1	தேவன் எழுந்தருளுவார், அவருடைய சத்துருக்கள் சிதறுண்டு, அவரைப் பகைக்கிறவர்கள் அவருக்கு முன்பாக ஓடிப்போவார்கள்.	சங் 7:6 சங் 7:7 சங் 44:26 சங் 78:65-68 சங் 132:8 சங் 132:9 எண் 10:35 2நாளா 6:41 ஏசா 33:3 ஏசா 42:13 ஏசா 42:14 ஏசா 51:9 ஏசா 51:10
2	புகை பறக்கடிக்கப்படுவதுபோல அவர்களைப் பறக்கடிப்பீர்; மெழுகு அக்கினிக்குமுன் உருகுவதுபோல துன்மார்க்கர் தேவனுக்குமுன் அழிவார்கள்.	சங் 37:20 ஏசா 9:18 ஓசி 13:3
3	நீதிமான்களோ தேவனுக்குமுன்பாக மகிழ்ந்து களிகூர்ந்து, ஆனந்த சந்தோஷமடைவார்கள்.	சங் 32:11 சங் 33:1 சங் 58:10 சங் 64:10 சங் 97:12 வெளிப் 18:20 வெளிப் 19:7
4	தேவனைப் பாடி, அவருடைய நாமத்தைக் கீர்த்தனம்பண்ணுங்கள்; வனாந்தரங்களில் ஏறிவருகிறவருக்கு வழியை ஆயத்தப்படுத்துங்கள்; அவருடைய நாமம் யேகோவா, அவருக்கு முன்பாகக் களிகூருங்கள்.	சங் 66:4 சங் 67:4 ஏசா 12:4-6
5	தம்முடைய பரிசுத்த வாசஸ்தலத்திலிருக்கிற தேவன், திக்கற்ற பிள்ளைகளுக்குத் தகப்பனும், விதவைகளுக்கு நியாயம் விசாரிக்கிறவருமாயிருக்கிறார்.	சங் 10:14 சங் 10:18 சங் 82:3 சங் 82:4 சங் 146:9 யோபு 31:16 யோபு 31:17 எரே 49:11 ஓசி 14:3
6	தேவன் தனிமையானவர்களுக்கு வீடுவாசல் ஏற்படுத்தி, கட்டுண்டவர்களை விடுதலையாக்குகிறார்; துரோகிகளோ வறண்ட பூமியில் தங்குவார்கள்.	சங் 107:10 சங் 107:41 சங் 113:9 1சாமு 2:5 கலா 4:27
7	தேவனே, நீர் உம்முடைய ஜனங்களுக்கு முன்னே சென்று, அவாந்தரவெளியிலே நடந்து வருகையில். (சேலா)	சங் 114:1-8 யாத் 13:21 உபா 4:34 நியா 4:14 ஆபகூ 3:13
8	பூமி அதிர்ந்தது; தேவனாகிய உமக்கு முன்பாக வானமும் பொழிந்தது; இஸ்ரவேலின் தேவனாயிருக்கிற தேவனுக்கு முன்பாகவே இந்தச் சீனாய்மலையும் அசைந்தது.	சங் 77:18 சங் 114:7 ஏசா 64:1 ஏசா 64:3 ஆபகூ 3:13 எபிரெ 12:26 வெளிப் 11:19
9	தேவனே, சம்பூரண மழையைப் பெய்யப்பண்ணினீர்; இளைத்துப்போன உமது சுதந்தரத்தைத் திடப்படுத்தினீர்.	சங் 65:9-13 சங் 77:16 சங் 77:17 சங் 78:24-27 உபா 11:10-12 உபா 11:14-12 எசே 34:26
10	உம்முடைய மந்தை அதிலே தங்கியிருந்தது; தேவனே, உம்முடைய தயையினாலே ஏழைகளைப் பராமரிக்கிறீர்.	சங் 74:1 சங் 74:2 சங் 74:19 யாத் 19:5 யாத் 19:6 எண் 16:3 1பேது 5:3
11	ஆண்டவர் வசனம் தந்தார்; அதைப் பிரசித்தப்படுத்துகிறவர்களின் கூட்டம் மிகுதி.	சங் 40:3 யாத் 14:15 யாத் 17:9-16 நியா 4:6-24 எபே 4:11
12	சேனைகளின் ராஜாக்கள் தத்தளித்து ஓடினார்கள்; வீட்டிலிருந்த ஸ்திரீயானவள் கொள்ளைப்பொருளைப் பங்கிட்டாள்.	யாத் 14:25 எண் 31:8 எண் 31:9 எண் 31:54 யோசு 10:16 யோசு 10:42 யோசு 12:7 யோசு 12:8-24 நியா 5:19 வெளிப் 6:15 வெளிப் 19:17-20
13	நீங்கள் அடுப்பினடியில் கிடந்தவர்களாயிருந்தாலும், வெள்ளியால் அலங்கரிக்கப்பட்ட புறாச்சிறகுகள் போலவும், பசும்பொன் நிறமாகிய அதின் இறகுகளின் சாயலாகவும் இருப்பீர்கள்.	சங் 81:6 யாத் 1:14 1கொரி 6:9-11 1கொரி 12:2 எபே 2:1-3 தீத் 3:3
14	சர்வவல்லவர் அதில் ராஜாக்களைச் சிதறடித்தபோது, அது சல்மோன் மலையின் உறைந்த மழைபோல் வெண்மையாயிற்று.	எண் 21:3 எண் 21:21-35 யோசு 10:10-43 யோசு 12:1-24 வெளிப் 19:14-21
15	தேவபர்வதம் பாசான் பர்வதம் போலிருக்கிறது; பாசான் பர்வதம் உயர்ந்த சிகரங்களுள்ளது.	சங் 2:6 சங் 78:68 சங் 78:69 சங் 87:1 சங் 87:2 ஏசா 2:2 ஏசா 2:3
16	உயர்ந்த சிகரமுள்ள பர்வதங்களே, ஏன் துள்ளுகிறீர்கள்; இந்தப் பர்வதத்தில் வாசமாயிருக்க தேவன் விரும்பினார்; ஆம், கர்த்தர் இதிலே என்றென்றைக்கும் வாசமாயிருப்பார்.	சங் 114:4 சங் 114:6 ஏசா 2:2
17	தேவனுடைய இரதங்கள் பதினாயிரங்களும், ஆயிரமாயிரங்களுமாயிருக்கிறது; ஆண்டவர் பரிசுத்த ஸ்தலமான சீனாயிலிருந்த வண்ணமாய் அவைகளுக்குள் இருக்கிறார்.	சங் 18:10 உபா 33:2 2இரா 2:11 2இரா 6:16 2இரா 6:17 எசே 1:15-28 தானி 7:10 மத் 26:53 வெளிப் 5:11 வெளிப் 9:16
18	தேவரீர் உன்னதத்திற்கு ஏறி, சிறைப்பட்டவர்களைச் சிறையாக்கிக் கொண்டுபோனீர்; தேவனாகிய கர்த்தர் மனுஷருக்குள் வாசம்பண்ணும்பொருட்டு, துரோகிகளாகிய மனுஷர்களுக்காகவும் வரங்களைப் பெற்றுக்கொண்டீர்.	சங் 24:3 சங் 24:7-10 சங் 47:5 சங் 110:1 மாற் 16:9 லூக் 24:51 அப் 1:2-9 எபே 4:8-10 எபிரெ 4:14 எபிரெ 6:20 எபிரெ 8:1 1பேது 3:22
19	எந்நாளும் ஆண்டவருக்கு ஸ்தோத்திரமுண்டாவதாக; நம்மேல் பாரஞ்சுமத்தினாலும் நம்மை இரட்சிக்கிற தேவன் அவரே. (சேலா)	சங் 72:17-19 சங் 103:1-22 எபே 1:3
20	நம்முடைய தேவன் இரட்சிப்பை அருளும் தேவனாயிருக்கிறார்; ஆண்டவராகிய கர்த்தரால் மரணத்திற்கு நீங்கும் வழிகளுண்டு.	ஏசா 12:2 ஏசா 45:17-22 ஓசி 1:7 யோவா 4:22
21	மெய்யாகவே தேவன் தம்முடைய சத்துருக்களின் சிரசையும், தன் அக்கிரமங்களில் துணிந்து நடக்கிறவனுடைய மயிருள்ள உச்சந்தலையையும் உடைப்பார்.	சங் 110:6 ஆபகூ 3:13 மாற் 12:4
22	உன் கால்கள் சத்துருக்களின் இரத்தத்தில் பதியும்படியாகவும், உன் நாய்களின் நாவு அதை நக்கும்படியாகவும்,	எண் 21:33 ஏசா 11:11-16 ஏசா 49:22
23	என்னுடைய ஜனத்தைப் பாசானிலிருந்து திரும்ப அழைத்து வருவேன்; அதைச் சமுத்திர ஆழங்களிலிருந்தும் திரும்ப அழைத்து வருவேன் என்று ஆண்டவர் சொன்னார்.	சங் 58:10
24	தேவனே, உம்முடைய நடைகளைக் கண்டார்கள்; என் தேவனும் என் ராஜாவும் பரிசுத்த ஸ்தலத்திலே நடந்து வருகிற நடைகளையே கண்டார்கள்.	சங் 24:7-10 சங் 47:5-7 2சாமு 6:12-17 1நாளா 13:8 1நாளா 15:16-24
25	முன்னாகப் பாடுகிறவர்களும், பின்னாக வீணைகளை வாசிக்கிறவர்களும், சுற்றிலும் தம்புரு வாசிக்கிற கன்னிகைகளும் நடந்தார்கள்.	சங் 87:7 சங் 150:3-5 வெளிப் 14:2 வெளிப் 14:3 வெளிப் 15:2 வெளிப் 15:3
26	இஸ்ரவேலின் ஊற்றிலிருந்து தோன்றினவர்களே, சபைகளின் நடுவே ஆண்டவராகிய தேவனை ஸ்தோத்திரியுங்கள்.	சங் 107:32 சங் 111:1 சங் 135:19-21 1நாளா 16:7 1நாளா 16:8-36
27	அங்கே அவர்களை ஆளுகிற சின்ன பென்யமீனும், யூதாவின் பிரபுக்களும், அவர்கள் கூட்டமும், செபுலோனின் பிரபுக்களும், நப்தலியின் பிரபுக்களும் உண்டு.	ஆதி 42:32 நியா 20:35 நியா 21:6-25 1சாமு 9:21 1நாளா 12:16 1நாளா 12:29 1நாளா 15:3 1நாளா 27:12
28	உன் தேவன் உனக்குப் பலத்தைக் கட்டளையிட்டார்; தேவனே, நீர் எங்கள் நிமித்தம் உண்டு பண்ணினதைத் திடப்படுத்தும்.	சங் 42:8 சங் 44:4 சங் 71:3 ஏசா 40:31 யோவா 5:8 யோவா 5:9 அப் 3:6-8 2கொரி 12:9 2கொரி 12:10
29	எருசலேமிலுள்ள உம்முடைய ஆலயத்தினிமித்தம், ராஜாக்கள் உமக்குக் காணிக்கைகளைக் கொண்டு வருவார்கள்.	1நாளா 17:4-12 1நாளா 22:7-11 1நாளா 28:10-21 1நாளா 29:3 2நாளா 2:5 2நாளா 2:6 2நாளா 6:8 2நாளா 6:9
30	நாணலிலுள்ள மிருககூட்டத்தையும், ஜனங்களாகிய கன்றுகளோடுகூட ரிஷப கூட்டத்தையும் அதட்டும்; ஒவ்வொருவனும் வெள்ளிப்பணங்களைக் கொண்டுவந்து பணிந்துகொள்ளுவான்; யுத்தங்களில் பிரியப்படுகிற ஜனங்களைச் சிதறடிப்பார்.	2சாமு 8:1-18 2சாமு 10:1-19 2நாளா 14:1-15 2நாளா 20:1-37 ஏசா 37:1-38
31	பிரபுக்கள் எகிப்திலிருந்து வருவார்கள்; எத்தியோப்பியா தேவனை நோக்கி கையெடுக்கத் தீவிரிக்கும்.	சங் 72:8-11 ஏசா 19:18-25 ஏசா 45:14 ஏசா 60:6 ஏசா 60:7 ஏசா 66:19
32	பூமியின் ராஜ்யங்களே, தேவனைப் பாடி, ஆண்டவரைக் கீர்த்தனம்பண்ணுங்கள். (சேலா)	சங் 67:2-5 சங் 100:1 சங் 117:1 சங் 117:2 உபா 32:43 ரோம 15:10 ரோம 15:11 வெளிப் 15:4
33	ஆதிமுதலாயிருக்கிற வானாதி வானங்களின்மேல் எழுந்தருளியிருக்கிறவரைப் பாடுங்கள்; இதோ, தமது சத்தத்தைப் பலத்த சத்தமாய் முழங்கப்பண்ணுகிறார்.	சங் 68:4 சங் 18:10 சங் 104:3
34	தேவனுடைய வல்லமையைப் பிரசித்தப்படுத்துங்கள்; அவருடைய மகிமை இஸ்ரவேலின்மேலும், அவருடைய வல்லமை மேகமண்டலங்களிலும் உள்ளது.	சங் 29:1 சங் 29:2 சங் 96:6-8 1நாளா 16:28 1நாளா 16:29 வெளிப் 19:6
35	தேவனே, உமது பரிசுத்த ஸ்தலங்களிலிருந்து பயங்கரமாய் விளங்குகிறீர்; இஸ்ரவேலின் தேவன் தம்முடைய ஜனங்களுக்குப் பெலனையும் சத்துவத்தையும் அருளுகிறவர்; தேவனுக்கு ஸ்தோத்திரமுண்டாவதாக.	சங் 45:4 சங் 65:5 சங் 66:5 சங் 76:12 யாத் 15:1 நெகே 1:5 எபிரெ 12:24-29 வெளிப் 6:16 வெளிப் 6:17