| 1 | தேவனே, புறஜாதியார் உமது சுதந்தரத்தில் வந்து, உமது பரிசுத்த ஆலயத்தைத் தீட்டுப்படுத்தி, எருசலேமை மண்மேடுகளாக்கினார்கள். | சங் 74:1 |
| 2 | உமது ஊழியக்காரரின் பிரேதங்களை ஆகாயத்துப் பறவைகளுக்கும், உமது பரிசுத்தவான்களின் மாம்சத்தைப் பூமியின் மிருகங்களுக்கும் இரையாகக் கொடுத்தார்கள். | எரே 7:33 எரே 15:3 எரே 16:4 எரே 34:20 |
| 3 | எருசலேமைச் சுற்றிலும் அவர்களுடைய இரத்தத்தை தண்ணீரைப்போலச் சிந்தினார்கள்; அவர்களை அடக்கம்பண்ணுவாருமில்லை. | சங் 79:10 மத் 23:35 ரோம 8:36 வெளிப் 16:6 வெளிப் 17:6 வெளிப் 18:24 |
| 4 | எங்கள் அயலாருக்கு நிந்தையும், எங்கள் சுற்றுப்புறத்தாருக்குப் பரியாசமும் சக்கந்தமுமானோம். | சங் 44:13 சங் 44:14 சங் 80:6 சங் 89:41 உபா 28:37 எரே 24:9 எரே 25:18 எரே 42:18 புலம் 2:15 புலம் 2:16 புலம் 5:1 எசே 35:12 எசே 36:3 எசே 36:15 |
| 5 | எதுவரைக்கும் கர்த்தாவே! நீர் என்றைக்கும் கோபமாயிருப்பீரோ? உம்முடைய எரிச்சல் அக்கினியைப் போல் எரியுமோ? | சங் 13:1 சங் 13:2 சங் 74:1 சங் 74:9 சங் 74:10 சங் 80:4 சங் 89:46 வெளிப் 6:10 |
| 6 | உம்மை அறியாத ஜாதிகள்மேலும், உமது நாமத்தைத் தொழுதுகொள்ளாத ராஜ்யங்கள்மேலும், உம்முடைய உக்கிரத்தை ஊற்றிவிடும். | சங் 69:24 ஏசா 42:25 வெளிப் 16:1-21 |
| 7 | அவர்கள் யாக்கோபைப் பட்சித்து, அவன் குடியிருப்பைப் பாழாக்கினார்களே. | சங் 80:13 ஏசா 9:12 எரே 50:7 எரே 51:34 எரே 51:35 சகரி 1:15 |
| 8 | பூர்வகாலத்து அக்கிரமங்களை எங்களுக்கு விரோதமாக நினையாதேயும்; உம்முடைய இரக்கங்கள் சீக்கிரமாய் எங்களுக்கு நேரிடுவதாக; நாங்கள் மிகவும் தாழ்த்தப்பட்டுப்போனோம். | சங் 25:7 சங் 130:3 யாத் 32:34 1இரா 17:18 ஏசா 64:9 ஓசி 8:13 ஓசி 9:9 வெளிப் 18:5 |
| 9 | எங்களை இரட்சிக்கும் தேவனே, நீர் உமது நாமத்தின் மகிமையினிமித்தம் எங்களுக்கு உதவிசெய்து, உமது நாமத்தினிமித்தம் எங்களை விடுவித்து, எங்கள் பாவங்களை நிவிர்த்தியாக்கும். | சங் 115:1 2நாளா 14:11 மல்கி 2:2 எபே 1:6 |
| 10 | அவர்களுடைய தேவன் எங்கே என்று புறஜாதிகள் சொல்வானேன்? உமது ஊழியக்காரருடைய சிந்துண்ட இரத்தத்தின் பழிவாங்குதல் ஜாதிகளுக்குள்ளே எங்கள் கண்களுக்கு முன்பாக விளங்கும்படி செய்யும். | சங் 42:3 சங் 42:10 சங் 115:2 யோவே 2:17 மீகா 7:10 |
| 11 | கட்டுண்டவனுடைய பெருமூச்சு உமக்கு முன்பாக வரட்டும்; கொலைக்கு நியமிக்கப்பட்டவர்களை உமது புயபலத்தினால் உயிரோடே காத்தருளும். | சங் 12:5 சங் 69:33 சங் 102:20 யாத் 2:23 யாத் 2:24 ஏசா 42:7 |
| 12 | ஆண்டவரே, எங்கள் அயலார் உம்மை நிந்தித்த நிந்தையை, ஏழத்தனையாக அவர்கள் மடியிலே திரும்பப்பண்ணும். | ஆதி 4:15 லேவி 26:21 லேவி 26:28 ஏசா 65:5-7 எரே 32:18 லூக் 6:38 |
| 13 | அப்பொழுது, உம்முடைய ஜனங்களும் உம்முடைய மேய்ச்சலின் ஆடுகளுமாகிய நாங்கள் உம்மை என்றென்றைக்கும் புகழுவோம்; தலைமுறை தலைமுறையாக உமது துதியைச் சொல்லிவருவோம். | சங் 74:1 சங் 95:7 சங் 100:3 |
