1	சாரோன் சமவெளியில் உள்ள காட்டு மலர் நான்: பள்ளத்தாக்குகளில் காணும் லீலிமலர்.	சங் 85:11 ஏசா 35:1 ஏசா 35:2
2	முட்புதர் நடுவில் இருக்கும் லீலிமலர்போல், மங்கையருள் இருக்கிறாள் என் அன்புடையாள்.	ஏசா 55:13 மத் 6:28 மத் 6:29 மத் 10:16 பிலிப் 2:15 பிலிப் 2:16 1பேது 2:12
3	காட்டு மரங்களிடை நிற்கும் கிச்சிலிபோல், காளையருள் இலங்குகின்றார் என் காதலர்தாம். அவரது நிழலிலே அமர்வதில் இன்புறுவேன்: அவர் கனி என் நாவுக்கு இனிமை தரும்.	உன்ன 8:5 ஏசா 4:2 எசே 17:23 எசே 17:24 யோவா 15:1-8
4	திராட்சை இரசம் வைக்கும் அறைக்குள்ளே என்னை அவர் அழைத்துச் சென்றார்: அவர் என் மேல் செலுத்திய நோக்கில் காதல் இருந்தது!	உன்ன 1:4 உன்ன 5:1 சங் 63:2-5 சங் 84:10 யோவா 14:21-23 வெளிப் 3:20
5	திராட்சை அடைகள் கொடுத்து என்னை வலிமைப்படுத்துங்கள்: கிச்சிலிப்பழங்களால் எனக்கு ஊக்கமூட்டுங்கள். காதல் நோயால் தான் மிகவும் நலிந்து போனேன்.	சங் 4:6 சங் 4:7 சங் 42:1 சங் 42:2 சங் 63:1-3 சங் 63:8-3 ஏசா 26:8 ஏசா 26:9 லூக் 24:32 பிலிப் 1:23
6	இடக்கையால் அவர் என் தலையைத் தாங்கிக் கொள்வார்: வலக்கையால் அவர் என்னைத் தழுவிக் கொள்வார்.	உன்ன 8:3-5 ஏசா 54:5-10 ஏசா 62:4 ஏசா 62:5 எரே 32:41 செப் 3:17 யோவா 3:29 எபே 5:25-29
7	எருசலேம் மங்கையரே! கலைமான்கள்மேல் ஆணை! வயல்வெளி மரைகள்மேல் ஆணை! உங்களுக்கு நான் கூறுகிறேன்: காதலைத் தட்டி எழுப்பாதீர்: தானே விரும்பும்வரை அதைத் தட்டி எழுப்பாதீர்.	மத் 26:63
8	என் காதலர் குரல் கேட்கின்றது: இதோ, அவர் வந்துவிட்டார்: மலைகள்மேல் தாவி வருகின்றார்: குன்றுகளைத் தாண்டி வருகின்றார்.	உன்ன 5:2 யோவா 3:29 யோவா 10:4 யோவா 10:5 யோவா 10:27 வெளிப் 3:20
9	என் காதலர் கலைமானுக்கு அல்லது மரைமான் குட்டிக்கு ஒப்பானவர். இதோ, எம் மதிற்சுவர்க்குப் பின்னால் நிற்கின்றார்: பலகணி வழியாய்ப் பார்க்கின்றார்: பின்னல் தட்டி வழியாய் நோக்குகின்றார்.	உன்ன 2:17 உன்ன 8:14
10	என் காதலர் என்னிடம் கூறுகின்றார்: “விரைந்தெழு, என் அன்பே! என் அழகே! விரைந்து வா.	உன்ன 2:8 2சாமு 23:3 சங் 85:8 எரே 31:3
11	இதோ, கார்காலம் கடந்துவிட்டது: மழையும் பெய்து ஓய்ந்துவிட்டது.	பிரச 3:4 பிரச 3:11 ஏசா 12:1 ஏசா 12:2 ஏசா 40:2 ஏசா 54:6-8 ஏசா 60:1 ஏசா 60:2 மத் 5:4 எபே 5:8 வெளிப் 11:14 வெளிப் 11:15
12	நிலத்தில் மலர்கள் தோன்றுகின்றன: பாடிமகிழும் பருவம் வந்துற்றது: காட்டுப் புறா கூவும் குரலதுவோ நாட்டினில் நமக்குக் கேட்கின்றது:	உன்ன 6:2 உன்ன 6:11 ஏசா 35:1 ஏசா 35:2 ஓசி 14:5-7
13	அத்திப் பழங்கள் கனிந்துவிட்டன: திராட்சை மலர்கள் மணம் தருகின்றன: விரைந்தெழு, என் அன்பே! என் அழகே! விரைந்து வா.”	உன்ன 6:11 உன்ன 7:8 உன்ன 7:11-13 ஏசா 18:5 ஏசா 55:10 ஏசா 55:11 ஏசா 61:11 ஓசி 14:6 ஆகா 2:19 லூக் 13:6 லூக் 13:7
14	பாறைப் பிளவுகளில் இருப்பவளே, குன்றின் வெடிப்புகளில் இருக்கும் என் வெண்புறாவே! காட்டிடு எனக்கு உன் முகத்தை: எழுப்பிடு நான் கேட்க உன் குரலை. உன் குரல் இனிது! உன் முகம் எழிலே!	உன்ன 5:2 உன்ன 6:9 சங் 68:13 சங் 74:19 ஏசா 60:8 எசே 7:16 மத் 3:16 மத் 10:16
15	பிடியுங்கள் எமக்காக நரிகளை: குள்ளநரிகளைப் பிடியுங்கள்: அவை திராட்சைத் தோட்டங்களை அழிக்கின்றன: எம் திராட்சைத் தோட்டங்களோ பூத்துள்ளன.	சங் 80:13 எசே 13:4-16 லூக் 13:32 2பேது 2:1-3 வெளிப் 2:2
16	என் காதலர் எனக்குரியர்: நானும் அவருக்குரியள்: லீலிகள் நடுவில் அவர் மேய்கின்றார்.	உன்ன 6:3 உன்ன 7:10 உன்ன 7:13 சங் 48:14 சங் 63:1 எரே 31:33 1கொரி 3:21-23 கலா 2:20 வெளிப் 21:2 வெளிப் 21:3
17	பொழுது புலர்வதற்குள், நிழல்கள் மறைவதற்குள், திரும்பிடுக, என் காதலரே! மலைமுகட்டுக் கலைமான்போன்று அல்லது மரைமான் குட்டிபோன்று திரும்பிடுக!	உன்ன 4:6 லூக் 1:78 ரோம 13:12 2பேது 1:19