| 1 | சாட்சியாகிய ஒருவன், இடப்பட்ட ஆணையைக் கேட்டிருந்தும், தான் கண்டதையும் அறிந்ததையும் தெரிவியாதிருந்து பாவஞ்செய்தால், அவன் தன் அக்கிரமத்தைச் சுமப்பான். | லேவி 5:15 லேவி 5:17 லேவி 4:2 எசே 18:4 எசே 18:20 |
| 2 | அசுத்தமான காட்டு மிருகத்தின் உடலையாவது, அசுத்தமான நாட்டு மிருகத்தின் உடலையாவது, அசுத்தமான ஊரும் பிராணிகளின் உடலையாவது, இவ்வித அசுத்தமான யாதொரு வஸ்துவையாவது, ஒருவன் அறியாமல் தொட்டால், அவன் தீட்டும் குற்றமும் உள்ளவனாவான். | லேவி 7:21 லேவி 11:24 லேவி 11:28 லேவி 11:31 லேவி 11:39 எண் 19:11-16 உபா 14:8 ஏசா 52:11 ஆகா 2:13 2கொரி 6:17 |
| 3 | அல்லது எந்த அசுத்தத்தினாலாகிலும் தீட்டுப்பட்ட ஒரு மனிதனை ஒருவன் அறியாமல் தொட்டு, பின்பு அதை அறிந்துகொண்டால், அவன் குற்றமுள்ளவனாவான். | லேவி 12:1-13 லேவி 15:1-33 லேவி 22:4-6 எண் 19:11-16 |
| 4 | மனிதர் பதறி ஆணையிடும் எந்தக்காரியத்திலானாலும், ஒருவன் தீமை செய்கிறதற்காவது நன்மை செய்கிறதற்காவது, தன் மனம் அறியாமல், தன் உதடுகளினால் பதறி ஆணையிட்டு, பின்பு அவன் அதை அறிந்துகொண்டால், அதைக்குறித்துக் குற்றமுள்ளவனாவான். | லேவி 27:2-34 யோசு 2:14 யோசு 9:15 நியா 9:19 நியா 11:31 நியா 21:7 நியா 21:18 1சாமு 1:11 1சாமு 14:24-28 1சாமு 24:21 1சாமு 24:22 1சாமு 25:22 2சாமு 21:7 2இரா 6:31 சங் 132:2-5 பிரச 5:2-6 எசே 17:18 எசே 17:19 மத் 14:7 மத் 14:9 மாற் 6:23 அப் 23:12 |
| 5 | இப்படிப்பட்டவைகள் ஒன்றில், ஒருவன் குற்றமுள்ளவனாகும்போது, அவன் தான் செய்தது பாவம் என்று அறிக்கையிட்டு, | லேவி 16:21 லேவி 26:40 எண் 5:7 யோசு 7:19 எஸ்றா 10:11 எஸ்றா 10:12 யோபு 33:27 சங் 32:5 நீதி 28:13 எரே 3:13 தானி 9:4 ரோம 10:10 1யோவா 1:8-10 |
| 6 | தான் செய்த பாவத்துக்குப் பாவநிவாரணபலியாக, ஆடுகளிலாவது வெள்ளாடுகளிலாவது, ஒரு பெண்குட்டியைக் குற்றநிவாரண பலியாகக் கர்த்தருடைய சந்நிதியில் கொண்டுவரவேண்டும்; அதினாலே ஆசாரியன் அவன் செய்த பாவத்தைக்குறித்து அவனுக்காகப் பாவநிவிர்த்தி செய்யக்கடவன். | லேவி 4:28 லேவி 4:32 லேவி 6:6 லேவி 7:1-7 லேவி 14:12 லேவி 14:13 லேவி 19:21 லேவி 19:22 எண் 6:12 எசே 40:39 எசே 42:13 |
| 7 | ஆட்டுக்குட்டியைக் கொண்டுவர அவனுக்குச் சக்தியில்லாதிருந்தால், அவன் செய்த குற்றத்தினிமித்தம் இரண்டு காட்டுப்புறாக்களையாவது, இரண்டு புறாக்குஞ்சுகளையாவது, ஒன்றைப் பாவநிவாரண பலியாகவும் மற்றொன்றைச் சர்வாங்க தகனபலியாகவும், கர்த்தருடைய சந்நிதியில் கொண்டுவரக்கடவன். | லேவி 5:11 லேவி 12:8 லேவி 14:21 2கொரி 8:12 யாக் 2:5 யாக் 2:6 |
| 8 | அவைகளை ஆசாரியனிடத்தில் கொண்டுவருவானாக; அவன் பாவநிவாரண பலிக்கானதை முன்னே செலுத்தி, அதின் தலையை அதின் கழுத்தினிடத்தில் கிள்ளி, அதை இரண்டாக்காமல் வைத்து, | லேவி 1:15 ரோம 4:25 1பேது 3:18 |
| 9 | அதின் இரத்தத்தில் கொஞ்சம் எடுத்து, பலிபீடத்தின் பக்கத்தில் தெளித்து, மீதியான இரத்தத்தைப் பலிபீடத்தின் அடியிலே வடியவிடுவானாக; இது பாவநிவாரணபலி. | லேவி 1:5 லேவி 4:25 லேவி 4:30 லேவி 4:34 லேவி 7:2 யாத் 12:22 யாத் 12:23 ஏசா 42:21 எபிரெ 2:10 எபிரெ 12:24 |
| 10 | மற்றதை நியமத்தின்படியே அவன் தகனபலியாய்ச் செலுத்தக்கடவன்; இவ்விதமாக அவன் செய்த பாவத்தை ஆசாரியன் நிவிர்த்தி செய்யக்கடவன்; அப்பொழுது அது அவனுக்கு மன்னிக்கப்படும். | லேவி 1:14-17 எபே 5:2 |
| 11 | இரண்டு காட்டுப்புறாக்களையாவது இரண்டு புறாக்குஞ்சுகளையாவது கொண்டுவர அவனுக்குச் சக்தியில்லாதிருந்தால், பாவம் செய்தவன் பாவநிவாரணத்துக்காக ஒரு எப்பா அளவான மெல்லிய மாவிலே பத்தில் ஒரு பங்கைத் தன் காணிக்கையாகக் கொண்டுவருவானாக; அது பாவநிவாரண பலியாயிருப்பதினால், அதின்மேல் எண்ணெய் வார்க்காமலும் தூபவர்க்கம் போடாமலும் இருந்து, | யாத் 16:18 யாத் 16:36 |
| 12 | அதை ஆசாரியனிடத்தில் கொண்டுவரவேண்டும்; அதிலே ஆசாரியன் ஞாபகக்குறியான பங்காகத் தன் கைப்பிடி நிறைய எடுத்து, கர்த்தருக்கு இடும் தகனபலிகளைப்போல, பலிபீடத்தின் மேல் தகனிக்கக்கடவன்; இது பாவநிவாரணபலி. | லேவி 2:2 லேவி 2:9 லேவி 2:16 லேவி 6:15 எண் 5:26 அப் 10:4 எபே 5:2 |
| 13 | இவ்விதமாக மேற்சொல்லிய காரியங்கள் ஒன்றில் அவன் செய்த பாவத்துக்காக ஆசாரியன் பாவநிவிர்த்தி செய்யக்கடவன்; அப்பொழுது அது அவனுக்கு மன்னிக்கப்படும், மீதியானது போஜனபலியைப்போல ஆசாரியனைச் சேரும் என்றார். | லேவி 5:6 லேவி 4:20 லேவி 4:26 லேவி 4:31 |
| 14 | பின்னும் கர்த்தர் மோசேயை நோக்கி: |
| 15 | ஒருவன் கர்த்தருக்குரிய பரிசுத்தமானவைகளில் குற்றஞ்செய்து, அறியாமையினால் பாவத்துக்குட்பட்டால், அவன் தன் குற்றத்தினிமித்தம் பரிசுத்த ஸ்தலத்துச் சேக்கல் கணக்கின்படியே, நீ அவன்மேல் சுமத்தும் அபராதம் எவ்வளவோ, அவ்வளவு வெள்ளிச் சேக்கல் பெறும் பழுதற்ற ஒரு ஆட்டுக்கடாவை குற்றநிவாரணபலியாகக் கர்த்தருடைய சந்நிதியில் கொண்டுவந்து, | லேவி 5:1 லேவி 5:2 லேவி 4:2 |
| 16 | பரிசுத்தமானதைக்குறித்துத் தான் செய்த தப்பிதத்தினால் உண்டான நஷ்டத்தைச் செலுத்தி, அதினோடு ஐந்தில் ஒரு பங்கை அதிகமாகக் கூட்டி, ஆசாரியனுக்குக் கொடுப்பானாக; குற்றநிவாரணபலியாகிய ஆட்டுக்கடாவினாலே அவனுக்காக ஆசாரியன் பாவநிவிர்த்தி செய்யக்கடவன்; அப்பொழுது அது அவனுக்கு மன்னிக்கப்படும். | லேவி 22:14 யாத் 22:1 யாத் 22:3 யாத் 22:4 சங் 69:4 லூக் 19:8 அப் 26:20 |
| 17 | ஒருவன் செய்யத்தகாதென்று கர்த்தருடைய கட்டளைகளினால் விலக்கப்பட்ட யாதொன்றைச் செய்து பாவத்துக்குட்பட்டால், அதை அவன் அறியாமையினால் செய்தாலும், அவன் குற்றமுள்ளவனாயிருந்து, தன் அக்கிரமத்தைச் சுமப்பான். | லேவி 5:1 லேவி 4:2-4 லேவி 4:13-4 லேவி 4:22-4 லேவி 4:27-4 |
| 18 | அதினிமித்தம் அவன் குற்றநிவாரணபலியாக, உன் மதிப்புக்குச் சரியான பழுதற்ற ஒரு ஆட்டுக்கடாவை ஆசாரியனிடத்தில் கொண்டுவருவானாக; அவன் அறியாமல் செய்த தப்பிதத்தை ஆசாரியன் அவனுக்காக நிவிர்த்தி செய்யக்கடவன்; அப்பொழுது அது அவனுக்கு மன்னிக்கப்படும். | லேவி 5:15 லேவி 5:16 |
| 19 | இது குற்றநிவாரணபலி; அவன் கர்த்தருக்கு விரோதமாய்க் குற்றஞ்செய்தான் என்பது நிச்சயம் என்றார். | எஸ்றா 10:2 சங் 51:4 மல்கி 3:8 2கொரி 5:19-21 |
