1	என் கைகளைப் போருக்கும் என் விரல்களை யுத்தத்திற்கும் படிப்பிக்கிற என் கன்மலையாகிய கர்த்தருக்கு ஸ்தோத்திரம்.	சங் 18:2 சங் 18:31 சங் 71:3 சங் 95:1 உபா 32:30 உபா 32:31 ஏசா 26:4 ஏசா 45:24
2	அவர் என் தயாபரரும், என் கோட்டையும், என் உயர்ந்த அடைக்கலமும், என்னை விடுவிக்கிறவரும், என் கேடகமும், நான் நம்பினவரும், என் ஜனங்களை எனக்குக் கீழ்ப்படுத்துகிறவருமாயிருக்கிறார்.	2சாமு 22:2 2சாமு 22:3 2சாமு 22:40-48 எரே 16:19
3	கர்த்தாவே, மனுஷனை நீர் கவனிக்கிறதற்கும், மனுபுத்திரனை நீர் எண்ணுகிறதற்கும், அவன் எம்மாத்திரம்?	சங் 8:4 யோபு 7:17 யோபு 15:14 எபிரெ 2:6
4	மனுஷன் மாயைக்கு ஒப்பாயிருக்கிறான்; அவன் நாட்கள் கடந்துபோகிற நிழலுக்குச் சமானம்.	சங் 39:5 சங் 39:6 சங் 62:9 சங் 89:47 யோபு 4:19 யோபு 14:1-3 பிரச 1:2 பிரச 1:14 பிரச 12:8
5	கர்த்தாவே, நீர் உமது வானங்களைத் தாழ்த்தி இறங்கி, பர்வதங்கள் புகையும்படி அவைகளைத் தொடும்.	சங் 18:9 ஏசா 64:1 ஏசா 64:2
6	மின்னல்களை வரவிட்டுச் சத்துருக்களைச் சிதறடியும், உமது அம்புகளை எய்து அவர்களைக் கலங்கடியும்.	சங் 18:13 சங் 18:14 சங் 77:17 சங் 77:18 2சாமு 22:12-15
7	உயரத்திலிருந்து உமது கரத்தை நீட்டி, ஜலப்பிரவாகத்துக்கு என்னை விலக்கி இரட்சியும்.	சங் 18:16 2சாமு 22:17 மத் 27:43
8	மாயையைப் பேசும் வாயும், கள்ளத்தனமான வலதுகையும் உடைய அந்நிய புத்திரரின் கைக்கு என்னை விலக்கித் தப்புவியும்.	சங் 10:7 சங் 12:2 சங் 41:6 சங் 58:3 சங் 62:4 சங் 109:2 சங் 109:3 ஏசா 59:5-7
9	கர்த்தாவே, நான் உமக்குப் புதுப்பாட்டைப் பாடுவேன்; தம்புரினாலும் பத்து நரம்பு வீணையினாலும் உம்மைக் கீர்த்தனம்பண்ணுவேன்.	சங் 33:2 சங் 33:3 சங் 40:3 சங் 98:1 சங் 149:1 வெளிப் 5:9 வெளிப் 5:10 வெளிப் 14:3
10	நீரே ராஜாக்களுக்கு ஜெயத்தைத் தந்து, உமதடியானாகிய தாவீதைப் பொல்லாத பட்டயத்திற்குத் தப்புவிக்கிறவர்.	சங் 18:50 சங் 33:16-18 2சாமு 5:19-25 2சாமு 8:6-14 2இரா 5:1
11	மாயையைப் பேசும் வாயும், கள்ளத்தனமான வலதுகையும் உடைய அந்நிய புத்திரரின் கைக்கு என்னை விலக்கித் தப்புவியும்.	சங் 144:7 சங் 144:8 2சாமு 10:6-19 2சாமு 16:5-14 2சாமு 17:1-14
12	அப்பொழுது எங்கள் குமாரர் இளமையில் ஓங்கி வளருகிற விருட்சக்கன்றுகளைப்போலவும், எங்கள் குமாரத்திகள் சித்திரந்தீர்ந்த அரமனை மூலைக்கற்களைப்போலவும் இருப்பார்கள்.	சங் 115:14 சங் 115:15 சங் 127:4 சங் 127:5 சங் 128:3 ஏசா 44:3-5 புலம் 4:2
13	எங்கள் களஞ்சியங்கள் சகலவித வஸ்துக்களையும் கொடுக்கத்தக்கதாய் நிரம்பியிருக்கும்; எங்கள் கிராமங்களில் எங்கள் ஆடுகள் ஆயிரம் பதினாயிரமாய்ப் பலுகும்.	சங் 107:37 சங் 107:38 லேவி 26:5 லேவி 26:10 உபா 28:8 மல்கி 3:10 லூக் 12:16-20
14	எங்கள் எருதுகள் பலத்தவைகளாயிருக்கும்; சத்துரு உட்புகுதலும் குடியோடிப்போகுதலும் இராது; எங்கள் வீதிகளில் கூக்குரலும் உண்டாகாது.	உபா 28:7 உபா 28:25 நியா 5:8 நியா 6:3 நியா 6:6 1சாமு 13:17-23 1சாமு 31:7 எரே 13:17-19 எரே 14:18 புலம் 1:4-6 சகரி 8:3-5
15	இவ்விதமான சீரைப்பெற்ற ஜனம் பாக்கியமுள்ளது; கர்த்தரை தெய்வமாகக் கொண்டிருக்கிற ஜனம் பாக்கியமுள்ளது.	சங் 33:12 சங் 65:4 சங் 89:15 சங் 146:5 உபா 33:29 எபே 1:3