1	அதே ஆண்டில், அதாவது யூதாவின் அரசனான செதேக்கியாவினுடைய ஆட்சியின் நான்காம் ஆண்டு ஐந்தாம் மாதத்தில் அசூரின் மகனும் கிபயோனைச் சார்ந்தவனுமான அனனியா என்னும் இறைவாக்கினன் ஆண்டவரின் இல்லத்தில் குருக்கள் மற்றும் மக்கள் அனைவருடைய முன்னிலையிலும் என்னிடம் உரைத்தது:	எரே 27:1
2	“இஸ்ரயேலின் கடவுளான படைகளின் ஆண்டவர் இவ்வாறு கூறுகிறார்: 'பாபிலோனிய மன்னனது நுகத்தை நான் முறித்தெறிந்துவிட்டேன்.	எரே 27:2-12 எசே 13:5-16 மீகா 3:11
3	பாபிலோனிய மன்னன் நெபுகத்னேசர் இவ்விடத்தினின்று கவர்ந்து, பாபிலோனுக்கு எடுத்துச் சென்றுள்ள ஆண்டவரது இல்லத்தின் கலங்கள் எல்லாவற்றையும் இரண்டே ஆண்டுக் காலத்திற்குள் இவ்விடத்திற்குத் திரும்பக் கொண்டுவருவேன்.	ஆதி 47:9 ஆதி 47:28 சங் 90:10
4	அத்தோடு யோயாக்கிமின் மகனும் யூதாவின் அரசனுமான எக்கோனியாவையும் பாபிலோனுக்கு நாடு கடத்தப்பட்ட யூதா மக்கள் அனைவரையும் இவ்விடத்திற்கு நான் திரும்பக் கொண்டு வருவேன். ஏனெனில், பாபிலோனிய மன்னனது நுகத்தை நான் முறித்தெறிவேன்', என்கிறார் ஆண்டவர்”.	எரே 22:24 எரே 22:28 எரே 24:1 எரே 52:31-34 2இரா 25:27-30
5	அப்பொழுது ஆண்டவரின் இல்லத்தில் நின்று கொண்டிருந்த குருக்கள், மக்கள் அனைவர் முன்னிலையிலும், இறைவாக்கினர் எரேமியா இறைவாக்கினன் அனனியாவிடம் பேசினார்.	எரே 28:1 எரே 7:2 எரே 19:14 எரே 26:2
6	இறைவாக்கினர் எரேமியா அவனை நோக்கி, “ஆமென்! ஆண்டவர் அவ்வாறே செய்வாராக! நீர் உரைத்த சொற்களை ஆண்டவர் நிறைவேற்றுவாராக! ஆண்டவர் இல்லத்தின் கலங்களையும் நாடுகடத்தப்பட்டோர் அனைவரையும் பாபிலோனிலிருந்து இவ்விடத்திற்குத் திரும்பக் கொண்டுவருவாராக!	எண் 5:22 உபா 27:15-26 1இரா 1:36 1நாளா 16:36 சங் 41:13 சங் 72:19 சங் 89:52 சங் 106:48 மத் 6:13 மத் 28:20 1கொரி 14:16 2கொரி 1:20 வெளிப் 1:18 வெளிப் 3:14 வெளிப் 5:14 வெளிப் 19:4 வெளிப் 22:20 வெளிப் 22:21
7	ஆயினும் உம்செவிகளிலும் மக்கள் அனைவரின் செவிகளிலும் விழும்படி நான் உரைக்கும் இச்சொல்லைக் கவனித்துக் கேளும்.	1இரா 22:28
8	உமக்கும் எனக்கும் முன்பே பண்டைய நாள்களில் வாழ்ந்த இறைவாக்கினர், பல நாடுகள், பேரரசுகளுக்கு எதிராகப் போர், துன்பம், கொள்ளைநோய் ஆகியவைப்பற்றி இறைவாக்கு உரைத்திருக்கின்றனர்.	லேவி 26:14-46 உபா 4:26 உபா 4:27 உபா 28:15-68 உபா 29:18-28 உபா 31:16 உபா 31:17 உபா 32:15-44 1சாமு 2:27-32 1சாமு 3:11-14 1இரா 14:7-15 1இரா 17:1 1இரா 21:18-24 1இரா 22:8 ஏசா 5:1-8 ஏசா 6:9-12 ஏசா 13:18 ஏசா 24:1-23 யோவே 1:2-20 யோவே 3:1-11 மீகா 3:8-12 நாகூ 1:1-3 ஆமோ 1:2
9	நல்வாழ்வை முன்னறிவிக்கும் இறைவாக்கினரைப் பொறுத்தவரை, அவரது வாக்கு நிறைவேறும் பொழுதுதான், ஆண்டவர் அவரை உண்மையாகவே அனுப்பியுள்ளார் என்பது தெரியவரும்” என்றார்.	எரே 4:10 எரே 6:14 எரே 8:11 எரே 14:13 எசே 13:10 எசே 13:16
10	அதைக் கேட்ட இறைவாக்கினன் அனனியா இறைவாக்கினர் எரேமியாவின் கழுத்திலிருந்து நுகத்தைப் பிடுங்கி முறித்தெறிந்தான்.	எரே 28:2 எரே 28:4 எரே 27:2 எரே 36:23 எரே 36:24 1இரா 22:11 1இரா 22:24 1இரா 22:25 மல்கி 3:13
11	மேலும், அனனியா எல்லா மக்கள் முன்னிலையிலும், “ஆண்டவர் கூறுவது இதுவே: இவ்வாறே பாபிலோனிய மன்னன் நெபுகத்னேசரின் நுகத்தை இன்னும் இரண்டே ஆண்டுகளில் மக்களினத்தார் அனைவருடைய கழுத்தினின்றும் பிடுங்கி முறித்தெறிவேன்” என்றான். உடனே இறைவாக்கினர் எரேமியா அவ்விடம் விட்டு அகன்றார்.	எரே 23:17 எரே 29:9 1இரா 13:18 1இரா 22:6 1இரா 22:11 1இரா 22:12 2நாளா 18:10 2நாளா 18:22 2நாளா 18:23 நீதி 14:7 எசே 13:7
12	இறைவாக்கினன் அனனியா இறைவாக்கினர் எரேமியாவின் கழுத்திலிருந்த நுகத்தை முறித்தெறிந்த சில நாள்களுக்குப் பின்னர், ஆண்டவரின் வாக்கு எரேமியாவுக்கு அருளப்பட்டது:	எரே 1:2 எரே 29:30 2இரா 20:4 1நாளா 17:3 தானி 9:2
13	13”நீ யோய் அனனியாவிடம் சொல்: ஆண்டவர் கூறுவது இதுவே: நீ மர நுகத்தை முறித்தெறிந்தாய்: அதற்குப் பதிலாக இரும்பு நுகத்தைச் செய்து கொள்வாய்.	எரே 27:15 சங் 149:8 புலம் 2:14
14	ஏனெனில், இஸ்ரயேலின் கடவுளாகிய படைகளின் ஆண்டவர் கூறுகிறார்: இந்த மக்களினத்தார் அனைவரின் கழுத்தில் இரும்பு நுகத்தை வைத்துள்ளேன். ஆதலால் அவர்கள் பாபிலோனிய மன்னன் நெபுகத்னேசருக்கு அடிபணிந்து பணிவிடை செய்வார்கள். காட்டு விலங்குகளையும் அவனிடம் ஒப்புவித்திருக்கிறேன்.”	எரே 27:4 எரே 27:7 எரே 40:4 உபா 4:20 உபா 28:48 ஏசா 14:4-6
15	அப்பொழுது இறைவாக்கினர் எரேமியா இறைவாக்கினன் அனனியாவிடம் கூறியது: “அனனியாவே, கூர்ந்து கேள்: ஆண்டவர் உன்னை அனுப்பவில்லை. அப்படியிருந்தும் இம்மக்கள் பொய்யை நம்பும்படி நீ செய்துவிட்டாய்.	எரே 28:11 எரே 14:14 எரே 14:15 எரே 23:21 எரே 27:15 எரே 29:23 எரே 29:31 எரே 29:32 1இரா 22:23 எசே 13:2 எசே 13:3 எசே 13:22 எசே 22:28 புலம் 2:14 சகரி 13:3
16	எனவே, ஆண்டவர் கூறுகிறார்: இதோ! நான் இவ்வுலகினின்றே உன்னை அனுப்பி வைக்கப்போகிறேன். ஆண்டவருக்கு எதிராக மக்கள் கிளர்ச்சி செய்யுமாறு நீ போதித்ததால், இந்த ஆண்டிலேயே நீ சாவாய்!”	ஆதி 7:4 யாத் 32:12 உபா 6:15 1இரா 13:34 ஆமோ 9:8
17	அவ்வாறே அதே ஆண்டு ஏழாம் மாதத்தில் இறைவாக்கினன் அனனியா மாண்டான்.	ஏசா 44:25 ஏசா 44:26 சகரி 1:6