1	ஆண்டவரே! நீர் நீதியுள்ளவர்: ஆயினும் உம்மோடு நான் வழக்காடுவேன்: ஆம்: உம் தீர்ப்புக்கள் பற்றி உம்மிடம் முறையிட விரும்புகிறேன்: தீயோரின் வாழ்வு வளம் பெறக் காரணம் என்ன? நம்பிக்கைத் துரோகம் செய்வோர் அமைதியுடன் வாழ்வது ஏன்?	எரே 11:20 ஆதி 18:25 உபா 32:4 சங் 51:4 சங் 119:75 சங் 119:137 சங் 145:17 தானி 9:7 ஆபகூ 1:13-17 செப் 3:5 ரோம 3:5 ரோம 3:6
2	அவர்களை நீர் நட்டுவைத்தீர்: அவர்களும் வேரூன்றி வளர்ந்தார்கள்: கனியும் ஈந்தார்கள்: அவர்களின் உதடுகளில் நீர் எப்போதும் இருக்கின்றீர்: அவர்கள் உள்ளத்திலிருந்தோ வெகு தொலையில் உள்ளீர்.	எரே 11:17 எரே 45:4 எசே 17:5-10 எசே 19:10-13
3	ஆனால் ஆண்டவரே! நீர் என்னை அறிவீர்: என்னைப் பார்க்கின்றீர்: என் இதயம் உம்மோடு உள்ளது என்பதைச் சோதித்து அறிகின்றீர்: அவர்களையோ வெட்டப்படுவதற்கான ஆடுகளைப் போலக் கொலையின் நாளுக்கெனப் பிரித்து வைத்தருளும்.	எரே 11:20 2இரா 20:3 1நாளா 29:17 யோபு 23:10 சங் 17:3 சங் 26:1 சங் 44:21 சங் 139:1 சங் 139:23 யோவா 21:17 1யோவா 3:20 1யோவா 3:21
4	எவ்வளவு காலம் மண்ணுலகம் புலம்பிக் கொண்டிருக்கும்? வயல்வெளி புற்பூண்டுகள் எல்லாம் வாடிக் கிடக்கும்? மண்ணுலகில் குடியிருப்போர் செய்த தீமைகளின் காரணமாக, விலங்குகளும் பறவைகளும் அழிந்து போயின: “நம் செயல்களைக் கடவுள் காண்பதில்லை” என்று அவர்கள் சொல்லிக்கொண்டார்கள்.	எரே 9:10 எரே 14:2 எரே 23:10
5	காலாள்களோடு ஓடியே நீ களைத்துப்போனாய்: குதிரைகளோடு நீ எவ்வாறு போட்டியிட முடியும்? அமைதியான நாட்டிலேயே நீ அஞ்சுகிறாய் என்றால், யோர்தானின் காடுகளில் நீ என்ன செய்வாய்?	நீதி 3:11 நீதி 24:10 எபிரெ 12:3 எபிரெ 12:4 1பேது 4:12
6	உன் சகோதரரும் உன் தந்தை வீட்டாரும்கூட உனக்கு நம்பிக்கைத் துரோகம் செய்தார்கள்: அவர்களும் உனக்கு எதிராக உரக்கக் கத்தினார்கள்: அவர்கள் உன்னிடம் இனிமையாகப் பேசினாலும் நீ அவர்களை நம்பாதே.	எரே 9:4 எரே 11:19 எரே 11:21 எரே 20:10 ஆதி 37:4-11 யோபு 6:15 சங் 69:8 எசே 33:30 எசே 33:31 மீகா 7:5 மீகா 7:6 மத் 10:21 மாற் 12:12 யோவா 7:5
7	நான் என் வீட்டைப் புறக்கணித்தேன்: என் உரிமைச் சொத்தைத் தள்ளிவிட்டேன்: என் உள்ளத்துக்கு இனியவளை அவளின் எதிரிகளிடம் ஒப்புவித்துவிட்டேன்.	எரே 11:15 எரே 51:5 ஏசா 2:6 சங் 78:59 சங் 78:60 ஓசி 9:15 யோவே 2:15 யோவே 3:2
8	என் உரிமைச்சொத்து எனக்கு ஒரு காட்டுச் சிங்கம்போல் ஆயிற்று: அது எனக்கு எதிராய்க் கர்ச்சிக்கின்றது: எனவே நான் அதனை வெறுக்கின்றேன்.	எரே 2:15 எரே 51:38
9	என் உரிமைச்சொத்து எனக்குப் பல வண்ணப் பறவைபோல் ஆயிற்று: சுற்றிலுமுள்ள பறவைகள் எல்லாம் அதற்கு எதிராய் எழுந்துள்ளன: வயல்வெளி விலங்குகளே, வாருங்கள்: வந்து கூடுங்கள்: அதனை விழுங்குங்கள்.	எரே 2:15 2இரா 24:2 எசே 16:36 எசே 16:37 எசே 23:22-25 வெளிப் 17:16
10	மேய்ப்பர்கள் பலர் என் திராட்சைத் தோட்டத்தை அழித்தார்கள்: எனது பங்கை மிதித்துப் போட்டார்கள்: எனது இனிய பங்கைப் பாழடைந்த பாலைநிலம் ஆக்கினார்கள்.	எரே 6:3 எரே 25:9 எரே 39:3
11	அவர்கள் அதைப் பாழாக்கினார்கள்: அது என்னை நோக்கிப் புலம்புகிறது: நாடு முழுவதும் பாழாகிவிட்டது: ஆனால் யாரும் அதுபற்றிக் கவலைப்படுவதில்லை.	எரே 6:8 எரே 9:11 எரே 10:22 எரே 10:25 எரே 19:8
12	பாழாக்குவோர் பாலைநிலத்தின் மொட்டை மேடுகள் அனைத்தின் மேலும் வந்துசேர்ந்துள்ளனர்: ஏனெனில் ஆண்டவரின் வாள், நாட்டை ஒரு முனை முதல் மறு முனைவரை அழித்துவிடும்: அமைதி என்பது யாருக்குமே இல்லை.	எரே 4:11-15 எரே 9:19-21
13	கோதுமையை விதைத்தார்கள்: ஆனால் முட்களையே அறுத்தார்கள். உழைத்துக் களைத்தார்கள்: ஆயினும் பயனே இல்லை. தங்கள் அறுவடையைக் கண்டு வெட்கம் அடைந்தார்கள். இதற்கு ஆண்டவரின் கோபக்கனலே காரணம்.	லேவி 26:16 உபா 28:38 மீகா 6:15 ஆகா 1:6 ஆகா 2:16 ஆகா 2:17
14	ஆண்டவர் கூறுவது இதுவே: என் மக்களாகிய இஸ்ரயேல் என்னிடமிருந்து பெற்றுக்கொண்ட உரிமைச் சொத்தின்மேல் வைவைக்கும் சுற்றியுள்ள தீயோர் அனைவரையும் அவர்கள் நாட்டிலிருந்து நான் பிடுங்கிவிடுவேன். அவர்கள் நடுவிலிருந்து யூதா வீட்டாரையும் பிடுங்கிவிடுவேன்.	எரே 48:26 எரே 48:27 எரே 50:9-17 எரே 51:33-35 எசே 25:3-15 ஆமோ 1:2-15 செப் 2:8-10
15	அவர்களைப் பிடுங்கிவிட்டபின், நான் மீண்டும் அவர்கள்மேல் இரக்கம் காட்டுவேன். அவர்கள் ஒவ்வொருவரையும் தம் உரிமைச் சொத்துக்கும் சொந்த நாட்டுக்கும் திரும்பக் கூட்டிவருவேன்.	எரே 48:47 எரே 49:6 எரே 49:39 உபா 30:3 ஏசா 23:17 ஏசா 23:18
16	அவர்கள் முன்பு காகாலின் பெயரால் ஆணையிடும்படி என் மக்களுக்குக் கற்றுக்கொடுத்தது போல், இப்போது என் மக்களின் வழிமுறைகளைக் கவனமாய்க் கற்றுக்கொண்டு, “வாழும் ஆண்டவர் மேல் ஆணை” என்று என் பெயரால் ஆணையிடுவார்களாகில், அவர்கள் என் மக்கள் நடுவில் வாழ்ந்து வளம்பெறுவர்.	எரே 4:2 எரே 5:2 உபா 10:20 உபா 10:21 உன்ன 1:8 ஏசா 9:18-21 ஏசா 45:23 ஏசா 65:16 ரோம 14:11
17	ஆனால், எந்த மக்களினமாவது கீழ்ப்படியாவிடின், அந்த மக்களினத்தை வேரோடு பிடுங்கி அழித்துவிடுவேன், என்கிறார் ஆண்டவர்.	சங் 2:8-12 ஏசா 60:12 சகரி 14:16-19 லூக் 19:27 2தெச 1:8 1பேது 2:6-8