1	“மானிடா! மழிக்கும் கத்தியைப் போன்று கருக்கலான ஒரு வாளை எடுத்து, அதைக்கொண்டு உன் தலையையும் தாடியையும் மழித்துக்கொள். ஒரு தராசை எடுத்து அந்த முடியைப் பங்கிடு.	எசே 44:20 லேவி 21:5 ஏசா 7:20
2	அதில் மூன்றிலொரு பங்கை முற்றுகை நாள்கள் முடியும்போது நகரின் நடுவில் நெருப்பினால் சுட்டெரி: மூன்றிலொரு பங்கை நகரைச் சுற்றிலும் வாளால் வெட்டிப்போடு: மூன்றில் ஒரு பங்கைக் காற்றில் தூற்றிவிடு. ஏனெனில் நான் அவர்களை உருவிய வாளுடன் பின்தொடர்வேன்.	எசே 5:12 எரே 9:21 எரே 9:22 எரே 15:2 எரே 24:10 எரே 38:2
3	அதில் கொஞ்சம் நீ எடுத்து உன் ஆடையின் முனைகளில் முடிந்து வை.	2இரா 25:12 எரே 39:10 எரே 40:6 எரே 52:16 மத் 7:14 லூக் 13:23 லூக் 13:24 1பேது 4:18
4	பிறகு அதில் இன்னும் கொஞ்சம் எடுத்து, அதைத் தீயிலிட்டுச் சுட்டெரி. அதனினின்று இஸ்ரயேல் வீட்டார் அனைவருக்கும் எதிராகத் தீ புறப்படும்.”	2இரா 25:25 எரே 41:1-44 எரே 52:30
5	தலைவராகிய ஆண்டவர் கூறுவது இதுவே: வேற்றினத்தாரிடையேயும் சூழ்ந்துள்ள நாடுகள் நடுவிலும் நான் திகழச் செய்த எருசலேம் இதுவே.	எசே 4:1 எரே 6:6 லூக் 22:19 லூக் 22:20 1கொரி 10:4
6	அம்மக்கள் வேற்றினத்தாரைவிடக் கேடு கெட்டவர்களாய் என் நீதிநெறிகளை எதிர்த்தார்கள். தங்கைச் சுற்றியுள்ள நாடுகளைவிட மிகுதியாக என் நியமங்களை எதிர்த்தார்கள். ஏனெனில் அவர்கள் என் நீதிநெறிகளை ஒதுக்கித் தள்ளி, என் நியமங்களின்படி நடவாமற் போனார்கள்.	எசே 16:47 உபா 32:15-21 2இரா 17:8-20 சங் 106:20 ரோம 1:23-25 1கொரி 5:1 யூதா 1:4
7	எனவே, தலைவராகிய ஆண்டவர் இவ்வாறு கூறுகிறார்: உங்களைச் சுற்றியுள்ள மக்களினங்களைக் காட்டிலும் அதிகமாய் நீங்கள் கிளர்ச்சி செய்தீர்கள்: என் நியமங்களின்படி நடக்கவில்லை. என் நீதி நெறிகளைக் கடைப்பிடிக்கவில்லை. உங்களைச் சுற்றியுள்ள மக்களினங்களின் நீதிநெறிகளின்படி நீங்கள் நடக்கவில்லை.	எசே 5:11 எசே 16:47 எசே 16:48 எசே 16:54 2இரா 21:9-11 2நாளா 33:9 எரே 2:10 எரே 2:11
8	ஆகவே, தலைவராகிய ஆண்டவர் இவ்வாறு கூறுகிறார்: வேற்றினத்தார் கண்முன் நானே உங்கள் நடுவிலிருந்து உங்களுக்கெதிராகத் தீர்ப்பு வழங்குவேன்.	எசே 15:7 எசே 21:3 எசே 26:3 எசே 28:22 எசே 35:3 எசே 39:1 லேவி 26:17-46 உபா 29:20 எரே 21:5 எரே 21:13 புலம் 2:5 புலம் 3:3 சகரி 14:2 சகரி 14:3 மத் 22:7
9	உங்கள் எல்லா அருவருப்பான செயல்களுக்காகவும், நான் இதுவரை செய்யாததும் இனிச் செய்யாதிருக்கப் போவதுமான ஒன்றை உங்கள் நடுவே செய்யப்போகிறேன்.	புலம் 4:6 புலம் 4:9 தானி 9:12 ஆமோ 3:2 மத் 24:21
10	எனவே உங்களுள் பெற்றோர் தம் பிள்ளைகளையும் பிள்ளைகள் தம் பெற்றோரையும் தின்பர்: உங்களுக்கு நான் தண்டனைத் தீர்ப்பு அளித்து உங்களுள் எஞ்சியிருப்போர் அனைவரையும் எல்லாத் திசைகளிலும் சிதறடிப்பேன்.	லேவி 26:29 உபா 28:53-57 உபா 28:64-57 2இரா 6:29 ஏசா 9:20 ஏசா 49:26 எரே 19:9 புலம் 2:20 புலம் 4:10
11	என்மேல் ஆணை! வெறுப்புக்கும் அருவருப்புக்கும் உரிய உங்கள் எல்லாச் செயல்களாலும் என் திருத்தூயகத்தை நீங்கள் தீட்டுப்படுத்தியதால் நான் உங்களைவிட்டு விலகிவிடுவேன். என் கண்கள் உங்களுக்கு இரக்கம் காட்டா. இது தலைவராகிய ஆண்டவரின் அறிவிப்பு.	எண் 14:28-35 சங் 95:11 ஆமோ 8:7 எபிரெ 6:13
12	உங்களுள் மூன்றிலொரு பங்கினர் கொள்ளை நோயால் மடிவர்: பஞ்சத்தால் அழிவர்: இன்னும் மூன்றிலொரு பங்கினர் வாளால் வீழ்வர்: எஞ்சிய மூன்றிலொரு பங்கினரை எத்திசையிலும் சிதறுண்டு போகச் செய்து, அவர்களை உருவிய வாளோடு தொடர்வேன்.	எசே 5:2 எசே 6:12 எரே 15:2 எரே 21:9 சகரி 13:7-9
13	இவ்வாறு என் சினம் தணியும்: அவர்கள்மீது எனக்குள்ள சீற்றத்தை ஆற்றிக்கொள்வேன், பழிதீர்த்துக் கொள்வேன். என் சீற்றம் அவர்கள் மீது பாய்ந்து முடியும்போது ஆண்டவராகிய நான் என் பேரார்வத்தினால் பேசியுள்ளேன் என அவர்கள் அறிந்து கொள்வர்.	எசே 6:12 எசே 7:8 எசே 13:15 எசே 20:8 எசே 20:21 எரே 25:12 புலம் 4:11 புலம் 4:22 தானி 9:2 தானி 11:36
14	இவ்வழியாய்க் கடந்து செல்வோர் அனைவரும் காணும்படி உன்னைச் சுற்றியுள்ள மக்களினங்களிடையே உன்னைப் பாழாக்கி, பழிச்சொல்லுக்கு ஆளாக்குவேன்.	எசே 22:4 லேவி 26:31 லேவி 26:32 உபா 28:37 2நாளா 7:20 2நாளா 7:21 நெகே 2:17 சங் 74:3-10 சங் 79:1-4 ஏசா 64:10 ஏசா 64:11 எரே 19:8 எரே 24:9 எரே 24:10 எரே 42:18 புலம் 1:4 புலம் 1:8 புலம் 2:15-17 புலம் 5:18 மீகா 3:12
15	சினத்தோடும், சீற்றத்தோடும் உனக்கு நான் தண்டனைத் தீர்ப்பு வழங்கும்போது, உன்னைச் சுற்றியுள்ள மக்களினங்களுக்கு அது பழிச்சொல்லும் வசைமொழியும் எச்சரிக்கையும் திகிலுமாய் இருக்கும். ஆண்டவராகிய நான் பேசியுள்ளேன்.	உபா 29:24-28 1இரா 9:7 சங் 79:4 ஏசா 26:9 எரே 22:8 எரே 22:9 1கொரி 10:11
16	உங்களைப் பாழாக்குவதற்காக நான் வறட்சியின் கொடிய அம்புகளை அவர்கள்மீது எய்வேன். உங்களை அழிப்பதற்காகவே அவற்றை எய்வேன். உங்களிடையே வறட்சியை மிகுதிப்படுத்தி உங்கள் உணவின் தரவை நிறுத்திவிடுவேன்.	உபா 32:23 உபா 32:24 சங் 7:13 சங் 91:5-7 புலம் 3:12
17	நான் வறட்சியையும், கொடிய விலங்குகளையும் உங்கள் மேல் ஏவுவேன். அதனால், நீங்கள் உங்கள் பிள்ளைகளை இழப்பீர்கள்: கொள்ளை நோயும் இரத்தக் களறியும் உங்களிடையே உண்டாகும். ஆண்டவராகிய நானே பேசியுள்ளேன்.	எசே 14:15 எசே 14:21 எசே 33:27 எசே 34:25-28 யாத் 23:29 லேவி 26:22 உபா 32:24 2இரா 17:25 எரே 15:3