1	அந்நாளில் ஓர் ஆடவனை ஏழு பெண்கள் பிடித்துக்கொண்டு, “நாங்கள் எங்கள் சொந்த உணவை உண்டு வாழ்வோம்: எங்கள் சொந்த ஆடைகளை உடுத்திக் கொள்வோம்: உமது பெயரை மட்டும் எங்களுக்கு வழங்கி எங்கள் இழிவை நீக்குவீராக” என்பார்கள்.	ஏசா 2:11 ஏசா 2:17 ஏசா 10:20 ஏசா 17:7 லூக் 21:22
2	அந்நாளில் ஆண்டவரால் துளிர்க்கும் தளிர், அழகும் மேன்மையும் வாய்ந்ததாய் இருக்கும்: நாட்டில் விளையும் நற்கனிவகைகள், இஸ்ரயேலில் தப்பிப் பிழைத்தவர்களின் பெருமையும் மேன்மையுமாய் அமையும்.	ஏசா 11:1 ஏசா 60:21 எரே 23:5 எரே 33:15 எசே 17:22 எசே 17:23 சகரி 3:8 சகரி 6:12
3	அந்நாளில் சீயோனில் எஞ்சியிருப்போரும், எருசலேமில் தப்பி வாழ்வோரும், “புனிதர்” எனப் பெயர் பெறுவர்: உயிர் பிழைப்பதற்கென்று எருசலேமில் பெயர் எழுதப்பட்டோரும் “புனிதர்” எனப்படுவர்.	ஏசா 1:27 ஏசா 52:1 ஏசா 60:21 எசே 36:24-28 எசே 43:12 சகரி 14:20 சகரி 14:21 எபே 1:4 கொலோ 3:12 எபிரெ 12:14 1பேது 2:9
4	என் தலைவர் சீயோன் மகளின் தீட்டைக் கழுவித் தூய்மைப்படுத்துவார்: நீதியின்படி தீர்ப்பிடும் அவரது தன்மையாலும் நெருப்புத்தணலையொத்த அவரது ஆற்றலாலும் எருசலேமின் இரத்தக் கறைகளைக் கழுவி அதனைத் தூய்மைப்படுத்துவார்.	ஏசா 3:16-26 புலம் 1:9 எசே 16:6-9 எசே 22:15 எசே 36:25 எசே 36:29 யோவே 3:21 செப் 3:1 சகரி 3:3 சகரி 3:4 சகரி 13:1 சகரி 13:9 மல்கி 3:2 மல்கி 3:3
5	சீயோன் மலையின் முழுப்பரப்பின் மேலும், அங்கே கூடிவரும் சபைக் கூட்டங்கள் மேலும், மேகத்தை ஆண்டவர் பகலில் தோற்றுவிப்பார்: புகைப்படலத்தையும், கொழுந்து விட்டெரியும் நெருப்பின் ஒளிச் சுடரையும் இரவில் ஏற்படுத்துவார்: ஏனெனில், அனைத்து மாட்சிக்கு மேல் ஒருவிதான மண்டபம் இருக்கும்.	ஏசா 32:18 ஏசா 33:20 சங் 87:2 சங் 87:3 சங் 89:7 சங் 111:1 மத் 18:20 மத் 28:20
6	அது பகல் வெப்பத்தினின்று காக்கும் நிழலாகவும், புயல்காற்றுக்கும் மழைக்கும் ஒதுங்கும் புகலிடமாகவும் அரணாகவும் அமையும்.	ஏசா 8:14 ஏசா 25:4 சங் 27:5 சங் 91:1 சங் 121:5 சங் 121:6 நீதி 18:10 எசே 11:16 எபிரெ 6:18 வெளிப் 7:16