| 1 | சாலமோனின் தலைசிறந்த பாடல் | சங் 14:1 ஏசா 5:1 |
| 2 | தம் வாயின் முத்தங்களால் அவர் என்னை முத்தமிடுக! ஆம், உமது காதல் திராட்சை ரசத்தினும் இனிது! | உன்ன 5:16 உன்ன 8:1 ஆதி 27:26 ஆதி 27:27 ஆதி 29:11 ஆதி 45:15 சங் 2:12 லூக் 15:20 அப் 21:7 1பேது 5:14 |
| 3 | உமது பரிமளத்தின் நறுமணம் இனிமையானது: உமது பெயரோ பரிமள மணத்தினும் மிகுதியாய்ப் பரவியுள்ளது: எனவே, இளம் பெண்கள் உம்மேல் அன்பு கொள்கின்றனர். | உன்ன 3:6 உன்ன 4:10 உன்ன 5:5 உன்ன 5:13 யாத் 30:23-28 சங் 45:7 சங் 45:8 சங் 133:2 நீதி 27:9 பிரச 7:1 ஏசா 61:3 யோவா 12:3 2கொரி 2:14-16 பிலிப் 4:18 |
| 4 | உம்மோடு என்னைக் கூட்டிச் செல்லும், ஓடிடுவோம்: அரசர் என்னைத் தம் அறைக்குள் அழைத்துச் செல்லட்டும்! களிகூர்வோம், உம்மில் அக்களிப்போம்: திராட்சை இரசத்தினும் மேலாய் உம் காதலைக் கருதிடுவோம்: திராட்சை இரசத்தினும் உமது அன்பைப் போற்றிடுவோம்! | எரே 31:3 ஓசி 11:4 யோவா 6:44 யோவா 12:32 பிலிப் 2:12 பிலிப் 2:13 |
| 5 | எருசலேம் மங்கையரே, கறுப்பாய் இருப்பினும், நான் எழில்மிக்கவளே! கேதாரின் கூடாரங்களைப் போலுள்ளேன்: சாலமோனின் எழில்திரைகளுக்கு இணையாவேன். | ஏசா 53:2 மத் 10:25 1கொரி 4:10-13 1யோவா 3:1 |
| 6 | கறுப்பாய் இருக்கின்றேன் நான் என என்னையே உற்றுப் பார்க்க வேண்டா! கதிரவன் காய்ந்தான்: நான் கறுப்பானேன்: என் தமையர் என்மேல் சினம் கொண்டனர்: திராட்சைத் தோட்டத்திற்கு என்னைக் காவல் வைத்தனர்: என் தோட்டத்தையோ நான் காத்தேன் அல்லேன்! | ரூத் 1:19-21 |
| 7 | என் நெஞ்சத்தின் அன்புக்குரியவரே! எங்கே நீர் ஆடு மேய்ப்பீர்? எங்கே நண்பகலில் மந்தையை இளைப்பாற விடுவீர்? எனக்குச் சொல்வீர்! இல்லையேல், உம் தோழர்களின் மந்தைகட்கருகில் வழி தவறியவள் போல் நான் திரிய நேரிடும்! | உன்ன 2:3 உன்ன 3:1-4 உன்ன 5:8 உன்ன 5:10 உன்ன 5:16 சங் 18:1 சங் 116:1 ஏசா 5:1 ஏசா 26:9 மத் 10:37 யோவா 21:17 1பேது 1:8 1பேது 2:7 |
| 8 | பெண்களுக்குள் பேரழகியே, உனக்குத் தெரியாதெனில், மந்தையின் கால்சுவடுகளில் நீ தொடர்ந்துபோ: இடையர்களின் கூடாரங்களுக்கு அருகினிலே உன்னுடைய ஆட்டுக்குட்டிகளை மேய்த்திடு! | உன்ன 1:15 உன்ன 2:10 உன்ன 4:1 உன்ன 4:7 உன்ன 4:10 உன்ன 5:9 உன்ன 6:1 உன்ன 6:4-10 உன்ன 7:1-13 சங் 16:3 சங் 45:11 சங் 45:13 எபே 5:27 வெளிப் 19:7 வெளிப் 19:8 |
| 9 | என் அன்பே, பார்வோன் தேர்ப்படை நடுவே உலவும் பெண்புரவிக்கு உன்னை ஒப்பிடுவேன். | உன்ன 2:2 உன்ன 2:10 உன்ன 2:13 உன்ன 4:1 உன்ன 4:7 உன்ன 5:2 உன்ன 6:4 யோவா 15:14 யோவா 15:15 |
| 10 | உன் கன்னங்கள் குழையணிகளாலும் உன் கழுத்து மணிச்சரங்களாலும் எழில் பெறுகின்றன. | ஆதி 24:22 ஆதி 24:47 ஏசா 3:18-21 எசே 16:11-13 2பேது 1:3 2பேது 1:4 |
| 11 | பொன்வளையல்கள் உனக்குச் செய்திடுவோம்: வெள்ளி வளையங்கள் அவற்றில் கோத்திடுவோம். | உன்ன 8:9 ஆதி 1:26 சங் 149:4 எபே 5:25-27 பிலிப் 3:21 |
| 12 | என் அரசர் தம் மஞ்சத்தில் இருக்கையிலே, என் நரந்தம் நறுமணம் பரப்புகின்றது. | உன்ன 7:5 சங் 45:1 மத் 22:11 மத் 25:34 |
| 13 | என் காதலர் வெள்ளைப்போள முடிப்பென என் மார்பகத்தில் தங்கிடுவார். | உன்ன 4:6 உன்ன 4:14 உன்ன 5:1 உன்ன 5:5 உன்ன 5:13 ஆதி 43:11 சங் 45:8 யோவா 19:39 |
| 14 | என் காதலர் எனக்கு மருதோன்றி மலர்க்கொத்து! எங்கேதித் தோட்டங்களில் உள்ள மருதோன்றி! | உன்ன 1:13 உன்ன 2:3 |
| 15 | என்னே உன் அழகு! என் அன்பே, என்னே உன் அழகு! உன் கண்கள் வெண்புறாக்கள்! | உன்ன 1:8 உன்ன 4:1 உன்ன 4:7 உன்ன 4:10 உன்ன 5:12 உன்ன 7:6 |
| 16 | என்னே உம் அழகு என் காதலரே! எத்துணைக் கவர்ச்சி! ஆம், நமது படுக்கை பைந்தளிர்! | உன்ன 2:3 உன்ன 5:10-16 சங் 45:2 சகரி 9:17 பிலிப் 3:8 பிலிப் 3:9 வெளிப் 5:11-13 |
| 17 | நம் வீட்டின் விட்டங்கள் கேதுரு மரங்கள்: நம்முடைய மச்சுகள் தேவதாரு கிளைகள். | உன்ன 8:9 2நாளா 2:8 2நாளா 2:9 சங் 92:12 1தீமோ 3:15 1தீமோ 3:16 எபிரெ 11:10 1பேது 2:4 1பேது 2:5 |
