1	இவையனைத்தையும் ஆழ்ந்து எண்ணிப்பார்த்தேன். நல்லாரும் ஞானமுள்ளவர்களும் செய்வதெல்லாம், அவர்கள் அன்புகொள்வதும் பகைப்பதும்கூட, கடவுளின் கையிலேதான் இருக்கிறது. இனி வரப்போவது என்ன என்பது யாருக்கும் தெரியாது.	பிரச 1:17 பிரச 7:25 பிரச 8:16 பிரச 12:9 பிரச 12:10
2	விதித்துள்ளபடிதான் எல்லாருக்கும் எல்லாம் நேரிடும். நேர்மையானவர்களுக்கும் பொல்லாதவர்களுக்கும், நல்லவர்களுக்கும் கெட்டவர்களுக்கும், மாசற்றவர்களுக்கும் மாசுள்ளவர்களுக்கும், பலி செலுத்துகிறவர்களுக்கும் பலி செலுத்தாவர்களுக்கும் விதித்துள்ளபடிதான் நேரிடும்”பொல்லார்க்கு நேரிடும் விதிப்படியே நல்லார்க்கும் நேரிடும். நேர்ந்து கொள்ளத் தயங்குகிறவருக்கு நேரிடும் விதிப்படியே நேர்ந்து கொள்ளுகிறவருக்கும் நேரிடும்.	பிரச 2:14-16 யோபு 21:7-34 சங் 73:3 மல்கி 3:15
3	விதித்துள்ளபடிதான் எல்லாருக்கும் நேரிடும். இதுவே உலகில் நடக்கிற அனைத்திலும் காணப்படுகிற தீமை. மேலும், மக்கள் உள்ளங்களில் தீமை நிறைந்திருக்கிறது. அவர்கள் உயிரோடிருக்கும் வரையில் அவர்கள் மனத்தில் மூடத்தனம் இருக்கிறது. திடீரென்று அவர்கள் இறந்து போகிறார்கள்.	பிரச 8:11 ஆதி 6:5 ஆதி 8:21 யோபு 15:16 சங் 51:5 எரே 17:9 மத் 15:19 மத் 15:20 மாற் 7:21-23 ரோம 1:29-31 தீத் 3:3
4	ஆயினும், ஒருவன் உயிரோடிருக்கும் வரையில் நம்பிக்கைக்கு இடமுண்டு. செத்துப்போன சிங்கத்தைவிட உயிருள்ள நாயே மேல்.	யோபு 14:7-12 யோபு 27:8 ஏசா 38:18 புலம் 3:21 புலம் 3:22 லூக் 16:26-29
5	ஆம், உயிருள்ளோர் தாம் இறப்பது திண்ணம் என்பதையாவது அறிவர்: ஆனால், இறந்தோரோ எதையும் அறியார். அவர்களுக்கு இனிமேல் பயன் எதுவும் கிடையாது: அவர்கள் அறவே மறக்கப்படுவார்கள்.	பிரச 7:2 யோபு 30:23 எபிரெ 9:27
6	அவர்களுக்கு அன்பு, பகைமை, பொறாமை எதுவும் இல்லை. இப்பரந்த உலகில் நடக்கும் எதிலும் அவர்கள் பங்கெடுக்கப்போவதில்லை.	யாத் 1:8 யோபு 3:17 யோபு 3:18 சங் 146:3 சங் 146:4 நீதி 10:28 மத் 2:20
7	ஆகவே, நீ நன்றாய்ச் சாப்பிடு: களிப்புடனிரு: திராட்சை இரசம் அருந்தி மகிழ்ச்சியுடனிரு: தயங்காதே. இவை கடவுளுக்கு உடன்பாடு.	ஆதி 12:19 மாற் 7:29 யோவா 4:50
8	எப்போதும் நல்லாடை உடுத்து. தரையில் நறுமணத் தைலம் தடவிக்கொள்.	2சாமு 19:24 எஸ்தர் 8:15 வெளிப் 3:4 வெளிப் 3:5 வெளிப் 7:9 வெளிப் 7:13 வெளிப் 7:14 வெளிப் 16:15 வெளிப் 19:8 வெளிப் 19:14
9	இவ்வுலக வாழ்க்கை வீணெனினும், உனக்குக் கிடைத்துள்ள வாழ்நாள் முழுதும் நீ உன் அன்பு மனைவியோடு இன்புற்றிரு. ஏனெனில், உன் வாழ்நாளில் உலகில் நீ படும்பாட்டிற்கு ஈடாகக் கிடைப்பது இதுவே.	நீதி 5:18 நீதி 5:19 நீதி 18:22 நீதி 19:14 மல்கி 2:15
10	நீ செய்ய நினைக்கும் செயல் எதுவோ அதைச் செய்: அதையும் உனக்கு ஆற்றல் இருக்கும்போதே செய். ஏனெனில், நீ நெருங்கிக் கொண்டிருக்கும் பாதாளத்தில் எவரும் செயல் புரிவதுமில்லை: சிந்தனை செய்வதுமில்லை: அறிவு பெறுவதுமில்லை: அங்கே ஞானமுமில்லை.	எண் 13:30 1நாளா 22:19 1நாளா 28:20 1நாளா 29:2 1நாளா 29:3 2நாளா 31:20 2நாளா 31:21 எஸ்றா 6:14 எஸ்றா 6:15 நெகே 2:12-20 நெகே 3:1-16 நெகே 4:2 நெகே 4:6 நெகே 4:9-13 நெகே 4:17-23 நெகே 13:8-31 சங் 71:15-18 எரே 29:13 மத் 6:33 யோவா 4:34 ரோம 12:11 ரோம 15:18-20 1கொரி 9:24 1கொரி 9:26 1கொரி 15:10 1கொரி 16:10 எபே 5:16 கொலோ 3:23 2பேது 1:12-15
11	உலகில் வேறொன்றையும் கண்டேன்: ஓட்டப் பந்தயத்தில் விரைவாக ஓடுபவரே வெற்றி பெறுவார் என்பதில்லை. வலிமை வாய்ந்தவரே போரில் வெற்றி அடைவார் என்பதில்லை. ஞானமுள்ளவருக்கு வேலை கிடைக்கும் என்பதில்லை. அறிவுள்ளவரே செல்வம் சேர்ப்பார் என்பதில்லை. திறமையுடையரே பதவியில் உயர்வார் என்பதில்லை. எவருக்கும் வேளையும் வாய்ப்பும் செம்மையாய் அமையவேண்டும்.	பிரச 2:12 பிரச 4:1 பிரச 4:4 மல்கி 3:18
12	தமக்குத் துன்பவேளை எப்போது வருமென்று ஒருவருக்குத் தெரியாது. வலையில் அகப்படும் மீன்களைப்போலவும் கண்ணியில் சிக்கும் பறவைகளைப் போலவும் அவர் சிக்கிக்கொள்வார். எதிர்பாராத வகையில் அவருக்குக் கேடு காலம் வரும்.	பிரச 8:5-7 பிரச 8:11-7 லூக் 19:42-44 2கொரி 6:2 1பேது 2:12
13	நான் கண்ட வேறொன்றும் உண்டு: இவ்வுலகில் ஞானம் எவ்வாறு மதிக்கப்படுகிறது என்பதை அது நன்கு எடுத்துக்காட்டுகிறது.	பிரச 9:11 பிரச 6:1 பிரச 7:15 பிரச 8:16
14	சிறிய நகர் ஒன்று இருந்தது. அதில் இருந்த மக்களின் எண்ணிக்கை மிகக் குறைவு. வலிமை வாய்ந்த மன்னன் ஒருவன் அதன்மேல் படையெடுத்து வந்தான்: அதை முற்றுகையிட்டுத் தாக்கினான்.	2சாமு 20:15-22 2இரா 6:24-33 2இரா 7:1-20
15	அந்நகரில் ஞானமுள்ளவன் ஒருவன் இருந்தான். ஆனால் அவன் ஓர் ஏழை. அவன் தன் ஞானத்தால் நகரைக் காப்பாற்றியிருக்கக்கூடும். ஆயினும், அவனைப் பற்றி எவரும் நினைக்கவில்லை.	ஆதி 40:23 எஸ்தர் 6:2 எஸ்தர் 6:3
16	வலிமையைவிட ஞானமே சிறந்தது என்பதே என் கருத்து. அந்த ஏழையின் ஞானம் புறக்கணிக்கப்பட்டது: அவன் சொல்லை எவரும் கவனிக்கவில்லை.	பிரச 9:18 பிரச 7:19 நீதி 21:22 நீதி 24:5
17	மூடர்கள் கூட்டத்தில் அதன் தலைவன் முழக்கம் செய்வதைக் கேட்பதைவிட, ஞானமுள்ளவர் அடக்கமுடன் கூறுவதைக் கேட்பதே நன்று.	ஆதி 41:33-40 1சாமு 7:3-6 நீதி 28:23 ஏசா 42:2 ஏசா 42:4 யாக் 1:20 யாக் 3:17 யாக் 3:18
18	போர்க் கருவிகளைவிட ஞானமே சிறந்தது. ஆனால் ஒரே ஒரு தவறு நன்மைகள் பலவற்றைக் கெடுத்துவிடும்.	யோசு 7:1 யோசு 7:5 யோசு 7:11 யோசு 7:12 யோசு 22:20 1சாமு 14:28 1சாமு 14:29 1சாமு 14:36-46 2சாமு 20:1 2சாமு 20:2 2தெச 2:8-12 2தீமோ 2:16-18 2தீமோ 3:8 2தீமோ 4:3 2தீமோ 4:4 தீத் 1:10 தீத் 1:11 எபிரெ 12:15 எபிரெ 12:16