| 1 | கடலையடுத்த பாலைநிலம் குறித்த திருவாக்கு: தென்னாட்டிலிருந்து சுழல்காற்றுகள் வீசுவதுபோல், அச்சம்தரும் நாடான பாலைநிலத்திலிருந்து அழிவு வருகின்றது. | ஏசா 13:1 ஏசா 17:1 |
| 2 | கொடியதொரு காட்சி எனக்குக் காண்பிக்கப்பட்டது: நம்பிக்கைத் துரோகி துரோகம் செய்கின்றான்: நாசக்காரன் நாசம் செய்கின்றான். “ஏலாம் நாடே! கிளர்ந்தெழு: மேதியாவே! முற்றுகையிடு” அதன் பெருமூச்சுகள் அனைத்துக்கும் முடிவு வரச் செய்வேன். | சங் 60:3 நீதி 13:15 |
| 3 | ஆதலால், என் அடிவயிறு வேதனையால் துடிக்கிறது. பெண்ணின் பேறுகால வேதனைக்கு ஒத்த வேதனைகள் என்னைக் கவ்விக் கொண்டன: கலக்கமடைந்து செவிடன் போல் ஆனேன்: திகைப்புற்றுக் குருடன் போல் ஆனேன். | ஏசா 15:5 ஏசா 16:9 ஏசா 16:11 ஆபகூ 3:16 |
| 4 | என் மனம் பேதலிக்கிறது: திகில் என்னை ஆட்கொண்டது: நான் நாடிய கருக்கல் வேளை என்னை நடுக்கமுறச் செய்கிறது. | ஏசா 5:11-14 1சாமு 25:36-38 2சாமு 13:28 2சாமு 13:29 எஸ்தர் 5:12 எஸ்தர் 7:6-10 யோபு 21:11-13 எரே 51:39 எரே 51:57 தானி 5:1 தானி 5:5 தானி 5:30 நாகூ 1:10 லூக் 21:34-36 |
| 5 | பந்தி தயார் செய்கிறார்கள்: கம்பளத்தை விரிக்கிறார்கள்: உண்கிறார்கள், குடிக்கிறார்கள்: தலைவர்களே, எழுங்கள்: கேடயத்திற்கு எண்ணெய் பூசுங்கள். | ஏசா 22:13 ஏசா 22:14 தானி 5:1-5 1கொரி 15:32 |
| 6 | ஏனெனில் என் தலைவர் எனக்குக் கூறியது இதுவே: “நீ போய்க் காவலன் ஒருவனை நிறுத்திவை: தான் காண்பதை அவன் அறிவிக்கட்டும். | ஏசா 62:6 2இரா 9:17-20 எரே 51:12 எரே 51:13 எசே 3:17 எசே 33:2-7 ஆபகூ 2:1 ஆபகூ 2:2 |
| 7 | இருவர் இருவராய்க் குதிரைப்படை வீரர்கள் அணிவகுத்து வருவதையும், கழுதைகள் மேலும் ஒட்டகங்கள் மேலும் வீரர்கள் ஏறி வருவதையும் அவன் காணும்போது மிகவும் கவனமாய்க் கண்காணிக்கட்டும்.” | ஏசா 21:9 ஏசா 37:24 |
| 8 | அப்போது காவல்காரன் கூக்குரலிட்டான்: “என் தலைவரே, பகல்முழுவதும் நான் காவல் மாடத்தின்மேல் நின்று கொண்டிருக்கின்றேன்: இரவெல்லாம் என் பணியில் நிறுத்தப்பட்டுள்ளேன். | ஏசா 5:29 எரே 4:7 எரே 25:38 எரே 49:19 எரே 50:44 1பேது 5:8 |
| 9 | இதோ, ஒரு சோடிக் குதிரைகள் பூட்டப்பட்ட தேரில், ஏறி ஒருவர் வருகின்றார். அவர் பதிலுரையாக, 'பாபிலோன் வீழ்ந்தது, வீழ்ச்சியடைந்து விட்டது: அதன் தெய்வங்களின் சிலைகள் அனைத்தையும் தரையில் மோதி உடைக்கப்பட்டாயிற்று' என்று கூறுகிறார்.” | எரே 50:3 எரே 50:9 எரே 50:29 எரே 50:42 எரே 51:27 |
| 10 | போராடிக்கப்பட்டுக் களத்தில் சிதறிக் கிடக்கும் என் மக்களே, இஸ்ரயேலின் கடவுளாகிய படைகளின் ஆண்டவரிடமிருந்து கேட்டவற்றை நான் உங்களுக்கு அறிவித்துள்ளேன். | ஏசா 41:15 ஏசா 41:16 2இரா 13:7 எரே 51:33 மீகா 4:13 ஆபகூ 3:12 மத் 3:12 |
| 11 | தூமாவைப் பற்றிய திருவாக்கு: சேயிரிலிருந்து என்னைக் கூப்பிட்டு, “சாமக்காவலனே, இரவு எப்போது முடியும்? சாமக்காவலனே, இரவு எப்போது முடியும்?” என்று ஒருவர் கேட்க, | ஆதி 25:14 1நாளா 1:30 |
| 12 | 12”காலை வருகிறது, அவ்வாறே இரவும்: கேட்பதென்றால், கேளுங்கள், மீண்டும் திரும்பி வாருங்கள்” என்று சாமக்காவலன் கூறினான். | ஏசா 17:14 எரே 50:27 எசே 7:5-7 எசே 7:10-7 எசே 7:12-7 |
| 13 | அரேபியாவைக் குறித்த திருவாக்கு: தெதானின் வணிகப் பயணிகளே! அரேபியாவின் பாலைநிலச் சோலைகளில் நீங்கள் கூடாரம் அடியுங்கள்: | 1இரா 10:15 எரே 25:23 எரே 25:24 எரே 49:28-33 கலா 4:25 |
| 14 | தேமா நாட்டில் குடியிருப்போரே! தாகமுற்றோர்க்குத் தண்ணீர் கொண்டு வாருங்கள்: அகதிகளை உணவுடன் சென்று சந்தியுங்கள். | ஆதி 25:15 1நாளா 1:30 யோபு 6:19 |
| 15 | ஏனெனில், வாள்களுக்குத் தப்பி அவர்கள் ஓடுகின்றார்கள்: உருவிய வாளுக்கும், நாணேற்றிய வில்லுக்கும் போரின் கடுமைக்கும் அஞ்சி ஓடுகின்றார்கள். | யோபு 6:19 யோபு 6:20 |
| 16 | என் தலைவர் எனக்குக் கூறியது: கூலியாள் கணக்கிடுவதற்கு ஒத்த ஓராண்டிற்குள், கேதாரின் மேன்மை மங்கிப் போகும். | ஏசா 16:14 யோபு 7:1 |
| 17 | கேதார் மக்களுள் வலிமை வாய்ந்த வில்வீரர்களுள் எஞ்சினோர் மிகச் சிலராகவே இருப்பர். ஏனெனில், இஸ்ரயேலின் கடவுளாகிய ஆண்டவரே இதைக் கூறியுள்ளார். | ஏசா 10:18 ஏசா 10:19 ஏசா 17:4 ஏசா 17:5 சங் 107:39 |
