1	என் இரட்சிப்பின் தேவனாகிய கர்த்தாவே, இரவும் பகலும் உம்மை நோக்கிக் கூப்பிடுகிறேன்.	சங் 53:1
2	என் விண்ணப்பம் உமது சமுகத்தில் வருவதாக; என் கூப்பிடுதலுக்கு உமது செவியைச் சாய்த்தருளும்.	சங் 79:11 சங் 141:1 சங் 141:2 1இரா 8:31 புலம் 3:8
3	என் ஆத்துமா துக்கத்தால் நிறைந்திருக்கிறது; என் ஜீவன் பாதாளத்திற்குச் சமீபமாய் வந்திருக்கிறது.	சங் 88:14 சங் 88:15 சங் 22:11-21 சங் 69:17-21 சங் 77:2 சங் 143:3 சங் 143:4 யோபு 6:2-4 ஏசா 53:3 ஏசா 53:10 ஏசா 53:11 புலம் 3:15-19 மத் 26:37-39 மாற் 14:33 மாற் 14:34
4	நான் குழியில் இறங்குகிறவர்களோடு எண்ணப்பட்டு, பெலனற்ற மனுஷனைப்போலானேன்.	சங் 28:1 சங் 30:9 சங் 143:7 யோபு 17:1 ஏசா 38:17 ஏசா 38:18 எசே 26:20 யோனா 2:6 2கொரி 1:9
5	மரித்தவர்களில் ஒருவனைப்போல் நெகிழப்பட்டிருக்கிறேன்; நீர் இனி ஒருபோதும் நினையாதபடி, உமது கையால் அறுப்புண்டுபோய்ப் பிரேதக்குழிகளிலே கிடக்கிறவர்களைப்போலானேன்.	ஏசா 14:9-12 ஏசா 38:10-12 எசே 32:18-32
6	என்னைப் பாதாளக்குழியிலும் இருளிலும் ஆழங்களிலும் வைத்தீர்.	சங் 40:2 சங் 86:13 உபா 32:22
7	உம்முடைய கோபம் என்னை இருத்துகிறது; உம்முடைய அலைகள் எல்லாவற்றினாலும் என்னை வருத்தப்படுத்துகிறீர். (சேலா)	சங் 38:1 சங் 90:7 சங் 102:10 யோபு 6:4 யோபு 10:16 யோவா 3:36 ரோம 2:5-9 1பேது 2:24 வெளிப் 6:16 வெளிப் 6:17
8	எனக்கு அறிமுகமானவர்களை எனக்குத் தூரமாக விலக்கி, அவர்களுக்கு என்னை அருவருப்பாக்கினீர்; நான் வெளியே புறப்படக்கூடாதபடி அடைபட்டிருக்கிறேன்.	சங் 88:18 சங் 31:11 சங் 143:4 1சாமு 23:18-20 யோபு 19:13-19 யோவா 11:57
9	துக்கத்தினால் என் கண் தொய்ந்துபோயிற்று; கர்த்தாவே, அநுதினமும் நான் உம்மை நோக்கிக் கூப்பிட்டு, உமக்கு நேராக என் கைகளை விரிக்கிறேன்.	சங் 38:10 சங் 42:3 சங் 102:9 யோபு 16:20 யோபு 17:7 புலம் 3:48 புலம் 3:49 யோவா 11:35
10	மரித்தவர்களுக்கு அதிசயங்களைச் செய்வீரோ? செத்துப்போன வீரர் எழுந்து உம்மைத் துதிப்பார்களோ? (சேலா)	சங் 6:5 சங் 30:9 சங் 115:17 சங் 118:17 ஏசா 38:18 ஏசா 38:19 மாற் 5:35 மாற் 5:36
11	பிரேதக்குழியில் உமது கிருபையும், அழிவில் உமது உண்மையும் விவரிக்கப்படுமோ?	சங் 55:23 சங் 73:18 யோபு 21:30 யோபு 26:6 நீதி 15:11 மத் 7:13 ரோம 9:22 2பேது 2:1
12	இருளில் உமது அதிசயங்களும், மறதியின் பூமியில் உமது நீதியும் அறியப்படுமோ?	சங் 143:3 யோபு 10:21 யோபு 10:22 ஏசா 8:22 மத் 8:12 யூதா 1:13 யூதா 1:5 யூதா 31:12 பிரச 2:16 பிரச 8:10 பிரச 9:5
13	நானோ கர்த்தாவே, உம்மை நோக்கிக் கூப்பிடுகிறேன்; காலையிலே என் விண்ணப்பம் உமக்கு முன்பாக வரும்.	சங் 5:3 சங் 119:147 சங் 119:148 மாற் 1:35
14	கர்த்தாவே, ஏன் என் ஆத்துமாவைத் தள்ளிவிடுகிறீர்? ஏன் உமது முகத்தை எனக்கு மறைக்கிறீர்?	சங் 43:2 சங் 77:7-9 மத் 27:46
15	சிறுவயதுமுதல் நான் சிறுமைப்பட்டவனும் மாண்டுபோகிறவனுமாயிருக்கிறேன்; உம்மால் வரும் திகில்கள் என்மேல் சுமந்திருக்கிறது, நான் மனங்கலங்குகிறேன்.	சங் 73:14 யோபு 17:1 யோபு 17:11-16 ஏசா 53:3
16	உம்முடைய எரிச்சல்கள் என்மேல் புரண்டுபோகிறது; உம்முடைய பயங்கரங்கள் என்னை அதம்பண்ணுகிறது.	சங் 38:1 சங் 38:2 சங் 89:46 சங் 90:7 சங் 90:11 சங் 102:10 ஏசா 53:4-6 ரோம 8:32 கலா 3:13 வெளிப் 6:17
17	அவைகள் நாடோறும் தண்ணீரைப்போல் என்னைச் சூழ்ந்து, ஏகமாய் என்னை வளைந்து கொள்ளுகிறது.	சங் 22:16 சங் 42:7 சங் 69:1 சங் 69:2 சங் 116:3 யோபு 16:12 யோபு 16:13 யோபு 30:14 யோபு 30:15 புலம் 3:5-7 மத் 27:39-44
18	சிநேகிதனையும் தோழனையும் எனக்குத் தூரமாக விலக்கினீர்; எனக்கு அறிமுகமானவர்கள் மறைந்து போனார்கள்.	சங் 88:8 சங் 31:11 சங் 38:11 யோபு 19:12-15