1	தேவனே, சீயோனில் உமக்காகத் துதியானது அமைந்து காத்திருக்கிறது; பொருத்தனை உமக்குச் செலுத்தப்படும்.	சங் 21:13 சங் 115:1 சங் 115:2
2	ஜெபத்தைக் கேட்கிறவரே, மாம்சமான யாவரும் உம்மிடத்தில் வருவார்கள்.	சங் 66:19 சங் 102:17 சங் 145:18 சங் 145:19 1இரா 18:29 1இரா 18:37 2நாளா 33:13 ஏசா 65:24 எரே 29:12 எரே 29:13 தானி 9:17-19 லூக் 11:9 லூக் 11:10 அப் 10:31 1யோவா 5:14 1யோவா 5:15
3	அக்கிரம விஷயங்கள் என்மேல் மிஞ்சி வல்லமைகொண்டது; தேவரீரோ எங்கள் மீறுதல்களை நிவிர்த்தியாக்குகிறீர்.	சங் 38:4 சங் 40:12 2சாமு 12:7-13 மீகா 7:8 மீகா 7:9 ரோம 7:23-25 கலா 5:17
4	உம்முடைய பிராகாரங்களில் வாசமாயிருக்கும்படி நீர் தெரிந்துகொண்டு சேர்த்துக்கொள்ளுகிறவன் பாக்கியவான்; உம்முடைய பரிசுத்த ஆலயமாகிய உமது வீட்டின் நன்மையால் திருப்தியாவோம்.	சங் 33:12 சங் 84:4
5	பூமியின் கடையாந்தரங்களிலும் தூரமான சமுத்திரங்களிலுமுள்ளவர்கள் எல்லாரும் நம்பும் நம்பிக்கையாயிருக்கிற எங்கள் இரட்சிப்பின் தேவனே, நீர் பயங்கரமான காரியங்களைச் செய்கிறதினால் எங்களுக்கு நீதியுள்ள உத்தரவு அருளுகிறீர்.	சங் 45:4 சங் 47:2 சங் 47:3 சங் 66:3 சங் 76:3-9 உபா 4:34 உபா 10:21 ஏசா 37:36
6	வல்லமையை இடைகட்டிக்கொண்டு, உம்முடைய பலத்தினால் பர்வதங்களை உறுதிப்படுத்தி,	சங் 24:2 சங் 119:90 மீகா 6:2 ஆபகூ 3:6
7	சமுத்திரங்களின் மும்முரத்தையும் அவைகளுடைய அலைகளின் இரைச்சலையும், ஜனங்களின் அமளியையும் அமர்த்துகிறீர்.	சங் 89:9 சங் 107:29 யோனா 1:4 யோனா 1:15 மத் 8:26 மத் 8:27
8	கடையாந்தர இடங்களில் குடியிருக்கிறவர்களும் உம்முடைய அடையாளங்களினிமித்தம் பயப்படுகிறார்கள்; காலையையும் மாலையையும் களிகூரப்பண்ணுகிறீர்.	சங் 2:8
9	தேவரீர் பூமியை விசாரித்து அதற்கு நீர்ப்பாய்ச்சுகிறீர்; தண்ணீர் நிறைந்த தேவநதியினால் அதை மிகவும் செழிப்பாக்குகிறீர்; இப்படி நீர் அதைத் திருத்தி, அவர்களுக்குத் தானியத்தை விளைவிக்கிறீர்.	சங் 104:13 சங் 104:14 உபா 11:11 உபா 11:12 ரூத் 1:6 யோபு 37:6-13 எரே 14:22 அப் 14:17
10	அதின் வரப்புகள் தணியத்தக்கதாய் அதின் படைச்சால்களுக்குத் தண்ணீர் இறைத்து, அதை மழைகளால் கரையப்பண்ணி, அதின் பயிரை ஆசீர்வதிக்கிறீர்.	சங் 147:8 1கொரி 3:6 1கொரி 3:7
11	வருஷத்தை உம்முடைய நன்மையால் முடிசூட்டுகிறீர்; உமது பாதைகள் நெய்யாய்ப் பொழிகிறது.	சங் 5:12 சங் 103:4 நீதி 14:18 எபிரெ 2:7-9
12	வனாந்தர தாபரங்களிலும் பொழிகிறது; மேடுகள் சுற்றிலும் பூரிப்பாயிருக்கிறது.	சங் 104:10-13 யோபு 38:26 யோபு 38:27
13	மேய்ச்சலுள்ள வெளிகளில் ஆடுகள் நிறைந்திருக்கிறது; பள்ளத்தாக்குகள் தானியத்தால் மூடியிருக்கிறது; அவைகள் கெம்பீரித்துப் பாடுகிறது.	சங் 104:24-28 சகரி 9:17 அப் 14:17