1	கர்த்தருக்குப் புதுப்பாட்டைப் பாடுங்கள்; பூமியின் குடிகளே, எல்லாரும் கர்த்தரைப் பாடுங்கள்.	சங் 33:3 சங் 98:1 சங் 149:1 1நாளா 16:23-33 வெளிப் 5:9 வெளிப் 14:3
2	கர்த்தரைப் பாடி, அவருடைய நாமத்தை ஸ்தோத்திரித்து, நாளுக்குநாள் அவருடைய இரட்சிப்பைச் சுவிசேஷமாய் அறிவியுங்கள்.	சங் 72:17 சங் 72:18 சங் 103:1 சங் 103:2 சங் 103:20-22 சங் 104:1 சங் 145:1 சங் 145:10 1நாளா 29:20 எபே 1:3 வெளிப் 5:13
3	ஜாதிகளுக்குள் அவருடைய மகிமையையும், சகல ஜனங்களுக்குள்ளும் அவருடைய அதிசயங்களையும் விவரித்துச் சொல்லுங்கள்.	சங் 22:27 சங் 72:18 சங் 72:19 சங் 117:1 சங் 117:2 ஏசா 19:23-25 ஏசா 49:6 தானி 4:1-3 தானி 6:26 தானி 6:27 மீகா 4:2 சகரி 9:10 மத் 28:19 லூக் 24:47 வெளிப் 14:6 வெளிப் 14:7
4	கர்த்தர் பெரியவரும், மிகவும் ஸ்தோத்திரிக்கப்படத்தக்கவருமாயிருக்கிறார்; எல்லா தேவர்களிலும் பயப்படத்தக்கவர் அவரே.	சங் 18:3 சங் 86:10 சங் 89:7 சங் 145:3 யாத் 18:11 1சாமு 4:8 நெகே 9:5
5	சகல ஜனங்களுடைய தேவர்களும் விக்கிரகங்கள்தானே; கர்த்தரோ வானங்களை உண்டாக்கினவர்.	சங் 115:3-8 சங் 135:15 சங் 135:18 ஏசா 44:8-28 ஏசா 46:1 ஏசா 46:2 எரே 10:3-5 எரே 10:11-5 எரே 10:12-5 எரே 10:14-5 எரே 10:15-5 அப் 19:26 1கொரி 8:4
6	மகிமையும் கனமும் அவர் சமுகத்தில் இருக்கிறது, வல்லமையும் மகத்துவமும் அவர் பரிசுத்த ஸ்தலத்திலுள்ளது.	சங் 8:1 சங் 19:1 சங் 63:2 சங் 63:3 சங் 93:1 சங் 104:1 எபிரெ 1:3 2பேது 1:16 2பேது 1:17
7	ஜனங்களின் வம்சங்களே, கர்த்தருக்கு மகிமையையும் வல்லமையையும் செலுத்துங்கள், கர்த்தருக்கே அதைச் செலுத்துங்கள்.	சங் 29:1 சங் 29:2 சங் 68:32-34 லூக் 2:14 யூதா 1:25
8	கர்த்தருக்கு அவருடைய நாமத்திற்குரிய மகிமையைச் செலுத்தி, காணிக்கைகளைக் கொண்டுவந்து, அவருடைய பிராகாரங்களில் பிரவேசியுங்கள்.	சங் 108:3-5 சங் 111:9 சங் 148:13 சங் 148:14 யாத் 34:5-9 வெளிப் 15:4
9	பரிசுத்த அலங்காரத்துடனே கர்த்தரைத் தொழுதுகொள்ளுங்கள்; பூலோகத்தாரே, நீங்கள் யாவரும் அவருக்கு முன்பாக நடுங்குங்கள்.	சங் 29:2 சங் 110:3 எஸ்றா 7:27 எசே 7:20 தானி 11:45 லூக் 21:5 லூக் 21:6
10	கர்த்தர் ராஜரிகம்பண்ணுகிறார், ஆகையால் பூச்சக்கரம் அசையாதபடி உறுதிப்பட்டிருக்கும் அவர் ஜனங்களை நிதானமாய் நியாயந்தீர்ப்பார் என்று ஜாதிகளுக்குள்ளே சொல்லுங்கள்.	சங் 18:49 சங் 46:6 சங் 46:10 சங் 126:2 மல்கி 1:11 மல்கி 1:14 கலா 1:16
11	வானங்கள் மகிழ்ந்து, பூமி பூரிப்பாகி, சமுத்திரமும் அதின் நிறைவும் முழங்குவதாக.	சங் 69:34 சங் 148:1-4 ஏசா 44:23 ஏசா 49:13 லூக் 2:10 லூக் 2:13 லூக் 2:14 லூக் 15:10 வெளிப் 12:12 வெளிப் 19:1-7
12	நாடும் அதிலுள்ள யாவும் களிகூருவதாக; அப்பொழுது கர்த்தருக்கு முன்பாக காட்டுவிருட்சங்களெல்லாம் கெம்பீரிக்கும்.	சங் 65:12 சங் 65:13 ஏசா 42:10 ஏசா 42:11 ஏசா 55:12 ஏசா 55:13
13	அவர் வருகிறார், அவர் பூமியை நியாயந்தீர்க்க வருகிறார்; அவர் பூலோகத்தை நீதியோடும், ஜனங்களைச் சத்தியத்தோடும் நியாயந்தீர்ப்பார்.	சங் 98:9 ஏசா 25:8 ஏசா 25:9 மல்கி 3:1 மல்கி 3:2 1தெச 4:16-18 2தெச 1:10 2தீமோ 4:8 தீத் 2:13 2பேது 3:12-14 வெளிப் 11:18 வெளிப் 22:10