1	நேர்மையாளர் அழிந்து போகின்றனர்: இதை மனத்தில் கொள்வார் எவரும் இல்லை: இறைப்பற்றுடையோர் எடுத்துக்கொள்ளப்படுகின்றனர்: அதைக் கருத்தில் கொள்வார் எவரும் இல்லை: ஏனெனில் நேர்மையாளர் தீமையின் முன்னின்று எடுத்துக் கொள்ளப்படுகின்றனர்.	2நாளா 32:33 2நாளா 35:24
2	அவர்கள் அமைதிக்குள் சென்றடைகின்றனர்: நேர்மையான வழிமுறையைப் பின்பற்றுவோர் தம் இறுதிப் படுக்கைகளில் இளைப்பாறுகின்றனர்.	யோபு 3:17 பிரச 12:7 மத் 25:21 லூக் 16:22 2கொரி 5:1 2கொரி 5:8 பிலிப் 1:23 வெளிப் 14:13
3	சூனியக்காரியின் மக்களே, விபசாரன், விலைமாதின் வாரிசே, அருகில் வாருங்கள்.	ஏசா 45:20 யோவே 3:9-11
4	யாரைப் பார்த்து நீங்கள் நகைக்கின்றீர்கள்? யாருக்கு எதிராக வாயைப்பிளந்து நாக்கை நீட்டுகின்றீர்கள்? நீங்கள் கொடுமையின் பிள்ளைகளன்றோ! பொய்மையின் சந்ததியன்றோ!	ஏசா 10:15 ஏசா 37:23 ஏசா 37:29 யாத் 9:17 யாத் 16:7 யாத் 16:8 எண் 16:11 லூக் 10:16 அப் 9:4
5	கருவாலி மரத் தோப்பிலும், பசுமையான மரம் ஒவ்வொன்றின் கீழும் காமத்தீயால் எரிகிறீர்கள்: பள்ளத்தாக்குகளில், பாறைப் பிளவுகளின் அடிப்புறத்தில், உங்கள் பச்சிளங் குழந்தைகளைக் கொல்கிறீர்கள்.	யாத் 32:6 எண் 25:1 எண் 25:2 எண் 25:6 எரே 50:38 எரே 51:7 ஓசி 4:11-13 ஓசி 7:4-7 ஆமோ 2:7 ஆமோ 2:8 வெளிப் 17:1-5 வெளிப் 18:3
6	பள்ளத்தாக்கின் வழவழப்பான கற்களினின்று உருவான சிலைகளே உன் பங்கு: ஆம், அவையே உன் பங்கு: அவற்றிற்கு நீ நீர்மப்பலியை ஊற்றியுள்ளாய்: உணவுப் படையலைப் படைத்துள்ளாய்: இவற்றால் நான் அமைதி அடைவேனோ?	எரே 3:9 ஆபகூ 2:19
7	வானாளவ உயர்ந்து நிற்கும் மலைமேல் உன் மஞ்சத்தை வைத்துள்ளாய்: பலிசெலுத்துமாறு அங்கு ஏறிப்போனாய்.	எரே 2:20 எரே 3:2 எசே 16:16 எசே 16:25 எசே 20:28 எசே 20:29 எசே 23:17 எசே 23:41
8	கதவுக்கும் கதவின் நிலைக்கும் பின்னால் உன் நினைவுக்குறியை வைத்தாய்: என்னை விட்டுவிட்டு உன் மஞ்சத்தைத் திறந்தாய்: ஏறிச்சென்று அதை விரிவாக்கினாய்: நீ எவருடைய படுக்கையை விரும்பினாயோ, அவர்களோடு ஓர் உடன்பாடு செய்து கொண்டாய்: அவர்களின் திறந்த மேனியைக் கண்டாய்.	எசே 8:8-12 எசே 23:14 எசே 23:41
9	நீ எண்ணெயுடன் மோலேக்கிடம் சென்றாய்: நறுமணப் பொருட்களைப் பெருக்கிக் கொண்டாய்: தொலை நாடுகளுக்கு உன் தூதர்களை அனுப்பினாய்: பாதாளம் மட்டும் அனுப்பினாய்.	ஏசா 30:1-6 ஏசா 31:1-3 2இரா 16:7-11 எசே 16:33 எசே 23:16 ஓசி 7:11 ஓசி 12:1
10	உன் வழிப்பயணம் தொலைவானதால் களைத்துப் போனாய்: ஆயினும், “இது வீண்” என்று நீ சொல்லவில்லை: உன் கையில் புதியதோர் ஆற்றல் பெற்றாய்: ஆதலால் நீ சோர்ந்து போகவில்லை.	ஏசா 47:13 எரே 2:36 எரே 9:5 எசே 24:12 ஆபகூ 2:13
11	யாருக்கு நீ அஞ்சி நடுங்கினாய்? நீ என்னிடம் பொய் சொன்னாயே! நீ என்னை நினைவுகூரவில்லை: என்னைப் பற்றி உன் மனத்தில் எண்ணவுமில்லை! வெகுகாலமாய் நான் அமைதியாய் இருந்ததால் அன்றோ நீ எனக்கு அஞ்சாதிருக்கின்றாய்?	ஏசா 51:12 ஏசா 51:13 நீதி 29:25 மத் 26:69-75 கலா 2:12 கலா 2:13
12	உன் நேர்மையையும் செயல்களையும் எடுத்துரைப்பேன்: அவை உனக்கு உதவா.	ஏசா 1:11-15 ஏசா 58:2-6 ஏசா 59:6-8 ஏசா 64:5 ஏசா 66:3 ஏசா 66:4 எரே 7:4-11 மீகா 3:2-4 மத் 23:5 மத் 23:14 ரோம 3:10-20 ரோம 10:2 ரோம 10:3
13	நீ துணை வேண்டிக் குரல் எழுப்பும்போது, நீ திரட்டிய சிலைகள் உன்னை விடுவிக்கட்டும்! காற்று அவை அனைத்தையும் அடித்துக் கொண்டுபோம்: வெறும் மூச்சே அவற்றை ஊதித் தள்ளிவிடும்: என்னிடம் அடைக்கலம் புகுவோர் நாட்டை உரிமையாக்கிக் கொள்வர்: என் திருமலையை உடைமையாய்ப் பெறுவர்.	ஏசா 57:9 ஏசா 57:10 நியா 10:14 2இரா 3:13 எரே 22:22 சகரி 7:13
14	அமையுங்கள்: பாதையை அமையுங்கள்: அதைத் தயார் செய்யுங்கள்: “என் மக்களின் வழியிலிருக்கும் தடையை அகற்றுங்கள்” என்று கூறப்படும்.	ஏசா 35:8 ஏசா 40:3 ஏசா 62:10 லூக் 3:5 லூக் 3:6
15	உயர்ந்தவரும் உன்னதரும் காலம் கடந்து வாழ்பவரும், “தூயவர்” என்ற பெயரைக் கொண்டவரும் கூறுவது இதுவே: உயர்ந்த தூய இடத்தில் நான் உறைகின்றேன்: நொறுக்கிய, நலிந்த நெஞ்சத்தினரோடும் நான் வாழ்கின்றேன்: நொறுங்கிய உள்ளத்தினரை ஊக்குவிக்கவும் நலிந்த நெஞ்சத்தினரைத் திடப்படுத்தவும் நான் குடியிருக்கின்றேன்.	ஏசா 6:1 சங் 83:18 சங் 97:9 சங் 138:6 தானி 4:17 தானி 4:24 தானி 4:25 தானி 4:34
16	ஏனெனில், என்றென்றும் நான் குற்றஞ்சாட்டமாட்டேன்: எப்பொழுதும் சினம் கொண்டிருக்கமாட்டேன்: ஏனெனில், நான் தோற்றுவித்த உயிர் மூச்சாகிய மனித ஆவி என் திருமுன் தளர்ச்சியடைந்து விடும்.	சங் 78:38 சங் 78:39 சங் 85:5 சங் 103:9-16 எரே 10:24 மீகா 7:18
17	பேராசை என்னும் தீமையை முன்னிட்டு நான் இஸ்ரயேல் மீது சினமடைந்து, அவனை அடித்து நொறுக்கினேன்: சீற்றம் கொண்டு என்னை அவனுக்கு மறைத்துக் கொண்டேன்: அவனோ என்னைவிட்டு விலகி மனம்போன போக்கிலே சென்றான்.	ஏசா 5:8 ஏசா 5:9 ஏசா 56:11 எரே 6:13 எரே 8:10 எரே 22:17 எசே 33:31 மீகா 2:2 மீகா 2:3 லூக் 12:15 எபே 5:3-5 கொலோ 3:5 1தீமோ 6:9 2பேது 2:3 2பேது 2:14
18	அவன் சென்ற பாதைகளைக் கண்டேன்: ஆயினும் அவனைக் குணமாக்குவேன்: அவனை நடத்திச் சென்று அவனுக்கு மீண்டும் ஆறுதல் அளிப்பேன்.	ஏசா 1:18 ஏசா 43:24 ஏசா 43:25 ஏசா 48:8-11 எரே 31:18-20 எசே 16:60-63 எசே 36:22-38 லூக் 15:20 ரோம 5:20
19	அவனுக்காக அழுவோரின் உதடுகளில் நன்றி ஒலி எழச்செய்வேன்: அமைதி! தொலையில் இருப்போருக்கும் அருகில் இருப்போருக்கும் அமைதி! என்கிறார் ஆண்டவர். அவர்களை நான் நலமடையச் செய்வேன், என்கிறார் ஆண்டவர்.	யாத் 4:11 யாத் 4:12 ஓசி 14:2 லூக் 21:15 எபே 6:19 கொலோ 4:3 கொலோ 4:4 எபிரெ 13:15
20	கொடியவரோ கொந்தளிக்கும் கடல்போல் இருக்கின்றனர்: அந்தக் கடலால் அமைதியாயிருக்க இயலாது: அதன் நீர்த்திரள்கள் சேற்றையும் சகதியையும் கிளறிவிடுகின்றன:	ஏசா 3:11 யோபு 15:20-24 யோபு 18:5-14 யோபு 20:11-29 சங் 73:18-20 நீதி 4:16 நீதி 4:17 யூதா 1:12
21	கொடியவர்களுக்கு அமைதியே இல்லை, என்கிறார் என் கடவுள்.	ஏசா 3:11 ஏசா 48:22 2இரா 9:22 ரோம 3:16 ரோம 3:17