1	“இன்பத்தில் மூழ்கி அதன் இனிமையைச் சுவைப்போம்: நெஞ்சே! நீ வா!” என்றேன். அதுவும் வீண் என நான் கண்டேன்.	பிரச 2:15 பிரச 1:16 பிரச 1:17 பிரச 3:17 பிரச 3:18 சங் 10:6 சங் 14:1 சங் 27:8 சங் 30:6 சங் 30:7 லூக் 12:19
2	சிரித்துக் களித்தல் மதிகெட்ட செயல் என்றேன்:	பிரச 7:2-6 நீதி 14:13 ஏசா 22:12 ஏசா 22:13 ஆமோ 6:3-6 1பேது 4:2-4
3	இன்பம் நன்மை பயக்காது என்றேன். ஞானத்தின் மீதுள்ள ஆவலை விட்டுவிடாமலே, மதுவால் உடலுக்குக் களிப்பூட்டவும் மதிகெட்ட திட்டத்தில் ஈடுபடவும் தலைப்பட்டேன்: மக்கள் தங்கள் குறுகிய உலக வாழ்க்கையில் செய்யக்கூடிய நலமான செயல் எதுவென்று அறிவதற்காக இவ்வாறு செய்யலானேன்:	பிரச 1:17 1சாமு 25:36
4	பெரிய காரியங்களைச் செய்து முடித்தேன்: எனக்கென்று வீடுகளைக் கட்டினேன்: திராட்சைத் தோட்டங்களை அமைத்தேன்.	ஆதி 11:4 2சாமு 18:18 தானி 4:30
5	எனக்கென்று தோட்டம், பூங்கா பல அமைத்து அவற்றில் எல்லா வகையான பழமரங்களையும் நட்டேன்:	உன்ன 4:12-16 உன்ன 5:1 உன்ன 6:2 எரே 39:4
6	தோப்பில் வளரும் மரங்களுக்கு நீர் பாய்ச்சுவதற்காகக் குளங்களை வெட்டினேன்:	நெகே 2:14 உன்ன 7:4
7	ஆண் பெண் அடிமைகளை விலைக்கு வாங்கினேன்: என் வீட்டிலேயே பிறந்த அடிமைகளும் எனக்கு இருந்தார்கள்: ஏராளமான ஆடுமாடுகளும் எனக்கு இருந்தன. எனக்குமுன் எருசலேமில் இருந்த எவருக்கும் அத்தனை ஆடுமாடுகள் இருந்ததில்லை.	1இரா 9:20-22 எஸ்றா 2:58 நெகே 7:57
8	வெள்ளி, பொன், மன்னர்களின் செல்வம், மாநிலங்கள் ஆகியவற்றையும் சேர்த்துக் கொண்டேன். இசைவல்ல ஆடவரும் பெண்டிரும் என்னைப் பாடி மகிழ்வித்தனர். மகிழ்வூட்டும் மங்கையரையும் வைத்திருந்தேன்.	1இரா 9:14 1இரா 9:28 1இரா 10:10 1இரா 14:21 1இரா 14:22 1இரா 14:27 2நாளா 9:11 2நாளா 9:15-21
9	இவ்வாறு என் செல்வம் வளர்ந்தது. எருசலேமில் எனக்குமுன் இருந்த எல்லாரையும்விடப் பெரிய செல்வனானேன். எனினும், எனக்கிருந்த ஞானம் குறைபடவில்லை.	பிரச 1:16 1இரா 3:12 1இரா 10:7 1இரா 10:23 1நாளா 29:25 2நாளா 1:1 2நாளா 9:22 2நாளா 9:23
10	என் கண்கள் விரும்பின அனைத்தையும் அவற்றிற்கு அளித்தேன். எந்த மகிழ்ச்சியையும் என் மனத்திற்குக் கொடுக்க நான் தவறவில்லை. என் முயற்சி அனைத்தும் என் உள்ளத்திற்கு மகிழ்ச்சியூட்டியது. இதுவே என் முயற்சிகளுக்கெல்லாம் கிடைத்த பலனாகும்.	பிரச 3:22 பிரச 6:9 பிரச 11:9 ஆதி 3:6 ஆதி 6:2 நியா 14:2 யோபு 31:1 சங் 119:37 நீதி 23:5 1யோவா 2:16
11	நான் செய்த செயல்கள் யாவற்றையும் அவற்றைச் செய்வதற்கு நான் எடுத்த முயற்சியையும் நினைத்துப் பார்த்தபோதோ, அவையாவும் வீண் என்பதைக் கண்டேன். அவை அனைத்தும் காற்றைப் பிடிக்க முயல்வதற்கு ஒப்பாகும்: முற்றும் பயனற்ற செயல்களே.	பிரச 1:14 ஆதி 1:31 யாத் 39:43 1யோவா 2:16 1யோவா 2:17
12	நான் ஞானம், மூடத்தனம், மதிகேடு ஆகியவற்றை ஆராய்த்தலைப்பட்டேன். ஓர் அரசன் தனக்கு முன்னிருந்த அரசர் செய்ததைத் தவிர வேறென்ன செய்வான்?	பிரச 1:17 பிரச 7:25
13	ஒளி இருளை விட மேலானதாய் இருப்பதுபோல, ஞானமும் மதிகேட்டைவிட மேலானதாய் இருக்கக் கண்டேன்.	பிரச 7:11 பிரச 7:12 பிரச 9:16 நீதி 4:5-7 நீதி 16:16 மல்கி 3:18 மல்கி 4:1 மல்கி 4:2
14	ஞானிகளின் கண்கள் ஒளி படைத்தவை: மூடரோ இருளில் நடப்பவர். ஆயினும், ஒருவருக்கு நேர்வதே மற்றெல்லாருக்கும் நேரிடும் என்று நான் கண்டேன்.	பிரச 8:1 பிரச 10:2 பிரச 10:3 நீதி 14:8 நீதி 17:24 1யோவா 2:11
15	மூடருக்கு நேரிடுவது போலவே எனக்கும் நேரிடும். அப்படியானால் நான் ஞானத்தில் வளர்ந்தது எதற்காக? அதனால் பயனென்ன என்று சிந்தித்து, அதுவும் வீணே என்ற முடிவுக்கு வந்தேன்.	பிரச 1:16 பிரச 1:18 1இரா 3:12
16	ஞானிகளையோ, மூடரையோ யாரும் நினைவில் வைத்திருப்பதில்லை. வருங்காலத்தில் அனைவரும் மறக்கப்படுவர். மூடர் மடிவதுபோல ஏன் ஞானிகளும் மடியவேண்டும்?	பிரச 1:11 யாத் 1:6 யாத் 1:8 சங் 88:12 சங் 103:16 மல்கி 3:16
17	எனவே, நான் வாழ்க்கையில் வெறுப்புக் கொண்டேன். மேலும், உலகில் செய்யப்படுபவை யாவும் எனக்குத் தொல்லையையே கொடுத்தன. எல்லாம் வீண்: யாவும் காற்றைப் பிடிக்க முயல்வதற்கு ஒப்பாகும்.	எண் 11:15 1இரா 19:4 யோபு 3:20-22 யோபு 7:15 யோபு 7:16 யோபு 14:13 எரே 20:14-18 யோனா 4:3 யோனா 4:8 பிலிப் 1:23-25
18	நான் இவ்வுலகில் எவற்றையெல்லாம் செய்துமுடிக்க உழைத்தேனோ அவற்றின் மீதெல்லாம் வெறுப்புக் கொண்டேன். ஏனெனில், அவற்றை எனக்குப்பின் வருகிறவர்களுக்கு விட்டுச் செல்ல வேண்டுமென்பது எனக்குத் தெரியும்.	பிரச 2:4-9 பிரச 1:13 பிரச 4:3 பிரச 5:18 பிரச 9:9
19	அவர்கள் ஞானமுள்ளவராய் இருக்கலாம் அல்லது மதிகேடராய் இருக்கலாம்: யாருக்குத் தெரியும்? எத்தகையவராய் இருப்பினும், நான் இவ்வுலகில் ஞானத்தோடு உழைத்து அடைந்த பயன்களுக்கெல்லாம் அவர்களே உரிமையாளர் ஆவர்.	பிரச 3:22 1இரா 12:14-20 1இரா 14:25-28 2நாளா 10:13-16 2நாளா 12:9 2நாளா 12:10
20	என் உழைப்பும் வீணே. நான் உலகில் செய்த எல்லா முயற்சிக்காகவும் மனமுடைந்துபோனேன்.	ஆதி 43:14 யோபு 17:11-15 சங் 39:6 சங் 39:7 1கொரி 15:19 2கொரி 1:8-10 1தெச 3:3 1தெச 3:4
21	ஏனெனில், ஞானத்தோடும் அறிவாற்றலோடும் திறமையோடும் ஒருவர் உழைக்கிறார்: உழைத்துச் சேர்த்த சொத்தை அதற்காக உழைக்காதவருக்கு விட்டுச் செல்கிறார். அவரது உழைப்பும் வீணே.	பிரச 2:17 பிரச 2:18 பிரச 9:18 2நாளா 31:20 2நாளா 31:21 2நாளா 33:2-9 2நாளா 34:2 2நாளா 35:18 2நாளா 36:5-10 எரே 22:15 எரே 22:17
22	இது பெரிய அநீதி. உலகில் அவர் செய்த எல்லா முயற்சிக்காகவும் வகுத்த செயல் திட்டங்களுக்காகவும் அவருக்குக் கிடைக்கும் பயனென்ன?	பிரச 1:3 பிரச 3:9 பிரச 5:10 பிரச 5:11 பிரச 5:17 பிரச 6:7 பிரச 6:8 பிரச 8:15 நீதி 16:26 1தீமோ 6:8
23	வாழ்நாளெல்லாம் அவருக்குத் துன்பம்: வேலையில் தொந்தரவு: இரவிலும் அவரது மனத்திற்கு அமைதியில்லை. எல்லாம் வீணே.	ஆதி 47:9 யோபு 5:7 யோபு 14:1 சங் 90:7-10 சங் 90:15-10 சங் 127:2
24	உண்பதையும் குடிப்பதையும் தம் உழைப்பால் வரும் இன்பத்தைத் துய்ப்பதையும்விட, நலமானது மனிதருக்கு வேறொன்றுமில்லை. இந்த வாய்ப்பும் கடவுள் தந்ததே எனக் கண்டேன்.	பிரச 3:12 பிரச 3:13 பிரச 3:22 பிரச 5:18 பிரச 8:15 பிரச 9:7-9 பிரச 11:9 பிரச 11:10 உபா 12:12 உபா 12:18 நெகே 8:10 அப் 14:17 1தீமோ 6:17
25	அவரின்றி ஒருவருக்கு எப்படி உணவு கிடைக்கும்? அவரால் எப்படி இன்பம் துய்க்க இயலும்?	பிரச 2:1-12 1இரா 4:21-24
26	கடவுள் தம் விருப்பத்திற்கேற்ப நடப்பவருக்கு ஞானத்தையும் அறிவாற்றலையும் மகிழ்ச்சியையும் அளிக்கிறார். பாவம் செய்கிறவருக்கோ செல்வத்தைச் சேர்த்து வைக்கும் வேலையைக் கொடுக்கிறார்: ஆனால், அச்செல்வம் தம் விருப்பத்திற்கேற்ப நடப்பவருக்கு விட்டுச் செல்வதற்கே. இதுவும் வீணே: காற்றைப் பிடிக்க முயல்வதற்கு ஒப்பாகும்.	ஆதி 7:1 லூக் 1:6