1	ஆண்டவரே, நீரே என் கடவுள்: நான் உம்மை மேன்மைப்படுத்துவேன்: உன் பெயரைப் போற்றுவேன்: நீர் வியத்தகு செயல் புரிந்துள்ளீர்: நெடுநாளாய் நீர் தீட்டியுள்ள திட்டத்தைத் திண்ணமாகவும் உறுதியாகவும் நிறைவேற்றியுள்ளீர்.	ஏசா 26:13 ஏசா 61:10 யாத் 15:2 1நாளா 29:10-20 சங் 99:5 சங் 118:28 சங் 145:1 சங் 146:2 வெளிப் 5:9-14 வெளிப் 7:12
2	ஏனெனில், நீ நகரத்தைக் கற்குவியலாக்கினீர்: அரண்சூழ்ந்த பட்டணத்தைப் பாழடையச் செய்தீர்: அயல் நாட்டினரின் கோட்டை அது: இனி நகராய் இராது: என்றுமே கட்டி எழுப்பப்படாது.	ஏசா 25:12 ஏசா 14:23 ஏசா 17:1 ஏசா 21:9 ஏசா 23:13 உபா 13:16 எரே 51:26 நாகூ 3:12-15
3	ஆதலால் வலிமைமிகு மக்களினம் உம்மைப் பெருமைப்படுத்தும்: முரடரான வேற்றின நகரத்தினர் உமக்கு அஞ்சுவர்.	ஏசா 49:23-26 ஏசா 60:10-14 ஏசா 66:18-20 சங் 46:10 சங் 46:11 சங் 66:3 சங் 72:8-11 எசே 38:23 எசே 39:21 எசே 39:22 சகரி 14:9 சகரி 14:16 வெளிப் 11:13 வெளிப் 11:15-17
4	ஏழைகளுக்கு நீர் அரணாய் இருக்கின்றீர்: வறியவனுக்கு அவன் துன்பத்தில் உறைவிடம் நீரே: புயற்காற்றில் புகலிடமாகவும், கடும் வெப்பத்தில் குளிர் நிழலாகவும் திகழ்கின்றீர்: ஏனெனில் முரடர்களின் சீற்றம் மதிற்சுவரை மோதித் தாக்கும் பெரும் புயல் போலும்,	ஏசா 11:4 ஏசா 14:32 ஏசா 29:19 ஏசா 33:2 ஏசா 66:2 யோபு 5:15 யோபு 5:16 சங் 12:5 சங் 35:10 சங் 72:4 சங் 72:13 சங் 107:41 சங் 119:31 செப் 3:12 யாக் 2:5
5	வறண்ட நிலத்தில் வெப்பம் போலும் இருக்கும். கார்மேக நிழல் வெயிலைத் தணிப்பது போல் அயல் நாட்டவரின் ஆர்ப்பாட்டத்தை நீர் அடங்கச் செய்கின்றீர்: முரடர்களின் ஆரவாரம் அடங்கிவிட்டது.	ஏசா 10:8-15 ஏசா 10:32-34 ஏசா 13:11 ஏசா 14:10-16 ஏசா 17:12-14 ஏசா 30:30-33 ஏசா 49:25 ஏசா 49:26 ஏசா 54:15-17 ஏசா 64:1 ஏசா 64:2 சங் 74:3-23 சங் 79:10-12 எரே 50:11-15 எரே 51:38-43 எரே 51:53-57 எசே 32:18-32 எசே 38:9-23 எசே 39:1-10 தானி 7:23-27 தானி 11:36-45 வெளிப் 16:1-19 வெளிப் 20:8 வெளிப் 20:9
6	படைகளின் ஆண்டவர் இந்த மலையில் மக்களினங்கள் அனைவருக்கும் சிறந்ததொரு விருந்தை ஏற்பாடு செய்வார்: அதில் சுவைமிக்க பண்டங்களும், பழரசப் பானமும், கொழுப்பான இறைச்சித் துண்டுகளும், வடிகட்டிப் பக்குவப்படுத்திய திராட்சை இரசமும் பரிமாறப்படும்.	ஏசா 25:10 ஏசா 2:2 ஏசா 2:3 சங் 72:14-16 சங் 78:68 மீகா 4:1 மீகா 4:2 சகரி 8:3 எபிரெ 12:22
7	மக்களினங்கள் அனைவரின் முகத்தை மூடியுள்ள முக்காட்டை இந்த மலையில் அவர் அகற்றிவிடுவார்: பிற இனத்தார் அனைவரின் துன்பத் திகிலைத் தூக்கி எறிவார்.	ஏசா 60:1-3 மத் 27:51 லூக் 2:32 அப் 17:30 2கொரி 3:13-18 எபே 3:5 எபே 3:6 எபே 4:18 எபே 5:8 எபிரெ 9:8 எபிரெ 9:24 எபிரெ 10:19-21
8	என்றுமே இல்லாதவாறு சாவை ஒழித்துவிடுவார்: என் தலைவராகிய ஆண்டவர் எல்லா முகங்களிலிருந்தும் கண்ணீரைத் துடைத்து விடுவார்: தம்மக்களுக்கு ஏற்பட்ட நிந்தையை இம்மண்ணுலகில் அகற்றிவிடுவார்: ஏனெனில், ஆண்டவரே இதை உரைத்தார்.	ஓசி 13:14 1கொரி 15:26 1கொரி 15:54 2தீமோ 1:10 எபிரெ 2:14 எபிரெ 2:15 வெளிப் 20:14 வெளிப் 21:4
9	அந்நாளில் அவர்கள் சொல்வார்கள்: இவரே நம் கடவுள்: இவருக்கென்றே நாம் காத்திருந்தோம்: இவர் நம்மை விடுவிப்பார்: இவரே ஆண்டவர்: இவருக்காகவே நாம் காத்திருந்தோம்: இவர் தரும் மீட்பில் நாம் மகிழ்ந்து அக்களிப்போம்.”	ஏசா 12:1 செப் 3:14-20 வெளிப் 1:7 வெளிப் 19:1-7
10	ஆண்டவரின் ஆற்றல் இம் மலையில் தங்கியிருக்கும்: எருக்குழி நீரில் வைக்கோல் மிதிக்கப்படுவதுபோல், மோவாபு அவரால் மிதிக்கப்படுவான்.	ஏசா 25:6 ஏசா 11:10 ஏசா 12:6 ஏசா 18:4 சங் 132:13 சங் 132:14 எசே 48:35 செப் 3:15-17 சகரி 9:9-11
11	நீந்துபவன் நீந்துவதற்காகத் தன் கைகளை விரிப்பதுபோல், மோவாபு தன் கைகளை விரிப்பான்: ஆனால் ஆண்டவர் அவன் செருக்கையும் கைவினைச் செயல்களையும் விழச் செய்வார்.	ஏசா 5:25 ஏசா 14:26 ஏசா 65:2 கொலோ 2:15
12	வானாளவ உயர்ந்துநிற்கும் உன் அரண்களை அவர் விழத் தள்ளி, தரைமட்டமாக்குவார்: அவை புழுதியோடு புழுதியாகி மண்ணோடு மண்ணாகும்.	ஏசா 26:5 எரே 51:58 எரே 51:64 2கொரி 10:4 2கொரி 10:5 எபிரெ 11:30 வெளிப் 18:21