1	பாபிலோனிய மன்னன் நெபுகத்னேசரும், அவருடைய எல்லாப் படைகளும், அவரது ஆட்சிக்கு உட்பட்ட உலகின் அரசுகள், மக்களினங்கள் அனைத்தும் எருசலேமையும் அதன் நகர்களையும் எதிர்த்துப் போரிட்டுக்கொண்டிருந்த வேளையில், ஆண்டவரிடமிருந்து எரேமியாவுக்கு அருளப்பட்ட வாக்கு:	எரே 34:7 எரே 32:2 எரே 39:1-3 எரே 52:4-11 2இரா 25:1-9 2நாளா 36:12-17
2	இஸ்ரயேலின் கடவுளாகிய ஆண்டவர் இவ்வாறு கூறுகிறார்: நீ போய், யூதா அரசன் செதேக்கியாவிடம் சொல்லவேண்டியது: ஆண்டவர் கூறுவது இதுவே: பாபிலோனிய மன்னனிடம் இந்நகரைக் கையளிக்கப்போகிறேன். அவன் அதைத் தீக்கிரையாக்குவான்.	எரே 22:1 எரே 22:2 எரே 37:1-4 2நாளா 36:11 2நாளா 36:12
3	நீ அவனுடைய கைக்குத் தப்பமாட்டாய்: மாறாகத் திண்ணமாய்ப் பிடிபட்டு, அவன் கையில் ஒப்புவிக்கப்படுவாய். பாபிலோனிய மன்னனை நீ முகத்துக்குமுகம் பார்ப்பாய்: அவனோடு நேருக்கு நெர் பேசுவாய்: நீ பாபிலோனுக்குப் போவாய்.	எரே 34:21 எரே 21:7 எரே 32:4 எரே 37:17 எரே 38:18 எரே 39:4 எரே 39:5 எரே 52:7-9 2இரா 25:4 2இரா 25:5
4	ஆயினும், யூதாவின் அரசனே! செதேக்கியா! ஆண்டவரின் வாக்கைக் கேள். உன்னைப் பற்றி ஆணடவர் கூறுவது இதுவே: நீ வாளால் மடியமாட்டாய்:
5	ஆனால் அமைதியாகவே சாவாய். உனக்குமுன் வாழ்ந்த பண்டைய அரசர்களான உன் மூதாதையரின் நினைவாக மக்கள் நறுமணப் பொருள்களை எரித்தது போன்று, உன் நினைவாகவும் எரிப்பார்கள்: “ஐயோ, தலைவா!” எனச் சொல்லி உன்பொருட்டுப் புலம்புவார்கள்! இது உறுதி, என்கிறார் ஆண்டவர்.	2இரா 22:20 2நாளா 34:28 எசே 17:16
6	பின்னர் இறைவாக்கினர் எரேமியா எருசலேமில் யூதா அரசன் செதேக்கியாவிடம் இவற்றை எல்லாம் கூறினார்.	1சாமு 3:18 1சாமு 15:16-24 2சாமு 12:7-12 1இரா 21:19 1இரா 22:14 எசே 2:7 மத் 14:4 அப் 20:27
7	அப்பொழுது எருசலேமுக்கு எதிராகவும், யூதாவின் அரண்சூழ் நகர்களுள் எஞ்சியிருந்த இலாக்கிசு, அசேக்காவுக்கு எதிராகவும் பாபிலோனிய மன்னனின் படை போரிட்டுக் கொண்டிருந்தது.	எரே 34:1 எரே 4:5 எரே 8:14 எரே 11:12 உபா 28:52
8	விடுதலையை அறிவிப்பதற்காக, அரசன் செதேக்கியா எருசலேம் மக்கள் அனைவரோடும் உடன்படிக்கை செய்துகொண்டபின், ஆண்டவரின் வாக்கு எரேமியாவுக்கு அருளப்பட்டது.	2இரா 11:17 2இரா 23:2 2இரா 23:3 2நாளா 15:12-15 2நாளா 23:16 2நாளா 29:10 2நாளா 34:30-33 நெகே 9:38 நெகே 10:1-27
9	யூதா நாட்டினர் எவரும் தம் சகோதரரை அடிமைப்படுத்தாமல், அவரவர் தம் எபிரேய அடிமைகளான ஆண், பெண் அனைவரையும விடுதலை செய்ய வேண்டும் என்பதே அவ்வுடன்படிக்கை.	ஆதி 14:13 ஆதி 40:15 யாத் 2:6 யாத் 3:18 உபா 15:12 1சாமு 4:6 1சாமு 4:9 1சாமு 14:11 2கொரி 11:22 பிலிப் 3:5
10	உடன்படிக்கை செய்துகொண்ட தலைவர்கள், மக்கள் ஆகிய எல்லாரும், தம் அடிமைகளான ஆண், பெண் அனைவரும் தொடர்ந்து அடிமைகளாய் இராதவாறு, அவர்களுக்கு விடுதலை அளிக்க உடன்பட்டு அவர்களை விடுதலை செய்தார்கள்.	எரே 26:10 எரே 26:16 எரே 36:12 எரே 36:24 எரே 36:25 எரே 38:4
11	ஆனால் பின்னர் அவர்கள் தங்கள் மனத்தை மாற்றிக்கொண்டார்கள்: தாங்கள் ஏற்கெனவே விடுதலை செய்திருந்த ஆண், பெண்களை மீண்டும் அடிமைப்படுத்திக்கொண்டார்கள்.	எரே 34:21 எரே 37:5 யாத் 8:8 யாத் 8:15 யாத் 9:28 யாத் 9:34 யாத் 9:35 யாத் 10:17-20 யாத் 14:3-9 1சாமு 19:6-11 1சாமு 24:19 1சாமு 26:21 சங் 36:3 சங் 78:34-36 சங் 125:5 நீதி 26:11 பிரச 8:11 ஓசி 6:4 ஓசி 7:16 செப் 1:6 மத் 12:43-45 ரோம 2:4 ரோம 2:5 2பேது 2:20-22
12	எனவே ஆண்டவரிடமிருந்து எரேமியாவுக்கு வாக்கு அருளப்பட்டது:
13	இஸ்ரயேலின் கடவுளான ஆண்டவர் கூறுவது இதுவே: அடிமைத்தன வீடாகிய எகிப்து நாட்டினின்று உங்கள் மூதாதையரை அழைத்துவந்த நாளில் நான் அவர்களோடு ஓர் உடன்படிக்கை செய்துகொண்டேன்.	எரே 31:32 யாத் 24:3 யாத் 24:7 யாத் 24:8 உபா 5:2 உபா 5:3 உபா 5:27 உபா 29:1 எபிரெ 8:10 எபிரெ 8:11
14	'உங்களிடம் அடிமைகளாய் விற்கப்பட்ட உங்கள் எபிரேய சகோதரர்கள் அனைவரும், ஆறு ஆண்டுகள் உங்களுக்குப் பணிவிடை புரிந்தபின், ஏழாம் ஆண்டின் முடிவில் அனைவரும் உங்களிடமிருந்து விடுதலை பெறவேண்டும்' என்று நான் அப்போது உங்களுக்குக் கட்டளையிட்டிருந்தேன். உங்கள் மூதாதையரோ எனக்கு கீழ்ப்படியவில்லை: செவி சாய்க்கவுமில்லை.	எரே 34:8 எரே 34:9 யாத் 21:1-4 யாத் 23:10 யாத் 23:11 உபா 15:12 1இரா 9:22 2நாளா 28:10 ஏசா 58:6 ஆமோ 2:6 ஆமோ 8:6
15	ஆனால் நீங்கள் சற்றுமுன்பு மனம் வருந்தி, ஒவ்வோருவரும் தம் சகோதருக்கு விடுதலை கொடுத்ததன் மூலம் என் முன்னிலையில் நேர்மையாக நடந்துகொண்டீர்கள்: என் பெயர் விளங்கும் இல்லத்தில் என் திருமுன் நீங்கள் உடன்படிக்கை செய்து கொண்டீர்கள்.	1இரா 21:27-29 2இரா 10:30 2இரா 10:31 2இரா 12:2 2இரா 14:3 ஏசா 58:2 மத் 15:8
16	ஆனால் உங்கள் மனத்தை நீங்கள் மீண்டும் மாற்றிக் கொண்டீர்கள்: என் பெயருக்குக் களங்கம் வருவித்தீர்கள்: தங்கள் விருப்பம்போல் செல்லும்படி நீங்கள் ஒவ்வொருவரும் விடுதலை செய்திருந்த ஆண், பெண்களை நீங்கள் மீண்டும் அடிமைப்படுத்திக் கொண்டீர்கள்.	எரே 34:11 1சாமு 15:11 எசே 3:20 எசே 18:24 எசே 33:12 எசே 33:13 லூக் 8:13-15
17	எனவே, ஆண்டவர் இவ்வாறு கூறுகிறார்: நீங்கள் எனக்குச் செவிசாய்க்கவில்லை: உங்கள் சகோதரருக்கும் அடுத்திருப்பவருக்கும் விடுதலை அறிவிக்கவுமில்லை. ஆகவே வாள், கொள்ளைநோய், பஞ்சம் ஆகியவற்றால் அழிவதற்கான “விடுதலை”யை நான் உங்களுக்கு வழங்குவேன், என்கிறார் ஆண்டவர். உலக அரசுகள் அனைத்துக்கும் திகிலூட்டும் சின்னமாய் உன்னை மாற்றுவேன்.	லேவி 26:34 லேவி 26:35 உபா 19:19 நியா 1:6 நியா 1:7 எஸ்தர் 7:10 தானி 6:24 மத் 7:2 லூக் 6:37 லூக் 6:38 கலா 6:7 யாக் 2:13 வெளிப் 16:6
18	இளங் காளையின் துண்டங்களுக்கு நடுவே கடந்து பேன யூதாவின் தலைவர்கள், எருசNலுமின் தலைவர்கள், அரசவையோர், குருக்கள், நாட்டுமக்கள் அனைவரும் என் திருமுன் செய்துகொண்ட உடன்படிக்கையை மீறி அதன் உடன்பாடுகளை நிறைவேற்றத் தவறினார்கள்.	உபா 17:2 யோசு 7:11 யோசு 23:16 ஓசி 6:7 ஓசி 8:1
19	எனவே, இரண்டாக வெட்டப்பட்டு, அத்துண்டங்களிடையே கடந்து செல்வதற்காகப் பயன்படுத்திய இளங்காளையைப் போல் அவர்களை நான் ஆக்குவேன்.	எரே 34:10 எசே 22:27-31 தானி 9:6 தானி 9:8 தானி 9:12 மீகா 7:1-5 செப் 3:3 செப் 3:4
20	அவர்களை அவர்தம் பகைவர்கையிலும், அவர்களது உயிரைப் பறிக்கத் தேடுவோர் கையிலும் நான் ஒப்புவிப்பேன். அவர்களுடைய பிணங்கள் வானத்துப் பறவைகளுக்கும் வையகத்து விலங்குகளுக்கும் இரையாகும்.	எரே 4:30 எரே 11:21 எரே 21:7 எரே 22:25 எரே 38:16 எரே 44:30 எரே 49:37
21	யூதா அரசன் செதேக்கியாவையும் நாட்டுத் தலைவர்களையும் அவர்தம் பகைவர்கையிலும், அவர்களது உயிரைப் பறிக்கத் தேடுவோர் கையிலும், உங்களிடமிருந்து பின்வாங்கி நிற்கும் பாபிலோனிய மன்னனது படையின் கையிலும் ஒப்புவிப்பேன்.	எரே 34:3-5 எரே 39:6 எரே 52:10 எரே 52:24-27 2இரா 25:18-21 புலம் 4:20 எசே 17:16
22	இதோ! நான் கட்டளையிடப்போகிறேன், என்கிறார் ஆண்டவர். நான் அவர்களை இந்நகருக்குத் திரும்ப அழைத்துவருவேன். அவர்கள் அதைத் தாக்கிக் கைப்பற்றித் தீக்கிரையாக்குவார்கள். யூதாவின் நகர்கள் குடியிருப்பாரற்றுப் பாழாய்ப் போகும்படி செய்வேன்.	2சாமு 16:11 2இரா 24:2 2இரா 24:3 2நாளா 36:17 ஏசா 10:5-7 ஏசா 13:3 ஏசா 37:26 ஏசா 45:1-3 ஆமோ 3:6 மத் 22:7