1	எரேமியா இன்னும் காவற்சாலையின் முற்றத்திலே அடைக்கப்பட்டிருக்கையில், கர்த்தருடைய வார்த்தை இரண்டாந்தரம் அவனுக்கு உண்டாகி, அவர்:	எரே 32:2 எரே 32:3 எரே 32:8 எரே 37:21 எரே 38:28 2தீமோ 2:9
2	இதைச் செய்கிற கர்த்தருமாய், இதைத் திடப்படுத்தும்படிக்கு இதை உருவேற்படுத்துகிற கர்த்தருமாயிருக்கிற யேகோவா என்னும் நாமமுள்ளவர் சொல்லுகிறது என்னவென்றால்:	சங் 87:5 சங் 102:16 ஏசா 14:32 ஏசா 37:26 ஏசா 43:1 ஏசா 43:21 ஏசா 62:7 எபிரெ 11:10 எபிரெ 11:16 வெளிப் 21:2 வெளிப் 21:10
3	என்னை நோக்கிக் கூப்பிடு, அப்பொழுது நான் உனக்கு உத்தரவு கொடுத்து, நீ அறியாததும் உனக்கு எட்டாததுமான பெரிய காரியங்களை உனக்கு அறிவிப்பேன்.	எரே 29:12 உபா 4:7 உபா 4:29 1இரா 8:47-50 சங் 50:15 சங் 91:15 சங் 145:18 ஏசா 55:6 ஏசா 55:7 ஏசா 65:24 யோவே 2:32 லூக் 11:9 லூக் 11:10 அப் 2:21 ரோம 10:12 ரோம 10:13 1கொரி 1:2
4	எதிர்க் கொத்தளங்களினாலும் பட்டயத்தாலும் இடிக்கப்பட்டவைகளாகிய இந்த நகரத்தின் வீடுகளையும், யூதா ராஜாக்களின் வீடுகளையுங்குறித்து:	எரே 32:24 எசே 4:2 எசே 21:22 எசே 26:8 ஆபகூ 1:10
5	இந்த நகரத்தின் எல்லாப் பொல்லாப்பினிமித்தமும் நான் என் முகத்தை மறைத்தபடியினாலே என் கோபத்திலும் உக்கிரத்திலும் வெட்டுண்ட மனுஷப் பிரேதங்களினாலே அவைகளை நான் நிரப்பும்படியாகவே, அவர்கள் கல்தேயரோடே யுத்தம்பண்ணப்போகிறார்கள்.	எரே 21:4-7 எரே 32:5 எரே 37:9 எரே 37:10
6	இதோ, நான் அவர்களுக்குச் சவுக்கியமும் ஆரோக்கியமும் வரப்பண்ணி, அவர்களைக் குணமாக்கி, அவர்களுக்குப் பரிபூரண சமாதானத்தையும் சத்தியத்தையும் வெளிப்படுத்துவேன்.	எரே 17:14 எரே 30:12-17 உபா 32:39 சங் 67:2 ஏசா 30:26 ஏசா 58:8 ஓசி 6:1 ஓசி 7:1
7	நான் யூதாவின் சிறையிருப்பையும், இஸ்ரவேலின் சிறையிருப்பையும் திருப்பி, முன்னிருந்ததுபோல அவர்களைக் கட்டுவித்து,	எரே 33:11 எரே 33:26 எரே 23:3 எரே 29:14 எரே 30:3 எரே 32:44 சங் 14:7 சங் 85:1 சங் 126:1 சங் 126:4 ஏசா 11:12-16 செப் 3:20
8	அவர்கள் எனக்கு விரோதமாய்க்குற்றஞ்செய்த அவர்களுடைய எல்லா அக்கிரமங்களுக்கும் அவர்களை நீங்கலாக்கிச் சுத்திகரித்து, அவர்கள் எனக்கு விரோதமாய்க் குற்றஞ்செய்து, எனக்கு விரோதமாய்த் துரோகம்பண்ணின அவர்களுடைய எல்லா அக்கிரமங்களையும் மன்னிப்பேன்.	எரே 31:34 எரே 50:20 சங் 51:2 சங் 65:3 சங் 85:2 சங் 85:3 ஏசா 4:2 ஏசா 44:22 ஏசா 56:7 எசே 36:25 எசே 36:33 யோவே 3:21 மீகா 7:18 மீகா 7:19 சகரி 13:1 எபிரெ 9:11-14 1யோவா 1:7-9 வெளிப் 1:5
9	நான் அவர்களுக்குச் செய்யும் நன்மையையெல்லாம் கேட்கப்போகிற பூமியின் எல்லா ஜாதிகளுக்கு முன்பாக அது எனக்கு மகிழ்ச்சியுள்ள கீர்த்தியாயும் புகழ்ச்சியாயும் மகிமையாயும் இருக்கும்; நான் அவர்களுக்கு அருளிச்செய்யும் எல்லா நன்மையினிமித்தமும், எல்லாச் சமாதானத்தினிமித்தமும் இவர்கள் பயந்து நடுங்குவார்கள் என்று இஸ்ரவேலின் தேவனாகிய கர்த்தர் சொல்லுகிறார்.	எரே 13:11 எரே 31:4 சங் 126:2 சங் 126:3 ஏசா 62:2 ஏசா 62:3 ஏசா 62:7 ஏசா 62:12 செப் 3:17-20 சகரி 8:20-23
10	மனுஷனில்லாமலும் மிருகமில்லாமலும் அவாந்தரவெளியாய்க் கிடக்கிறதென்று, நீங்கள் சொல்லுகிற இவ்விடத்திலும், யூதாவின் பட்டணங்களிலும் மனுஷனாவது மிருகமாவது இல்லாத பாழான எருசலேமின் வீதிகளிலும்,	எரே 32:36 எசே 37:11
11	இன்னும் களிப்பின் சத்தமும், மகிழ்ச்சியின் சத்தமும், மணவாளனின் சத்தமும், மணவாட்டியின் சத்தமும்: சேனைகளின் கர்த்தரைத் துதியுங்கள், கர்த்தர் நல்லவர், அவர் கிருபை என்றுமுள்ளதென்று சொல்லுகிறவர்களின் சத்தமும், கர்த்தருடைய ஆலயத்துக்கு ஸ்தோத்திரபலிகளைக் கொண்டுவருகிறவர்களின் சத்தமும் கேட்டகப்படும் என்று கர்த்தர் சொல்லுகிறார்; அவர்கள் முன்னிருந்தது போலிருக்கும்படி தேசத்தின் சிறையிருப்பைத் திருப்புவேன் என்று கர்த்தர் சொல்லுகிறார்.	எரே 7:34 எரே 16:9 எரே 25:10 யோவா 3:29 வெளிப் 18:23
12	மனுஷனும் மிருகமும் இல்லாமல் அவாந்தரவெளியாய்க்கிடக்கிற இவ்விடத்திலும், இதற்கடுத்த பட்டணங்களிலும், ஆட்டுமந்தையை மேய்த்து மடக்குகிற மேய்ப்பர்களின் தாபரங்கள் உண்டாயிருக்கும் என்று சேனைகளின் கர்த்தர் சொல்லுகிறார்.	எரே 32:43 எரே 36:29 எரே 51:62
13	மலைத்தேசமான பட்டணங்களிலும், பள்ளத்தாக்குகளான பட்டணங்களிலும், தென்திசைப் பட்டணங்களிலும் பென்யமீன் நாட்டிலும், எருசலேமின் சுற்றுப்புறங்களிலும், யூதாவின் பட்டணங்களிலும், ஆட்டுமந்தைகள் தங்களைத் தொகையிடுகிறவனுடைய கைக்குள்ளாகக் கடந்துவரும் என்று கர்த்தர் சொல்லுகிறார்.	லேவி 27:32 லூக் 15:4 யோவா 10:3 யோவா 10:4
14	இதோ, நாட்கள் வருமென்று கர்த்தர் சொல்லுகிறார், அப்பொழுது நான் இஸ்ரவேலின் குடும்பத்துக்கும், யூதாவின் குடும்பத்துக்கும் சொன்ன நல்வார்த்தையை நிறைவேற்றுவேன்.	எரே 23:5 எரே 29:10 எரே 31:27 எரே 31:31-34 எரே 32:38-41 ஆதி 22:18 ஆதி 49:10 1நாளா 17:13 1நாளா 17:14 ஏசா 7:14 ஏசா 9:6 ஏசா 9:7 ஏசா 32:1 ஏசா 32:2 எசே 34:23-25 தானி 2:44 தானி 7:13 தானி 7:14 தானி 9:25 ஆமோ 9:11 மீகா 5:2 செப் 3:15-17 ஆகா 2:6-9 சகரி 9:9 சகரி 9:10 மல்கி 3:1 லூக் 1:69 லூக் 1:70 லூக் 2:10 லூக் 2:11 லூக் 10:24 அப் 13:32 அப் 13:33 2கொரி 1:20 எபிரெ 11:40 1பேது 1:10 வெளிப் 19:10
15	அந்நாட்களிலும், அக்காலத்திலும் தாவீதுக்கு நீதியின் கிளையை முளைக்கப்பண்ணுவேன்; அவர் பூமியிலே நியாயத்தையும் நீதியையும் நடப்பிப்பார்.	எரே 23:5 எரே 23:6 ஏசா 4:2 ஏசா 11:1-5 ஏசா 53:2 எசே 17:22 எசே 17:23 சகரி 3:8 சகரி 6:12 சகரி 6:13
16	அந்நாட்களில் யூதா இரட்சிக்கப்பட்டு, எருசலேம் சுகமாய்த் தங்கும்; அவர் எங்கள் நீதியாயிருக்கிற கர்த்தர் என்பது அவருடைய நாமம்.	எரே 23:6 ஏசா 45:17 ஏசா 45:22 ரோம 11:26
17	இஸ்ரவேல் வம்சத்தின் சிங்காசனத்தின்மேல் உட்காரத்தக்க புருஷன் தாவீதுக்கு இல்லாமற்போவதில்லை.	எரே 35:19 2சாமு 3:29 2சாமு 7:14-16 1இரா 2:4 1இரா 8:25 1நாளா 17:11-14 1நாளா 17:27-14 சங் 89:29-37 ஏசா 9:7 லூக் 1:32 லூக் 1:33
18	தகனபலியிட்டு, போஜனபலி செலுத்தி, நாள்தோறும் பலியிடும் புருஷன் எனக்கு முன்பாக ஆசாரியருக்கும் லேவியருக்கும் இல்லாமற்போவதுமில்லை என்று கர்த்தர் சொல்லுகிறார் என்றார்.	ஏசா 56:7 ஏசா 61:6 எசே 43:19-27 எசே 44:9-11 எசே 45:5 ரோம 1:21 ரோம 15:16 எபிரெ 13:15 எபிரெ 13:16 1பேது 2:5 1பேது 2:9 வெளிப் 1:6 வெளிப் 5:10
19	பின்னும் எரேமியாவுக்குக் கர்த்தருடைய வார்த்தை உண்டாகி, அவர்:
20	குறித்த நேரங்களில் பகற்காலமும் இராக்காலமும் உண்டாகாதபடிக்கு, நீங்கள் பகற்காலத்தைக்குறித்து நான் பண்ணின உடன்படிக்கையையும், இராக்காலத்தைக்குறித்து நான் பண்ணின உடன்படிக்கையையும் அவமாக்கினால்,	எரே 33:25 எரே 33:26 எரே 31:35 எரே 31:36 ஆதி 8:22 சங் 89:37 சங் 104:19-23 ஏசா 54:9 ஏசா 54:10
21	அப்பொழுது என் தாசனாகிய தாவீதோடே நான் பண்ணின உடன்படிக்கையும், அவன் சிங்காசனத்தில் அரசாளும் குமாரன் அவனுக்கு இல்லாமற்போகும்படியாக அவமாகும்; என் ஊழியக்காரராகிய லேவியரோடும் ஆசாரியரோடும் நான் பண்ணின உடன்படிக்கையும் அப்பொழுது அவமாகும்.	2சாமு 23:5 2நாளா 7:18 2நாளா 21:7 சங் 89:34 சங் 132:11 சங் 132:12 சங் 132:17 ஏசா 55:3 மத் 24:35 லூக் 1:69 லூக் 1:70
22	வானத்து நட்சத்திரங்கள் எண்ணப்படாததும் கடற்கரை மணல் அளக்கப்படாததுமாயிருக்கிறதுபோல, நான் என் தாசனாகிய தாவீதின் சந்ததியையும் எனக்கு ஊழியஞ்செய்கிற லேவியரையும் வர்த்திக்கப்பண்ணுவேன் என்று கர்த்தர் சொல்லுகிறார் என்றார்.	எரே 31:37 ஆதி 13:16 ஆதி 15:5 ஆதி 22:17 ஆதி 28:14 ஓசி 1:10 எபிரெ 11:12 வெளிப் 7:9 வெளிப் 7:10
23	பின்னும் எரேமியாவுக்குக் கர்த்தருடைய வார்த்தை உண்டாகி, அவர்:
24	கர்த்தர் தெரிந்துகொண்ட இரண்டு வம்சங்களையும் வெறுத்துப்போட்டாரென்று இந்த ஜனம் சொல்லி, தங்களுக்கு முன்பாக என் ஜனம் இனி ஒரு ஜாதியல்லவென்று அதைத் தூஷிக்கிறார்களென்பதை நீ காண்கிறதில்லையோ?	எரே 33:21 எரே 33:22 சங் 94:14 ரோம 11:1-6
25	வானத்துக்கும் பூமிக்கும் குறித்திருக்கிற நியமங்களை நான் காவாமல், பகற்காலத்தையும் இராக்காலத்தையுங்குறித்து நான் பண்ணின உடன்படிக்கை அற்றுப்போகிறது உண்டானால்,	எரே 33:20 ஆதி 8:22 ஆதி 9:9-17
26	அப்பொழுது நான் யாக்கோபின் சந்ததியையும், என் தாசனாகிய தாவீதின் சந்ததியையும் தள்ளி, நான் ஆபிரகாம் ஈசாக்கு யாக்கோபு என்பவர்களின் சந்ததியை ஆளத்தக்கவர்களை அதிலிருந்து எடுக்காதபடிக்கு வெறுத்துப்போடுவேன்; அவர்களுடைய சிறையிருப்பை நான் திருப்பி, அவர்களுக்கு இரங்குவேன் என்று கர்த்தர் சொல்லுகிறார் என்றார்.	எரே 31:37 ஆதி 49:10