1	படைகளின் ஆண்டவரே! உமது உறைவிடம் எத்துணை அருமையானது!	சங் 8:1 சங் 81:1
2	என் ஆன்மா ஆண்டவரின் கோவில் முற்றங்களுக்காக ஏங்கித் தவிக்கின்றது: என் உள்ளமும் உடலும் என்றுமுள இறைவனை மகிழ்ச்சியுடன் பாடுகின்றது.	சங் 42:1 சங் 42:2 சங் 63:1 சங் 63:2 சங் 73:26 சங் 119:20 சங் 119:81 சங் 143:6 உன்ன 2:4 உன்ன 2:5 உன்ன 5:8
3	படைகளின் ஆண்டவரே! என் அரசரே! என் கடவுளே! உமது பீடங்களில் அடைக்கலான் குருவிக்கு வீடு கிடைத்துள்ளது: தங்கள் குஞ்சுகளை வைத்திருப்பதற்குச் சிட்டுக் குருவிகளுக்குக் கூடும் கிடைத்துள்ளது.	சங் 90:1 சங் 91:1 சங் 116:7 மத் 8:20 மத் 23:37
4	உமது இல்லத்தில் தங்கியிருப்போர் நற்பேறு பெற்றோர்: அவர்கள் எந்நாளும் உம்மைப் புகழ்ந்து கொண்டேயிருப்பார்கள்.	சங் 23:6 சங் 27:4 சங் 65:4 சங் 134:1-3
5	உம்மிடருந்து வலிமை பெற்ற மானிடர் பேறு பெற்றோர்: அவர்களது உள்ளம் சீயோனுக்குச் செல்லும் நெடுஞ்சாலைகளை நோக்கியே உள்ளது.	சங் 28:7 சங் 28:8 ஏசா 45:24 சகரி 10:12 2கொரி 12:9 பிலிப் 4:13
6	வறண்ட”பாக்கா” பள்ளத்தாக்கை அவர்கள் கடந்து செல்கையில், அது நீருற்றுகள் உள்ள இடமாக மாறுகின்றது: முதல் பருவமழை அதனை நீர்நிலைகள் நிறைந்த இடமாக்கும்.	சங் 66:10-12 யோவா 16:33 அப் 14:22 ரோம 5:3-5 ரோம 8:37 2கொரி 4:17 வெளிப் 7:14
7	அவர்கள் நடந்து செல்கையில் மேலும் மேலும் வலிமை பெறுகின்றார்கள்: பின்பு, சீயோனின் தெய்வங்களின் இறைவனைக் காண்பார்கள்.	யோபு 17:9 நீதி 4:18 ஏசா 40:31 யோவா 15:2 2கொரி 3:18 2பேது 3:18
8	படைகளின் ஆண்டவரே, என் விண்ணப்பத்தைக் கேட்டருளும்! யாக்கோபின் கடவுளே! எனக்குச் செவிசாய்த்தருளும்! (சேலா)
9	எங்கள் கேடயமாகிய கடவுளே, கண்ணோக்கும்! நீர் திருப்பொழிவு செய்தவரின் முகத்தைக் கணிவுடன் பாரும்!	சங் 84:11 சங் 98:1 ஆதி 15:1 உபா 33:29
10	வேற்றிடங்களில் வாழும் ஆயிரம் நாள்களினும் உம் கோவில் முற்றங்களில் தங்கும் ஒருநாளே மேலானது: பொல்லாரின் கூடாரங்களில் குடியிருப்பதினும், என் கடவுளது இல்லத்தின் வாயிற்காவலனாய் இருப்பதே இனிமையானது.	சங் 84:1 சங் 84:2 சங் 27:4 சங் 43:3 சங் 43:4 சங் 63:2 லூக் 2:46 ரோம 8:5 ரோம 8:6 பிலிப் 3:20
11	ஏனெனில், கடவுளாகிய ஆண்டவர் நமக்குத் கதிரவனும் கேடயமுமாய் இருக்கின்றார்: ஆண்டவர் அருளையும் மேன்மையையும் அளிப்பார்: மாசற்றவர்களாய் நடப்பவர்களுக்கு நன்மையானவற்றை வழங்குவார்.	சங் 27:1 ஏசா 60:19 ஏசா 60:20 மல்கி 4:2 யோவா 1:9 யோவா 8:12 வெளிப் 21:23
12	படைகளின் ஆண்டவரே! உம்மை நம்பும் மானிடர் நற்பேறு பெற்றோர்!	சங் 2:12 சங் 34:8 சங் 62:8 சங் 146:5 சங் 146:6 ஏசா 30:18 ஏசா 50:10 எரே 17:7 எரே 17:8