1	ஈசாய் என்னும் அடிமரத்திலிருந்து தளிர் ஒன்று துளிர்விடும்: அதன் வேர்களிலிருந்து கிளை ஒன்று வளர்ந்து கனிதரும்.	ஏசா 53:2 சகரி 6:12 வெளிப் 5:5 வெளிப் 22:16
2	ஆண்டவரின் ஆவி அவர்மேல் தங்கியிருக்கும்: ஞானம், மெய்யுணர்வு, அறிவுரைத்திறன், ஆற்றல், நுண்மதி, ஆண்டவரைப்பற்றிய அச்ச உணர்வு-இவற்றை அந்த ஆவி அவருக்கு அருளும்.	ஏசா 42:1 ஏசா 59:21 ஏசா 61:1 எண் 11:25 எண் 11:26 மத் 3:16 யோவா 1:32 யோவா 1:33 யோவா 3:34 அப் 10:38
3	அவரும் ஆண்டவருக்கு அஞ்சி நடப்பதில் மகிழ்ந்திருப்பார். கண் கண்டதைக் கொண்டு மட்டும் அவர் நீதி வழங்கார்: காதால் கேட்டதைக் கொண்டு மட்டும் அவர் தீர்ப்புச் செய்யார்:	ஏசா 33:6 நீதி 2:5 நீதி 2:9 லூக் 2:52
4	நேர்மையோடு ஏழைகளுக்கு நீதி வழங்குவார்: நடுநிலையோடு நாட்டின் எளியோரது வழக்கை விசாரிப்பார்: வார்த்தை எனும் கோலினால் கொடியவரை அடிப்பார்: உதட்டில் எழும் மூச்சினால் தீயோரை அழிப்பார்.	ஏசா 32:1 2சாமு 8:15 2சாமு 23:2-4 1இரா 10:8 1இரா 10:9 சங் 45:6 சங் 45:7 சங் 72:1-4 சங் 72:12-14 சங் 82:2-4 எரே 23:5 எரே 23:6 எரே 33:15 மத் 11:5 வெளிப் 19:11
5	நேர்மை அவருக்கு அரைக்கச்சை: உண்மை அவருக்கு இடைக்கச்சை.	ஏசா 59:17 சங் 93:1 2கொரி 6:7 எபே 6:14 1பேது 4:1 வெளிப் 1:13
6	அந்நாளில், ஒநாய் செம்மறியாட்டுக் குட்டியோடு தங்கியிருக்கும்: கன்றும், சிங்கக்குட்டியும், கொழுத்த காளையும் கூடி வாழும்: பச்சிளம் குழந்தை அவற்றை நடத்திச் செல்லும்.	ஏசா 65:25 எசே 34:25 ஓசி 2:18 அப் 9:13-20 ரோம 14:17 1கொரி 6:9-11 2கொரி 5:14-21 கலா 3:26 கலா 3:27 எபே 4:22-32 கொலோ 3:3-8 தீத் 3:3-5 பிலேமோ 1:9-16 வெளிப் 5:9 வெளிப் 5:10
7	பசுவும் கரடியும் ஒன்றாய் மேயும்: அவற்றின் குட்டிகள் சேர்ந்து படுத்துக்கிடக்கும்: சிங்கம் மாட்டைப் போல் வைக்கோல் தின்னும்:
8	பால் குடிக்கும் குழந்தை விரியன் பாம்பின் வளையில் விளையாடும்: பால்குடி மறந்த பிள்ளை கட்டுவிரியன் வளையினுள் தன் கையை விடும்.	ஏசா 59:5 சங் 140:3
9	என் திருமுலை முழுவதிலும் தீமை செய்வார் எவருமில்லை: கேடு விளைப்பார் யாருமில்லை: ஏனெனில், கடல் தண்ணீரால் நிறைந்திருக்கிறது போல, மண்ணுலகம் ஆண்டவராம் என்னைப் பற்றிய அறிவால் நிறைந்திருக்கும்.	ஏசா 11:13 ஏசா 2:4 ஏசா 35:9 ஏசா 60:18 யோபு 5:23 மீகா 4:2-4 மத் 5:44 மத் 5:45 அப் 2:41-47 அப் 4:29-35 ரோம 12:17-21 கலா 5:22-24 பிலிப் 2:14 பிலிப் 2:15 1தெச 5:15 வெளிப் 21:27
10	அந்நாளில், மக்களினங்களுக்குச் சின்னமாய் விளங்கும் ஈசாயின் வேரைப் பிறஇனத்தார் தேடி வருவார்கள்: அவர் இளைப்பாறும் இடம் மாட்சி நிறைந்ததாக இருக்கும்.	ஏசா 11:1 ஏசா 2:11 ரோம 15:12 வெளிப் 22:16
11	அந்நாளில், என் தலைவர் மீண்டும் தம் கையை நீட்டி, அசீரியா, எகிப்து, பத்ரோசு, பாரசீகம், எத்தியோப்பியா, ஏலாம், சினார், ஆமாத்து முதலிய நாடுகளிலும், கடல் தீவுகளிலும் வாழும் தம் மக்களுள் எஞ்சியிருப்போரைத் தம் நாட்டிற்குத் திரும்பக் கொணர்வார்.	ஏசா 60:1-66 லேவி 26:40-42 உபா 4:27-31 உபா 30:3-6 சங் 68:22 எரே 23:7 எரே 23:8 எரே 30:8-11 எரே 31:36-40 எரே 33:24-26 எசே 11:16-20 எசே 34:23-28 எசே 36:24-28 எசே 37:1-48 ஓசி 1:11 ஓசி 3:4 ஓசி 3:5 யோவே 3:1-21 ஆமோ 9:14 ஆமோ 9:15 மீகா 7:14 மீகா 7:15 சகரி 10:8-12 சகரி 12:1-14 ரோம 11:15 ரோம 11:26 2கொரி 3:16
12	பிற இனத்தாருக்கென ஒரு கொடியை ஏற்றி வைப்பார்: இஸ்ரயேலில் நாடு கடத்தப்பட்டோரை ஒன்று திரட்டுவார்: யூதாவில் சிதறுண்டு போனவர்களை உலகின் நாற்புறத்திலிருந்தும் கூட்டிச் சேர்ப்பார்.	ஏசா 11:10 ஏசா 18:3 ஏசா 59:19 ஏசா 62:10 வெளிப் 5:9
13	எப்ராயிமரின் பொறாமை அவர்களை விட்டு நீங்கும், யூதாவைப் பகைத்தோர் வெட்டி வீழ்த்தப்படுவர். எப்ராயிமர் யூதாமேல் பொறாமை கொள்வதில்லை: யூதாவும் எப்ராயிமரைப் பகைப்பதில்லை.	ஏசா 7:1-6 எரே 3:18 எசே 37:16-24 ஓசி 1:11
14	அவர்கள் இருவரும் சேர்ந்து மேற்கிலுள்ள பெலிஸ்தியரின் தோள்மேல் பாய்வார்கள்: கீழ்த்திசை நாட்டினரைக் கொள்ளையடிப்பார்கள்: ஏதோமையும் மோவாபையும் கைப்பற்றிக் கொள்வார்கள்: அம்மோன் மக்கள் அவர்களுக்கு அடிபணிவார்கள்.	ஒபதி 1:19 செப் 2:5 சகரி 9:5-7
15	எகிப்தின் கடல் முகத்தை ஆண்டவர் முற்றிலும் வற்றச்செய்வார்: பேராற்றின்மேல் கையசைத்து அனல்காற்று வீசச்செய்வார்: கால் நனையாமல் மக்கள் கடந்து வரும்படி அந்த ஆற்றை ஏழு கால்வாய்களாகப் பிரிப்பார்.	ஏசா 50:2 ஏசா 51:9 ஏசா 51:10 சகரி 10:11
16	இஸ்ரயேலர் எகிப்து நாட்டிலிருந்து வந்த நாளில் பெருவழி தோன்றியது போல, ஆண்டவரின் மக்களுள் எஞ்சியோர் வருவதற்கு அசீரியாவிலிருந்து பெருவழி ஒன்று தோன்றும்.	ஏசா 11:11 ஏசா 19:23 ஏசா 27:13 ஏசா 35:8-10 ஏசா 40:3 ஏசா 40:4 ஏசா 49:12 ஏசா 57:14