1	யூதா அரசன் யோயாக்கிமின் மூன்றாம் ஆட்சியாண்டில் பாபிலோனிய அரசன் நெபுகத்னேசர் எருசலேமுக்கு வந்து முற்றுகையிட்டான்.	2இரா 24:1 2இரா 24:2 2இரா 24:13 2நாளா 36:5-7
2	தலைவராகிய ஆண்டவர் யூதா அரசனாகிய யோயாக்கிமையும் கடவுளுடைய கோவிலின் கலன்கள் சிலவற்றையும் அவனிடம் கையளித்தார். அவனும் அவற்றைச் சீனார் நாட்டிலிருந்த தன் தெய்வத்தின் கோவிலுக்கு எடுத்துச் சென்று அவற்றைத் தன் தெய்வத்திற்குரிய கருவூலத்தில் சேர்த்தான்.	தானி 2:37 தானி 2:38 தானி 5:18 உபா 28:49-52 உபா 32:30 நியா 2:14 நியா 3:8 நியா 4:2 சங் 106:41 சங் 106:42 ஏசா 42:24
3	அப்பொழுது, அரசன் தன் அரண்மனை அலுவலரின் தலைவனாகிய அஸ்பெனாசுக்கு, அரசகுலத்தையும் உயர் குடியையும் சார்ந்த இஸ்ரயேலர் சிலரைக் கொண்டுவருமாறு கட்டளையிட்டான்.	2இரா 20:17 2இரா 20:18 ஏசா 39:7 எரே 41:1
4	அக்கட்டளைப்படி அவர்கள் உடல் ஊனமற்ற, அழகுமிக்க, எல்லா ஞானத்திலும் தேர்ச்சி பெற்ற, அறிவிலும் உணர்விலும் கல்வியிலும் சிறந்த, அரசனின் அரண்மனையில் பணியாற்றும் திறமை பெற்ற இளைஞர்களாய் இருக்க வேண்டும். மேலும் அவர்கள் கல்தேய மொழியை எழுதவும் பேசவும் கற்றுக் கொள்ளவேண்டும்.	லேவி 21:18-21 லேவி 24:19 லேவி 24:20 நியா 8:18 2சாமு 14:25 அப் 7:20 எபே 5:27
5	அரசன் தான் உண்டுவந்த சிறப்புணவிலும், பருகி வந்த திராட்சை இரசத்திலும் நாள்தோறும் ஒரு பங்கை அவர்களுக்குக் கொடுக்கும்படி ஏற்பாடு செய்தான். இவ்வாறு மூன்றாண்டுகள் பயிற்சி அளித்தபின், இறுதியில் அவர்களை அரசன் முன்னிலையில் கொண்டு வந்து நிறுத்தவேண்டும் என்று ஆணையிட்டான்.	1இரா 4:22 1இரா 4:23 2இரா 25:30 மத் 6:11 லூக் 11:3
6	இப்படித் தேர்ந்ததெடுக்கப்பட்டவர்களுள் யூதா குலத்தைச் சார்ந்த தானியேல், அனனியா, மிசாவேல், அசரியா என்பவர்களும் இருந்தார்கள்.	தானி 2:17 எசே 14:14 எசே 14:20 எசே 28:3 மத் 24:15 மாற் 13:14
7	அலுவலரின் தலைவன் தானியேலுக்குப் “பெல்தசாச்சர்” என்றும் அனனியாவுக்குச் “சாத்ராக்கு” என்றும் மிசாவேலுக்கு “மேசாக்கு” என்றும், அசரியாவுக்கு “ஆபேத்நெகோ” என்றும் மாற்றுப் பெயரிட்டான்.	தானி 1:3 தானி 1:10 தானி 1:11
8	அரசனது சிறப்புணவினாலும், அவன் பருகிவந்த திராட்சை இரசத்தினாலும் தம்மைத் தீட்டுப்படுத்திக் கொள்ளலாகாது என்று தானியேல் தம் உள்ளத்தில் உறுதி செய்து கொண்டார்: அவ்வாறே தாம் தீட்டுப்படாதிருக்க அலுவலர் தலைவனிடம் அனுமதி கேட்டார்.	ரூத் 1:17 ரூத் 1:18 1இரா 5:5 சங் 119:106 சங் 119:115 அப் 11:23 1கொரி 7:37 2கொரி 9:7
9	அலுவலர் தலைவன் தானியேலுக்குப் பரிவும் இரக்கமும் காட்டுமாறு கடவுள் அருள்கூர்ந்தார்.	ஆதி 32:28 ஆதி 39:21 1இரா 8:50 எஸ்றா 7:27 எஸ்றா 7:28 நெகே 1:11 நெகே 2:4 சங் 4:3 சங் 106:46 நீதி 16:7 அப் 7:10
10	அலுவலர் தலைவன் தானியேலை நோக்கி, “உங்களுக்கு உணவும் பானமும் ஏற்பாடு செய்திருக்கும் அரசனாகிய என் தலைவருக்கு நான் அஞ்சிகிறேன். ஏனெனில் உங்களையொத்த வயதினரை விட நீங்கள் களை குன்றியிருப்பதை அரசன் கண்டால் என் தலையே போய்விடும்: நீங்கள்தான் அதற்குக் காரணமாவீர்கள்” என்றான்.	நீதி 29:25 யோவா 12:42 யோவா 12:43
11	தானியேல், அனனியா, மிசாவேல், அசரியா ஆகியவர்களுக்கென அலுவலர் தலைவனால் நியமிக்கப்பட்ட மேற்பார்வையாளரிடம் தானியேல் கூறியது:
12	“ஐயா! தயை கூர்ந்து பத்து நாள் உம் ஊழியர்களாகிய எங்களைச் சோதித்துப் பாரும். எங்களுக்கு உண்பதற்கு மரக்கறிகளையும், குடிப்பதற்குத் தண்ணீரையும் மட்டுமே தாரும்.	தானி 1:16 ஆதி 1:29 ஆதி 1:30 உபா 8:3 ரோம 14:2
13	அதற்குப் பிறகு, எங்களது தோற்றத்தையும் அரசனது சிறப்புணவை உண்ணும் மற்ற இளைஞர்களின் தோற்றத்தையும் ஒப்பிட்டுப்பாரும்: அதன்பின் உமக்குத் தோன்றியபடி உம்முடைய பணியாளர்களாகிய எங்களுக்குச் செய்தருளும்” என்றார்.
14	அவனும் இக்காரியத்தில் அவர்களுக்கு இணங்கி அவர்களைப் பத்து நாள் சோதித்துப் பார்த்தான்.
15	பத்து நாள்கள் ஆயின. அரசனது சிறப்புணவை உண்டுவந்த இளைஞர்கள் அனைவரையும் விட அவர்களது தோற்றம் மிகக் களையுள்ளதாயும் உடற்கட்டு மிகச் செழுமையுள்ளதாயும் காணப்பட்டது.	யாத் 23:25 உபா 28:1-14 2இரா 4:42-44 சங் 37:16 நீதி 10:22 ஆகா 1:6 ஆகா 1:9 மல்கி 2:2 மத் 4:4 மாற் 6:41 மாற் 6:42
16	ஆதலால் மேற்பார்வையாளன் அவர்கள் உண்ணவேண்டிய சிறப்புணவுக்கும் பருகவேண்டிய திராட்சை இரசத்திற்கும் பதிலாக மரக்கறி உணவையே அவர்களுக்குக் கொடுத்து வந்தான்.
17	கடவுள் இந்த நான்கு இளைஞர்களுக்கும் அறிவையும் அனைத்து இலக்கியத்தில் தேர்ச்சியையும் ஞானத்தையும் அருளினார். சிறப்பாக, தானியேல் எல்லாக் காட்சிகளையும் கனவுகளையும் உய்த்துணரும் ஆற்றல் பெற்றிருந்தார்.	தானி 2:21 தானி 2:23 1இரா 3:12 1இரா 3:28 1இரா 4:29-31 2நாளா 1:10 2நாளா 1:12 யோபு 32:8 சங் 119:98-100 நீதி 2:6 பிரச 2:26 ஏசா 28:26 லூக் 21:15 அப் 6:10 அப் 7:10 கொலோ 1:9 யாக் 1:5 யாக் 1:17
18	அரசன் தன் முன்னிலைக்கு அவர்களைக் கொண்டு வரவேண்டுமென்று குறித்த நாள் வந்தது. அலுவலர் தலைவனும் அவர்களை நெபுகத்னேசர் முன்னிலையில் கொண்டுவந்து நிறுத்தினான்.
19	அரசன் அவர்களோடு உரையாடலானான்: அப்பொழுது அவர்கள் அனைவருள்ளும் தானியேல், அனனியா, மிசாவேல், அசரியா ஆகியோருக்கு இணையாக யாரும் காணப்படவில்லை: எனவே அவர்கள் அரசன் முன்னிலையில் பணிபுரியலாயினர்.	தானி 1:5 ஆதி 41:46 1இரா 17:1 நீதி 22:29 எரே 15:19
20	ஞானம், விவேகம் சார்ந்தவற்றில் அரசன் அவர்களோடு கலந்துரையாடினான். அப்பொழுது அவனது அரசில் இருந்த எல்லா மந்திரவாதிகளையும் மாயவித்தைக்காரர்களையும் விட அவர்கள் பத்து மடங்கு சிறந்தவர்களாய் இருந்ததைக் கண்டறிந்தான்.	1இரா 4:29-34 1இரா 10:1-3 1இரா 10:23-3 1இரா 10:24-3 சங் 119:99
21	இவ்வாறு சைரசு என்ற அரசனது முதலாம் ஆட்சியாண்டுவரை தானியேல் தொடர்ந்து பணிபுரிந்தார்.	தானி 6:28 தானி 10:1