| 1 | ஆண்டவர் மோசேயை அழைத்துச் சந்திப்புக் கூடாரத்திலிருந்து அவரோடு பேசினார். | யாத் 19:3 யாத் 24:1 யாத் 24:2 யாத் 24:12 யாத் 29:42 யோவா 1:17 |
| 2 | இஸ்ரயேல் மக்களோடு நீ பேசி அவர்களுக்குச் சொல்ல வேண்டியது: உங்களில் ஒருவர் ஆண்டவருக்கு நேர்ச்சை செலுத்த வந்தால், மாட்டு மந்தையிலிருந்தோ ஆட்டு மந்தையிலிருந்தோ கால்நடையை ஒப்புக்கொடுப்பார். | லேவி 22:18 லேவி 22:19 ஆதி 4:3 ஆதி 4:5 1நாளா 16:29 ரோம 12:1 ரோம 12:6 எபே 5:2 |
| 3 | அவரது நேர்ச்சை எரிபலி எனில், மாட்டு மந்தையிலிருந்து எடுக்கப்பட்ட, பழுதற்ற ஒரு காளையை அவர் படைக்கவேண்டும்.ஆண்டவர் திருமுன் ஏற்புடையதாகுமாறு, அதைச் சந்திப்புக் கூடார நுழைவாயிலில் அவர் படைக்கட்டும். | லேவி 6:9-13 லேவி 8:18 லேவி 8:21 ஆதி 8:20 ஆதி 22:2 ஆதி 22:8 ஆதி 22:13 யாத் 24:5 யாத் 29:18 யாத் 29:42 யாத் 32:6 யாத் 38:1 எண் 23:3 எண் 23:10 எண் 23:11 எண் 23:19 எண் 23:23 எண் 23:24 எண் 23:27 எண் 23:30 எண் 29:8-11 எண் 29:13-11 ஏசா 1:11 எபிரெ 10:8-10 |
| 4 | அவர் எரிபலியின் தலைமேல் தம் கையை வைப்பார்.அது அவருடைய பாவத்திற்கு கழுவாயாக ஏற்றுக்கொள்ளப்படும். | லேவி 3:2 லேவி 3:8 லேவி 3:13 லேவி 4:4 லேவி 4:15 லேவி 4:24 லேவி 4:29 லேவி 8:14 லேவி 8:22 லேவி 16:21 யாத் 29:10 யாத் 29:15 யாத் 29:19 எண் 8:12 ஏசா 53:4-6 2கொரி 5:20 2கொரி 5:21 |
| 5 | அந்த இளம் காளையை அவர் ஆண்டவர் திருமுன் அடிப்பார்.ஆரோனின் புதல்வராகிய குருக்கள் அதன் இரத்தத்தைக் கொண்டு வந்து, சந்திப்புக் கூடார நுழைவாயிலில் இருக்கும் பலிபீடத்தின் மேல் சுற்றிலும் தெளிப்பர். | லேவி 1:11 லேவி 3:2 லேவி 3:8 லேவி 3:13 லேவி 16:15 2நாளா 29:22-24 மீகா 6:6 |
| 6 | பின்பு, அவர் எரிபலியைத் தோலுரித்துப் பகுதி பகுதியாகத் துண்டிப்பார். | லேவி 7:8 ஆதி 3:21 |
| 7 | ஆரோனின் புதல்வராகிய குருக்கள் பலிபீடத்தின்மேல் தழல் இட்டு அந்நெருப்பின்மேல் விறகுக் கட்டைகளை அடுக்குவர். | லேவி 6:12 லேவி 6:13 லேவி 9:24 லேவி 10:1 1நாளா 21:26 2நாளா 7:1 மல்கி 1:10 |
| 8 | ஆரோனின் புதல்வராகிய குருக்கள் துண்டங்களையும் தலையையும் கொழுப்பையும் பலிபீடத்திலுள்ள நெருப்பில் அடுக்கியிருக்கிற கட்டைகளின்மேல் அடுக்கிவைப்பர். | லேவி 8:18-21 லேவி 9:13 லேவி 9:14 யாத் 29:17 யாத் 29:18 1இரா 18:23 1இரா 18:33 |
| 9 | அதன் குடலையும் கால்களையும் தண்ணீரில் கழுவி அவை எல்லாவற்றையும் குருக்கள் பலிபீடத்தின்மேல் எரித்துவிடுவர்.நெருப்பாலான இது ஆண்டவர் விரும்பும் நறுமணமிக்க நெருப்புப்பலி ஆகும். | லேவி 1:13 லேவி 8:21 லேவி 9:14 சங் 51:6 எரே 4:14 மத் 23:25-28 |
| 10 | எரிபலிக்கான அவரது நேர்ச்சை ஆட்டுமந்தையிலுள்ள செம்மறி அல்லது வெள்ளாடாக இருந்தால், அவர் பழுதற்ற ஓர் ஆட்டுக் கிடாயைக் கொண்டு வரவேண்டும். | லேவி 1:2 ஆதி 4:4 ஆதி 8:20 ஏசா 53:6 ஏசா 53:7 யோவா 1:29 |
| 11 | ஆண்டவர்திருமுன் பலிபீடத்தின் வடபுறத்தில் அதை அவர் கொல்ல வேண்டும்.ஆரோனின் புதல்வராகிய குருக்கள் அதன் இரத்தத்தைப் பலிபீடத்தின்மேல் சுற்றிலும் தெளிப்பர். | லேவி 1:5 யாத் 40:22 எசே 8:5 |
| 12 | அவர் அதைப் பகுதிகளாகத் துண்டித்து, துண்டங்களோடு தலையையும் கொழுப்பையும் சேர்த்து வைப்பார்.பின்பு, குரு அவற்றைப் பலிபீடத்திலுள்ள நெருப்பின்மேல் இருக்கிற கட்டைகளின்மேல் அடுக்கி வைப்பார். |
| 13 | அதன் குடலும் பின்னந்தொடைகளும் தண்ணீரால் கழுவப்படும்.அவை அனைத்தையும் பலிபீடத்தின்மேல் குரு எரியூட்டுவார்.இது ஆண்டவர் விரும்பும் நறுமணமிக்க நெருப்பாலான எரிபலி ஆகும். |
| 14 | அவர் ஆண்டவருக்குச் செலுத்தும் நேர்ச்சை பறவை எரிபலி எனில், காட்டுப் புறாக்களையாவது மாடப்புறாக்களையாவது நேர்ச்சையாகச் செலுத்த வேண்டும். | லேவி 5:7 லேவி 12:8 மத் 11:29 லூக் 2:24 2கொரி 8:12 எபிரெ 7:26 |
| 15 | அதைக் குரு பலிபீடத்தண்டையில் கொண்டுவந்து அதன் தலையைத் திருகி, பலிபீடத்தின் எரித்து விடுவார்: அதன் இரத்தத்தையோ பலிபீடத்தின் பக்கத்தில் சிந்த விடுவார்: | லேவி 5:8 சங் 22:1 சங் 22:21 சங் 69:1-21 ஏசா 53:4 ஏசா 53:5 ஏசா 53:10 மத் 26:1-27 1யோவா 2:27 |
| 16 | அதன் இரைப்பையையும் இறகுகளையும் அகற்றி, அவற்றைப் பலிபீடத்திற்கருகில் கிழக்குப்புறமாக சாம்பல் இடுகிற இடத்தில் எறிந்து விடுவார்: | லூக் 1:35 1பேது 1:2 |
| 17 | அதன் இறக்கைகளைப் பிடித்து இரண்டாக்காமல் அதனைக் கிழிப்பார்.அவ்வாறு கிழித்தபின் குரு அதைப் பலிபீடத்திலுள்ள நெருப்பில் இருக்கிற கட்டைகளின்மேல் எரியூட்டுவார்.இது ஆண்டவர் விரும்பும் நறுமணமிக்க நெருப்பாலான எரிபலி ஆகும். | ஆதி 15:10 சங் 16:10 மத் 27:50 யோவா 19:30 ரோம 4:25 1பேது 1:19-21 1பேது 3:18 |
