1	ஆண்டவரே! உமது நாட்டின்மீது அருள் கூர்ந்தீர்: யாக்கோபினரை முன்னைய நன்னிலைக்குக் கொணர்ந்தீர்.	சங் 42:1
2	உமது மக்களின் குற்றத்தை மன்னித்தீர்: அவர்களின் பாவங்கள் அனைத்தையும் மறைத்துவிட்டீர். (சேலா)	சங் 32:1 சங் 79:8 சங் 79:9 எரே 50:20 மீகா 7:18 அப் 13:39 கொலோ 2:13
3	உம் சினம் முழுவதையும் அடக்கிக் கொண்டீர்: கடும் சீற்றம் கொள்வதை விலக்கிக் கொண்டீர்.	ஏசா 6:7 ஏசா 12:1 ஏசா 54:7-10 யோவா 1:29
4	எம் மீட்பராம் கடவுளே! எங்களை முன்னைய நன்னிலைக்குக் கொணர்ந்தருளும்: எங்கள்மீது உமக்குள்ள சினத்தை அகற்றிக் கொள்ளும்.	சங் 80:3 சங் 80:7 சங் 80:19 எரே 31:18 புலம் 5:21 மல்கி 4:6
5	என்றென்றும் எங்கள்மேல் நீர் சினம் கொள்வீர்? தலைமுறைதோறுமா உமது கோபம் நீடிக்கும்?	சங் 74:1 சங் 77:9 சங் 79:5 சங் 80:4 சங் 89:46 ஏசா 64:9-12 மீகா 7:18
6	உம் மக்கள் உம்மில் மகிழ்வுறுமாறு, எங்களுக்குப் புத்துயிர் அளிக்கமாட்டீரோ?	சங் 80:18 சங் 138:7 எஸ்றா 9:8 எஸ்றா 9:9 ஏசா 57:15 ஓசி 6:2 ஆபகூ 3:2
7	ஆண்டவரே, உமது பேரன்பை எங்களுக்குக் காட்டியருளும்: உமது மீட்பையும் எங்களுக்குத் தந்தருளும்.	சங் 50:23 சங் 91:16 எரே 42:12
8	ஆண்டவராம் இறைவன் உரைப்பதைக் கேட்பேன்: தம் மக்களுக்கு, தம் பற்றுமிகு அடியார்க்கு நிறைவாழ்வை அவர் வாக்களிக்கின்றார்: அவர்களோ மடமைக்குத் திரும்பிச் செல்லலாகாது.	ஆபகூ 2:1 எபிரெ 12:25
9	அவருக்கு அஞ்சி நடப்போர்க்கு அவரது மீட்பு அண்மையில் உள்ளது என்பது உறுதி: நம் நாட்டில் அவரது மாட்சி குடிகொள்ளும்.	சங் 24:4 சங் 24:5 சங் 50:23 சங் 119:155 ஏசா 46:13 மாற் 12:32-34 யோவா 7:17 அப் 10:2-4 அப் 11:13 அப் 11:14 அப் 13:16
10	பேரன்பும் உண்மையும் ஒன்றையொன்று சந்திக்கும்: நீதியும் நிறைவாழ்வும் ஒன்றையொன்று முத்தமிடும்.	சங் 89:14 சங் 100:5 யாத் 34:6 யாத் 34:7 மீகா 7:20 லூக் 1:54 லூக் 1:55 யோவா 1:17
11	மண்ணினின்று உண்மை முளைத்தெழும்: விண்ணினின்று நீதி கீழ்நோக்கும்.	ஏசா 4:2 ஏசா 45:8 ஏசா 53:2 யோவா 14:6 1யோவா 5:20 1யோவா 5:21
12	நல்லதையே ஆண்டவர் அருள்வார்: நல்விளைவை நம்நாடு நல்கும்.	சங் 84:11 மீகா 6:8 1கொரி 1:30 எபே 1:3 யாக் 1:17
13	நீதி அவர்முன் செல்லும்: அவர்தம் அடிச்சுவடுகளுக்கு வழி வகுக்கும்.	சங் 72:2 சங் 72:3 சங் 89:14 ஏசா 58:8