1	அந்நாளில் ஆண்டவர் தம் கொடிய, பெரிய, வலிமைமிகு வாளால் லிவியத்தான் என்னும் விரைந்தோடும் பாம்பை-லிவியத்தான் என்னும் நெளிந்தோடும் பாம்பை-தண்டிப்பார்: கடலில் இருக்கும் அந்தப் பெரும் நாகத்தை அவர் வெட்டி வீழ்த்துவார்.	ஏசா 26:21
2	அந்நாளில் ஒரு கனிமிகு திராட்சைத்தோட்டம் இருக்கும்: அதைப்பற்றிப் பாடுங்கள்.	ஏசா 5:1-7 எண் 21:17
3	ஆண்டவராகிய நானே அதன் பாதுகாவலர்: இடையறாது அதற்கு நான் நீர் பாய்ச்சுகின்றேன்: எவரும் அதற்குத் தீங்கு விளைவிக்காதவாறு இரவும் பகலும் அதற்குக் காவலாய் இருக்கின்றேன்.	ஏசா 46:4 ஏசா 46:9 ஏசா 60:16 ஆதி 6:17 ஆதி 9:9 எசே 34:11 எசே 34:24 எசே 37:14 எசே 37:28
4	சினம் என்னிடம் இல்லை: நெருஞ்சியையும் முட்புதரையும் என்னோடு போரிடச் செய்தவன் எவன்? நான் அவற்றிற்கு எதிராக அணி வகுத்துச்சென்று, அவற்றை ஒருங்கே நெருப்புக்கு இரையாக்குவேன்.	ஏசா 12:1 ஏசா 26:20 ஏசா 26:21 ஏசா 54:6-10 சங் 85:3 சங் 103:9 எசே 16:63 நாகூ 1:3-7 2பேது 2:9
5	அவர்கள் என்னைப் புகலிடமாகக் கொண்டு வலிமை பெறட்டும்: என்னோடு அவர்கள் ஒப்புரவு செய்து கொள்ளட்டும், என்னோடு அவர்கள் சமாதானம் செய்து கொள்ளட்டும்.	ஏசா 25:4 ஏசா 26:3 ஏசா 26:4 ஏசா 45:24 ஏசா 56:2 ஏசா 64:7 யோசு 9:24 யோசு 9:25 யோசு 10:6 யோபு 22:21 லூக் 13:34 லூக் 14:32 லூக் 19:42 எபிரெ 6:18
6	வருங்காலத்தில் யாக்கோபு வேரூன்றி நிற்பான்: இஸ்ரயேல் பூத்து மலருவான்: உலகத்தையெல்லாம் கனிகளால் நிரப்புவான்.	ஏசா 6:13 ஏசா 37:31 ஏசா 49:20-23 ஏசா 54:1-3 ஏசா 60:22 சங் 92:13-15 எரே 30:19 ஓசி 2:23 ஓசி 14:5 ஓசி 14:6 சகரி 2:11 சகரி 10:8 சகரி 10:9 ரோம 11:16-26 கலா 3:29 பிலிப் 3:3 வெளிப் 11:15
7	அவனை அடித்து நொறுக்கியோரை ஆண்டவர் அடித்து நொறுக்கியது போல், அவனையும் அவர் அடித்து நொறுக்கியது உண்டோ? அவனை வெட்டி வீழ்த்தியோரை அவர் வெட்டி வீழ்த்தியதுபோல், அவனையும் அவர் வெட்டி வீழ்த்தியது உண்டோ?	ஏசா 10:20-25 ஏசா 14:22 ஏசா 14:23 ஏசா 17:3 ஏசா 17:14 எரே 30:11-16 எரே 50:33 எரே 50:34 எரே 50:40 எரே 51:24 தானி 2:31-35 நாகூ 1:14 நாகூ 3:19
8	துரத்தியடித்து வெளியேற்றியதன் மூலம் அவர் அவனோடு போராடினார்: கீழைக்காற்றின் நாளில் சூறைக்காற்றால் அவனைத் தூக்கி எறிந்தார்.	ஏசா 57:16 யோபு 23:6 சங் 6:1 சங் 38:1 சங் 103:14 எரே 10:24 எரே 30:11 எரே 46:28 1கொரி 10:13 1பேது 1:6
9	ஆதலால் இதன் வாயிலாய் யாக்கோபின் குற்றத்திற்காகப் பாவக்கழுவாய் நிறைவேற்றப்படும். அவனது பாவம் அகற்றப்பட்டதன் முழுப் பயன் இதுவே: சுண்ணாம்புக் கற்களை உடைத்துத் தூள் தூளாக்குவது போல அவர் அவர்களின் பலிபீடக் கற்களுக்குச் செய்வார்: அசேராக் கம்பங்களும் தூபபீடங்களும் நிலைநிற்காதவாறு நொறுக்கப்படும்.	ஏசா 1:24 ஏசா 1:25 ஏசா 4:4 ஏசா 48:10 சங் 119:67 சங் 119:71 நீதி 20:30 எசே 20:38 எசே 24:13 தானி 11:35 மல்கி 3:2 மல்கி 3:3 1கொரி 11:32 எபிரெ 12:6 எபிரெ 12:9-11
10	அரண் சூழ்ந்த நகரம் தனித்து விடப்பட்டுள்ளது: குடியிருப்பாரின்றிப் பாழாய்க் கிடக்கிறது. பாலைநிலம் போல் புறக்கணிக்கப்பட்டுள்ளது: ஆங்கே, கன்றுக்குட்டி மேய்கின்றது, படுத்துக்கிடக்கின்றது: அதில் தழைத்துள்ளவற்றைத் தின்று தீர்க்கின்றது.	ஏசா 5:9 ஏசா 5:10 ஏசா 6:11 ஏசா 6:12 ஏசா 17:9 ஏசா 25:2 ஏசா 64:10 எரே 26:6 எரே 26:18 புலம் 1:4 புலம் 2:5-9 புலம் 5:18 எசே 36:4 மீகா 3:12 லூக் 19:43 லூக் 19:44 லூக் 21:20-24
11	உலர்ந்த அதன் கிளைகள் முறிக்கப்படுகின்றன: பென்டிர் வந்து அவற்றைச் சுட்டெறிப்பர்: ஏனெனில் உணர்வற்ற மக்களினம் அது: ஆதலால், அவர்களைப் படைத்தவர் அவர்கள் மீது இரக்கம் காட்டார்: அவர்களுக்கு ஆதரவு அருளார்.	சங் 80:15 சங் 80:16 எசே 15:2-8 எசே 20:47 மத் 3:10 யோவா 15:6
12	அந்நாளில் ஆண்டவர் பேராற்றின் வாய்க்கால் முதல் எகிப்தின் பள்ளத்தாக்குவரை புணையடிப்பார்: இஸ்ரயேல் மக்களே, நீங்கள் ஒருவர்பின் ஒருவராய்ச் சேர்க்கப்படுவீர்கள்.	ஏசா 11:11-16 ஏசா 24:13-16 ஏசா 56:8 ஆதி 15:18 சங் 68:22 சங் 72:8
13	அந்நாளில் பெரியதோர் எக்காளம் முழங்கும். அப்பொழுது, அசீரியா நாட்டில் சிதறுண்டோரும் எகிப்து நாட்டுக்குத் துரத்தப்பட்டோரும் திரும்பி வருவர். எருசலேமின் திருமலையில் அவர்கள் ஆண்டவரை வழிபடுவார்கள்.	ஏசா 2:11