1	என் தேவனே, என் சத்துருக்களுக்கு என்னைத் தப்புவியும்; என்மேல் எழும்புகிறவர்களுக்கு என்னை விலக்கி உயர்ந்த அடைக்கலத்திலே வையும்.	சங் 57:1 சங் 58:1
2	அக்கிரமக்காரருக்கு என்னைத் தப்புவித்து, இரத்தப்பிரியரான மனுஷருக்கு என்னை விலக்கி இரட்சியும்.	சங் 26:9 சங் 27:2 சங் 55:23 சங் 139:19
3	இதோ, என் பிராணனுக்குப் பதிவிருக்கிறார்கள்; கர்த்தாவே, என்னிடத்தில் மீறுதலும் பாவமும் இல்லாதிருந்தும், பலவான்கள் எனக்கு விரோதமாய்க் கூட்டங்கூடுகிறார்கள்.	சங் 10:9 சங் 10:10 சங் 37:32 சங் 37:33 சங் 38:12 சங் 56:6 1சாமு 19:1 நீதி 12:6 மீகா 7:2 அப் 23:21
4	என்னிடத்தில் அக்கிரமம் இல்லாதிருந்தும், ஓடித்திரிந்து யுத்தத்துக்கு ஆயத்தமாகிறார்கள்; எனக்குத் துணைசெய்ய விழித்து என்னை நோக்கிப்பாரும்.	1சாமு 19:12-24 நீதி 1:16 ஏசா 59:7 அப் 23:15 ரோம 3:15
5	சேனைகளின் தேவனாகிய கர்த்தாவே, இஸ்ரவேலின் தேவனே, நீர் சகல ஜாதிகளையும் விசாரிக்க விழித்தெழும்பும்; வஞ்சகமாய்த் துரோகஞ்செய்கிற ஒருவருக்கும் தயை செய்யாதேயும். (சேலா)	ஆதி 33:20 யாத் 3:15
6	அவர்கள் சாயங்காலத்தில் திரும்பிவந்து, நாய்களைப்போல ஊளையிட்டு, ஊரைச்சுற்றித் திரிகிறார்கள்.	சங் 59:14 1சாமு 19:11
7	இதோ, தங்கள் வார்த்தைகளைக் கக்குகிறார்கள்; அவர்கள் உதடுகளில் பட்டயங்கள் இருக்கிறது, கேட்கிறவன் யார் என்கிறார்கள்.	நீதி 15:2 மத் 12:34
8	ஆனாலும் கர்த்தாவே, நீர் அவர்களைப்பார்த்து நகைப்பீர்; புறஜாதிகள் யாவரையும் இகழுவீர்.	சங் 2:4 சங் 37:13 1சாமு 19:15 1சாமு 19:16 நீதி 1:26
9	அவன் வல்லமையை நான் கண்டு, உமக்குக் காத்திருப்பேன்; தேவனே எனக்கு உயர்ந்த அடைக்கலம்.	சங் 18:1 சங் 18:1 சங் 18:2 சங் 27:1 சங் 27:14 சங் 46:1 சங் 62:5 சங் 62:6 சங் 62:11 ஏசா 12:2 ஏசா 26:3 ஏசா 26:4 ஏசா 40:31 மத் 6:13
10	என் தேவன் தம்முடைய கிருபையினால் என்னைச் சந்திப்பார்; தேவன் என் சத்துருக்களுக்கு வரும் நீதிசரிக்கட்டுதலை நான் காணும்படி செய்வார்.	சங் 59:17 2கொரி 1:3 எபே 2:4 எபே 2:5 1பேது 5:10
11	அவர்களைக் கொன்றுபோடாதேயும், என் ஜனங்கள் மறந்துபோவார்களே; எங்கள் கேடகமாகிய ஆண்டவரே, உமது வல்லமையினால் அவர்களைச் சிதறடித்து, அவர்களைத் தாழ்த்திப்போடும்.	ஆதி 4:12-15 நியா 1:6 நியா 1:7 பிரச 9:5 எசே 12:15 எசே 12:16 எசே 14:22 எசே 14:23 வெளிப் 9:6
12	அவர்கள் உதடுகளின் பேச்சு அவர்கள் வாயின் பாவமாயிருக்கிறது; அவர்கள் இட்ட சாபமும் சொல்லிய பொய்யும் ஆகிய இவைகளினிமித்தம் தங்கள் பெருமையில் அகப்படுவார்களாக.	சங் 64:7 சங் 64:8 சங் 79:12 சங் 120:3 சங் 120:4 சங் 140:9 சங் 140:10 நீதி 12:13 நீதி 18:7 மத் 12:36 மத் 12:37 மத் 27:25 மத் 27:63
13	தேவன் பூமியின் எல்லைவரைக்கும் யாக்கோபிலே அரசாளுகிறவர் என்று அவர்கள் அறியும்பொருட்டு, அவர்களை உம்முடைய உக்கிரத்திலே நிர்மூலமாக்கும்; இனி இராதபடிக்கு அவர்களை நிர்மூலமாக்கும். (சேலா)	சங் 59:11 சங் 7:9 எண் 14:34 எண் 14:35 எண் 32:13 உபா 2:14-16 உபா 7:22 உபா 7:23
14	அவர்கள் சாயங்காலத்தில் திரும்பிவந்து, நாய்களைப்போல ஊளையிட்டு, ஊரைச்சுற்றித் திரிகிறார்கள்.	சங் 59:6 சங் 22:16
15	அவர்கள் உணவுக்காக அலைந்து திரிந்து திருப்தியடையாமல், முறுமுறுத்துக்கொண்டிருப்பார்கள்.	சங் 109:10 யோபு 15:23 யோபு 30:1-7 ஏசா 8:21
16	நானோ உம்முடைய வல்லமையைப் பாடி, காலையிலே உம்முடைய கிருபையை மகிழ்ச்சியோடு புகழுவேன்; எனக்கு நெருக்கமுண்டான நாளிலே நீர் எனக்குத் தஞ்சமும் உயர்ந்த அடைக்கலமுமானீர்.	சங் 59:9 சங் 59:10 சங் 21:13 சங் 106:8 சங் 145:11 யாத் 15:6 யோபு 37:23
17	என் பெலனே, உம்மைக் கீர்த்தனம்பண்ணுவேன்; தேவன் எனக்கு உயர்ந்த அடைக்கலமும், கிருபையுள்ள என் தேவனுமாயிருக்கிறார்.	சங் 18:1 சங் 46:1