1	பின்னும் எலிகூ:
2	நான் பேசிமுடியுமட்டும் சற்றேபொறும்; இன்னும் தேவன் பட்சத்தில் நான் சொல்லவேண்டிய நியாயங்களை உமக்குச் சொல்லிக்காண்பிப்பேன்.	யோபு 21:3 யோபு 33:31-33 எபிரெ 13:22
3	நான் தூரத்திலிருந்து என் ஞானத்தைக் கொண்டுவந்து, என்னை உண்டாக்கினவருடைய நீதியை விளங்கப்பண்ணுவேன்.	யோபு 28:12 யோபு 28:13 யோபு 28:20-24 யோபு 32:8 நீதி 2:4 நீதி 2:5 மத் 2:1 மத் 2:2 மத் 12:42 அப் 8:27-40 ரோம 10:6-8 யாக் 1:5 யாக் 1:17 யாக் 3:17
4	மெய்யாகவே என் வார்த்தைகள் பொய்யற்றிருக்கும்; உம்மோடே பேசுகிறவன் அறிவில் தேறினவன்.	யோபு 13:4 யோபு 13:7 யோபு 21:27 யோபு 21:34 யோபு 22:6-30 நீதி 8:7 நீதி 8:8 2கொரி 2:17
5	இதோ, தேவன் மகத்துவமுள்ளவர், அவர் ஒருவரையும் புறக்கணியார்; மன உருக்கத்திலும் அவர் மகத்துவமுள்ளவர்.	யோபு 10:3 யோபு 31:13 சங் 22:24 சங் 138:6
6	அவர் துன்மார்க்கரைப் பிழைக்க ஒட்டாதிருக்கிறார்; சிறுமையானவர்களின் நியாயத்தை விசாரிக்கிறார்.	யோபு 21:7-9 யோபு 21:30-9 சங் 55:23 எரே 12:1 எரே 12:2 2பேது 2:9
7	அவர் தம்முடைய கண்களை நீதிமான்களைவிட்டு விலக்காமல், அவர்களை ராஜாக்களோடே கூட சிங்காசனத்தில் ஏறவும், உயர்ந்த ஸ்தலத்தில் என்றைக்கும் உட்கார்ந்திருக்கவும் செய்கிறார்.	2நாளா 16:9 சங் 33:18 சங் 34:15 செப் 3:17 1பேது 3:12
8	அவர்கள் விலங்குகள் போடப்பட்டு, உபத்திரவத்தின் கயிறுகளால் கட்டப்பட்டிருந்தாலும்,	யோபு 13:27 யோபு 19:6 யோபு 33:18 யோபு 33:19 சங் 18:5 சங் 107:10 சங் 116:3 புலம் 3:9
9	அவர், அவர்கள் கிரியையையும், மிஞ்சிப்போன அவர்களுடைய மீறுதல்களையும் அவர்களுக்குத் தெரியப்படுத்தி,	யோபு 10:2 உபா 4:21 உபா 4:22 2நாளா 33:11-13 சங் 94:12 சங் 119:67 சங் 119:71 புலம் 3:39 புலம் 3:40 லூக் 15:17-19 1கொரி 11:32
10	அக்கிரமத்தை விட்டுத் திரும்பும்படி அவர்கள் செவியைத் திறந்து கடிந்துகொள்ளுகிறார்.	யோபு 36:15 யோபு 33:16-23 சங் 40:6 ஏசா 48:8 ஏசா 48:17 ஏசா 50:5 அப் 16:14
11	அவர்கள் அடங்கி அவரைச் சேவித்தால், தங்கள் நாட்களை நன்மையாகவும், தங்கள் வருஷங்களைச் செல்வவாழ்வாகவும் போக்குவார்கள்.	யோபு 22:21 உபா 4:30 எரே 7:23 எரே 26:13 ரோம 6:17 எபிரெ 11:8
12	அடங்கார்களேயாகில் பட்டயத்துக்கு இரையாகி, ஞானம் அடையாமல் மாண்டுபோவார்கள்.	உபா 18:15-22 உபா 29:15-20 ஏசா 1:20 ஏசா 3:11 ரோம 2:8 ரோம 2:9
13	மாயமுள்ள இருதயத்தார் குரோதத்தைக் குவித்துக்கொள்ளுகிறார்கள்; அவர்களை அவர் கட்டிவைக்கும்போது கெஞ்சிக் கூப்பிடுவார்கள்.	எண் 32:14 2நாளா 28:13 2நாளா 28:22 ரோம 2:5
14	அவர்கள் வாலவயதிலே மாண்டுபோவார்கள்; இலச்சையானவர்களுக்குள்ளே அவர்கள் பிராணன் முடியும்.	யோபு 15:32 யோபு 21:23-25 யோபு 22:16 ஆதி 38:7-10 லேவி 10:1 லேவி 10:2 சங் 55:23
15	சிறுமைப்பட்டவர்களை அவர் சிறுமைக்கு நீங்கலாக்கி, அவர்கள் ஒடுக்கப்பட்டிருக்கையில் அவர்கள் செவியைத் திறக்கிறார்.	யோபு 36:10 2நாளா 12:8
16	அப்படியே அவர் உம்மையும் நெருக்கத்தினின்று விலக்கி, ஒடுக்கமில்லாத விசாலத்திலே வைப்பார்; உம்முடைய போஜனபந்தி கொழுமையான பதார்த்தங்களால் நிறைந்திருக்கும்.	யோபு 19:8 யோபு 42:10-17 சங் 18:19 சங் 31:8 சங் 40:1-3 சங் 118:5
17	ஆகாதவன்மேல் வரும் நியாயத்தீர்ப்பு நிறைவேறப் பார்ப்பீர்; நியாயமும் நீதியும் உம்மை ஆதரிக்கும்.	யோபு 16:5 யோபு 34:8 யோபு 34:36 ரோம 1:32 வெளிப் 18:4
18	உக்கிரமுண்டாயிருக்கிறதினால் அவர் உம்மை ஒரு அடியினால் வாரிக்கொண்டுபோகாதபடிக்கு எச்சரிக்கையாயிரும்; அப்பொழுது மீட்கும் பொருளை மிகுதியாய்க் கொடுத்தாலும் அதற்கு நீர் நீங்கலாகமாட்டீர்.	சங் 2:5 சங் 2:12 சங் 110:5 மத் 3:7 ரோம 1:18 ரோம 2:5 எபே 5:6
19	உம்முடைய செல்வத்தை அவர் மதிப்பாரோ? உம்முடைய பொன்னையும், பூரண பராக்கிரமத்தையும் அவர் மதிக்கமாட்டாரே.	நீதி 10:2 நீதி 11:4 ஏசா 2:20 செப் 1:18 யாக் 5:3
20	ஜனங்கள் தங்கள் இடத்தைவிட்டு வாரிக்கொள்ளப்படப்போகிற இரவை வாஞ்சிக்காதிரும்.	யோபு 3:20 யோபு 3:21 யோபு 6:9 யோபு 7:15 யோபு 14:13 யோபு 17:13 யோபு 17:14
21	அக்கிரமத்துக்குத் திரும்பாதபடிக்கு எச்சரிக்கையாயிரும்; உபத்திரவத்தைப்பார்க்கிலும் அக்கிரமத்தைத் தெரிந்துகொண்டீரே.	சங் 66:18 எசே 14:4 மத் 5:29 மத் 5:30
22	இதோ, தேவன் தம்முடைய வல்லமையில் உயர்ந்திருக்கிறார்; அவரைப் போல் போதிக்கிறவர் யார்?	1சாமு 2:7 1சாமு 2:8 சங் 75:7 ஏசா 14:5 எரே 27:5-8 தானி 4:25 தானி 4:32 தானி 5:18 லூக் 1:52 ரோம 13:1
23	அவருடைய வழியின் நியாயத்தை விசாரிக்கத்தக்கவன் யார்? நீர் அநியாயம் செய்தீர் என்று சொல்லத்தக்கவன் யார்?	யோபு 34:13-33 ஏசா 40:13 ஏசா 40:14 ரோம 11:34 1கொரி 2:16 எபே 1:11
24	மனுஷர் நோக்கிப்பார்க்கிற அவருடைய கிரியையை நீர் மகிமைப்படுத்த நினையும்.	யோபு 12:13-25 யோபு 26:5-14 சங் 28:5 சங் 34:3 சங் 72:18 சங் 86:8-10 சங் 92:4 சங் 92:5 சங் 104:24 சங் 107:8 சங் 107:15 சங் 111:2-4 சங் 111:8-4 சங் 145:10-12 எரே 10:12 தானி 4:3 தானி 4:37 லூக் 1:46
25	எல்லா மனுஷரும் அதைக் காண்கிறார்களே; தூரத்திலிருந்து அது மனுஷருக்கு வெளிப்படுகிறது.
26	இதோ, தேவன் மகத்துவமுள்ளவர்; நாம் அவரை அறிய முடியாது; அவருடைய வருஷங்களின் இலக்கம் ஆராய்ந்து முடியாதது.	யோபு 37:5 சங் 145:3
27	அவர் நீர்த்துளிகளை அணுவைப்போல ஏறப்பண்ணுகிறார்; அவைகள் மேகத்திலிருந்து மழையாய்ச் சொரிகிறது.	யோபு 5:9 யோபு 38:25-28 யோபு 38:34-28 ஆதி 2:5 ஆதி 2:6 சங் 65:9-13 ஏசா 5:6 எரே 14:22
28	அதை மேகங்கள் பெய்து, மனுஷர்மேல் மிகுதியாய்ப் பொழிகிறது.	யோபு 37:11-13 ஆதி 7:11 ஆதி 7:12 நீதி 3:20
29	மேகங்களின் பரவுதலையும், அவருடைய கூடாரத்திலிருந்து எழும்பும் குமுறல்களையும் அறியமுடியுமோ?	யோபு 37:16 யோபு 38:9 யோபு 38:37 1இரா 18:44 1இரா 18:45 சங் 104:3
30	இதோ, அதின்மேல் தம்முடைய மின்னலின் ஒளியை விரிக்கிறார்; சமுத்திரத்தின் ஆழங்களையும் மூடுகிறார்.	யோபு 38:25 யோபு 38:34 யோபு 38:35 லூக் 17:24
31	அவைகளால் ஜனங்களை தண்டிக்கிறவரும், ஆகாரங்கொடுத்து இரட்சிக்கிறவருமாயிருக்கிறார்.	யோபு 37:13 யோபு 38:22 யோபு 38:23 ஆதி 6:17 ஆதி 7:17-24 ஆதி 19:24 யாத் 9:23-25 உபா 8:2 உபா 8:15 யோசு 10:11 1சாமு 2:10 1சாமு 7:10 1சாமு 12:18
32	அவர் மின்னலின் ஒளியைத் தமது கைக்குள்ளே மூடி, அது இன்னின்னதை அடிக்கவேண்டுமென்று கட்டளையிடுகிறார்.	யோபு 26:9 யாத் 10:21-23 சங் 18:11 சங் 135:7 சங் 147:8 சங் 147:9 சங் 148:8 அப் 27:20
33	அதினால், அவர் செய்ய நினைக்கிறதையும், மந்தாரம் எழும்பப்போகிறதையும், ஆடுமாடுகள் அறியப்படுத்தும்.	யோபு 36:29 யோபு 37:2 2சாமு 22:14 1இரா 18:41-45