1	பின்னும் எலிகூ மாறுத்தரமாக:
2	என் நீதி தேவனுடைய நீதியைப்பார்க்கிலும் பெரியதென்று நீர் சொன்னது நியாயம் என்று எண்ணுகிறீரோ?	மத் 12:36 மத் 12:37 லூக் 19:22
3	நான் பாவியாயிராததினால் எனக்குப் பிரயோஜனமென்ன? பலன் என்ன? என்று சொன்னீர்.	யோபு 9:21 யோபு 9:22 யோபு 10:15 யோபு 21:15 யோபு 31:2 யோபு 34:9 சங் 73:13 மல்கி 3:14
4	உமக்கும் உம்மோடே இருக்கிற உம்முடைய சிநேகிதருக்கும் நான் பிரதியுத்தரம் சொல்லுகிறேன்.	யோபு 34:8 நீதி 13:20
5	நீர் வானத்தை அண்ணாந்து பார்த்து, உம்மைப்பார்க்கிலும் உயரமாயிருக்கிற ஆகாயமண்டலங்களைக் கண்ணோக்கும்.	யோபு 22:12 யோபு 25:5 யோபு 25:6 யோபு 36:26-33 யோபு 37:1-5 யோபு 37:22-5 யோபு 37:23-5 1இரா 8:27 சங் 8:3 சங் 8:4 ஏசா 40:22 ஏசா 40:23 ஏசா 55:9
6	நீர் பாவஞ்செய்தால் அதினாலே அவருக்கு என்ன நஷ்டம்? உம்முடைய மீறுதல்கள் மிகுதியானாலும், அதினாலே அவருக்கு என்ன சேதம்?	நீதி 8:36 நீதி 9:12 எரே 7:19
7	நீர் நீதிமானாயிருந்தால், அதினாலே அவருக்கு என்ன கிடைக்கும்? அல்லது அவர் உம்முடைய கையில் என்ன லாபத்தைப் பெறுவார்?	யோபு 22:2 யோபு 22:3 1நாளா 29:14 சங் 16:2 நீதி 9:12 ரோம 11:35
8	உம்முடைய பாவத்தினால் உம்மைப்போன்ற மனுஷனுக்கு நஷ்டமும், உம்முடைய நீதியினால் மனுபுத்திரனுக்கு லாபமும் உண்டாகும்.	யோசு 7:1-5 யோசு 22:20 பிரச 9:18 யோனா 1:12
9	அநேகரால் பலவந்தமாய் ஒடுக்கப்பட்டவர்கள் முறையிட்டு, வல்லவர்களுடைய புயத்தினிமித்தம் அலறுகிறார்கள்.	யோபு 24:12 யோபு 34:28 யாத் 2:23 யாத் 3:7 யாத் 3:9 நெகே 5:1-5 சங் 12:5 சங் 43:2 சங் 55:2 சங் 55:3 சங் 56:1 சங் 56:2 லூக் 18:3-7
10	பூமியின் மிருகங்களைப்பார்க்கிலும் எங்களைப் புத்திமான்களும், ஆகாசத்துப் பறவைகளைப்பார்க்கிலும் எங்களை ஞானவான்களுமாக்கி,	யோபு 36:13 1நாளா 10:13 1நாளா 10:14 2நாளா 28:22 2நாளா 28:23 ஏசா 8:21
11	என்னை உண்டாக்கினவரும், இரவிலும் கீதம்பாட அருள்செய்கிறவருமாகிய என் சிருஷ்டிகர்த்தாவாகிய தேவன் எங்கே என்று கேட்பவன் ஒருவனுமில்லை.	யோபு 32:8 ஆதி 1:26 ஆதி 2:7 சங் 94:12
12	அங்கே அவர்கள் பொல்லாதவர்களின் பெருமையினிமித்தம் கூப்பிடுகிறார்கள்; அவரோ மறுஉத்தரவு கொடுக்கிறதில்லை.	சங் 18:41 நீதி 1:28 யோவா 9:31
13	தேவன் வீண்வார்த்தைக்குச் செவிகொடார், சர்வவல்லவர் அதைக் கவனியார்.	யோபு 22:22-27 யோபு 27:8 யோபு 27:9 நீதி 15:8 நீதி 15:29 நீதி 28:9 பிரச 5:1-3 ஏசா 1:15 எரே 11:11 ஓசி 7:14 ஓசி 8:2 ஓசி 8:3 மத் 6:7 மத் 20:21 மத் 20:22 யாக் 4:3
14	அவருடைய தரிசனம் உமக்குக் கிடைக்கிறதில்லை என்று நீர் சொல்லுகிறீரே; ஆனாலும் நியாயத்தீர்ப்பு அவரிடத்தில் இருக்கிறது; ஆகையால் அவருக்குக் காத்துக்கொண்டிரும்.	யோபு 9:11 யோபு 23:3 யோபு 23:8-10
15	இப்போது அவருடைய கோபமானது நியாயத்தை முற்றிலும் விசாரியாது; அவர் இன்னும் ஒன்றையும் குறையற்றவிதமாய்த் தீர்க்கவில்லை.	யோபு 9:14 யோபு 13:15 எண் 20:12 லூக் 1:20
16	ஆகையால் யோபு வீணாய்த் தம்முடைய வாயைத் திறந்து, அறிவில்லாமல் வார்த்தைகளை மிகுதியாய் வசனிக்கிறார் என்றான்.	யோபு 3:1 யோபு 33:2 யோபு 33:8-12 யோபு 34:35-37 யோபு 38:2