| 1 | அக்காலத்தில் அகுஸ்து சீசர் தம் பேரரசு முழுவதும் மக்கள் தொகையைக் கணக்கிடுமாறு கட்டளை பிறப்பித்தார். | லூக் 3:1 அப் 11:28 அப் 25:11 அப் 25:21 பிலிப் 4:22 |
| 2 | அதன்படி சிரிய நாட்டில் குரேனியு என்பவர் ஆளநராய் இருந்தபோது முதன்முறையாக மக்கள் தொகை கணக்கிடப்பட்டது. | அப் 5:37 |
| 3 | தம் பெயரைப் பதிவு செய்ய அனைவரும் அவரவர் ஊருக்குச் சென்றனர். |
| 4 | தாவீதின் வழிமரபினரான யோசேப்பும், தமக்கு மண ஒப்பந்தமான மரியாவோடு, பெயரைப் பதிவு செய்ய, | லூக் 1:26 லூக் 1:27 லூக் 3:23 |
| 5 | கலிலேயாவிலுள்ள நாசரேத்து ஊரிலிருந்து யூதேயாவிலுள்ள பெத்லகேம் என்ற தாவீதின் ஊருக்குச் சென்றார். மரியா கருவுற்றிருந்தார். | உபா 22:22-27 மத் 1:18 மத் 1:19 |
| 6 | அவர்கள் அங்கு இருந்தபொழுது மரியாவுக்குப் பேறுகாலம் வந்தது. | சங் 33:11 நீதி 19:21 மீகா 5:2 |
| 7 | அவர் தம் தலைமகனைப் பெற்றெடுத்தார். விடுதியில் அவர்களுக்கு இடம் கிடைக்கவில்லை. எனவே பிள்ளையைத் துணிகளில் பொதிந்து தீவனத் தொட்டியில் கிடத்தினார். | ஏசா 7:14 மத் 1:25 கலா 4:4 |
| 8 | அப்பொழுது அப்பகுதியில் உள்ள வயல்வெளியில் இடையர்கள் தங்கி இரவெல்லாம் தங்கள் கிடையைக் காவல் காத்துக்கொண்டிருந்தார்கள். | ஆதி 31:39 ஆதி 31:40 யாத் 3:1 யாத் 3:2 1சாமு 17:34 1சாமு 17:35 சங் 78:70 சங் 78:71 எசே 34:8 யோவா 10:8-12 |
| 9 | திடீரென்று ஆண்டவருடைய தூதர் அவர்கள்முன் வந்து நின்றபோது ஆண்டவரின் மாட்சி அவர்களைச் சுற்றி ஒளிர்ந்தது: மிகுந்த அச்சம் அவர்களை ஆட்கொண்டது. | லூக் 1:11 லூக் 1:28 நியா 6:11 நியா 6:12 மத் 1:20 அப் 27:23 1தீமோ 3:16 |
| 10 | வானதூதர் அவர்களிடம், “அஞ்சாதீர்கள், இதோ, எல்லா மக்களுக்கும் பெரும் மகிழ்ச்சியூட்டும் நற்செய்தியை உங்களுக்கு அறிவிக்கிறேன். | லூக் 1:13 லூக் 1:30 தானி 10:11 தானி 10:12 தானி 10:19 மத் 28:5 வெளிப் 1:17 வெளிப் 1:18 |
| 11 | இன்று ஆண்டவராகிய மெசியா என்னும் மீட்பர் உங்களுக்காகத் தாவீதின் ஊரில் பிறந்திருக்கிறார். | லூக் 1:69 ஏசா 9:6 மத் 1:21 கலா 4:4 கலா 4:5 2தீமோ 1:9 2தீமோ 1:10 தீத் 2:10-14 தீத் 3:4-7 1யோவா 4:14 |
| 12 | குழந்தையைத் துணிகளில் சுற்றித் தீவனத் தொட்டியில் கிடத்தியிருப்பதைக் காண்பீர்கள்: இதுவே உங்களுக்கு அடையாளம்” என்றார். | யாத் 3:12 1சாமு 10:2-7 சங் 22:6 ஏசா 53:1 ஏசா 53:2 |
| 13 | உடனே விண்ணகத் தூதர் பேரணி அந்தத் தூதருடன் சேர்ந்து, “ உன்னதத்தில் கடவுளுக்கு மாட்சி உரித்தாகுக! | ஆதி 28:12 ஆதி 32:1 ஆதி 32:2 1இரா 22:19 யோபு 38:7 சங் 68:17 சங் 103:20 சங் 103:21 சங் 148:2 ஏசா 6:2 ஏசா 6:3 எசே 3:12 தானி 7:10 லூக் 15:10 எபே 3:10 எபிரெ 1:14 1பேது 1:12 வெளிப் 5:11 |
| 14 | உலகில் அவருக்கு உகந்தோருக்கு அமைதி உண்டாகுக!” என்று கடவுளைப் புகழ்ந்தது. | லூக் 19:38 சங் 69:34 சங் 69:35 சங் 85:9-12 சங் 96:11-13 ஏசா 44:23 ஏசா 49:13 யோவா 17:4 எபே 1:6 எபே 3:20 எபே 3:21 பிலிப் 2:11 வெளிப் 5:13 |
| 15 | வானதூதர் அவர்களைவிட்டு விண்ணகம் சென்றபின்பு, இடையர்கள் ஒருவரையொருவர்நோக்கி, “வாருங்கள், நாம் பெத்லகேமுக்குப் போய் ஆண்டவர் நமக்கு அறிவித்திருக்கின்ற இந்த நிகழ்ச்சியைப் பார்ப்போம்” என்று சொல்லிக்கொண்டு, | லூக் 24:51 2இரா 2:1 2இரா 2:11 1பேது 3:22 |
| 16 | விரைந்து சென்று மரியாவையும் யோசேப்பையும் தீவனத் தொட்டியில் கிடத்தியிருந்த குழந்தையையும் கண்டார்கள். | லூக் 1:39 பிரச 9:10 |
| 17 | பின்பு அந்தக் குழந்தையைப் பற்றித் தங்களுக்குச் சொல்லப்பட்ட செய்தியைத் தெரிவித்தார்கள். | லூக் 2:38 லூக் 8:39 சங் 16:9 சங் 16:10 சங் 66:16 சங் 71:17 சங் 71:18 மல்கி 3:16 யோவா 1:41-46 யோவா 4:28 யோவா 4:29 |
| 18 | அதைக் கேட்ட யாவரும், இடையர்கள் தங்களுக்குச் சொன்னவற்றைக் குறித்து வியப்படைந்தனர். | லூக் 2:33 லூக் 2:47 லூக் 1:65 லூக் 1:66 லூக் 4:36 லூக் 5:9 லூக் 5:10 ஏசா 8:18 |
| 19 | ஆனால் மரியா இந்நிகழ்ச்சிகளையெல்லாம் தம் உள்ளத்தில் இருத்திச் சிந்தித்துக் கொண்டிருந்தார். | லூக் 2:51 லூக் 1:66 லூக் 9:43 லூக் 9:44 ஆதி 37:11 1சாமு 21:12 நீதி 4:4 ஓசி 14:9 |
| 20 | இடையர்கள் தாங்கள் கேட்டவை, கண்டவை அனைத்தையும் குறித்துக் கடவுளைப் போற்றிப் புகழ்ந்து பாடிக்கொண்டே திரும்பிச் சென்றார்கள். அவர்களுக்குச் சொல்லப்பட்டவாறு எல்லாம் நிகழ்ந்திருந்தது. | லூக் 18:43 லூக் 19:37 லூக் 19:38 1நாளா 29:10-12 சங் 72:17-19 சங் 106:48 சங் 107:8 சங் 107:15 சங் 107:21 ஏசா 29:19 அப் 2:46 அப் 2:47 அப் 11:18 |
| 21 | குழந்தைக்கு விருத்தசேதனம் செய்ய வேண்டிய எட்டாம் நாள் வந்தது. தாயின் வயிற்றில் உருவாகுமுன்பே வானதூதர் சொல்லியிருந்தவாறு அதற்கு இயேசு என்று பெயரிட்டார்கள். | லூக் 1:59 ஆதி 17:12 லேவி 12:3 மத் 3:15 கலா 4:4 கலா 4:5 பிலிப் 2:8 |
| 22 | மோசேயின் சட்டப்படி தூய்மைச் சடங்கை நிறைவேற்றவேண்டிய நாள் வந்தபோது குழந்தையை ஆண்டவருக்கு அர்ப்பணிக்க அவர்கள் எருசலேமுக்குக் கொண்டு சென்றார்கள். | லேவி 12:2-6 |
| 23 | ஏனெனில், ‘ஆண் தலைப்பேறு அனைத்தும் ஆண்டவருக்கு அர்ப்பணிக்கப்படும்’ என்று அவருடைய திருச்சட்டத்தில் எழுதியுள்ளது. | யாத் 13:2 யாத் 13:12-15 யாத் 22:29 யாத் 34:19 எண் 3:13 எண் 8:16 எண் 8:17 எண் 18:15 |
| 24 | அச்சட்டத்தில் கூறியுள்ளவாறு ஒருசோடி மாடப்புறாக்கள் அல்லது இரு புறாக்குஞ்சுகளை அவர்கள் பலியாகக் கொடுக்க வேண்டியிருந்தது. | லேவி 12:2 லேவி 12:6-8 2கொரி 8:9 |
| 25 | அப்போது எருசலேமில் சிமியோன் என்பவர் இருந்தார். அவர் நேர்மையானவர்: இறைப்பற்றுக் கொண்டவர்: இஸ்ரயேலுக்கு வாக்களிக்கப்பட்ட ஆறுதலை எதிர்பார்த்திருந்தவர்: தூய ஆவியை அவர் பெற்றிருந்தார். | லூக் 1:6 ஆதி 6:9 யோபு 1:1 யோபு 1:8 தானி 6:22 தானி 6:23 மீகா 6:8 அப் 10:2 அப் 10:22 அப் 24:16 தீத் 2:11-14 |
| 26 | “ஆண்டவருடைய மெசியாவைக் காணுமுன் அவர் சாகப்போவதில்லை” என்று தூய ஆவியால் உணர்த்தப்பட்டிருந்தார். | சங் 25:14 ஆமோ 3:7 |
| 27 | அந்த ஆவியின் தூண்டுதலால் அவர் கோவிலுக்கு வந்திருந்தார். திருச்சட்ட வழக்கத்திற்கு ஏற்பச் செய்ய வேண்டியதைக் குழந்தை இயேசுவுக்குச் செய்து முடிக்கப் பெற்றோர் அதனை உள்ளே கொண்டுவந்தபோது. | லூக் 4:1 மத் 4:1 அப் 8:29 அப் 10:19 அப் 11:12 அப் 16:7 வெளிப் 1:10 வெளிப் 17:3 |
| 28 | சிமியோன் குழந்தையைக் கையில் ஏந்திக் கடவுளைப் போற்றி, | மாற் 9:36 மாற் 10:16 |
| 29 | “ஆண்டவரே, உமது சொற்படி உம் அடியான் என்னை இப்போது அமைதியுடன் போகச் செய்கிறீர். | ஆதி 15:15 ஆதி 46:30 சங் 37:37 ஏசா 57:1 ஏசா 57:2 பிலிப் 1:23 வெளிப் 14:13 |
| 30 | ஏனெனில் மக்கள் அனைவரும் காணுமாறு, | லூக் 2:10 லூக் 2:11 லூக் 3:6 ஆதி 49:18 2சாமு 23:1-5 ஏசா 49:6 அப் 4:10-12 |
| 31 | நீர் ஏற்பாடு செய்துள்ள உமது மீட்பை என் கண்கள் கண்டுகொண்டன. | சங் 96:1-3 சங் 96:10-13 சங் 97:6-8 சங் 98:2 சங் 98:3 ஏசா 42:1-4 ஏசா 42:10-12 ஏசா 45:21-25 ஏசா 62:1 ஏசா 62:2 |
| 32 | இம்மீட்பே பிற இனத்தாருக்கு வெளிப்பாடு அருளும் ஒளி: இதுவெ உம் மக்களாகிய இஸ்ரயேலுக்குப் பெருமை” என்றார். | ஏசா 9:2 ஏசா 42:6 ஏசா 42:7 ஏசா 49:6 ஏசா 60:1-3 ஏசா 60:19-3 மத் 4:16 அப் 13:47 அப் 13:48 அப் 28:28 ரோம 15:8 ரோம 15:9 |
| 33 | குழந்தையைக் குறித்துக் கூறியவை பற்றி அதன் தாயும் தந்தையும் வியப்புற்றனர். | லூக் 2:48 லூக் 1:65 லூக் 1:66 ஏசா 8:18 |
| 34 | சிமியோன் அவர்களுக்கு ஆசிகூறி, அதன் தாயாகிய மரியாவை நோக்கி, “இதோ, இக்குழந்தை இஸ்ரயேல் மக்களுள் பலரின் வீழ்ச்சிக்கும் எழுச்சிக்கும் காரணமாக இருக்கும்: எதிர்க்கப்படும் அடையாளமாகவும் இருக்கும். | ஆதி 14:19 ஆதி 47:7 யாத் 39:43 லேவி 9:22 லேவி 9:23 எபிரெ 7:1 எபிரெ 7:7 |
| 35 | இவ்வாறு பலருடைய மறைவான எண்ணங்கள் வெளிப்படும். உமது உள்ளத்தையும் ஒரு வாள் ஊடுருவிப் பாயும்” என்றார். | சங் 42:10 யோவா 19:25 |
| 36 | ஆசேர் குலத்தைச் சேர்ந்த பானுவேலின் மகளாகிய அன்னா என்னும் இறைவாக்கினர் ஒருவர் இருந்தார். அவர் வயது முதிர்ந்தவர்: மணமாகி ஏழு ஆண்டுகள் கணவரோடு வாழ்ந்தபின் கைம்பெண் ஆனவர்: | யாத் 15:20 நியா 4:4 2இரா 22:14 அப் 2:18 அப் 21:9 1கொரி 12:1 |
| 37 | அவருக்கு வயது எண்பத்து நான்கு. அவர் கோவிலைவிட்டு நீங்காமல் நோன்பிருந்து மன்றாடி அல்லும் பகலும் திருப்பணி செய்துவந்தார். | யாத் 38:8 1சாமு 2:2 சங் 23:6 சங் 27:4 சங் 84:4 சங் 84:10 சங் 92:13 சங் 135:1 சங் 135:2 வெளிப் 3:12 |
| 38 | அவரும் அந்நேரத்தில் அங்கு வந்து கடவுளைப் புகழ்ந்து எருசலேமின் மீட்புக்காகக் காத்திருந்த எல்லாரிடமும் அக்குழந்தையைப்பற்றிப் பேசினார். | லூக் 2:28-32 லூக் 1:46-56 லூக் 1:64-66 2கொரி 9:15 எபே 1:3 |
| 39 | ஆண்டவருடைய திருச்சட்டப்படி எல்லாவற்றையும் செய்துமுடித்த பின்பு அவர்கள் கலிலேயாவிலுள்ள தங்கள் ஊராகிய நாசரேத்துக்குத் திரும்பிச் சென்றார்கள். | லூக் 2:21-24 லூக் 1:6 உபா 12:32 மத் 3:15 கலா 4:4 கலா 4:5 |
| 40 | குழந்தையும் வளர்ந்து வலிமை பெற்று ஞானத்தால் நிறைந்து கடவுளுக்கு உகந்ததாய் இருந்தது. | லூக் 2:52 நியா 13:24 1சாமு 2:18 1சாமு 2:26 1சாமு 3:19 சங் 22:9 ஏசா 53:1 ஏசா 53:2 |
| 41 | ஆண்டுதோறும் இயேசுவின் பெற்றோர் பாஸ்கா விழாவைக் கொண்டாட எருசலேமுக்குப் போவார்கள்: | யாத் 23:14-17 யாத் 34:23 உபா 12:5-7 உபா 12:11-7 உபா 12:18-7 உபா 16:1-8 உபா 16:16-8 1சாமு 1:3 1சாமு 1:21 |
| 42 | இயேசுவுக்குப் பன்னிரண்டு வயது ஆனபோது, வழக்கப்படி விழாவைக் கொண்டாட எருசலேம் சென்றனர். |
| 43 | விழா நாள்கள் முடிந்து அவர்கள் திரும்பியபோது, சிறுவன் இயேசு எருசலேமில் தங்கிவிட்டார். இது அவருடைய பெற்றோருக்குத் தெரியாது: | 2நாளா 30:21-23 2நாளா 25:17 |
| 44 | பயணிகள் கூட்டத்தில் அவர் இருப்பார் என்று எண்ணினர். ஒருநாள் பயணம் முடிந்தபின்பு உறவினரிடையேயும் அறிமுகமானவர்களிடையேயும் அவரைத் தேடினர்: | சங் 42:4 சங் 122:1-4 ஏசா 2:3 |
| 45 | அவரைக் காணாததால் அவரைத் தேடிக்கொண்டு எருசலேமுக்குத் திரும்பிச் சென்றார்கள். |
| 46 | மூன்று நாள்களுக்குப்பின் அவரைக் கோவிலில் கண்டார்கள். அங்கே அவர் போதகர்கள் நடுவில் அமர்ந்து அவர்கள் சொல்வதைக் கேட்டுக் கொண்டும் அவர்களிடம் கேள்விகளை எழுப்பிக் கொண்டுமிருந்தார். | லூக் 2:44 லூக் 2:45 1இரா 12:5 1இரா 12:12 மத் 12:40 மத் 16:21 மத் 27:63 மத் 27:64 |
| 47 | அவற்றைக் கேட்ட அனைவரும் அவருடைய புரிந்து கொள்ளும் திறனையும் அவர் அளித்த பதில்களையும் கண்டு மலைத்துப் போயினர். | லூக் 4:22 லூக் 4:32 சங் 119:99 மத் 7:28 மாற் 1:22 யோவா 7:15 யோவா 7:46 |
| 48 | அவருடைய பெற்றோரும் அவரைக் கண்டு வியப்பில் ஆழ்ந்தனர். அப்பொழுது அவருடைய தாய் அவரை நோக்கி, “மகனே, ஏன் இப்படிச் செய்தாய்? இதோ பார், உன் தந்தையும் நானும் உன்னை மிகுந்த கவலையோடு தேடிக்கொண்டிருந்தோமே” என்றார். |
| 49 | அவர் அவர்களிடம்”நீங்கள் ஏன் என்னைத் தேடினீர்கள்? நான் என் தந்தையின் அலுவல்களில் ஈடுபட்டிருக்க வேண்டும் என்பது உங்களுக்குத் தெரியாதா?” என்றார். | லூக் 2:48 சங் 40:8 மல்கி 3:1 மத் 21:12 யோவா 2:16 யோவா 2:17 யோவா 4:34 யோவா 5:17 யோவா 6:38 யோவா 8:29 யோவா 9:4 |
| 50 | அவர் சொன்னதை அவர்கள் புரிந்து கொள்ளவில்லை. | லூக் 9:45 லூக் 18:34 |
| 51 | பின்பு அவர் அவர்களுடன் சென்று நாசரேத்தை அடைந்து அவர்களுக்குப் பணிந்து நடந்தார். அவருடைய தாய் இந்நிகழ்ச்சிகளையெல்லாம் தமது உள்ளத்தில் பதித்து வைத்திருந்தார். | மத் 3:15 மாற் 6:3 எபே 5:21 எபே 6:1 எபே 6:2 1பேது 2:21 |
| 52 | இயேசு ஞானத்திலும் உடல்வளர்ச்சியிலும் மிகுந்து கடவுளுக்கும் மனிதருக்கும் உகந்தவராய் வாழ்ந்து வந்தார். | லூக் 2:40 லூக் 1:80 1சாமு 2:26 |
