1	ஆளுநர் வீட்டில் நீ உணவு கொள்ள உட்காரும்போது, உனக்குமுன் இருப்பதை நன்றாய்க் கவனித்துப் பார்.	ஆதி 43:32-34 யூதா 1:12
2	உனக்கு அப்போது அடங்காப் பசி இருந்தாலும், உன் தொண்டையில் கத்தி இருப்பதாக நினைத்துக்கொள்.	மத் 18:8 மத் 18:9 1கொரி 9:27 பிலிப் 3:19
3	அவர் தரும் சுவையான உண்டியை உண்ண ஆவல் கொள்ளாதே: அது உன்னை வஞ்சிக்க விழையும் உணவாயிருக்கலாம்.	நீதி 23:6 சங் 141:4 தானி 1:8 லூக் 21:34 எபே 4:22
4	செல்வராக வேண்டுமென்று பாடுபட்டு உருக்குலைந்து போகாதே: அதனால் உனது அறிவை இழந்து விடாதே.	நீதி 28:20 யோவா 6:27 1தீமோ 6:8-10
5	இல்லாமற்போகும் பொருள் மேல் நீ கண்ணும் கருத்துமாய் இருப்பானேன்? கழுகுபோல அது தனக்குச் சிறகுகளை வளர்த்துக்கொண்டு வானத்தில் பறந்து போகுமன்றோ?	சங் 119:36 சங் 119:37 எரே 22:17 1யோவா 2:16
6	கஞ்சர் தரும் உணவை உண்ணாதே: அவரது அறுசுவை உண்டியை உண்ண ஆவல் கொள்ளாதே.	நீதி 22:9 உபா 15:9 உபா 28:56 மத் 20:15 மாற் 7:22
7	அவர் தமக்குள் கணக்குப் பார்த்துக் கொண்டிருப்பார்: “உண்டு பருகு” என்று அவர் சொன்னாலும், அவருக்கு உன்மீது அக்கறை இல்லாதிருக்கலாம்.	நீதி 19:22 மத் 9:3 மத் 9:4 லூக் 7:39
8	நீ உண்ட உணவை வாந்தியெடுக்க நேரிடும்: நீ உரைத்த புகழுரை பயனற்றதாகும்.
9	மதிகேடர் காதில் விழும்படி எதையும் பேசாதே: உன் அறிவுரைகளை அவர் மதிக்கமாட்டார்.	நீதி 9:7 நீதி 9:8 நீதி 26:4 நீதி 26:5 ஏசா 36:21 மத் 7:6 அப் 13:45 அப் 13:46 அப் 28:25-28
10	வழிவழிச் சொத்தின் எல்லையை மாற்றி அமைக்காதே: உன் நிலத்தின் எல்லையைத் தள்ளித் தள்ளி, திக்கற்றவர்களின் நிலத்தை எடுத்துக்கொள்ள முயலாதே.	நீதி 22:28 உபா 19:14 உபா 27:17 யோபு 24:2
11	ஏனெனில் அவர்களின் மீட்பர் வல்லவர். அவர் அவர்கள் சார்பில் உனக்கு எதிராக வழக்காடுவார்.	நீதி 22:23 யாத் 22:22-24 உபா 27:19 சங் 12:5 எரே 50:33 எரே 50:34 எரே 51:36
12	நல்லுரை கேட்பதில் சிந்தனையைச் செலுத்து: அறிவூட்டும் மொழிகளுக்குச் செவிகொடு.	நீதி 23:19 நீதி 2:2-6 நீதி 5:1 நீதி 5:2 நீதி 22:17 எசே 33:31 மத் 13:52 யாக் 1:21-25
13	பிள்ளைகளைத் தண்டித்துத் திருத்தத் தயங்காதே: பிரம்பினால் அடித்தால் சாகமாட்டார்கள்.	நீதி 13:24 நீதி 19:18 நீதி 29:15 நீதி 29:17
14	நீ பிரம்பினால் அவர்களை அடித்தால், அவர்களைப் பாதாளத்துக்குத் தப்புவிக்கிறவனாவாய்.	நீதி 22:15 1கொரி 5:5 1கொரி 11:32
15	பிள்ளாய், நீ ஞானமுள்ளவனாயிருந்தால், நான் மனமகிழ்ச்சி அடைவேன்.	நீதி 1:10 நீதி 2:1 நீதி 4:1 மத் 9:2 யோவா 21:5 1யோவா 2:1
16	உன் நாவு நேர்மையானவற்றைப் பேசினால், என் உள்ளம் களிகூரும்.	நீதி 8:6 எபே 4:29 எபே 5:4 கொலோ 4:4 யாக் 3:2
17	வளமுடன் இருக்கும் பாவிகளைப்போல நீயும் இருக்கவேண்டுமென்று ஏங்காதே: ஆண்டவரிடம் எப்போதும் அச்சம் உள்ளவனாயிரு.	நீதி 3:31 நீதி 24:1 சங் 37:1-3 சங் 73:3-7
18	அப்பொழுது உன் வருங்காலம் வளமானதாயிருக்கும்: உன் நம்பிக்கையும் வீண்போகாது.	சங் 37:37 எரே 29:11 லூக் 16:25 ரோம 6:21 ரோம 6:22
19	பிள்ளாய், இதைக் கவனி: ஞானமுள்ளவனாயிரு: உன் மனத்தை நன்னெறியில் செலுத்து.	நீதி 23:12 நீதி 23:26 நீதி 4:10-23
20	குடிகாரரோடு சேராதே: பெருந்தீனியரோடு சேர்ந்து கொண்டு அவர்களைப் போலப் புலால் உண்ணாதே.	நீதி 23:29-35 நீதி 20:1 நீதி 28:7 நீதி 31:6 நீதி 31:7 ஏசா 5:11 ஏசா 5:22 ஏசா 22:13 மத் 24:49 லூக் 15:13 லூக் 16:19 லூக் 21:34 ரோம 13:13 எபே 5:18 1பேது 4:3 1பேது 4:4
21	குடிகாரரும் பெருந்தீனியரும் முடிவில் ஏழைகளாவர்: உண்டு குடித்த மயக்கம் கந்தையை உடுத்தும்.	நீதி 21:17 உபா 21:20 ஏசா 28:1-3 யோவே 1:5 1கொரி 5:11 1கொரி 6:10 கலா 5:21 பிலிப் 3:19
22	பெற்ற தந்தைக்குச் செவிகொடு: உன் தாய் முதுமை அடையும்போது அவளை இழிவாக எண்ணாதே.	நீதி 1:8 நீதி 6:20 உபா 21:18-21 உபா 27:16 மாற் 7:10 எபே 6:1 எபே 6:2
23	மெய்ம்மையை விலைகொடுத்தாயினும் வாங்கு: ஆனால் அதை விற்பனை செய்யாதே: அவ்வாறே ஞானத்தையும் நல்லுரையையும் உணர்வையும் விலை கொடுத்துப்பெறு.	நீதி 2:2-4 நீதி 4:5-7 நீதி 10:1 நீதி 16:16 நீதி 17:16 யோபு 28:12-19 சங் 119:72 சங் 119:127 ஏசா 55:1 மத் 13:44 மத் 13:46 பிலிப் 3:7 பிலிப் 3:8 வெளிப் 3:18
24	நேர்மையான பிள்ளையின் தந்தை மிகவும் களிகூர்வார்: ஞானமுள்ள பிள்ளையைப் பெற்ற தகப்பன் அவர் பொருட்டு மகிழ்ச்சி அடைவார்.	நீதி 23:15 நீதி 23:16 நீதி 10:1 நீதி 15:20 1இரா 1:48 1இரா 2:1-3 1இரா 2:9-3 பிரச 2:19
25	நீ உன் தந்தையையும் உன் தாயையும் மகிழ்விப்பாயாக: உன்னைப் பெற்றவளைக் களிகூரச் செய்வாயாக.	நீதி 17:25 1நாளா 4:9 1நாளா 4:10 லூக் 1:31-33 லூக் 1:40-47 லூக் 1:58-47 லூக் 11:27 லூக் 11:28
26	மகனே, நான் சொல்வதைக் கவனி: என் வழிகளில் உன் கவனத்தைச் செலுத்து.	நீதி 4:23 உபா 6:5 மத் 10:37 மத் 10:38 லூக் 14:26 2கொரி 5:14 2கொரி 5:15 2கொரி 8:5 எபே 3:17
27	விலைமகள் ஒரு படுகுழி: பரத்தை ஓர் ஆழ்கிணறு.	நீதி 22:14
28	அவள் கள்வனைப்போலப் பதுங்கி இருப்பாள்: அவள் ஏராளமான பேரை வஞ்வசிப்பவள்.	நீதி 2:16-19 நீதி 7:12 நீதி 7:22-27 நீதி 9:18 நீதி 22:14 நியா 16:4-22 பிரச 7:26 எரே 3:2
29	துன்பக் கதறல், துயரக் கண்ணீர், ஓயாத சண்டை, ஒழியாத புலம்பல், காரணம் தெரியாமல் கிடைத்த புண்கள், கலங்கிச் சிவந்திருக்கும் கண்கள்-இவை அனைத்தையும் அனுபவிப்பவர் யார்?	நீதி 23:21 நீதி 20:1 1சாமு 25:36 1சாமு 25:37 2சாமு 13:28 1இரா 20:16-22 ஏசா 5:11 ஏசா 5:22 ஏசா 28:7 ஏசா 28:8 நாகூ 1:10 மத் 24:49 மத் 24:50 லூக் 12:45 லூக் 12:46 எபே 5:18
30	திராட்சை இரச மதுவில் நீந்திக் கொண்டிருப்பவர்களே, புதுப்புது மதுக் கலவையைச் சுவைத்துக் களிப்பவர்களே,	நீதி 20:1 ஆதி 9:21 ஏசா 5:11 ஆமோ 6:6 எபே 5:18
31	மதுவைப் பார்த்து, “இந்த இரசத்தின் சிவப்பென்ன! பாத்திரத்தில் அதன் பளபளப்பென்ன!” எனச் சொல்லி மகிழாதீர். அது தொண்டைக்குள் செல்லும்போது இனிமையாயிருக்கும்:	நீதி 6:25 2சாமு 11:2 யோபு 33:1 சங் 119:37 மத் 5:28-30 மாற் 9:47 1யோவா 2:16
32	பிறகோ அது பாம்புபோலக் கடிக்கும்: விரியனைப் போலத் தீண்டும்.	நீதி 5:11 ஏசா 28:3 ஏசா 28:7 ஏசா 28:8 எரே 5:31 யாத் 7:5 யாத் 7:6 யாத் 7:12 லூக் 16:25 லூக் 16:26 ரோம 6:21
33	உன் கண் என்னென்னவோ வகையான காட்சிகளைக் காணும்: உன் உள்ளத்திலிருந்து ஏறுமாறான சொற்கள் வெளிப்படும்.	ஆதி 19:32-38
34	கடல் அலைமீது மிதந்து செல்வது போலவும், பாய்மர நுனியில் படுத்துறங்குவது போலவும் உனக்குத் தோன்றும்.	1சாமு 25:33-38 1சாமு 30:16 1சாமு 30:17 2சாமு 13:28 1இரா 16:9 1இரா 20:16-22 யோவே 1:5 மத் 24:38 லூக் 17:27-29 லூக் 21:34 1தெச 5:2-7
35	“என்னை அடித்தார்கள், எனக்கு நோகவில்லை: என்னை அறைந்தார்கள், நான் அதை உணரவில்லை: நான் எப்போது விழித்தெழுவேன்? அதை இன்னும் கொடுக்கும்படி கேட்பேன்” என்று நீ சொல்வாய்.	நீதி 27:22 எரே 5:3 எரே 31:18