவார்கள்: நாட்டை ஒருவன் பார்க்கையில், இருளும் துன்பமுமே காண்பான்: மேகத்திரள் ஒளியை விழுங்கிவிட்டது.	சங் 93:3 சங் 93:4 எரே 6:23 எரே 50:42 லூக் 21:25