1	தமஸ்கு நகரைப் பற்றிய திருவாக்கு: “நகர் என்ற பெயரை தமஸ்கு இழந்துவிடும்: அது பாழடைந்த மண்மேடாக மாறிவிடும்.	ஏசா 15:1 ஏசா 19:1
2	அதன் அருகிலுள்ள நகரங்கள் பாழடைந்து ஆடுமாடுகள் திரியும் இடமாகும்: அவை அங்கே படுத்துக் கிடக்கும்: அவற்றை அச்சுறுத்த எவருமே இரார்.	எண் 32:34 உபா 2:36 உபா 3:12 யோசு 13:16 எரே 48:19
3	எப்ராயிம் நாட்டின் அரண் தரைமட்டமாகும்: தமஸ்கின் அரசு இல்லாதொழியும்: இஸ்ரயேல் மக்களின் மேன்மைக்கு நேர்ந்தது சிரியாவில் எஞ்சியிருப்போரின் நிலைமையாகும், என்கிறார் படைகளின் ஆண்டவர்.	ஏசா 7:8 ஏசா 7:16 ஏசா 8:4 ஏசா 10:9 2இரா 16:9 2இரா 17:6 ஓசி 1:4 ஓசி 1:6 ஓசி 3:4 ஓசி 5:13 ஓசி 5:14 ஓசி 8:8 ஓசி 9:16 ஓசி 9:17 ஓசி 10:14 ஓசி 13:7 ஓசி 13:8 ஓசி 13:15 ஓசி 13:16 ஆமோ 2:6-9 ஆமோ 3:9-15 ஆமோ 5:25-27 ஆமோ 6:7-11 ஆமோ 8:14 ஆமோ 9:1-10 மீகா 1:4-9
4	அந்நாளில், யாக்கோபின் மேன்மை தாழ்வடையும்: அவனது கொழுத்த உடல் மெலிந்து போகும்.	ஏசா 9:8 ஏசா 9:21 ஏசா 10:4
5	அறுவடைசெய்வோன் நிமிர்ந்து நிற்கும் கதிர்களைச் சேர்த்த பின்னும் அவனது கை அவற்றை அறுவடை செய்தபின்னும் சிந்திய கதிர்களைப் பொறுக்கி எடுக்கும் பொழுதும் இரபாயிம் பள்ளத்தாக்கு இருப்பது போல யாக்கோபின் நிலைமை இருக்கும்.	எரே 9:22 எரே 51:33 ஓசி 6:11 யோவே 3:13 மத் 13:30 மத் 13:39-42 வெளிப் 14:15-20
6	ஒலிவ மரத்தை உலுக்கும்போது அதன் உச்சிக்கிளை நுனியில் இரண்டு மூன்று காய்களும், பழமிருக்கும் கிளைகளில் நாலைந்து பழங்களும் விடப்பட்டிருப்பதுபோல், அவர்களிடையேயும் பின்னால் பறிக்கப்படுவதற்கெனச் சிலர் விடப்பட்டிருப்பர்,” என்கிறார் இஸ்ரயேலின் கடவுளாகிய ஆண்டவர்.	ஏசா 1:9 ஏசா 10:22 ஏசா 24:13 உபா 4:27 நியா 8:2 1இரா 19:18 எசே 36:8-15 எசே 37:19-25 எசே 39:29 ஒபதி 1:5 மீகா 7:1 ரோம 9:27 ரோம 11:4-6 ரோம 11:26-6
7	அன்றுதான், மனிதர் தம்மைப் படைத்தவரை நோக்குவர்: இஸ்ரயேலின் தூயவரைக் காண அவர்கள் கண்கள் விழையும்:	ஏசா 10:20 ஏசா 10:21 ஏசா 19:22 ஏசா 22:11 ஏசா 24:14 ஏசா 24:15 ஏசா 29:18 ஏசா 29:19 ஏசா 29:24 நியா 10:15 நியா 10:16 2நாளா 30:10 2நாளா 30:11 2நாளா 30:18-20 2நாளா 31:1 2நாளா 35:17 2நாளா 35:18 எரே 3:12-14 எரே 3:18-23 எரே 31:4-10 ஓசி 3:5 ஓசி 6:1 ஓசி 14:1-3 மீகா 7:7
8	தங்கள் கைவேலைப்பாடுகளான பலிபீடங்களை ஏறெடுத்தும் பார்க்கமாட்டார்கள்: தாங்கள் கைப்படச் செய்த அசேராக் கம்பங்களையும் மரச் சிலைகளையும் நோக்கமாட்டார்கள்.	ஏசா 1:29 ஏசா 2:18-21 ஏசா 27:9 ஏசா 30:22 2நாளா 34:6 2நாளா 34:7 எசே 36:25 ஓசி 14:8 செப் 1:3 சகரி 13:2
9	இவ்வியர், எமோரியர் என்பவர்களின் நகரங்கள் இஸ்ரயேல் மக்கள் வந்தபோது பாழடைந்ததுபோல, அந்நாளில் உன் வலிமைமிகு நகர்களும் கைவிடப்பட்டுப் பாழ்வெளி ஆகி விடும்.	ஏசா 17:4 ஏசா 17:5 ஏசா 6:11-13 ஏசா 7:16-20 ஏசா 9:9-12 ஏசா 24:1-12 ஏசா 27:10 ஏசா 28:1-4 ஓசி 10:14 ஓசி 13:15 ஓசி 13:16 ஆமோ 3:11-15 ஆமோ 7:9 மீகா 5:11 மீகா 6:16 மீகா 7:13
10	இஸ்ரயேலே, உனக்கு விடுதலை அளித்த கடவுளை நீ மறந்துவிட்டாய்: உன் அடைக்கலமான கற்பாறையை நீ நினைவு கூரவில்லை: ஆதலால், கண்ணுக்கினிய நாற்றுகளை நீ நட்டுவைத்தாலும், வேற்றுத் தெய்வத்திற்கு இளம் கன்றுகளை நாட்டினாலும்,	ஏசா 51:13 உபா 6:12 உபா 8:11 உபா 8:14 உபா 8:19 சங் 9:17 சங் 106:13 சங் 106:21 எரே 2:32 எரே 17:13 ஓசி 2:13 ஓசி 2:14 ஓசி 4:6 ஓசி 8:14 ஓசி 13:6 ஓசி 13:7
11	நீ அவற்றை நட்ட நாளிலேயே பெரிதாக வளரச் செய்தாலும், விதைத்த காலையிலேயே மலரச் செய்தாலும், துயரத்தின் நாளில் தீராத வேதனையும் நோயுமே உன் விளைச்சலாய் இருக்கும்.	ஏசா 18:5 ஏசா 18:6 யோபு 4:8 எரே 5:31 ஓசி 8:7 ஓசி 9:1-4 ஓசி 9:16-4 ஓசி 10:12-15 யோவே 1:5-12 கலா 6:7 கலா 6:8
12	ஐயோ! மக்களினங்கள் பலவற்றின் ஆரவாரம் கேட்கிறது: கடல் கொந்தளிப்பதுபோல் அவர்கள் கொந்தளிக்கிறார்கள்: இதோ, மக்கள் கூட்டத்தின் கர்ச்சனைக்குரல் கேட்கிறது: வெள்ளப்பெருக்கின் இரைச்சலைப் போல் அவர்கள் முழங்குகிறார்கள்.	ஏசா 9:5
13	பெருவெள்ளம்போல் மக்கள் கூட்டத்தினர் கர்ச்சிக்கிறார்கள்: அவர்களை ஆண்டவர் அதட்டுவார்: அவர்களும் வெகுதொலைவிற்கு ஓடிப் போவார்கள்: மலைகளில் காற்றின் முன் அகப்பட்ட பதர் போன்றும், புயல்காற்று முன் சிக்குண்ட புழுதி போன்றும் துரத்தப்படுவார்கள்.	ஏசா 10:15 ஏசா 10:16 ஏசா 10:33 ஏசா 10:34 ஏசா 14:25 ஏசா 25:4 ஏசா 25:5 ஏசா 27:1 ஏசா 30:30-33 ஏசா 31:8 ஏசா 31:9 ஏசா 33:1-3 ஏசா 33:9-12 ஏசா 37:29-38 சங் 9:5 சங் 46:5-11
14	மாலைவேளையில், இதோ! எங்கும் திகில்: விடிவதற்குள் அவர்கள் இல்லாதொழிவார்கள்: இதுவன்றோ நம்மைக் கொள்ளையடிப்பவர்கள் பங்கு! இதுவன்றோ நம்மைச் சூறையாடுவோரின் நிலைமை.	ஏசா 10:28-32 2இரா 19:3 2இரா 19:35 சங் 37:36