1	ஆண்டவரே, எங்களுக்கு நேரிட்டதை நினைத்தருளும்! எங்கள் அவமானத்தைக் கவனித்துப்பாரும்.	புலம் 1:20 புலம் 2:20 புலம் 3:19 நெகே 1:8 யோபு 7:7 யோபு 10:9 எரே 15:15 ஆபகூ 3:2 லூக் 23:42
2	எங்கள் உரிமைச்சொத்து அன்னியர்கைவசம் ஆயிற்று: வீடுகள் வேற்று நாட்டினர் கைக்கு மாறிற்று.	உபா 28:30-68 சங் 79:1 சங் 79:2 ஏசா 1:7 ஏசா 5:17 ஏசா 63:18 எரே 6:12 எசே 7:21 எசே 7:24 செப் 1:13
3	நாங்கள் தந்தையற்ற அனாதைகள் ஆனோம்! எங்கள் அன்னையர் கைம்பெண்டிர் ஆயினர்!	யாத் 22:24 எரே 18:21 ஓசி 14:3
4	நாங்கள் தண்ணீரை விலைக்கு வாங்கிக் குடிக்கிறோம்! விறகையும் பணம் கொடுத்தே வாங்குகிறோம்!	உபா 28:48 ஏசா 3:1 எசே 4:9-17
5	கழுத்தில் நுகத்தோடு விரட்டப்படுகிறோம்! சோர்ந்துபோனோம்! எங்களுக்கு ஓய்வே இல்லை!	புலம் 1:14 புலம் 4:19 உபா 28:48 உபா 28:65 உபா 28:66 எரே 27:2 எரே 27:8 எரே 27:11 எரே 27:12 எரே 28:14 மத் 11:29 அப் 15:10
6	உணவால் நிறைவு பெற, எம் கையை எகிப்தியர், அசீரியரிடம் நீட்டினோம்!	ஆதி 24:2 2இரா 10:15 எரே 50:15 எசே 17:18
7	பாவம் செய்த எம் தந்தையர் மடிந்து போயினர்! நாங்களோ அவர்கள் குற்றப்பழியைச் சுமக்கின்றோம்!	யாத் 20:5 எரே 16:12 எரே 31:29 எசே 18:2 மத் 23:32-36
8	அடிமைகள் எங்களை ஆளுகின்றார்கள்! எங்களை அவர்கள் கையினின்று விடுவிப்பர் எவரும் இல்லை!	ஆதி 9:25 உபா 28:43 நெகே 2:19 நெகே 5:15 நீதி 30:22
9	பாலைநில வாளை முன்னிட்டு, உயிரைப் பணயம் வைத்து எங்கள உணவைப் பெறுகிறோம்!	நியா 6:11 2சாமு 23:17 எரே 40:9-12 எரே 41:1-10 எரே 41:18-10 எரே 42:14 எரே 42:16 எசே 4:16 எசே 4:17 எசே 12:18 எசே 12:19
10	பஞ்சத்தின் கொடுந்தணலால் எங்கள் மேனி அடுப்பெனக் கனன்றது!	புலம் 3:4 புலம் 4:8 யோபு 30:30 சங் 119:83
11	சீயோன் மங்கையர் கெடுக்கப்பட்டனர்! நகர்களின் கன்னியர் கற்பழிக்கப்பட்டனர்!	உபா 28:30 ஏசா 13:16 சகரி 14:2
12	தலைவர்கள் பகைவர் கையால் தூக்கிலிடப்பட்டனர்! முதியோர்களையும் அவர்கள் மதிக்கவில்லை!	புலம் 2:10 புலம் 2:20 புலம் 4:16 ஏசா 47:6 எரே 39:6 எரே 39:7 எரே 52:10 எரே 52:11 எரே 52:25-27
13	இளைஞர் இயந்திரக் கல்லை இழுக்கின்றனர்! சிறுவர் விறகு சுமந்து தள்ளாடுகின்றனர்!	யாத் 11:5 நியா 16:21 யோபு 31:10 ஏசா 47:2
14	முதியோர் நுழைவாயிலில் அமர்வதைக் கைவிட்டனர்! இளையோர் இசை மீட்டலைத் துறந்துவிட்டனர்!	புலம் 1:4 புலம் 1:19 புலம் 2:10 உபா 16:18 யோபு 29:7-17 யோபு 30:1 ஏசா 3:2 ஏசா 3:3
15	எங்கள் இதயத்தின் மகிழ்ச்சி ஒழிந்தது! எங்கள் நடனம் புலம்பலாக மாறியது!	சங் 30:11 ஆமோ 6:4-7 ஆமோ 8:10 யாக் 4:9 யாக் 4:10
16	எங்கள் தலையினின்று மணிமுடி வீழ்ந்தது! நாங்கள் பாவம் செய்தோம்! எங்களுக்கு ஐயோ கேடு!	புலம் 1:1 யோபு 19:9 சங் 89:39 எரே 13:18 எசே 21:26 வெளிப் 2:10 வெளிப் 3:11
17	இதனால் எங்கள் இதயம் தளர்ந்து போயிற்று: எங்கள் கண்கள் இருண்டுபோயின.	புலம் 1:13 புலம் 1:22 லேவி 26:36 ஏசா 1:5 எரே 8:18 எரே 46:5 எசே 21:7 எசே 21:15 மீகா 6:13
18	சீயோன் மலை பாழடைந்து கிடக்கின்றது: நரிகள் அங்கே நடமாடுகின்றன.	புலம் 2:8 புலம் 2:9 1இரா 9:7 1இரா 9:8 சங் 74:2 சங் 74:3 எரே 17:3 எரே 26:9 எரே 52:13 மீகா 3:12
19	நீரோ ஆண்டவரே, என்றென்றும் வாழ்கின்றீர்! உமது அரியணை தலைமுறை தலைமுறையாய் உளதாமே!	உபா 33:27 சங் 9:7 சங் 10:16 சங் 29:10 சங் 90:2 சங் 102:12 சங் 102:25-27 ஆபகூ 1:12 1தீமோ 1:17 1தீமோ 6:15 1தீமோ 6:16 எபிரெ 1:10-12 எபிரெ 13:8 வெளிப் 1:4 வெளிப் 1:8 வெளிப் 1:17 வெளிப் 1:18
20	ஆண்டவரே! தொடர்ந்து எங்களைக் கைவிட்டது ஏன்? இத்துணைக் காலமாய் எங்களைக் கைவிட்டது ஏன்?	சங் 13:1 சங் 44:24 சங் 74:1 சங் 77:7-10 சங் 79:5 சங் 85:5 சங் 89:46 சங் 94:3 சங் 94:4 ஏசா 64:9-12 எரே 14:19-21
21	ஆண்டவரே! எம்மை உம்பால் திருப்பியருளும்! நாங்களும் உம்மிடம் திரும்புவோம்! முற்காலத்தே இருந்ததுபோல! எம் நாள்களைப் புதுப்பித்தருளும்!	1இரா 18:37 சங் 80:3 சங் 80:7 சங் 80:19 சங் 85:4 எரே 31:18 எரே 32:39 எரே 32:40 எசே 11:19 எசே 11:20 எசே 36:25-27 எசே 36:37-27 ஆபகூ 3:2
22	எங்களை முற்றிலும் தள்ளிவிட்டீரோ! எங்கள் மேல் இத்துணை வெஞ்சினம் கொண்டீரே!	சங் 44:9 சங் 60:1 சங் 60:2 எரே 15:1-5 எசே 37:11 ஓசி 1:6