1	இஸ்ரயேல் வீட்டாரே, உங்களைப் பற்றி நான் புலம்பிக் கூறும் இந்த வாக்கைக் கேளுங்கள்:	ஆமோ 3:1 ஆமோ 4:1
2	“இஸ்ரயேல் என்னும் கன்னிப் பெண் விழுந்துகிடக்கிறாள், இனி எழவேமாட்டாள்: தரையில் தன்னந்தனியளாய்க் கிடக்கின்றாள்: அவளைத் தூக்கிவிடுவார் யாருமில்லை.”	ஏசா 37:22 எரே 14:17 எரே 18:13 எரே 31:4 புலம் 2:13
3	ஏனெனில், தலைவராகிய ஆண்டவர் கூறுவது இதுவே: “ஆயிரம் பேரை அனுப்பிய நகரில் நூறு பேரே எஞ்சியிருப்பர்: நூறு பேரை அனுப்பிய நகரில் பத்துப் பேரே எஞ்சியிருப்பர்: இஸ்ரயேல் வீட்டாரின் கதி இதுவே.”	உபா 4:27 உபா 28:62 ஏசா 1:9 ஏசா 10:22 எசே 12:16 ரோம 9:27
4	இஸ்ரயேல் வீட்டாருக்கு ஆண்டவர் இவ்வாறு கூறுகிறார்: என்னைத் தேடுங்கள், நீங்கள் வாழ்வீர்கள்:	ஆமோ 5:6 உபா 30:1-8 1நாளா 28:9 2நாளா 15:2 2நாளா 20:3 2நாளா 34:3 சங் 14:2 சங் 27:8 ஏசா 55:6 ஏசா 55:7 எரே 29:12 எரே 29:13 புலம் 3:25 புலம் 3:26 செப் 2:3 மத் 7:8
5	ஆனால் பெத்தேலைத் தேடாதீர்கள், கில்காலில் காலெடுத்து வைக்காதீர்கள்: பெயேர்செபாவுக்குக் கடந்து போகவேண்டாம்: ஏனெனில் கில்கால் உண்மையாகவே நாடுகடத்தப்படும்: பெத்தேல் பாழாக்கப்படும்.	ஆமோ 4:4 ஓசி 4:15 ஓசி 9:15 ஓசி 10:14 ஓசி 10:15 ஓசி 12:11
6	ஆண்டவரைத் தேடுங்கள்: நீங்கள் வாழ்வீர்கள்: இல்லையேல் அவர் யோசேப்பின் வீட்டின்மேல் தீ மூளச் செய்வார். அந்நெருப்பு அதை விழுங்கிவிடும், பெத்தேலில் அந்நெருப்பை அணைக்கக்கூடியவர் எவருமிரார்.	ஆமோ 5:4 எசே 33:11
7	அவர்கள் நீதியை எட்டிக்காயாய் மாற்றுகின்றார்கள்: நேர்மையை மண்ணில் எறிகின்றார்கள்.	ஆமோ 5:11 ஆமோ 5:12 ஆமோ 6:12 உபா 29:18 ஏசா 1:23 ஏசா 5:7 ஏசா 10:1 ஏசா 59:13 ஏசா 59:14 ஓசி 10:4 ஆபகூ 1:12-14
8	ஆனால், அவரே கார்த்திகை, மிருகசீரிடம் ஆகிய விண்மீன்களை உண்டாக்கியவர்: காரிருளைக் காலைப்பொழுது ஆகச் செய்பவர்: பகற்பொழுதை இரவு வேளையாய் மாற்றுபவர்: கடல் நீரை அழைத்து நிலத்தின்மேல் பொழியச் செய்பவர்: அவரது பெயர் “ஆண்டவர்”.	யோபு 9:9 யோபு 38:31 யோபு 38:32
9	வலிமை மிக்க தளங்கள்மேல் அவர் அழிவை அனுப்புவதால் அவை அழிவைக் காண்கின்றன.	2இரா 13:17 2இரா 13:25 எரே 37:10 எபிரெ 11:34
10	அவர்கள் நகர் வாயிலில் நின்றுகொண்டு தங்களைக் கண்டிப்பவனைப் பகைக்கிறார்கள்: உண்மை பேசுபவனை வெறுத்து ஒதுக்குகின்றார்கள்.	ஆமோ 7:10-17 1இரா 18:17 1இரா 21:20 1இரா 22:8 2நாளா 24:20-22 2நாளா 25:16 2நாளா 36:16 நீதி 9:7 நீதி 9:8 ஏசா 29:21 எரே 20:7-10 யோவா 7:7 யோவா 15:19 யோவா 15:22-24 வெளிப் 11:10
11	நீங்கள் ஏழைகளை நசுக்கி, அவர்களிடம் தானிய வரியாக வாங்கியதைக் கொண்டு நன்கு செதுக்கிய கற்களால் வீடு கட்டினீர்கள்: அந்த வீடுகளில் நீங்கள் வாழப் போவதில்லை: அருமையான திராட்சைத் தோட்டங்களை அமைத்தீர்கள்: அவை தரும் திராட்சை இரசத்தை நீங்கள் குடிக்கப் போவதில்லை.	ஆமோ 4:1 ஏசா 5:7 ஏசா 5:8 ஏசா 59:13 ஏசா 59:14 மீகா 2:2 மீகா 3:1-3 யாக் 2:6 வெளிப் 11:8-10
12	உங்கள் குற்றங்கள் எவ்வளவு மிகுதியானவை என்றும் உங்கள் பாவங்கள் எத்துணைக் கொடியவை என்றும் நான் அறிவேன்: நல்லாரைத் துன்புறுத்துகிறீர்கள், கையூட்டு வாங்குகிறீர்கள், நகர் வாயிலில் வறியோருக்கு நீதி வழங்க மறுக்கிறீர்கள்.	உபா 31:21 ஏசா 66:18 எரே 29:23 எபிரெ 4:12 எபிரெ 4:13
13	அது கெட்ட காலம் என்பதால், அப்போது விவேகமுள்ளவன் வாய் திறக்கமாட்டான்.	ஆமோ 6:10 பிரச 3:7 ஏசா 36:21 ஓசி 4:4 மீகா 7:5-7 மத் 27:12-14
14	நன்மையை நாடுங்கள், தீமையைத் தேடாதீர்கள்: அப்பொழுது நீங்கள் சொல்வதுபோல படைகளின் கடவுளாகிய ஆண்டவர் உங்களோடு இருப்பார்.	சங் 34:12-16 நீதி 11:27 ஏசா 1:16 ஏசா 1:17 ஏசா 55:2 மீகா 6:8 மத் 6:33 ரோம 2:7-9
15	தீமையை வெறுத்து நன்மையை நாடுங்கள்: நகர் வாயிலில் நீதியை நிலைநாட்டுங்கள்: அப்பொழுது ஒருவேளை படைகளின் கடவுளாகிய ஆண்டவர் யோசேப்பின் வீட்டாரில் எஞ்சியிருப்போர்க்கு இரக்கம் காட்டுவார்.	சங் 34:14 சங் 36:4 சங் 37:27 சங் 97:10 சங் 119:104 சங் 139:21 சங் 139:22 ரோம 7:15 ரோம 7:16 ரோம 7:22 ரோம 8:7 ரோம 12:9 1தெச 5:21 1தெச 5:22 3யோவா 1:11
16	ஆகையால், படைகளின் கடவுளும் தலைவருமாகிய ஆண்டவர் இவ்வாறு கூறுகிறார்: “பொதுவிடங்கள் எங்கும் அழுகுரல் கேட்கும், எல்லா வீதிகளிலும், “ஐயோ! ஐயோ!” என்ற புலம்பல் எழும்பும்: வயலில் வேலை செய்வாரை அழுவதற்குக் கூப்பிடுவர்: ஒப்பாரி பாடத் தெரிந்தவர்களை ஓலமிட்டுப் புலம்ப அழைப்பர்.	ஆமோ 5:27 ஆமோ 3:13
17	திராட்சைத் தோட்டம் எங்கணும் ஒரே அழுகையாய் இருக்கும்: ஏனெனில், உங்கள் நடுவே நான் கடந்து செல்வென்”, என்கிறார் ஆண்டவர்.	ஏசா 16:10 ஏசா 32:10-12 எரே 48:33 ஓசி 9:1 ஓசி 9:2
18	ஆண்டவரின் நாளைப் பார்க்க விரும்புவோரே, உங்களுக்கு ஐயோ கேடு! ஆண்டவரின் நாளுக்காக நீங்கள் ஏங்குவது ஏன்? அது ஒளிமிக்க நாளன்று: இருள் சூழந்த நாளாகத் தான் இருக்கும்.	ஏசா 5:19 ஏசா 28:15-22 எரே 17:15 எசே 12:22 எசே 12:27 மல்கி 3:1 மல்கி 3:2 2பேது 3:4
19	அந்த நாள், சிங்கத்திடமிருந்து தப்பி ஓடிய ஒருவனைக் கரடி ஒன்று எதிர்கொண்டாற்போலும், அவன் தப்பியோடி வீட்டிற்குள் நுழைந்து, சுவரில் கைவைத்துச் சாய்ந்த போது, பாம்பு ஒன்று கடித்தாற்போலும் இருக்கும்!	ஆமோ 9:1 ஆமோ 9:2 1இரா 20:29 1இரா 20:30 யோபு 20:24 யோபு 20:25 ஏசா 24:17 ஏசா 24:18 எரே 15:2 எரே 15:3 எரே 48:43 எரே 48:44 அப் 28:4
20	ஆண்டவரின் நாள் ஒளியின் நாள் அன்று: அது இருள் கவிந்தது அல்லவா? வெளிச்சமில்லாத காரிருள் அல்லவா?	யோபு 3:4-6 யோபு 10:21 யோபு 10:22 ஏசா 13:10 எசே 34:12 நாகூ 1:8 மத் 22:13 யூதா 1:13 வெளிப் 16:10
21	“உங்கள் திருவிழாக்களை நான் வெறுத்து அருவருக்கின்றேன்: உங்கள் வழிபாட்டுக் கூட்டங்களில் எனக்கு விருப்பமே இல்லை.	நீதி 15:8 நீதி 21:27 நீதி 28:9 ஏசா 1:11-16 ஏசா 66:3 எரே 6:20 எரே 7:21-23 ஓசி 8:13 மத் 23:14
22	எரிபலிகளையும் தானியப் படையல்களையும் எனக்கு நீங்கள் செலுத்தினாலும் நான் ஏற்க மாட்டேன்: கொழுத்த விலங்குகளை நல்லுறவுப் பலிகளாகச் செலுத்தும்போது நான் ஏறெடுத்தும் பார்க்கமாட்டேன்.	சங் 50:8-13 ஏசா 66:3 மீகா 6:6 மீகா 6:7
23	என் முன்னிலையில் நீங்க்ள இரைச்சலிட்டுப் பாடும் பாடல்களை நிறுத்துங்கள், உங்கள் வீணைகளின் ஓசையை நான் கேட்க மாட்டேன்.	ஆமோ 6:5 ஆமோ 8:3 ஆமோ 8:10
24	மாறாக, நீதி வெள்ளமெனப் பொங்கி வருக! நேர்மை வற்றாத ஆறாகப் பாய்ந்து வருக!	ஆமோ 5:7 ஆமோ 5:14 ஆமோ 5:15 யோபு 29:12-17 நீதி 21:3 ஓசி 6:6 மீகா 6:8 மாற் 12:32-34
25	“இஸ்ரயேல் வீட்டாரே, பாலை நிலத்தில் இருந்த அந்த நாற்பது ஆண்டுகளில் பலிகளும் காணிக்கைகளும் எனக்குக் கொடுத்தீர்களோ?	லேவி 17:7 உபா 32:17-19 யோசு 24:14 நெகே 9:18 நெகே 9:21 ஏசா 43:23 ஏசா 43:24 எசே 20:8 எசே 20:16 எசே 20:24 ஓசி 9:9 ஓசி 9:10 சகரி 7:5 அப் 7:42 அப் 7:43
26	நீங்கள் சிக்கூத்தை மன்னனாகவும் கிய்யோனை விண்மீன் தெய்வமாகவும் ஏற்றுக் கொண்டீர்கள்: அவற்றின் வடிவில் உங்களுக்கெனச் சிலைகளும் செய்து கொண்டீர்கள்: அந்தச் சிலைகளை நீங்கள் தூக்கிக்கொண்டு போகும் நாள் வரும்.	லேவி 18:21 லேவி 20:2-5 1இரா 11:33 2இரா 23:12 2இரா 23:13
27	உங்களை நாள் தமஸ்குவுக்கும் அப்பால் நாடுகடத்தப்போகிறேன்”, என்கிறார் ஆண்டவர்: அவரது பெயர் “படைகளின் கடவுள்.”	2இரா 15:29 2இரா 17:6 அப் 7:43