1	அல்லேலூயா, கர்த்தரைத் துதியுங்கள்; அவர் நல்லவர், அவர் கிருபை என்றுமுள்ளது.	சங் 105:45
2	கர்த்தருடைய வல்லமையான செய்கைகளைச் சொல்லி, அவருடைய துதியையெல்லாம் பிரஸ்தாபப்படுத்தத்தக்கவன் யார்?	சங் 40:5 சங் 139:17 சங் 139:18 சங் 145:3-12 யோபு 5:9 யோபு 26:14 ரோம 11:33 எபே 1:19 எபே 3:18
3	நியாயத்தைக் கைக்கொள்ளுகிறவர்களும், எக்காலத்திலும் நீதியைச் செய்கிறவர்களும் பாக்கியவான்கள்.	சங் 1:1-3 சங் 84:11 சங் 84:12 சங் 119:1-3 மாற் 3:35 லூக் 6:47-49 லூக் 11:28 யோவா 13:17 யோவா 15:14 யாக் 1:25 வெளிப் 7:15 வெளிப் 22:14
4	கர்த்தாவே, நீர் தெரிந்துகொண்டவர்களின் நன்மையை நான் கண்டு, உம்முடைய ஜாதியின் மகிழ்ச்சியால் மகிழ்ந்து, உம்முடைய சுதந்தரத்தோடே மேன்மைபாராட்டும்படிக்கு,	சங் 25:7 சங் 119:132 நெகே 5:19 நெகே 13:14 நெகே 13:22 நெகே 13:31 லூக் 23:42
5	உம்முடைய ஜனங்களுக்கு நீர் பாராட்டும் கிருபையின்படி என்னை நினைத்து, உம்முடைய இரட்சிப்பினால் என்னைச் சந்தித்தருளும்.	சங் 105:6 சங் 105:43 உபா 7:6 யோவா 15:16 அப் 9:15 எபே 1:4 2தெச 2:13 யாக் 2:5 1பேது 2:9 வெளிப் 17:14
6	எங்கள் பிதாக்களோடுங்கூட நாங்களும் பாவஞ்செய்து, அக்கிரமம் நடப்பித்து, ஆகாமியம் பண்ணினோம்.	சங் 78:8 லேவி 26:40 எண் 32:14 1இரா 8:47 எஸ்றா 9:6 எஸ்றா 9:7 நெகே 9:16 நெகே 9:32-34 தானி 9:5-8 மத் 23:32 அப் 7:51 அப் 7:52
7	எங்கள் பிதாக்கள் எகிப்திலே உம்முடைய அதிசயங்களை உணராமலும், உம்முடைய கிருபைகளின் திரட்சியை நினையாமலும் போய், சிவந்த சமுத்திர ஓரத்திலே கலகம்பண்ணினார்கள்.	உபா 29:4 உபா 32:28 உபா 32:29 நீதி 1:22 ஏசா 44:18 மாற் 4:12 மாற் 8:17-21 2தெச 2:10-12
8	ஆனாலும் அவர் தமது வல்லமையை வெளிப்படுத்தும்படி, தம்முடைய நாமத்தினிமித்தம் அவர்களை இரட்சித்தார்.	சங் 143:11 எண் 14:13-16 உபா 32:26 உபா 32:27 யோசு 7:9 எரே 14:7 எரே 14:21 எசே 20:9 எசே 20:14 எசே 20:22 எசே 20:44 தானி 9:17-19
9	அவர் சிவந்த சமுத்திரத்தை அதட்டினார், அது வற்றிப்போயிற்று; வெட்டாந்தரையில் நடக்கிறதுபோல அவர்களை ஆழங்களில் நடந்துபோகப்பண்ணினார்.	சங் 18:15 சங் 66:6 சங் 78:13 சங் 78:52 சங் 78:53 சங் 114:3-7 சங் 136:13-16 யாத் 14:21 யாத் 14:22 யாத் 14:27-29 நெகே 9:11 ஏசா 11:14-16 நாகூ 1:4 மத் 8:26
10	பகைஞன் கைக்கு அவர்களை விலக்கி இரட்சித்து, சத்துருவின் கைக்கு அவர்களை விலக்கி மீட்டார்.	யாத் 14:30 யாத் 15:9 யாத் 15:10 உபா 11:4 நெகே 9:11
11	அவர்கள் சத்துருக்களைத் தண்ணீர்கள் மூடிக்கொண்டது; அவர்களில் ஒருவனும் மீந்திருக்கவில்லை.	சங் 78:53 யாத் 14:13 யாத் 14:27 யாத் 14:28 யாத் 15:5 யாத் 15:10 யாத் 15:19
12	அப்பொழுது அவர்கள் அவருடைய வார்த்தைகளை விசுவாசித்து, அவருடைய துதியைப் பாடினார்கள்.	யாத் 14:31 யாத் 15:1-21 லூக் 8:13 யோவா 8:30 யோவா 8:31
13	ஆனாலும் சீக்கிரமாய் அவருடைய கிரியைகளை மறந்தார்கள்; அவருடைய ஆலோசனைக்கு அவர்கள் காத்திராமல்,	சங் 78:11 யாத் 15:17 யாத் 15:24 யாத் 16:2 யாத் 17:7
14	வனாந்தரத்திலே இச்சையுள்ளவர்களாகி, அவாந்தரவெளியிலே தேவனைப் பரீட்சைபார்த்தார்கள்.	சங் 78:18 சங் 78:30 எண் 11:4 எண் 11:33 எண் 11:34 உபா 9:22 1கொரி 10:6
15	அப்பொழுது அவர்கள் கேட்டதை அவர்களுக்குக் கொடுத்தார், அவர்கள் ஆத்துமாக்களிலோ இளைப்பை அனுப்பினார்.	சங் 78:29-31 எண் 11:31-34 ஏசா 10:16 ஏசா 24:16
16	பாளயத்தில் அவர்கள் மோசேயின்மேலும், கர்த்தருடைய பரிசுத்தனாகிய ஆரோனின்மேலும் பொறாமைகொண்டார்கள்.	எண் 16:1 எண் 16:3-50
17	பூமி பிளந்து தாத்தானை விழுங்கி, அபிராமின் கூட்டத்தை மூடிப்போட்டது.	எண் 16:29-33 எண் 26:10 உபா 11:6
18	அவர்கள் கூட்டத்தில் அக்கினி பற்றியெரிந்தது; அக்கினி ஜூவாலை துன்மார்க்கரை எரித்துப்போட்டது.	எண் 16:35-40 எண் 16:46-40 எபிரெ 12:29
19	அவர்கள் ஓரேபிலே ஒரு கன்றுக்குட்டியையுண்டாக்கி, வார்ப்பிக்கப்பட்ட விக்கிரகத்தை நமஸ்கரித்தார்கள்.	யாத் 32:4-8 யாத் 32:35-8 உபா 9:12-16 உபா 9:21-16 நெகே 9:18 1கொரி 10:7
20	தங்கள் மகிமையைப் புல்லைத் தின்கிற மாட்டின் சாயலாக மாற்றினார்கள்.	சங் 89:17 எரே 2:11 ரோம 1:22 ரோம 1:23
21	எகிப்திலே பெரிய கிரியைகளையும், காமின் தேசத்திலே அதிசயங்களையும், சிவந்த சமுத்திரத்தண்டையிலே பயங்கரமானவைகளையும் செய்தவராகிய,	சங் 106:13 சங் 78:11 சங் 78:12 சங் 78:42-51 உபா 32:17 உபா 32:18 எரே 2:32
22	தங்கள் இரட்சகரான தேவனை மறந்தார்கள்.	சங் 78:51 சங் 105:23 சங் 105:27-36
23	ஆகையால், அவர்களை நாசம்பண்ணுவேன் என்றார்; அப்பொழுது அவரால் தெரிந்துகொள்ளப்பட்ட மோசே, அவர்களை அவர் அழிக்காதபடிக்கு, அவருடைய உக்கிரத்தை ஆற்றும்பொருட்டு, அவருக்கு முன்பாகத் திறப்பின் வாயிலே நின்றான்.	யாத் 32:10 யாத் 32:11 யாத் 32:32 உபா 9:13 உபா 9:14 உபா 9:19 உபா 9:25 உபா 10:10 எசே 20:13 எசே 20:14
24	அவருடைய வார்த்தையை விசுவாசியாமல், இச்சிக்கப்படத்தக்க தேசத்தை அசட்டைபண்ணினார்கள்.	ஆதி 25:34 எண் 13:32 எண் 14:31 மத் 22:5 எபிரெ 12:16
25	கர்த்தருடைய சத்தத்திற்குச் செவிகொடாமல், தங்கள் கூடாரங்களில் முறுமுறுத்தார்கள்.	எண் 14:1-4 எண் 14:27-29 உபா 1:26 உபா 1:27
26	அப்பொழுது அவர்கள் வனாந்தரத்திலே மடியவும், அவர்கள் சந்ததி ஜாதிகளுக்குள்ளே அழியவும்,	சங் 95:11 எண் 14:28-35 உபா 1:34 உபா 1:35 எபிரெ 3:11 எபிரெ 3:18
27	அவர்கள் பற்பல தேசங்களிலே சிதறடிக்கப்படவும், அவர்களுக்கு விரோதமாகத் தம்முடைய கையை எடுத்தார்.	சங் 44:11 லேவி 26:33 உபா 4:26 உபா 4:27 உபா 28:37 உபா 28:64 உபா 28:65 உபா 32:26 உபா 32:27 எசே 20:23
28	அவர்கள் பாகால்பேயோரைப் பற்றிக்கொண்டு, ஜீவனில்லாதவைகளுக்கு இட்ட பலிகளைப் புசித்து,	எண் 25:1-3 எண் 25:5-3 எண் 31:16 உபா 4:3 உபா 32:17 யோசு 22:17 ஓசி 9:10 வெளிப் 2:14
29	தங்கள் கிரியைகளினால் அவருக்குக் கோபம் மூட்டினார்கள்; ஆகையால் வாதை அவர்களுக்குள் புகுந்தது.	சங் 106:39 சங் 99:8 உபா 32:16-21 பிரச 7:29 ரோம 1:21-24
30	அப்பொழுது பினெகாஸ் எழுந்து நின்று நியாயஞ்செய்தான்; அதினால் வாதை நிறுத்தப்பட்டது.	எண் 25:6-8 எண் 25:14-8 எண் 25:15-8 உபா 13:9-11 உபா 13:15-17 யோசு 7:12 1இரா 18:40 1இரா 18:41 யோனா 1:12-15
31	அது தலைமுறை தலைமுறையாக என்றைக்கும் அவனுக்கு நீதியாக எண்ணப்பட்டது.	எண் 25:11-13 உபா 24:13 மாற் 14:3-9
32	மேரிபாவின் தண்ணீர்களிடத்திலும் அவருக்குக் கடுங்கோபம் மூட்டினார்கள்; அவர்கள் நிமித்தம் மோசேக்கும் பொல்லாப்பு வந்தது.	சங் 78:40 சங் 81:7 எண் 20:2 எண் 20:6 எண் 20:13
33	அவர்கள் அவன் ஆவியை விசனப்படுத்தினதினாலே, தன் உதடுகளினால் பதறிப்பேசினான்.	எண் 20:10 எண் 20:11
34	கர்த்தர் தங்களுக்குச் சொன்னபடி, அவர்கள் அந்த ஜனங்களை அழிக்கவில்லை.	யோசு 15:63 யோசு 16:10 யோசு 17:12-16 யோசு 23:12 யோசு 23:13 நியா 1:19 நியா 1:21 நியா 1:27-35 மத் 17:19-21
35	ஜாதிகளுடனே கலந்து, அவர்கள் கிரியைகளைக் கற்று;	யோசு 15:63 நியா 1:27-36 நியா 2:2 நியா 2:3
36	அவர்களுடைய விக்கிரகங்களைச் சேவித்தார்கள்; அவைகள் அவர்களுக்குக் கண்ணியாயிற்று.	சங் 78:58 யாத் 34:15 யாத் 34:16 நியா 2:12 நியா 2:13 நியா 2:17 நியா 2:19 நியா 3:5-7 நியா 10:6 2இரா 17:8-11 2இரா 17:16-11 2இரா 17:17-11 2நாளா 33:2-9 எசே 16:15-63 எசே 20:28-32
37	அவர்கள் தங்கள் குமாரரையும் தங்கள் குமாரத்திகளையும் பிசாசுகளுக்குப் பலியிட்டார்கள்.	உபா 12:30 உபா 12:31 உபா 18:10 2இரா 16:3 2இரா 17:17 2இரா 21:6 ஏசா 57:5 எரே 7:31 எரே 32:35 எசே 16:20 எசே 16:21 எசே 20:26 எசே 23:37 எசே 23:47
38	அவர்கள் கானான் தேசத்து விக்கிரகங்களுக்குப் பலியிட்டு, தங்கள் குமாரர் குமாரத்திகளுடைய குற்றமில்லாத இரத்தத்தைச் சிந்தினார்கள்; தேசம் இரத்தத்தால் தீட்டுப்பட்டது.	உபா 21:9 2இரா 21:16 2இரா 24:4 எரே 2:34
39	அவர்கள் தங்கள் கிரியைகளினால் அசுத்தமாகி, தங்கள் செய்கைகளினால் சோரம்போனார்கள்.	ஏசா 24:5 ஏசா 24:6 ஏசா 59:3 எசே 20:18 எசே 20:30 எசே 20:31 எசே 20:43
40	அதினால் கர்த்தருடைய கோபம் தமது ஜனத்தின்மேல் மூண்டது; அவர் தமது சுதந்தரத்தை அருவருத்தார்.	சங் 78:59-62 நியா 2:14 நியா 2:20 நியா 3:8 நெகே 9:27-38
41	அவர்களை ஜாதிகளுடைய கையில் ஒப்புக்கொடுத்தார்; அவர்களுடைய பகைஞர் அவர்களை ஆண்டார்கள்.	உபா 32:30 நியா 2:14 நியா 3:8 நியா 3:12 நியா 4:1 நியா 4:2 நியா 6:1-6 நியா 10:7-18 நெகே 9:27-38
42	அவர்களுடைய சத்துருக்கள் அவர்களை ஒடுக்கினார்கள்; அவர்களுடைய கையின்கீழ்த் தாழ்த்தப்பட்டார்கள்.
43	அநேகந்தரம் அவர்களை விடுவித்தார்; அவர்களோ தங்கள் யோசனையினால் அவருக்கு விரோதமாய்க் கலகம்பண்ணி, தங்களுடைய அக்கிரமத்தினால் சிறுமைப்படுத்தப்பட்டார்கள்.	நியா 2:16-18 1சாமு 12:9-11
44	அவர்கள் கூப்பிடுதலை அவர் கேட்கும்போதோ, அவர்களுக்கு உண்டான இடுக்கத்தை அவர் கண்ணோக்கி,	நியா 2:18 நியா 3:9 நியா 4:3 நியா 6:6-10 நியா 10:10-16 1சாமு 7:8-12 2இரா 14:26 2இரா 14:27 நெகே 9:27-38
45	அவர்களுக்காகத் தமது உடன்படிக்கையை நினைத்து, தமது மிகுந்த கிருபையின்படி மனஸ்தாபப்பட்டு,	சங் 105:8 லேவி 26:40-42 2இரா 13:23 லூக் 1:71 லூக் 1:72
46	அவர்களைச் சிறைபிடித்த யாவரும் அவர்களுக்கு இரங்கும்படி செய்தார்.	1இரா 8:50 எஸ்றா 9:9 எரே 15:11 எரே 42:12
47	எங்கள் தேவனாகிய கர்த்தாவே, நாங்கள் உமது பரிசுத்த நாமத்தைப் போற்றி, உம்மைத் துதிக்கிறதில் மேன்மைபாராட்டும்படி எங்களை இரட்சித்து, எங்களை ஜாதிகளிலிருந்து சேர்த்தருளும்.	சங் 14:7 சங் 126:1 1நாளா 16:35
48	இஸ்ரவேலின் தேவனாகிய கர்த்தர் அநாதியாய் என்றென்றைக்கும் ஸ்தோத்திரிக்கப்படத்தக்கவர். ஜனங்களெல்லாரும்: ஆமென், அல்லேலூயா, என்பார்களாக.	சங் 41:13 சங் 72:18 சங் 72:19 சங் 89:52 1நாளா 29:10 1கொரி 14:16