1	யோபே, என் நியாயங்களைக் கேளும்; என் வார்த்தைகளுக்கெல்லாம் செவிகொடும்.	யோபு 13:6 யோபு 34:2 சங் 49:1-3 மாற் 4:9
2	இதோ, என் வாயை இப்போது திறந்தேன்; என் வாயிலிருக்கிற என் நாவானது பேசும்.	யோபு 3:1 சங் 78:2 மத் 5:2
3	என் வார்த்தைகள் என் இருதயத்தின் உண்மைக்கு ஒத்திருக்கும்; நான் அறிந்ததை என் உதடுகள் சுத்தமாய் வசனிக்கும்.	யோபு 27:4 நீதி 8:7 நீதி 8:8 1தெச 2:3 1தெச 2:4
4	தேவனுடைய ஆவியானவர் என்னை உண்டாக்கினார்; சர்வவல்லவருடைய சுவாசம் எனக்கு உயிர்கொடுத்தது.	யோபு 10:12 யோபு 32:8 ஆதி 2:7 சங் 33:6 ரோம 8:2 1கொரி 15:45
5	உம்மாலே கூடுமானால் எனக்கு மறுமொழி கொடும்; நீர் ஆயத்தப்பட்டு எனக்கு எதிராக நில்லும்.	யோபு 33:32 யோபு 33:33 யோபு 32:1 யோபு 32:12
6	இதோ, உம்மைப்போல நானும் தேவனால் உண்டானவன்; நானும் மண்ணினால் உருவாக்கப்பட்டவன்.	யோபு 9:32-35 யோபு 13:3 யோபு 20:22 யோபு 23:3 யோபு 23:4 யோபு 31:35
7	இதோ, நீர் எனக்குப் பயப்பட்டுக் கலங்கத் தேவையில்லை; என் கை உம்மேல் பாரமாயிருக்கமாட்டாது.	யோபு 9:34 யோபு 13:21 சங் 88:16
8	நான் காதாரக் கேட்க நீர் சொன்னதும், எனக்குக் கேள்வியான உம்முடைய வார்த்தைகளின் சத்தமும் என்னவென்றால்:	உபா 13:14 எரே 29:23
9	நான் மீறுதல் இல்லாத சுத்தன், நான் குற்றமற்றவன், என்னில் அக்கிரமமில்லை.	யோபு 9:17 யோபு 10:7 யோபு 11:4 யோபு 16:17 யோபு 23:11 யோபு 23:12 யோபு 27:5 யோபு 27:6 யோபு 29:14
10	இதோ, என்னில் அவர் குற்றம்பிடிக்கப்பார்க்கிறார், என்னைத் தமக்குச் சத்துருவாக எண்ணிக்கொள்ளுகிறார்.	யோபு 9:30 யோபு 9:31 யோபு 10:15-17 யோபு 13:25 யோபு 14:16 யோபு 34:5
11	அவர் என் கால்களைத் தொழுவிலே மாட்டி, என் நடைகளையெல்லாம் காவல்படுத்துகிறார் என்று சொன்னீர்.	யோபு 13:27 சங் 105:18 எரே 20:2 அப் 16:24
12	இதிலே நீர் நீதியுள்ளவர் அல்லவென்று உமக்குப் பிரதியுத்தரமாகச் சொல்லுகிறேன்; மனுஷனைப்பார்க்கிலும் தேவன் பெரியவராயிருக்கிறார்.	யோபு 1:22 யோபு 34:10-12 யோபு 34:17-19 யோபு 34:23-19 யோபு 35:2 யோபு 36:22 யோபு 36:23 எசே 18:25 ரோம 9:19-21
13	அவர் தம்முடைய செயல்கள் எல்லாவற்றையுங்குறித்துக் காரணம் சொல்லவில்லையென்று நீர் அவரோடே ஏன் வழக்காடுகிறீர்?	யோபு 9:14 யோபு 15:25 யோபு 15:26 ஏசா 45:9 எரே 50:24 எசே 22:14 அப் 5:39 அப் 9:4 அப் 9:5 1கொரி 10:22
14	தேவன் ஒருவிசை சொல்லியிருக்கிற காரியத்தை இரண்டாம்விசை பார்த்துத் திருத்துகிறவரல்லவே.	யோபு 40:5 சங் 62:11
15	கனநித்திரை மனுஷர்மேல் இறங்கி, அவர்கள் படுக்கையின்மேல் அயர்ந்திருக்கையில்,	யோபு 4:13 ஆதி 20:3 ஆதி 31:24 எண் 12:6 எரே 23:28 தானி 4:5 எபிரெ 1:1
16	அவர் இராக்காலத்துத் தரிசனமான சொப்பனத்திலே மனுஷருடைய செவிக்குத் தாம் செய்யும் காரியத்தை வெளிப்படுத்தி, அதை அவர்களுக்கு வரும் தண்டனையினாலே முத்திரைபோட்டு,	யோபு 36:10 யோபு 36:15 2சாமு 7:27 சங் 40:6 ஏசா 6:10 ஏசா 48:8 ஏசா 50:5 லூக் 24:45 அப் 16:14
17	மனுஷன் தன்னுடைய செய்கையைவிட்டு நீங்கவும், மனுஷருடைய பெருமை அடங்கவும் செய்கிறார்.	யோபு 17:11 ஆதி 20:6 ஏசா 23:9 ஓசி 2:6 மத் 27:19 அப் 9:2-6
18	இவ்விதமாய் அவன் ஆத்துமாவைப் படுகுழிக்கும், அவன் ஜீவனைப் பட்டய வெட்டுக்கும் தப்புவிக்கிறார்.	அப் 16:27-33 ரோம 2:4 2பேது 3:9 2பேது 3:15
19	அவன் தன் படுக்கையிலே வாதையினாலும், தன் சகல எலும்புகளிலும் அகோரமான நோவினாலும் தண்டிக்கப்படுகிறான்.	யோபு 5:17 யோபு 5:18 உபா 8:5 சங் 94:12 சங் 119:67 சங் 119:71 ஏசா 27:9 1கொரி 11:32 வெளிப் 3:19
20	அவன் ஜீவன் அப்பத்தையும், அவன் ஆத்துமா ருசிகரமான போஜனத்தையும் அரோசிக்கும்.	சங் 107:17 சங் 107:18
21	அவன் மாம்சம் காணப்படாதபடிக்கு அழிந்து, மூடப்பட்டிருந்த அவன் எலும்புகள் வெளிப்படுகிறது.	யோபு 7:5 யோபு 13:28 யோபு 14:20 யோபு 14:22 யோபு 19:20 சங் 32:3 சங் 32:4 சங் 39:11 சங் 102:3-5 நீதி 5:11
22	அவன் ஆத்துமா பாதாளத்துக்கும், அவன் பிராணன் சாவுக்கும் சமீபிக்கிறது.	யோபு 7:7 யோபு 17:1 யோபு 17:13-16 1சாமு 2:6 சங் 30:3 சங் 88:3-5 ஏசா 38:10
23	ஆயிரத்தில் ஒருவராகிய சாமாசிபண்ணுகிற தூதனானவர் மனுஷனுக்குத் தம்முடைய நிதானத்தை அறிவிக்கும்படிக்கு, அவனுக்கு அநுசாரியாயிருந்தாரேயாகில்,	நியா 2:1 2நாளா 36:15 2நாளா 36:16 ஆகா 1:13 மல்கி 2:7 மல்கி 3:1 2கொரி 5:20
24	அவர் அவனுக்கு இரங்கி, அவன் படுகுழியில் இறங்காதபடிக்கு: நீர் அவனை இரட்சியும்; மீட்கும் பொருளை நான் கண்டுபிடித்தேன் என்பார்.	யோபு 33:18 யோபு 22:21 யாத் 33:19 யாத் 34:6 யாத் 34:7 சங் 86:5 சங் 86:15 ஓசி 14:2 ஓசி 14:4 மீகா 7:18-20 ரோம 5:20 ரோம 5:21
25	அப்பொழுது அவன் மாம்சம் வாலிபத்தில் இருந்ததைப்பார்க்கிலும் ஆரோக்கியமடையும்; தன் வாலவயது நாட்களுக்குத் திரும்புவான்.	2இரா 5:14
26	அவன் தேவனை நோக்கி விண்ணப்பம்பண்ணும்போது, அவன் அவருடைய சமுகத்தைக் கெம்பீரத்தோடே பார்க்கும்படி அவர் அவன்மேல் பிரியமாகி, அந்த மனுஷனுக்கு அவனுடைய நீதியின் பலனைக் கொடுப்பார்.	2இரா 20:2-5 2நாளா 33:12 2நாளா 33:13 2நாளா 33:19 சங் 6:1-9 சங் 28:1 சங் 28:2 சங் 28:6 சங் 30:7-11 சங் 41:8-11 சங் 50:15 சங் 91:15 சங் 116:1-6 ஏசா 30:19 எரே 33:3 யோனா 2:2-7 அப் 9:11
27	அவன் மனுஷரை நோக்கிப் பார்த்து: நான் பாவஞ்செய்து செம்மையானதைப் புரட்டினேன், அது எனக்குப் பிரயோஜனமாயிருக்கவில்லை.	ஆதி 16:13 2நாளா 16:9 சங் 11:4 சங் 14:2 சங் 139:1-4 நீதி 5:21 நீதி 15:3 எரே 23:24
28	என் ஆத்துமா படுகுழியில் இறங்காதபடி, அவர் அதை இரட்சிப்பார்; ஆகையால் என் பிராணன் வெளிச்சத்தைக் காணும் என்று சொல்லுவான்.	யோபு 33:18 யோபு 33:24 யோபு 17:16 சங் 55:23 சங் 69:15 ஏசா 38:17 ஏசா 38:18 வெளிப் 20:1-3
29	இதோ, தேவன் மனுஷனுடைய ஆத்துமாவைப் படுகுழிக்கு விலக்குகிறதற்கும், அவனை ஜீவனுள்ளோரின் வெளிச்சத்தினாலே பிரகாசிப்பிக்கிறதற்கும்,	யோபு 33:14-17 1கொரி 12:6 2கொரி 5:5 எபே 1:11 பிலிப் 2:13 கொலோ 1:29 எபிரெ 13:21
30	அவர் இவைகளையெல்லாம் அவனிடத்தில் பலமுறை நடப்பிக்கிறார்.	யோபு 33:24 யோபு 33:28 சங் 40:1 சங் 40:2 சங் 118:17 சங் 118:18
31	யோபே, நீர் கவனித்து என் சொல்லைக் கேளும்; நான் பேசப்போகிறேன், நீர் மவுனமாயிரும்.	யோபு 13:6 யோபு 18:2 யோபு 21:2 யோபு 32:11
32	சொல்லத்தக்க நியாயங்கள் இருந்ததேயானால், எனக்கு மறுஉத்தரவு கொடும்; நீர் பேசும், உம்மை நீதிமானாகத் தீர்க்க எனக்கு ஆசையுண்டு.	யோபு 15:4 யோபு 15:5 யோபு 21:27 யோபு 22:5-9 யோபு 27:5
33	ஒன்றும் இல்லாதிருந்ததேயாகில் நீர் என் சொல்லைக் கேளும், மவுனமாயிரும், நான் உமக்கு ஞானத்தை உபதேசிப்பேன் என்றான்.	சங் 34:11 நீதி 4:1 நீதி 4:2 நீதி 5:1 நீதி 5:2