1	வறட்சி பற்றி எரேமியாவுக்கு ஆண்டவர் அருளிய வாக்கு:	எரே 17:8
2	யூதா துயருற்றுள்ளது: அதன் வாயில்கள் சோர்வுற்றுள்ளன: அதன் மக்கள் தரையில் விழுந்து புலம்புகின்றார்கள்: எருசலேமின் அழுகைக் குரல் எழும்பியுள்ளது.	எரே 4:28 எரே 12:4 ஏசா 3:26 ஓசி 4:3 யோவே 1:10
3	உயர்குடி மக்கள் தம் ஊழியரைத் தண்ணீர் எடுக்க அனுப்புகின்றார்கள்: அவர்கள் நீர்த்தேக்கங்களுக்குச் செல்கின்றார்கள்: அங்குத் தண்ணீர் இல்லை: அவர்கள் வெறுங்குடங்களோடு திரும்பி வருகின்றார்கள்: வெட்கி நாணித் தங்கள் தலைகளை மூடிக்கொள்கின்றார்கள்.	1இரா 18:5 1இரா 18:6
4	நாட்டில் மழை இல்லாததால் தரை வெடிப்புற்றுள்ளது. உழவர்கள் வெட்கித் தங்கள் தலைகளை மூடிக் கொள்கின்றார்கள்:	லேவி 26:19 லேவி 26:20 உபா 28:23 உபா 28:24 உபா 29:23 யோவே 1:19 யோவே 1:20
5	கன்று ஈன்ற வயல்வெளிப் பெண்மான் புல் இல்லாமையால் தன் கன்றை விட்டுவிட்டு ஓடிப்போகும்.	யோபு 39:1-4 சங் 29:9
6	காட்டுக் கழுதைகள் மொட்டை மேடுகள்மேல் நிற்கின்றன: காற்று இல்லாமையால், குள்ள நரிகளைப் போல் மூச்சுத் திணறுகின்றன: பசுமையே காணாததால் அவற்றின் பார்வை மங்கிப் போயிற்று,	எரே 2:24 யோபு 39:5 யோபு 39:6
7	ஆண்டவரே! நாங்கள் பலமுறை உம்மை விட்டகன்றோம். உமக்கு எதிராகப் பாவம் செய்தோம். எங்கள் குற்றங்களே எங்களுக்கு எதிராயச் சான்றுபகர்கின்றன. எனினும், உமது பெயருக்கேற்பச் செயலாற்றும்.	ஏசா 59:12 ஓசி 5:5 ஓசி 7:10
8	இஸ்ரயேலின் நம்பிக்கையே! துன்ப வேளையில் அதனை மீட்பவரே! நாட்டில் நீர் ஏன் அன்னியரைப் போல் இருக்கவேண்டும்? இரவு மட்டும் தங்க வரும் வழிப்போக்கரைப்போல் நீர் ஏன் இருக்க வேண்டும்?	எரே 17:13 எரே 50:7 யோவே 3:16 அப் 28:20 1தீமோ 1:1
9	நீர் ஏன் திகைபபுற்ற மனிதர்போல் தோன்ற வேண்டும்? ஏன் காக்கும் திறனற்ற வீரர் போல் காணப்படவேண்டும்? ஆயினும், ஆண்டவரே! நீர் எங்கள் நடுவில் உள்ளீர்: உமது பெயராலேயே நாங்கள் அழைக்கப்படுகிறோம்: எங்களைக் கைவிட்டு விடாதேயும்.	எண் 11:23 எண் 14:15 எண் 14:16 சங் 44:23-26 ஏசா 50:1 ஏசா 50:2 ஏசா 51:9 ஏசா 59:1
10	இம்மக்களைக் குறித்து ஆண்டவர் கூறுவது இதுவே: அவர்கள் அலைந்து திரிய விரும்பினர்: தங்கள் கால்களை அவர்கள் கட்டுப்படுத்தவில்லை: எனவே, ஆண்டவர் அவர்களை ஏற்கவில்லை: இப்போது அவர்களின் தீமையை நினைவில் கொண்டு, அவர்களின் பாவங்களுக்காக அவர்களைத் தண்டிப்பார்.	எரே 2:23-25 எரே 2:36-25 எரே 3:1 எரே 3:2 எரே 8:5 ஓசி 11:7 ஓசி 11:9
11	ஆண்டவர் எனக்குக் கூறியது: இந்த மக்களின் நலனுக்காக நீ என்னிடம் மன்றாட வேண்டாம்.	எரே 7:16 எரே 11:14 எரே 15:1 யாத் 32:32-34
12	அவர்கள் நோன்பு இருப்பினும் நான் அவர்களின் குரலைக் கேட்கமாட்டேன். அவர்கள் எரிபலிகளையும் தானியப் படையல்களையும் அளிப்பினும் அவற்றை நான் ஏற்கமாட்டேன். மாறாக, வாளாலும் பஞ்சத்தாலும் கொள்ளை நோயாலும் அவர்களை ஒழித்து விடுவேன்.	எரே 11:11 நீதி 1:28 நீதி 28:9 ஏசா 1:15 ஏசா 58:3 எசே 8:18 மீகா 3:4 சகரி 7:13
13	“ஓ! எம் தலைவராகிய ஆண்டவரே! 'நீங்கள் வாளைச் சந்திக்க மாட்டீர்கள். உங்களிடையே பஞ்சம் வராது. மாறாக, இந்த இடத்தில் நிலையான அமைதியை உங்களுக்குத் தருவேன்' என இறைவாக்கினர் அவர்களுக்குக் கூறுகின்றனரே!” என்றேன் நான்.	எரே 1:6 எரே 4:10
14	ஆண்டவர் என்னிடம் கூறியது: “என் பெயரால் இறைவாக்கினர் பொய்யை உரைக்கின்றார்கள். நான் அவர்களை அனுப்பவில்லை: அவர்களுக்குக் கட்டளையிடவில்லை: அவர்களோடு பேசவுமில்லை.” அவர்கள் உங்களுக்கு இறைவாக்காக உரைப்பவை: பொய்யான காட்சிகள், பயனற்ற குறிகூறல், வஞ்சக எண்ணங்கள், சொந்தக் கற்பனைகள்.	எரே 23:25 எரே 23:26 எரே 27:10 எரே 27:14 எரே 28:13 எரே 29:21 எரே 37:19 ஏசா 9:15 சகரி 13:3 1தீமோ 4:2
15	ஆகவே தம் பெயரால் இறைவாக்கு உரைப்போரைக் குறித்து ஆண்டவர் கூறுவது இதுவே: நான் அவர்களை அனுப்பவில்லை: எனினும், அவர்கள் “இந்த நாட்டின்மேல் வாளும் பஞ்சமும் வாரா” என்று கூறுகிறார்கள். வாளாலும் பஞ்சத்தாலும் அந்த இறைவாக்கினரே அழிவுறுவர்.	எரே 5:12 எரே 5:13 எரே 6:15 எரே 8:12 எரே 20:6 எரே 23:14 எரே 23:15 எரே 28:15-17 எரே 29:20 எரே 29:21 எரே 29:31 எரே 29:32 1இரா 22:25 எசே 14:10 ஆமோ 7:17 2பேது 2:1-3 2பேது 2:14-17 வெளிப் 19:20
16	அவர்களின் இறைவாக்கைக் கேட்கும் மக்களும் வாள், பஞ்சம் ஆகியவற்றின் காரணமாக எருசலேமின் தெருக்களில் தூக்கி வீசப்படுவார்கள். அவர்களையும் அவர்கள் மனைவியர், புதல்வர், புதவியரையும் புதைக்க யாரும் இரார். அவர்களது தீமையை அவர்கள் மீதே கொட்டுவேன்.	எரே 5:31 ஏசா 9:16 மத் 15:14
17	நீ அவர்களுக்கு இந்த வாக்கைக் கூறு: “என் கண்கள் இரவு பகலாகக் கண்ணீர் சொரியட்டும்: இடைவிடாது சொரியட்டும்: ஏனெனில் என் மக்களாம் கன்னமகள் நொறுங்குண்டாள்: அவளது காயம் மிகப் பெரிது.	எரே 8:18 எரே 8:21 எரே 9:1 எரே 13:17 சங் 80:4 சங் 80:5 சங் 119:136 புலம் 1:16 புலம் 2:18 புலம் 3:48 புலம் 3:49
18	வயல்வெளிகளுக்குச் சென்றால், இதோ! வாளால் மடிந்தவர்கள்! நகரில் நுழைந்தால், இதோ! பசியால் நலிந்தவர்கள்! இறைவாக்கினரும் குருக்களும் தங்களுக்கு முன்பின் தெரியாத நாட்டில் அலைகின்றனர்.	எரே 52:6 எரே 52:7 புலம் 1:20 புலம் 4:9 எசே 7:15
19	நீர் யூதாவை முற்றிலும் புறக்கணித்துவிட்டீரா? சீயோனை உம் உள்ளம் வெறுத்து விட்டதா? நாங்கள் குணமாக முடியாதபடி ஏன் எங்களை நொறுக்கினீர்? நாங்கள் அமைதிக்காகக் காத்திருந்தோம்: பயனேதும் இல்லை! நலம்பெறும் காலத்தை எதிர்பார்த்திருந்தோம்: பேரச்சமே மிஞ்சியது!	எரே 6:30 எரே 15:1 2இரா 17:19 2இரா 17:20 சங் 78:59 சங் 80:12 சங் 80:13 சங் 89:38 புலம் 5:22 ரோம 11:1-6
20	ஆண்டவரே! எங்கள் குற்றத்தையும் எங்கள் மூதாதையரின் தீமையையும் நாங்கள் ஏற்றுக் கொள்கிறோம்: நாங்கள் உமக்கு எதிராய்ப் பாவம் செய்தோம்.	எரே 3:13 எரே 3:25 லேவி 26:40-42 எஸ்றா 9:6 எஸ்றா 9:7 நெகே 9:2 சங் 32:5 சங் 51:3 சங் 106:6-48 தானி 9:5-8 1யோவா 1:7-9
21	உம் பெயரை முன்னிட்டு எங்களை உதறித் தள்ளாதீர்: உம் மாட்சிமிகு அரியணையை அவமதிக்காதீர்: நீ எங்களோடு செய்த உடன்படிக்கையை நினைவுகூரும்: அதனை முறித்து விடாதீர்.	எரே 14:19 லேவி 26:11 உபா 32:19 சங் 51:11 சங் 106:40 புலம் 2:7 ஆமோ 6:8
22	வேற்றினத்தாரின் தெய்வச் சிலைகளுள் மழை தரவல்லது எதுவும் உண்டா? வானங்கள் தாமாக மழை பொழிய முடியுமா? எங்கள் இறைவனாகிய ஆண்டவரே, நீர் அல்லவா அதைச் செய்யக் கூடியவர்: நாங்கள் உம்மையே எதிர்நோக்கியுள்ளோம்: எனெனில், இவற்றை எல்லாம் செய்பவர் நீரே.	எரே 10:15 எரே 16:19 உபா 32:21 ஏசா 41:29 ஏசா 44:12-20