1	அல்லேலூயா, கர்த்தருக்குப் பயந்து, அவருடைய கட்டளைகளில் மிகவும் பிரியமாயிருக்கிற மனுஷன் பாக்கியவான்.	சங் 111:1 சங் 147:1 சங் 148:11-14 சங் 150:1
2	அவன் சந்ததி பூமியில் பலத்திருக்கும், செம்மையானவர்களின் வம்சம் ஆசீர்வதிக்கப்படும்.	சங் 25:13 சங் 37:26 சங் 102:28 ஆதி 17:7 ஆதி 22:17 ஆதி 22:18 நீதி 20:7 எரே 32:39 அப் 2:39
3	ஆஸ்தியும் ஐசுவரியமும் அவன் வீட்டிலிருக்கும்; அவனுடைய நீதி என்றைக்கும் நிற்கும்.	நீதி 3:16 நீதி 15:6 ஏசா 33:6 மத் 6:33 2கொரி 6:10 பிலிப் 4:18 பிலிப் 4:19 1தீமோ 6:6-8
4	செம்மையானவர்களுக்கு இருளிலே வெளிச்சம் உதிக்கும்; அவன் இரக்கமும் மனவுருக்கமும் நீதியுமுள்ளவன்.	சங் 37:6 சங் 97:11 யோபு 11:17 ஏசா 50:10 ஏசா 58:10 மீகா 7:8 மீகா 7:9 மல்கி 4:2 யோவா 12:46
5	இரங்கிக் கடன்கொடுத்து, தன் காரியங்களை நியாயமானபடி நடப்பிக்கிற மனுஷன் பாக்கியவான்.	நீதி 2:20 நீதி 12:2 லூக் 23:50 அப் 11:24 ரோம 5:7
6	அவன் என்றென்றைக்கும் அசைக்கப்படாதிருப்பான்; நீதிமான் நித்திய கீர்த்தியுள்ளவன்.	சங் 15:5 சங் 62:2 சங் 62:6 சங் 125:1 2பேது 1:5-11
7	துர்ச்செய்தியைக் கேட்கிறதினால் பயப்படான்; அவன் இருதயம் கர்த்தரை நம்பித் திடனாயிருக்கும்.	சங் 27:1-3 சங் 34:4 சங் 56:3 சங் 56:4 நீதி 1:33 நீதி 3:25 நீதி 3:26 லூக் 21:9 லூக் 21:19
8	அவன் இருதயம் உறுதியாயிருக்கும்; அவன் தன் சத்துருக்களில் சரிக்கட்டுதலைக் காணுமட்டும் பயப்படாதிருப்பான்.	சங் 27:14 சங் 31:24 எபிரெ 13:9
9	வாரியிறைத்தான், ஏழைகளுக்குக் கொடுத்தான், அவனுடைய நீதி என்றென்றைக்கும் நிற்கும்; அவன் கொம்பு மகிமையாய் உயர்த்தப்படும்.	2கொரி 9:9
10	துன்மார்க்கன் அதைக் கண்டு மனமடிவாகி, தன் பற்களைக் கடித்துக் கரைந்துபோவான்; துன்மார்க்கருடைய ஆசை அழியும்.	எஸ்தர் 6:11 எஸ்தர் 6:12 ஏசா 65:13 ஏசா 65:14 லூக் 13:28 லூக் 16:23