1	யூதாவையும் எருசலேமையும் குறித்து ஆமோட்சியின் மகன் எசாயா கண்ட காட்சி:	ஏசா 1:1 ஏசா 13:1 ஆமோ 1:1 மீகா 1:1 மீகா 6:9 ஆபகூ 1:1
2	இறுதி நாள்களில் ஆண்டவரின் கோவில் அமைந்துள்ள மலை எல்லா மலைகளுக்குள்ளும் உயர்ந்ததாய் நிலை நிறுத்தப்படும்: எல்லாக் குன்றுகளுக்குள்ளும் மேலாய் உயர்த்தப்படும்: மக்களினங்கள் அதைநோக்கிச் சாரை சாரையாய் வருவார்கள்.	மீகா 4:1-3
3	வேற்றினத்தார் பலர் அங்கு வந்து சேர்ந்து “புறப்படுங்கள் ஆண்டவரின் மலைக்குச் செல்வோம்: யாக்கோபின் கடவுளின் கோவிலுக்குப் போவோம். அவர் தம் வழிகளை நமக்குக் கற்பிப்பார்: நாமும் அவர் நெறிகளில் நடப்போம்” என்பார்கள். ஏனெனில், சீயோனிலிருந்தே திருச்சட்டம் வெளிவரும்: எருசலேமிலிருந்தே ஆண்டவரின் திருவாக்கு புறப்படும்.	எரே 31:6 எரே 50:4 எரே 50:5 சகரி 8:20-23
4	அவர் வேற்றினத்தாரிடையே உள்ள வழக்குகளைத் தீர்த்து வைப்பார்: பல இன மக்களுக்கும் தீர்ப்பளிப்பார்: அவர்கள் தங்கள் வாள்களைக் கலப்பைக் கொழுக்களாகவும் தங்கள் ஈட்டிகளைக் கருக்கரிவாள்களாகவும் அடித்துக் கொள்வார்கள், ஓர் இனத்திற்கு எதிராக மற்றோர் இனம் வாள் எடுக்காது: அவர்கள் இனி ஒருபோதும் போர்ப்பயிற்சி பெற மாட்டார்கள்.	ஏசா 11:3 ஏசா 11:4 1சாமு 2:10 சங் 82:8 சங் 96:13 சங் 110:6 யோவா 16:8-11 அப் 17:31 வெளிப் 19:11
5	யாக்கோபின் குடும்பத்தாரே, வாருங்கள் நாம் ஆண்டவரின் ஒளியில் நடப்போம்:	ஏசா 2:3 ஏசா 50:10 ஏசா 50:11 ஏசா 60:1 ஏசா 60:19 சங் 89:15 லூக் 1:79 யோவா 12:35 யோவா 12:36 ரோம 13:12-14 எபே 5:8 1தெச 5:5 1தெச 5:6 1யோவா 1:7 வெளிப் 21:23 வெளிப் 21:24
6	யாக்கோபின் குடும்பத்தாராகிய உம்முடைய மக்களை நீர் கைவிட்டு விட்டீர்: ஏனெனில் கீழை நாட்டுப் போதனை அவர்களிடையே மிகுந்துள்ளது. பெலிஸ்தியரைப் போல அவர்கள் நிமித்தம் பார்க்கின்றார்கள்: வேற்று நாட்டினருடன் கூட்டுச் சேர்கின்றார்கள்.	உபா 31:16 உபா 31:17 2நாளா 15:2 2நாளா 24:20 புலம் 5:20 ரோம 11:1 ரோம 11:2 ரோம 11:20
7	அவர்கள் நாடு வெள்ளி, பொன்னால் நிறைந்துள்ளது: அவர்கள் கருவூலத்திற்கு அளவே இல்லை: அவர்கள் நாடு குதிரைகளால் நிறைந்துள்ளது: அவர்கள் தேர்ப்படைகள் எண்ணிக்கையில் அடங்கா.	உபா 17:16 உபா 17:17 1இரா 10:21-27 2நாளா 9:20-25 எரே 5:27 எரே 5:28 யாக் 5:1-3 வெளிப் 18:3 வெளிப் 18:11-17
8	அவர்கள் நாட்டில் சிலைகள் மலிந்துள்ளன: தங்கள் கைவேலைப்பாட்டினால் செய்தவற்றை வணங்குகின்றனர்: தங்கள் விரல்கள் உருவாக்கியவற்றின் முன் பணிகின்றனர்.	ஏசா 57:5 2நாளா 27:2 2நாளா 28:2-4 2நாளா 28:23-25 2நாளா 33:3-7 எரே 2:28 எரே 11:13 எசே 16:23-25 ஓசி 12:11 அப் 17:16
9	இவற்றால் மானிடர் தாழ்நிலை அடைவர்: மக்கள் சிறுமை அடைவார்கள்: ஆண்டவரே! அவர்களுக்கு மன்னிப்பு அருளாதீர்:	ஏசா 5:15 சங் 49:2 எரே 5:4 எரே 5:5 ரோம 3:23 வெளிப் 6:15-17
10	கற்பாறைக்குள் நுழைந்து கொள்ளுங்கள்: மண்ணில் பதுங்கி மறைந்து கொள்ளுங்கள்: ஆண்டவரின் அச்சம் தரும் திருமுன்னின்றும் அவரது உயர் மாட்சியினின்றும் அகலுங்கள்:	ஏசா 2:19-21 ஏசா 10:3 ஏசா 42:22 நியா 6:1 நியா 6:2 யோபு 30:5 யோபு 30:6 ஓசி 10:8 லூக் 23:30 வெளிப் 6:15 வெளிப் 6:16
11	செருக்குமிகு பார்வையுடையோர் தாழ்த்தப்படுவர்: ஆணவமிக்கோர் அவமானமடைவர்: ஆண்டவர் ஒருவரே அந்நாளில் மாட்சியுறுவோர்.	ஏசா 2:17 ஏசா 5:15 ஏசா 5:16 ஏசா 13:11 ஏசா 24:21 யோபு 40:10-12 சங் 18:27 எரே 50:31 எரே 50:32 மல்கி 4:1 லூக் 18:14 1பேது 5:5
12	படைகளின் ஆண்டவருக்குரிய நாள் ஒன்று இருக்கின்றது: அன்று, இறுமாப்பும் செருக்கும் உடைய அனைவரும் தாழ்வுறுவர்: உயர்த்தப்பட்டவை, உயர்ந்து நிற்பவை அனைத்தும் நலிவடையும்.	ஏசா 13:6 ஏசா 13:9 எரே 46:10 எசே 13:5 ஆமோ 5:18 மல்கி 4:5 1கொரி 5:5 1தெச 5:2
13	அன்று, லெபனோனில் ஓங்கி வளர்ந்த கேதுரு மரங்கள் யாவும் அழிக்கப்படும் பாசானில் உள்ள அனைத்துக் கருவாலி மரங்களும் அழிக்கப்படும்.	ஏசா 10:33 ஏசா 10:34 ஏசா 14:8 ஏசா 37:24 எசே 31:3-12 ஆமோ 2:5 சகரி 11:1 சகரி 11:2
14	வானளாவிய மலைகள், உயர்ந்த குன்றுகள் அனைத்தும் தரைமட்டமாக்கப்படும்.	ஏசா 30:25 ஏசா 40:4 சங் 68:16 சங் 110:5 சங் 110:6 2கொரி 10:5
15	உயர்ந்து நிற்கும் கோபுரங்கள் யாவும் தகர்த்தெறியப்படும்: வலிமைமிக்க மதிற்சுவர்கள் அனைத்தும் தவிடு பொடியாக்கப்படும்.
16	தர்சீசின் மரக்கலங்கள் யாவும் அழகிய வேலைப்பாடுகள் அனைத்தும் அமிழ்த்தப்படும்.	ஏசா 23:1 1இரா 10:22 1இரா 22:48 1இரா 22:49 சங் 47:7 வெளிப் 18:17-19
17	மனிதர்களின் ஆணவம் அடக்கப்படும்: அவர்தம் செருக்கு அகற்றப்படும்: ஆண்டவர் ஒருவர் மட்டுமே அந்நாளில் உன்னதமானவராயிருப்பார்:	ஏசா 2:11 ஏசா 13:11 எரே 48:29 எரே 48:30 எசே 28:2-7
18	சிலைகள் அனைத்தும் ஒருங்கே ஒழிக்கப்படும்.	ஏசா 27:9 எசே 36:25 எசே 37:23 ஓசி 14:8 செப் 1:3 சகரி 13:2
19	ஆண்டவர் உலகை நடுநடுங்கச் செய்ய வரும்போது, அவரது அச்சம்தரும் திருமுன்னின்றும், அவரது சீர்மிகு மாட்சியினின்றும் மறைந்திட மனிதர் குன்றின் குகைகளில் புகுந்து கொள்வர்: மண்ணின் குழிகளில் மறைந்து கொள்வர்.	ஏசா 2:10 ஏசா 2:21 1சாமு 13:6 1சாமு 14:11 எரே 16:16 ஓசி 10:8 மீகா 7:17 லூக் 23:30 எபிரெ 11:38 வெளிப் 6:15 வெளிப் 9:6
20	அந்நாளில் மக்களினத்தார் தாம் வழிபடுவதற்கு உருவாக்கிய வெள்ளிச் சிலைகளையும், பொற்பதுமைகளையும், அகழ் எலிகளுக்கும், வெளவால்களுக்கும் எறிந்து விடுவர்.	ஏசா 30:22 ஏசா 31:7 ஏசா 46:1 ஓசி 14:8 பிலிப் 3:7 பிலிப் 3:8
21	ஆண்டவர் உலகை நடுநடுங்கச் செய்ய வரும்போது, அவரது அச்சம் தரும் திருமுன்னின்றும், அவரது சீர்மிகு மாட்சியினின்றும் மறைந்திட அவர்கள் பாறைகளின் வெடிப்புகளில் பதுங்கிக் கொள்வர்: குன்றுகளின் பிளவுகளில் ஒளிந்து கொள்வர்.	ஏசா 2:10 ஏசா 2:19 யாத் 33:22 யோபு 30:6 உன்ன 2:14
22	நிலையற்ற மனிதர்மேல் நம்பிக்கை வைக்காதீர்: அவர்களின் உயிர் நிலையற்றது: ஒருபொருட்டாகக் கருதப்படுவதற்கு அவர்களின் தகுதி என்ன?	சங் 62:9 சங் 146:3 எரே 17:5