1	சுத்த இருதயமுள்ளவர்களாகிய இஸ்ரவேலருக்கு தேவன் நல்லவராகவே இருக்கிறார்.	சங் 50:1 சங் 74:1 சங் 83:1 1நாளா 6:39 1நாளா 15:17 1நாளா 16:7 1நாளா 16:37 1நாளா 25:1-6 2நாளா 29:30
2	ஆனாலும் என் கால்கள் தள்ளாடுதலுக்கும், என் அடிகள் சறுக்குதலுக்கும் சற்றே தப்பிற்று.	சங் 5:7 சங் 17:15 சங் 35:13 யோசு 24:15 1சாமு 12:23 1நாளா 22:7 யோபு 21:4
3	துன்மார்க்கரின் வாழ்வை நான் காண்கையில், வீம்புக்காரராகிய அவர்கள்மேல் பொறாமை கொண்டேன்.	சங் 37:1 சங் 37:7 யோபு 21:7 நீதி 3:31 நீதி 24:1 எரே 12:1 யாக் 4:5
4	மரணபரியந்தம் அவர்களுக்கு இடுக்கண்களில்லை; அவர்களுடைய பெலன் உறுதியாயிருக்கிறது.	சங் 17:14 யோபு 21:23 யோபு 21:24 யோபு 24:20 பிரச 2:16 பிரச 7:15 லூக் 16:22
5	நரர் படும் வருத்தத்தில் அகப்படார்கள்; மனுஷர் அடையும் உபாதியை அடையார்கள்.	சங் 73:12 யோபு 21:6 நீதி 3:11 நீதி 3:12 எரே 12:1 எரே 12:2 1கொரி 11:32 எபிரெ 12:8 வெளிப் 3:19
6	ஆகையால் பெருமை சரப்பணியைப்போல் அவர்களைச் சுற்றிக்கொள்ளும், கொடுமை ஆடையைப்போல் அவர்களை மூடிக்கொள்ளும்.	உபா 8:13 உபா 8:14 உபா 32:15 எஸ்தர் 3:1 எஸ்தர் 3:5 எஸ்தர் 3:6 எஸ்தர் 5:9-11 யோபு 21:7-15 பிரச 8:11 எரே 48:11 எரே 48:29 எசே 28:2-5 தானி 4:30
7	அவர்கள் கண்கள் கொழுப்பினால் எடுப்பாய்ப் பார்க்கிறது; அவர்கள் இருதயம் விரும்புவதிலும் அதிகமாய் நடந்தேறுகிறது.	சங் 17:10 சங் 119:70 யோபு 15:27 ஏசா 3:9 எரே 5:28 எசே 16:49
8	அவர்கள் சீர்கெட்டுப்போய், அகந்தையாய்க் கொடுமை பேசுகிறார்கள்; இறுமாப்பாய்ப் பேசுகிறார்கள்.	சங் 53:1-4 நீதி 30:13 நீதி 30:14
9	தங்கள் வாய் வானமட்டும் எட்டப்பேசுகிறார்கள்; அவர்கள் நாவு பூமியெங்கும் உலாவுகிறது.	யாத் 5:2 2நாளா 32:15 யோபு 21:14 தானி 3:15 தானி 7:25 வெளிப் 13:6
10	ஆகையால் அவருடைய ஜனங்கள் இந்த வழியாகவே திரும்புகிறார்கள்; தண்ணீர்கள் அவர்களுக்குப் பரிபூரணமாய்ச் சுரந்துவரும்.	சங் 75:8
11	தேவனுக்கு அது எப்படித் தெரியும்? உன்னதமானவருக்கு அதைப்பற்றி அறிவு உண்டோ? என்று சொல்லுகிறார்கள்.	சங் 73:9 சங் 10:11 சங் 94:7 யோபு 22:13 யோபு 22:14 எசே 8:12 செப் 1:12
12	இதோ, இவர்கள் துன்மார்க்கர்; இவர்கள் என்றும் சுகஜீவிகளாயிருந்து, ஆஸ்தியைப் பெருகப்பண்ணுகிறார்கள்.	சங் 37:35 சங் 52:7 எரே 12:1 எரே 12:2 லூக் 16:19 யாக் 5:1-3
13	நான் விருதாவாகவே என் இருதயத்தைச் சுத்தம்பண்ணி, குற்றமில்லாமையிலே என் கைகளைக் கழுவினேன்.	யோபு 9:27 யோபு 9:31 யோபு 21:15 யோபு 34:9 யோபு 35:3 மல்கி 3:14
14	நாள்தோறும் நான் வாதிக்கப்பட்டும், காலைதோறும் தண்டிக்கப்பட்டும் இருக்கிறேன்.	சங் 34:19 சங் 94:12 யோபு 7:3 யோபு 7:4 யோபு 7:18 யோபு 10:3 யோபு 10:17 எரே 15:18 ஆமோ 3:2 எபிரெ 12:5 1பேது 1:6
15	இவ்விதமாய்ப் பேசுவேன் என்று நான் சொன்னேனானால், இதோ, உம்முடைய பிள்ளைகளின் சந்ததிக்குத் துரோகியாவேன்.	1சாமு 2:24 மல்கி 2:8 மத் 18:6 மத் 18:7 ரோம 14:15 ரோம 14:21 1கொரி 8:11-13
16	இதை அறியும்படிக்கு யோசித்துப்பார்த்தேன்; நான் தேவனுடைய பரிசுத்த ஸ்தலத்துக்குள் பிரவேசித்து,	சங் 36:6 சங் 77:19 சங் 97:2 நீதி 30:2 நீதி 30:3 பிரச 8:17 ரோம 11:33
17	அவர்கள் முடிவைக் கவனித்து உணருமளவும், அது என் பார்வைக்கு விசனமாயிருந்தது.	சங் 27:4 சங் 63:2 சங் 77:13 சங் 119:24 சங் 119:130
18	நிச்சயமாகவே நீர் அவர்களைச் சறுக்கலான இடங்களில் நிறுத்தி, பாழான இடங்களில் விழப்பண்ணுகிறீர்.	சங் 35:6 உபா 32:35 எரே 23:12
19	அவர்கள் ஒரு நிமிஷத்தில் எவ்வளவு பாழாய்ப்போகிறார்கள்! பயங்கரங்களால் அழிந்து நிர்மூலமாகிறார்கள்.	சங் 58:9 யோபு 20:5 ஏசா 30:13 அப் 2:23 1தெச 5:3 வெளிப் 18:10
20	நித்திரை தெளிந்தவுடனே சொப்பனம் ஒழிவதுபோல், ஆண்டவரே, நீர்விழிக்கும்போது, அவர்கள் வேஷத்தை இகழுவீர்.	சங் 90:5 யோபு 20:8 ஏசா 29:7 ஏசா 29:8
21	இப்படியாக என் மனம் கசந்தது, என் உள்ளிந்திரியங்களிலே குத்துண்டேன்.	சங் 73:3 சங் 37:1 சங் 37:7
22	நான் காரியம் அறியாத மூடனானேன்; உமக்கு முன்பாக மிருகம் போலிருந்தேன்.	சங் 69:5 சங் 92:6 நீதி 30:2 பிரச 3:18
23	ஆனாலும் நான் எப்பொழுதும் உம்மோடிருக்கிறேன்; என் வலதுகையைப் பிடித்துத் தாங்குகிறீர்.	சங் 16:8 சங் 23:4 சங் 139:1-12 சங் 139:18-12 ஆதி 17:1 மத் 1:23 மத் 28:20 எபிரெ 13:5
24	உம்முடைய ஆலோசனையின்படி நீர் என்னை நடத்தி, முடிவிலே என்னை மகிமையில் ஏற்றுக்கொள்வீர்.	சங் 16:7 சங் 25:9 சங் 32:8 சங் 48:14 சங் 143:8-10 நீதி 3:5 நீதி 3:6 நீதி 8:20 ஏசா 30:21 ஏசா 48:17 ஏசா 58:8 ஏசா 58:11 லூக் 11:13 யோவா 16:13 யாக் 1:5
25	பரலோகத்தில் உம்மையல்லாமல் எனக்கு யார் உண்டு? பூலோகத்தில் உம்மைத் தவிர எனக்கு வேறே விருப்பமில்லை.	சங் 16:5 சங் 16:11 சங் 17:15 சங் 37:4 சங் 43:4 சங் 63:3 சங் 89:6 மத் 5:8 பிலிப் 3:8 1யோவா 3:2 வெளிப் 21:3 வெளிப் 21:22 வெளிப் 21:23
26	என் மாம்சமும் என் இருதயமும் மாண்டுபோகிறது; தேவன் என்றென்றைக்கும் என் இருதயத்தின் கன்மலையும் என் பங்குமாயிருக்கிறார்.	சங் 63:1 சங் 84:2 சங் 119:81 சங் 119:82 யோபு 13:15 2கொரி 4:8-10 2கொரி 4:16-18 பிலிப் 1:21 2தீமோ 4:6-8 2பேது 1:14
27	இதோ, உம்மைவிட்டுத் தூரமாய்ப்போகிறவர்கள் நாசமடைவார்கள்; உம்மைவிட்டுச் சோரம்போகிற அனைவரையும் சங்கரிப்பீர்.	சங் 119:155 யோபு 21:14 யோபு 21:15 ஏசா 29:13 எரே 12:2 மத் 15:7 மத் 15:8 எபே 2:13 எபே 2:17
28	எனக்கோ, தேவனை அண்டிக்கொண்டிருப்பதே நலம்; நான் உமது கிரியைகளையெல்லாம் சொல்லிவரும்படி கர்த்தராகிய ஆண்டவர்மேல் என் நம்பிக்கையை வைத்திருக்கிறேன்.	சங் 65:4 சங் 84:10 சங் 116:7 புலம் 3:25 புலம் 3:26 லூக் 15:17-20 எபிரெ 10:19-22 யாக் 4:8 1பேது 3:18