1	மோவாபைக்குறித்து இஸ்ரவேலின் தேவனாகிய சேனைகளின் கர்த்தர் சொல்லுகிறது என்னவென்றால், ஐயோ! நேபோ பாழாக்கப்பட்டது; கீரியாத்தாயீம் வெட்கப்பட்டு, பிடிக்கப்பட்டுப்போயிற்று; மிஸ்காப் வெட்கப்பட்டு, கலங்கிப்போயிற்று.	எரே 9:26 எரே 25:21 எரே 27:3 ஆதி 19:37 எண் 24:17 2நாளா 20:10 ஏசா 15:1-16 ஏசா 25:10 ஏசா 27:3 எசே 25:8-11 ஆமோ 2:1 ஆமோ 2:2 செப் 2:8-11
2	எஸ்போனைக்குறித்து மோவாபுக்கு இருந்த பெத்தரிக்கம் இனி இராது; அது ஒரு ஜாதியாயிராதபடிக்கு அதை நிர்மூலமாக்குவேன் வாருங்களென்று அதற்கு விரோதமாகப் பொல்லாப்பை நினைத்திருக்கிறார்கள்; மத்மேனே, நீயும் சங்காரமாவாய்; பட்டயம் உன்னைத் தொடரும்.	எரே 48:17 ஏசா 16:14
3	பாழ்க்கடிப்பினாலும் பெரிய நொறுக்குதலினாலும் உண்டாகிற கூப்பிடுதலின் சத்தம் ஒரொனாயிமிலிருந்து கேட்கப்படும்.	எரே 4:20 எரே 4:21 எரே 47:2 ஏசா 15:2 ஏசா 15:8 ஏசா 16:7-11 ஏசா 22:4
4	மோவாப் நொறுங்குண்டது; அதிலுள்ள சிறுவர்கள் கூப்பிடும் சத்தம் கேட்கப்படுகிறது.	எண் 21:27-30
5	லூகித்துக்கு ஏறிப்போகிற வழியில் அழுகையின்மேல் அழுகை எழும்பும்; ஒரொனாயிமுக்கு இறங்கிப்போகிற வழியிலே நொறுக்குதல் செய்கிறதினால் உண்டாகிய கூக்குரலைச் சத்துருக்கள் கேட்கிறார்கள்.	ஏசா 15:5
6	உங்கள் பிராணன் தப்ப ஓடிப்போங்கள்; வனாந்தரத்திலுள்ள கறளையாய்ப்போன செடியைப்போலிருப்பீர்கள்.	எரே 51:6 ஆதி 19:17 சங் 11:1 நீதி 6:4 நீதி 6:5 மத் 24:16-18 லூக் 3:7 லூக் 17:31-33 எபிரெ 6:18
7	நீ உன் சம்பத்தையும் உன் பொக்கிஷங்களையும் நம்புகிறபடியினாலே நீயும் பிடிக்கப்படுவாய், அப்பொழுது கேமோஷ் சிறையாக்கப்பட்டுப்போகும்; அதின் ஆசாரியரும் பிரபுக்களும் ஏகமாய்ச் சிறைப்பட்டுப்போவார்கள்.	எரே 9:23 எரே 13:25 சங் 40:4 சங் 49:6 சங் 49:7 சங் 52:7 சங் 62:8-10 ஏசா 59:4-6 எசே 28:2-5 ஓசி 10:13 1தீமோ 6:17 வெளிப் 18:7
8	பாழாக்குகிறவன் எல்லாப் பட்டணங்களின்மேலும் வருவான்; ஒரு பட்டணமும் தப்பிப்போவதில்லை; பள்ளதாக்குகளும் கெட்டுப்போகும்; சமனான பூமியும் அழிக்கப்படும் என்று கர்த்தர் சொன்னார்.	எரே 48:18 எரே 6:26 எரே 15:8 எரே 25:9 எரே 51:56
9	மோவாபுக்குச் செட்டைகளைக் கொடுங்கள்; அது பறந்துபோகட்டும்; அதின் பட்டணங்கள் குடிகளில்லாமல் பாழாய்ப்போகும்.	எரே 48:28 சங் 11:1 சங் 55:6 ஏசா 16:2 வெளிப் 12:14
10	கர்த்தருடைய வேலையை அசதியாய்ச் செய்கிறவன் சபிக்கப்பட்டவன்; இரத்தம் சிந்தாதபடிக்குத் தன் பட்டயத்தை அடக்கிக்கொள்ளுகிறவன் சபிக்கப்பட்டவன்.	எரே 50:25 எண் 31:14-18 நியா 5:23 1சாமு 15:3 1சாமு 15:9 1சாமு 15:13-35 1இரா 20:42
11	மோவாப் தன் சிறுவயதுமுதல் சுகமாய் வாழ்ந்தது; அது ஒரு பாத்திரத்திலிருந்து மறு பாத்திரத்தில் வார்க்கப்படாமலும், அதின் வண்டல்களின்மேல் அசையாமலும் இருந்தது; அது சிறையிருப்புக்குப் போனதில்லை; ஆதலால் அதின் ருசி அதில் நிலைத்திருந்தது; அதின் வாசனை வேறுபடவில்லை.	சங் 55:19 சங் 73:4-8 சங் 123:4 நீதி 1:32 சகரி 1:15
12	ஆகையால், இதோ, நாட்கள் வருமென்று கர்த்தர் சொல்லுகிறார், அப்பொழுது கவிழ்த்துப்போடுகிறவர்களை அதற்கு அனுப்புவேன்; அவர்கள் அதைக் கவிழ்த்து, அதின் பாத்திரங்களை வெறுமையாக்கி, அதின் ஜாடிகளை உடைத்துப்போடுவார்கள்.	எரே 48:8 எரே 48:15 எரே 25:9 ஏசா 16:2 எசே 25:9 எசே 25:10
13	அப்பொழுது இஸ்ரவேல் சந்ததி தங்கள் நம்பிக்கையான பெத்தேலாலே வெட்கப்பட்டதுபோல, மோவாப் கேமோஷாலே வெட்கப்படும்.	எரே 48:7 எரே 48:39 எரே 48:46 நியா 11:24 1சாமு 5:3-7 1இரா 11:7 1இரா 18:26-29 1இரா 18:40-29 ஏசா 2:20 ஏசா 16:12 ஏசா 45:16 ஏசா 45:20 ஏசா 46:1 ஏசா 46:2
14	நாங்கள் பராக்கிரசாலிகளென்றும், நாங்கள் யுத்தசன்னத்தரென்றும் நீங்கள் சொல்லுகிறதென்ன?	எரே 8:8 சங் 11:1 ஏசா 36:4 ஏசா 36:5
15	மோவாப் அழிந்தது, அதின் பட்டணங்கள் எரிந்துபோயின; அதின் திறமையுள்ள வாலிபர் கொலைகளத்துக்கு இறங்குகிறார்கள் என்று சேனைகளின் கர்த்தர் என்னும் நாமமுள்ள ராஜா சொல்லுகிறார்.	எரே 48:8 எரே 48:9-25
16	மோவாபின் ஆபத்துவரச் சமீபமாயிருக்கிறது; அதின் தீங்கு மிகவும் தீவிரித்துவருகிறது.	எரே 1:12 உபா 32:35 ஏசா 13:22 ஏசா 16:13 ஏசா 16:14 எசே 12:23 எசே 12:28 2பேது 2:3
17	அதின் சுற்றுப்புறத்தாரும் அதின் பேரை அறிந்தவர்களுமாகிய நீங்கள் எல்லாரும் அதற்காக அங்கலாய்த்துக்கொள்ளுங்கள்; பெலனான தடியும் அலங்காரமான கோலும் எப்படி உடைந்ததென்று சொல்லுங்கள்.	எரே 48:31-33 எரே 9:17-20 ஏசா 16:8 வெளிப் 18:14-20
18	தீபோன் பட்டணவாசியான குமாரத்தியே, நீ உன் மகிமையை விட்டிறங்கி, தாகத்தோடே உட்கார்ந்திரு; மோவாபைப் பாழாக்குகிறவன் உனக்கு விரோதமாய் வந்து, உன் அரண்களை அழித்துப்போடுவான்.	எரே 46:18 எரே 46:19 ஏசா 47:1
19	ஆரோவேரில் குடியிருக்கிறவளே, நீ வழியிலே நின்று பார்த்துக்கொண்டிரு; நடந்ததென்னவென்று ஓடிவருகிறவனையும் தப்பிவருகிறவனையும் கேள்.	எண் 32:34 உபா 2:36 2சாமு 24:5 1நாளா 5:8
20	மோவாப் முறிய அடிக்கப்பட்டபடியினால் கலங்கிப்போயிற்று; அலறிக்கூப்பிடுங்கள்; மோவாப் பாழாக்கப்பட்டதென்று அர்னோனில் அறிவியுங்கள்.	எரே 48:1-5 ஏசா 15:1-5 ஏசா 15:8-5 ஏசா 16:7-11
21	சமனான பூமியாகிய ஓலோனின்மேலும், யாத்சாவின்மேலும், மேப்காத்தின்மேலும்,	எரே 48:8 எசே 25:9 செப் 2:9
22	தீபோனின்மேலும், நேபோவின்மேலும், பெத்திப்லாத்தாயீமின்மேலும்,	எரே 48:1 எரே 48:18 எண் 32:34
23	கீரியாத்தாயீமின்மேலும், பேத்கமூலின்மேலும், பெத்மெயோனின்மேலும்,	எரே 48:1 ஆதி 14:5
24	கீரியோத்தின்மேலும், போஸ்றாவின்மேலும், மோவாப் தேசத்திலே தூரத்திலும் சமீபத்திலும் இருக்கிற எல்லாப் பட்டணங்களின்மேலும் நியாயத்தீர்ப்பு வரும்.	எரே 48:41 ஆமோ 2:2
25	மோவாபின் கொம்பு வெட்டுண்டது; அவன் புயம் முறிக்கப்பட்டது என்று கர்த்தர் சொல்லுகிறார்.	சங் 75:10 புலம் 2:3 தானி 7:8 தானி 8:7-9 தானி 8:21-9 சகரி 1:19-21
26	அவனை வெறிகொள்ளச் செய்யுங்கள்; கர்த்தருக்கு விரோதமாய்ப் பெருமைபாராட்டினான்; மோவாப் தான் வாந்திப்பண்ணி அதிலே புரளுவான்; அவன் பரியாசத்துக்கிடமாவான்.	எரே 13:13 எரே 13:14 எரே 25:15-17 எரே 25:27-29 எரே 51:7 எரே 51:39 எரே 51:57 சங் 60:3 சங் 75:8 ஏசா 29:9 ஏசா 51:17 ஏசா 63:6 புலம் 3:15 புலம் 4:21 எசே 23:31-34 நாகூ 3:11 வெளிப் 16:19
27	இஸ்ரவேல் உனக்குப் பரியாசமாயிருந்தான் அல்லவோ? அவன் திருடருக்குள் கண்டுபிடிக்கப்பட்டானோ? நீ அவனைக்குறித்துப் பேசுகிறபோதெல்லாம், தலையைத் துலுக்குகிறாயே.	சங் 44:13 சங் 79:4 நீதி 24:17 நீதி 24:18 புலம் 2:15-17 எசே 25:8 எசே 26:2 எசே 26:3 எசே 35:15 எசே 36:2 எசே 36:4 ஒபதி 1:12 ஒபதி 1:13 மீகா 7:8-10 செப் 2:8 செப் 2:10 மத் 7:2
28	மோவாப் தேசத்தின் குடிகளே, நீங்கள் பட்டணங்களை விட்டுப்போய், கன்மலையில் தங்கி, குகையின் வாய் ஓரங்களில் கூடுகட்டுகிற புறாவுக்கு ஒப்பாயிருங்கள்.	எரே 48:9 நியா 6:2 1சாமு 13:6 ஏசா 2:19 ஒபதி 1:3 ஒபதி 1:4
29	அவன் மெத்தப் பெருமைக்காரன், மோவாபின் பெருமையையும், அவன் மேட்டிமையையும், அவன் அகந்தையையும், அவன் பெத்தரிக்கத்தையும், அவன் இருதயத்தின் மேட்டிமையையும் குறித்துக் கேட்டேன்.	நீதி 8:13 ஏசா 16:6 செப் 2:8-15
30	அவன் மூர்க்கத்தை நான் அறிவேன் என்று கர்த்தர் சொல்லுகிறார்; அப்படியாகாது, அவன் வீம்பு செல்லாது என்கிறார்.	ஏசா 16:6 ஏசா 37:28 ஏசா 37:29
31	ஆகையால் மோவாபினிமித்தம் நான் அலறி, மோவாப் தேசம் அனைத்தினிமித்தமும் கூக்குரலிடுவேன்; கீராரேஸ் மனுஷரினிமித்தம் பெருமூச்சுவிடப்படும்.	ஏசா 15:5 ஏசா 16:7-11
32	சிப்மாவூரின் திராட்சச்செடியே, யாசேருக்காக நான் அழுததுபோல உனக்காகவும் அழுவேன்; உன் கொடிகள் கடலைக் கடந்துபோயின; அவைகள் யாசேர் கடல்மட்டும் போய் எட்டின; பாழாக்குகிறவன் உன் வசந்தகாலத்துப் பழங்களின்மேலும், உன் திராட்சப்பழ அறுப்பின்மேலும் விழுந்தான்.	எண் 32:38
33	பயிர்வெளியிலும் மோவாப் தேசத்திலுமிருந்து சந்தோஷமும் களிப்பும் நீங்கிப்போயிற்று; திராட்சரசம் ஆலைகளிலிருந்து பொழிகிறதை ஓயப்பண்ணினேன்; ஆலையை மிதிக்கிறவர்களின் பாடல் இல்லை; அது ஆரவாரமேயல்லாமல் ஆலை மிதிக்கும் பாடலல்ல.	எரே 25:9 எரே 25:10 ஏசா 9:3 ஏசா 16:9 ஏசா 24:7-12 ஏசா 32:9-14 யோவே 1:12 யோவே 1:16 வெளிப் 18:22 வெளிப் 18:23
34	எஸ்போன்துவக்கி எலெயாலேமட்டும் யாகாஸ்வரைக்கும் உண்டாகும் கூக்குரலினிமித்தம் அவர்கள் மூன்றுவயதுக் கடாரியைப்போல், சோவார்துவக்கி ஒரொனாயிம்மட்டும் சத்தமிடுவார்கள்; நிம்ரீமின் ஜலங்களும் வற்றிப்போகும்.	எரே 48:2 ஏசா 15:4-6
35	மோவாப்தேசத்து மேடைகளில் பலியிடுகிறவனையும் தன் தேவர்களுக்கு தூபங்காட்டுகிறவனையும் ஓயப்பண்ணுவேன் என்று கர்த்தர் சொல்லுகிறார்.	எரே 48:7 எண் 22:40 எண் 22:41 எண் 28:14 எண் 28:28-30 ஏசா 15:2 ஏசா 16:12
36	ஆகையால், மோவாபினிமித்தம் என் இருதயம் நாகசுரம்போல் துயரமாய் தொனிக்கும்; கீராரேஸ் மனுஷரினிமித்தமும், என் இருதயம் நாகசுரம்போல் துயரமாய் தொனிக்கும்; அவர்கள் சம்பாதித்த ஐசுவரியம் அழிந்துபோகிறபடியினால் அப்படித் தொனிக்கும்.	எரே 4:19 ஏசா 15:5 ஏசா 16:11 ஏசா 63:15
37	தலைகள் எல்லாம் மொட்டையிடப்பட்டும், தாடிகள் எல்லாம் கத்தரிக்கப்பட்டும் இருக்கும்; கைகளில் எல்லாம் கீறுதல்களும், அரைகளில் இரட்டுடுப்பும் உண்டு.	எரே 16:6 எரே 41:5 எரே 47:5 ஏசா 3:24 ஏசா 15:2 ஏசா 15:3 எசே 7:18 எசே 27:31 ஆமோ 8:10 மீகா 1:16
38	மோவாபின் சகல வீடுகளின்மேலும் அதின் தெருக்களிலேயும் ஏகப்புலம்பல் உண்டாகும்; ஒருவரும் விரும்பப்படாத பாத்திரம்போல மோவாபை உடைத்துப்போட்டேன் என்று கர்த்தர் சொல்லுகிறார்.	ஏசா 15:3 ஏசா 22:1
39	மோவாப் எவ்வளவாய் முறிந்துபோயிற்றென்று அலறுகிறார்கள்; அது முதுகைக்காட்டி எவ்வளவாய் வெட்கப்படும்? இப்படி மோவாப் தன் சுற்றுப்புறத்தார் அனைவருக்கும் பரியாசமும் திகைப்புமாயிருக்கும்.	எரே 48:17 புலம் 1:1 புலம் 2:1 புலம் 4:1 வெளிப் 18:9 வெளிப் 18:10 வெளிப் 18:15 வெளிப் 18:16
40	இதோ, ஒருவன் கழுகைப்போல் பறந்துவந்து, மோவாபின்மேல் தன் செட்டைகளை விரிப்பான்.	எரே 4:13 உபா 28:49 புலம் 4:19 எசே 17:3 தானி 7:4 ஓசி 8:1
41	கீரியோத் பிடிக்கப்படும், கோட்டைகள் கைவசமாகும்; அந்நாளிலே மோவாபின் பராக்கிரமசாலிகளுடைய இருதயம் பிரசவவேதனைப்படுகிற ஸ்திரீயின் இருதயம்போல இருக்கும்.	எரே 4:31 எரே 6:24 எரே 30:6 எரே 49:22 எரே 49:24 எரே 50:43 எரே 51:30 ஏசா 13:8 ஏசா 21:3 ஏசா 26:17 ஏசா 26:18 மீகா 4:9 மீகா 4:10 1தெச 5:3
42	மோவாப் கர்த்தருக்கு விரோதமாய்ப் பெருமைபாராட்டினபடியால், அது ஒரு ஜனமாயிராதபடிக்கு அழிக்கப்படும்.	எரே 48:2 எரே 30:11 எஸ்தர் 3:8-13 சங் 83:4-8 ஏசா 7:8 மத் 7:2
43	மோவாப் தேசத்தின் குடியானவனே, திகிலும், படுகுழியும், கண்ணியும் உன்மேல் வரும் என்று கர்த்தர் சொல்லுகிறார்.	உபா 32:23-25 சங் 11:6 ஏசா 24:17 ஏசா 24:18 புலம் 3:47
44	திகிலுக்கு விலக ஓடுகிறவன் படுகுழியிலே விழுவான்; படுகுழியிலிருந்து ஏறுகிறவனோ கண்ணியிலே பிடிபடுவான்; அவர்கள் விசாரிக்கப்படும் வருஷத்தை அதின்மேல், அதாவது, மோவாபின்மேல் வரப்பண்ணுவேன் என்று கர்த்தர் சொல்லுகிறார்.	எரே 16:16 1இரா 19:17 1இரா 20:30 ஏசா 37:36-38 ஆமோ 2:14 ஆமோ 2:15 ஆமோ 5:19 ஆமோ 9:1-4
45	வல்லடிக்குத் தப்ப ஓடிப்போகிறவர்கள் எஸ்போனின் நிழலில் தரித்து நின்றார்கள், ஆனாலும் நெருப்பு எஸ்போனிலும், அக்கினி ஜூவாலை சீகோன் நடுவிலுமிருந்து புறப்பட்டு, மோவாப்தேசத்தின் எல்லைகளையும், கலகஞ்செய்கிறவர்களின் உச்சந்தலையையும் பட்சிக்கும்.	எண் 21:28 ஆமோ 2:2
46	மோவாபே, உனக்கு ஐயோ! கேமோஷ் விக்கிரகத்தையடுத்த ஜனம் அழியும், உன் குமாரரும் சிறைபிடிக்கப்படுகிறார்கள், உன் குமாரத்திகளும் சிறைபிடிக்கப்பட்டுப்போகிறார்கள்.	எண் 21:29
47	ஆனாலும் கடைசி நாட்களில் மோவாபின் சிறையிருப்பைத் திருப்புவேன் என்று கர்த்தர் சொல்லுகிறார். மோவாபின்மேல் வரும் நியாயத்தீர்ப்பின் செய்தி இத்தோடே முடிந்தது.	எரே 46:26 எரே 49:6 எரே 49:39 ஏசா 18:7 ஏசா 19:18-23 ஏசா 23:18 எசே 16:53-55