1	எழு! ஒளிவீசு! உன் ஒளி தோன்றியுள்ளது. ஆண்டவரின் மாட்சி உன்மேல் உதித்துள்ளது!	ஏசா 52:1 ஏசா 52:2 மத் 5:16 எபே 5:8 எபே 5:14 பிலிப் 2:15
2	இதோ! இருள் பூவுலகை மூடும்: காரிருள் மக்களினங்களைக் கவ்வும்: ஆண்டவரோ உன்மீது எழுந்தருள்வார்: அவரது மாட்சி உன்மீது தோன்றும்!	மத் 15:14 மத் 23:19 மத் 23:24 யோவா 8:55 அப் 14:16 அப் 17:23 அப் 17:30 அப் 17:31 அப் 26:18 ரோம 1:21-32 எபே 4:17-20 1பேது 2:9
3	பிற இனத்தார் உன் ஒளிநோக்கி வருவர்: மன்னர் உன் உதயக் கதிர்நோக்கி நடைபோடுவர்.	ஏசா 2:2-5 ஏசா 11:10 ஏசா 19:23-25 ஏசா 45:14 ஏசா 49:6 ஏசா 49:12 ஏசா 49:23 ஏசா 54:1-3 ஏசா 66:12 ஏசா 66:19 ஏசா 66:20 ஆதி 49:10 சங் 22:27 சங் 67:1-4 சங் 72:17-19 சங் 98:2 சங் 98:3 சங் 117:1 சங் 117:2 ஆமோ 9:12 மீகா 4:1 மீகா 4:2 சகரி 2:11 சகரி 8:20-23 மத் 2:1-11 மத் 28:19 லூக் 24:47 யோவா 12:20 யோவா 12:21 யோவா 12:32 அப் 13:47 அப் 15:17 ரோம 11:11-15 ரோம 15:9-12
4	உன் கண்களை உயர்த்தி உன்னைச் சுற்றிலும் பார்: அவர்கள் அனைவரும் ஒருங்கே திரண்டு உன்னிடம் வருகின்றனர்: தொலையிலிருந்து உன் புதல்வர் வருவர்: உன் புதல்வியர் தோளில் தூக்கி வரப்படுவர்.	ஏசா 49:18 யோவா 4:35 அப் 13:44
5	அப்பொழுது, நீ அதைக் கண்டு அகமகிழ்வாய்: உன் இதயம் வியந்து விம்மும்: கடலின் திரள் செல்வம் உன்னிடம் கொணரப்படும்: பிற இனத்தாரின் சொத்துகள் உன்னை வந்தடையும்.	எரே 33:9 ஓசி 1:10 ஓசி 1:11 ஓசி 3:5 அப் 10:45 அப் 11:17
6	ஒட்டகங்களின் பெருந்திரள் உன்னை நிரப்பும்: மிதியான், ஏப்பாகு ஆகியவற்றின் இளம் ஒட்டகங்களும் வந்து சேரும்: இளம் நாட்டினர் யாவரும் பொன், நறுமணப்பொருள் ஏந்திவருவர். அவர்கள் ஆண்டவரின் புகழை எடுத்துரைப்பர்.	ஏசா 30:6 நியா 6:5 நியா 7:12 1இரா 10:2 2இரா 8:9
7	கேதாரின் ஆட்டுமந்தைகள் அனைத்தும் உன்னிடம் ஒருங்கே சேர்க்கப்படும்: நெபயோத்தின் கிடாய்கள் உனக்குப் பணிவிடைசெய்யும்: எனக்கு உகந்தவையாக அவை என் பீடத்திற்கு வரும்: இவ்வாறு மேன்மைமிகு என் இல்லத்தைப் பெருமைப்படுத்துவேன்.	ஏசா 42:11 ஆதி 25:13
8	மேகங்கள் போலும் பலகணி நோக்கிப் பறந்து செல்லும் புறாக்கள் போலும் விரைந்து செல்லும் இவர்கள் யார்?	ஏசா 60:4 ஏசா 45:22 லூக் 13:29 வெளிப் 7:9
9	தீவு நாடுகள் எனக்காகக் காத்திருக்கும்: இஸ்ரயேலின் தூயவரும் உன் கடவுளுமான ஆண்டவரின் பெயரை முன்னிட்டு, உன் பிள்ளைகளைத் தொலையிலிருந்து ஏற்றி வரவும், வெள்ளியையும், பொன்னையும் அவர்களுடன் எடுத்து வரவும், தர்சீசின் வணிகக் கப்பல்கள் முன்னணியில் நிற்கும்: ஏனெனில், இஸ்ரயேலின் தூயவர் உனக்கு மேன்மை அளித்துள்ளார்.	ஏசா 42:4 ஏசா 42:10 ஏசா 49:1 ஏசா 51:5 ஏசா 66:19 ஏசா 66:20 ஆதி 9:27 ஆதி 10:2-5 சங் 72:10 செப் 2:11
10	அன்னிய நாட்டவர் உன் மதிற் சுவரைக் கட்டியெழுப்புவர்: அவர்களின் மன்னர் உனக்குப் பணிவிடை செய்வர்: ஏனெனில், சினமுற்று நான் உன்னை நொறுக்கினேன்: நான் கனிவுற்று உனக்கு இரக்கம் காட்டியுள்ளேன்.	ஏசா 61:5 ஏசா 66:21 சகரி 6:15
11	உன் வாயில்கள் எப்போதும் திறந்திருக்கும்: இராப் பகலாய் அவை பூட்டப்படாதிருக்கும்: பிற இனத்தாரின் செல்வம் உன்னிடம் கொண்டு வரப்படவும், அவர்களின் மன்னர் ஊர்வலமாய் அழைத்து வரப்படவும், அவை திறந்திருக்கும்.	நெகே 13:19 வெளிப் 21:25
12	உனக்குப் பணிபுரியாத வேற்று நாடோ அரசோ அழிந்துவிடும்: அவை முற்றிலும் பாழடைந்து போகும்.	ஏசா 41:11 ஏசா 54:15 சங் 2:12 தானி 2:35 தானி 2:44 தானி 2:45 சகரி 12:2-4 சகரி 14:12-19 மத் 21:44 லூக் 19:27 வெளிப் 2:26 வெளிப் 2:27
13	லெபனோனின் மேன்மை உன்னை வந்து சேரும்: என் திருத்தூயகத்தைச் சுற்றியுள்ள இடத்தை அழகுபடுத்தத் தேவதாரு, புன்னை, ஊசியிலை மரம் ஆகியவை கொண்டு வரப்படும்: என் பாதங்களைத் தாங்கும் தலத்தை மேன்மைப்படுத்துவேன்.	ஏசா 35:2 ஏசா 41:19 ஏசா 41:20 ஏசா 55:13 ஓசி 14:6 ஓசி 14:7
14	உன்னை ஒடுக்கியவரின் புதல்வர் உன்னிடம் தலைவணங்கி வருவர்: உன்னை அவமதித்தவர் அனைவரும் உன் காலடியில் பணிந்து வீழ்வர்: “ஆண்டவரின் நகர்” என்றும், “இஸ்ரயேலின் தூயவரது சியோன்” என்றும் உன்னை அவர்கள் அழைப்பர்.	ஏசா 14:1 ஏசா 14:2 ஏசா 45:14 ஏசா 49:23 எரே 16:19 வெளிப் 3:9
15	நீ கைநெகிழப்பட்டு வெறுத்து ஒதுக்கப்பட்டாய்: உன் வழியே எவரும் பயணம் செய்யவில்லை: நானோ உன்னை என்றென்றும் பெருமைப்படுத்துவேன்: தலைமுறைதோறும் மகிழ்ச்சிக்கு உரியவனாக்குவேன்: தலைமுறைதோறும் மகிழ்ச்சிக்கு உரியவனாக்குவேன்.	ஏசா 49:14-23 ஏசா 54:6-14 சங் 78:60 சங் 78:61 எரே 30:17 புலம் 1:1 புலம் 1:2 வெளிப் 11:2 வெளிப் 11:15-17
16	நீ பிற இனத்தாரின் பாலைப் பருகுவாய்: மன்னர்களின் மார்பிலிருந்து பாலை உறிஞ்சுவாய்: ஆண்டவராகிய நானே உனக்கு விடுதலை அளிப்பவர் என்றும் யாக்கோபின் வல்லவரே உன்னை மீட்பவர் என்றும் நீ அறிந்து கொள்வாய்.	ஏசா 49:23 ஏசா 61:6 ஏசா 66:11 ஏசா 66:12
17	வெண்கலத்திற்குப் பதிலாய்ப் பொன்னையும் இரும்பிற்குப் பதிலாய் வெள்ளியையும் மரத்திற்குப் பதிலாய் வெண்கலத்தையும் கற்களுக்குப் பதிலாய் இரும்பையும் கொண்டு வருவேன்: உங்கள் கண்காணியாய்ச் சமாதானத்தையும் உங்களை வேலைவாங்குமாறு நேர்மையையும் நியமிப்பேன்.	ஏசா 30:26 1இரா 10:21-27 சகரி 12:8 எபிரெ 11:40 2பேது 3:13
18	உன் நாட்டில் வன்முறை பற்றியும் உன் எல்லைப் பகுதிகளுக்குள் பாழாக்கலும் அழித்தலும் பற்றியும் இனி எந்தப் பேச்சும் எழாது: உன் மதில்களை “விடுதலை” என்றும் உன் வாயில்களைப் “புகழ்ச்சி” என்றும் அழைப்பாய்.	ஏசா 2:4 ஏசா 11:9 சங் 72:3-7 மீகா 4:3 சகரி 9:8
19	கதிரவன் உனக்கு இனிப் பகலில் ஒளிதர வேண்டாம்! பால்நிலவும் உனக்கு ஒளிவீச வேண்டாம்! ஆண்டவரே இனி உனக்கு முடிவிலாப் பேரொளி! உன் கடவுளே இனி உனக்கு மேன்மை!	சங் 36:9 வெளிப் 21:23 வெளிப் 22:5
20	உன் கதிரவன் ஒருபோதும் மறையான்: உன் நிலா இனித் தேய்ந்து போகாள்: ஆண்டவரே உனக்கு என்றுமுள ஒளியாக இருப்பார்: உன் கண்ணீரின் நாள்கள் ஒழிந்துபோம்.	சங் 27:1 சங் 84:11 ஆமோ 8:9 மல்கி 4:2
21	உன் மக்கள் அனைவரும் நேர்மையாளராய் இருப்பர்: அவர்கள் நாட்டை என்றென்றும் உரிமையாக்கிக் கொள்வர்: நான் மாட்சியடையுமாறு நட்டு வைத்த மரக்கிளை அவர்கள்: என் கைவேலைப்பாடும் அவர்களே.	ஏசா 4:3 ஏசா 4:4 ஏசா 51:2 ஏசா 62:4 சகரி 14:20 சகரி 14:21 2பேது 3:13 வெளிப் 21:27
22	அவர்களுள் சிறியவர் ஓராயிரமாய்ப் பெருகுவர்: அற்பரும் ஆற்றல்மிகு மக்கள் இனமாவர்: நானே ஆண்டவர்: ஏற்ற காலத்தில் இதை நான் விரைவாய்ச் செய்து முடிப்பேன்.	ஏசா 66:8 தானி 2:35 தானி 2:44 மத் 13:31 மத் 13:32 அப் 2:41 அப் 5:14 வெளிப் 7:9