1	கர்த்தாவே, நீர் என்னை ஆராய்ந்து, அறிந்திருக்கிறீர்.	சங் 139:23 சங் 11:4 சங் 11:5 சங் 17:3 சங் 44:21 1இரா 8:39 1நாளா 28:9 எரே 12:3 எரே 17:9 எரே 17:10 யோவா 21:17 எபிரெ 4:13 வெளிப் 2:18 வெளிப் 2:23
2	என் உட்காருதலையும் என் எழுந்திருக்குதலையும் நீர் அறிந்திருக்கிறீர்; என் நினைவுகளைத் தூரத்திலிருந்து அறிகிறீர்.	சங் 56:8 ஆதி 16:13 2இரா 6:12 2இரா 19:27 நீதி 15:3 ஏசா 37:28 சகரி 4:10
3	நான் நடந்தாலும் படுத்திருந்தாலும் என்னைச் சூழ்ந்திருக்கிறீர்; என் வழிகளெல்லாம் உமக்குத் தெரியும்.	யோபு 13:26 யோபு 13:27 யோபு 14:16 யோபு 14:17 யோபு 31:4 மத் 3:12
4	என் நாவில் சொல் பிறவாததற்கு முன்னே, இதோ, கர்த்தாவே, அதையெல்லாம் நீர் அறிந்திருக்கிறீர்.	சங் 19:14 யோபு 8:2 யோபு 38:2 யோபு 42:3 யோபு 42:6-8 செப் 1:12 மல்கி 3:13-16 மத் 12:35-37 யாக் 1:26 யாக் 3:2-10
5	முற்புறத்திலும் பிற்புறத்திலும் நீர் என்னை நெருக்கி, உமது கரத்தை என்மேல் வைக்கிறீர்.	உபா 33:27 யோபு 23:8 யோபு 23:9
6	இந்த அறிவு எனக்கு மிகுந்த ஆச்சரியமும், எனக்கு எட்டாத உயரமுமாயிருக்கிறது.	சங் 40:5 சங் 13:1 யோபு 11:7-9 யோபு 26:14 யோபு 42:3 நீதி 30:2-4 ரோம 11:33
7	உம்முடைய ஆவிக்கு மறைவாக எங்கே போவேன்? உம்முடைய சமுகத்தைவிட்டு எங்கே ஓடுவேன்?	எரே 23:23 எரே 23:24 யோனா 1:3 யோனா 1:10 அப் 5:9
8	நான் வானத்திற்கு ஏறினாலும், நீர் அங்கே இருக்கிறீர்; நான் பாதாளத்தில் படுக்கை போட்டாலும், நீர் அங்கேயும் இருக்கிறீர்.	எசே 28:12-17 ஆமோ 9:2-4 ஒபதி 1:4
9	நான் விடியற்காலத்துச் செட்டைகளை எடுத்து, சமுத்திரத்தின் கடையாந்தரங்களிலே போய்த் தங்கினாலும்,	சங் 18:10 சங் 19:6 மல்கி 4:2
10	அங்கேயும் உமது கை என்னை நடத்தும், உமது வலதுகரம் என்னைப் பிடிக்கும்.	சங் 63:8 சங் 73:23 சங் 143:9 சங் 143:10 ஏசா 41:13
11	இருள் என்னை மூடிக்கொள்ளுமென்றாலும், இரவும் என்னைச் சுற்றி வெளிச்சமாயிருக்கும்.	சங் 10:11-13 சங் 94:7 யோபு 22:12-14 ஏசா 29:15 எரே 23:24
12	உமக்கு மறைவாக இருளும் அந்தகாரப்படுத்தாது; இரவும் பகலைப்போல வெளிச்சமாயிருக்கும்; உமக்கு இருளும் வெளிச்சமும் சரி.	யாத் 14:20 யாத் 20:21 யோபு 26:6 யோபு 34:22 தானி 2:22 எபிரெ 4:13
13	நீர் என் உள்ளிந்திரியங்களைக் கைக்கொண்டிருக்கிறீர்; என் தாயின் கர்ப்பத்தில் என்னைக் காப்பாற்றினீர்.	யோபு 10:9-12
14	நான் பிரமிக்கத்தக்க அதிசயமாய் உண்டாக்கப்பட்டபடியால், உம்மைத் துதிப்பேன்; உமது கிரியைகள் அதிசயமானவைகள்; அது என் ஆத்துமாவுக்கு நன்றாய்த் தெரியும்.	ஆதி 1:26 ஆதி 1:27
15	நான் ஒளிப்பிடத்திலே உண்டாக்கப்பட்டு, பூமியின் தாழ்விடங்களிலே விசித்திர விநோதமாய் உருவாக்கப்பட்டபோது, என் எலும்புகள் உமக்கு மறைவாயிருக்கவில்லை.	சங் 139:13 யோபு 10:9-11 யாத் 11:5
16	என் கருவை உம்முடைய கண்கள் கண்டது; என் அவயவங்களில் ஒன்றாகிலும் இல்லாதபோதே அவைகள் அனைத்தும், அவைகள் உருவேற்படும் நாட்களும், உமது புஸ்தகத்தில் எழுதியிருந்தது.	சங் 56:8 மல்கி 3:16 வெளிப் 20:12
17	தேவனே, உமது ஆலோசனைகள் எனக்கு எத்தனை அருமையானவைகள்; அவைகளின் தொகை எவ்வளவு அதிகம்.	சங் 40:5 நீதி 8:31 ஏசா 55:8 ஏசா 55:9 எரே 29:11 எபே 3:9 எபே 3:10
18	அவைகளை நான் எண்ணப்போனால், மணலைப்பார்க்கிலும் அதிகமாம்; நான் விழிக்கும்போது இன்னும் உம்மண்டையில் இருக்கிறேன்.	சங் 40:12
19	தேவனே, நீர் துன்மார்க்கனை அழித்தீரானால் நலமாயிருக்கும்; இரத்தப்பிரியரே, நீங்கள் என்னை விட்டு அகன்றுபோங்கள்.	சங் 5:6 சங் 9:17 சங் 55:23 சங் 64:7 சங் 94:23 ஏசா 11:4
20	அவர்கள் உம்மைக் குறித்துத் துன்மார்க்கமாய்ப் பேசுகிறார்கள்; உம்முடைய சத்துருக்கள் உமது நாமத்தை வீணாய் வழங்குகிறார்கள்.	சங் 73:8 சங் 73:9 சங் 74:18 சங் 74:22 சங் 74:23 யோபு 21:14 யோபு 21:15 ஏசா 37:23 ஏசா 37:28 ஏசா 37:29 யூதா 1:15 வெளிப் 13:6
21	கர்த்தாவே, உம்மைப் பகைக்கிறவர்களை நான் பகையாமலும், உமக்கு விரோதமாய் எழும்புகிறவர்களை அருவருக்காமலும் இருப்பேனோ?	சங் 15:4 சங் 31:6 2நாளா 19:2 வெளிப் 2:2 வெளிப் 2:6
22	முழுப்பகையாய் அவர்களைப் பகைக்கிறேன்; அவர்களை எனக்குப் பகைஞராக எண்ணுகிறேன்.	சங் 101:3-8 லூக் 14:26
23	தேவனே, என்னை ஆராய்ந்து, என் இருதயத்தை அறிந்துகொள்ளும்; என்னைச் சோதித்து, என் சிந்தனைகளை அறிந்துகொள்ளும்.	சங் 139:1 சங் 26:2
24	வேதனை உண்டாக்கும் வழி என்னிடத்தில் உண்டோ என்று பார்த்து, நித்திய வழியிலே என்னை நடத்தும்.	சங் 7:3 சங் 7:4 சங் 17:3 நீதி 28:26 எரே 17:9 எரே 17:10